ಸಕೃಚ್ಛ್ರವಣಮಾತ್ರೇಣ ಬ್ರಹ್ಮಜ್ಞಾನಂ ಯತೋ ಭವೇತ್ ।
ಬ್ರಹ್ಮಜ್ಞಾನಾವಲೀಮಾಲಾ ಸರ್ವೇಷಾಂ ಮೋಕ್ಷಸಿದ್ಧಯೇ ॥ 1॥
ಬ್ರಹ್ಮಜ್ಞಾನಾವಲೀಮಾಲಾ ಸರ್ವೇಷಾಂ ಮೋಕ್ಷಸಿದ್ಧಯೇ ॥ 1॥
ಅಸಙ್ಗೋಽಹಮಸಙ್ಗೋಽಹಮಸಙ್ಗೋಽಹಂ ಪುನಃ ಪುನಃ ।
ಸಚ್ಚಿದಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 2॥
ಸಚ್ಚಿದಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 2॥
ನಿತ್ಯಶುದ್ಧವಿಮುಕ್ತೋಽಹಂ ನಿರಾಕಾರೋಽಹಮವ್ಯಯಃ ।
ಭೂಮಾನನ್ದಸ್ವರೂಪೋಽಹಮಹಮೇವಾಹಮವ್ಯಯಃ ॥ 3॥
ಭೂಮಾನನ್ದಸ್ವರೂಪೋಽಹಮಹಮೇವಾಹಮವ್ಯಯಃ ॥ 3॥
ನಿತ್ಯೋಽಹಂ ನಿರವದ್ಯೋಽಹಂ ನಿರಾಕಾರೋಽಹಮುಚ್ಯತೇ ।
ಪರಮಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 4॥
ಪರಮಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 4॥
ಶುದ್ಧಚೈತನ್ಯರೂಪೋಽಹಮಾತ್ಮಾರಾಮೋಽಹಮೇವ ಚ ।
ಅಖಣ್ಡಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 5॥
ಅಖಣ್ಡಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 5॥
ಪ್ರತ್ಯಕ್ಚೈತನ್ಯರೂಪೋಽಹಂ ಶಾನ್ತೋಽಹಂ ಪ್ರಕೃತೇಃ ಪರಃ ।
ಶಾಶ್ವತಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 6॥
ಶಾಶ್ವತಾನನ್ದರೂಪೋಽಹಮಹಮೇವಾಹಮವ್ಯಯಃ ॥ 6॥
ತತ್ತ್ವಾತೀತಃ ಪರಾತ್ಮಾಹಂ ಮಧ್ಯಾತೀತಃ ಪರಃ ಶಿವಃ ।
ಮಾಯಾತೀತಃ ಪರಞ್ಜ್ಯೋತಿರಹಮೇವಾಹಮವ್ಯಯಃ ॥ 7॥
ಮಾಯಾತೀತಃ ಪರಞ್ಜ್ಯೋತಿರಹಮೇವಾಹಮವ್ಯಯಃ ॥ 7॥
ನಾನಾರೂಪವ್ಯತೀತೋಽಹಂ ಚಿದಾಕಾರೋಽಹಮಚ್ಯುತಃ ।
ಸುಖರೂಪಸ್ವರೂಪೋಽಹಮಹಮೇವಾಹಮವ್ಯಯಃ ॥ 8॥
ಸುಖರೂಪಸ್ವರೂಪೋಽಹಮಹಮೇವಾಹಮವ್ಯಯಃ ॥ 8॥
ಮಾಯಾತತ್ಕಾರ್ಯದೇಹಾದಿ ಮಮ ನಾಸ್ತ್ಯೇವ ಸರ್ವದಾ ।
ಸ್ವಪ್ರಕಾಶೈಕರೂಪೋಽಹಮಹಮೇವಾಹಮವ್ಯಯಃ ॥ 9॥
ಸ್ವಪ್ರಕಾಶೈಕರೂಪೋಽಹಮಹಮೇವಾಹಮವ್ಯಯಃ ॥ 9॥
ಗುಣತ್ರಯವ್ಯತೀತೋಽಹಂ ಬ್ರಹ್ಮಾದೀನಾಂ ಚ ಸಾಕ್ಷ್ಯಹಮ್ ।
ಅನನ್ತಾನನ್ತರೂಪೋಽಹಮಹಮೇವಾಹಮವ್ಯಯಃ ॥ 10॥
ಅನನ್ತಾನನ್ತರೂಪೋಽಹಮಹಮೇವಾಹಮವ್ಯಯಃ ॥ 10॥
ಅನ್ತರ್ಯಾಮಿಸ್ವರೂಪೋಽಹಂ ಕೂಟಸ್ಥಃ ಸರ್ವಗೋಽಸ್ಮ್ಯಹಮ್ ।
ಪರಮಾತ್ಮಸ್ವರೂಪೋಽಹಮಹಮೇವಾಹಮವ್ಯಯಃ ॥ 11॥
ಪರಮಾತ್ಮಸ್ವರೂಪೋಽಹಮಹಮೇವಾಹಮವ್ಯಯಃ ॥ 11॥
ನಿಷ್ಕಲೋಽಹಂ ನಿಷ್ಕ್ರಿಯೋಽಹಂ ಸರ್ವಾತ್ಮಾದ್ಯಃ ಸನಾತನಃ ।
ಅಪರೋಕ್ಷಸ್ವರೂಪೋಽಹಮಹಮೇವಾಹಮವ್ಯಯಃ ॥ 12॥
ಅಪರೋಕ್ಷಸ್ವರೂಪೋಽಹಮಹಮೇವಾಹಮವ್ಯಯಃ ॥ 12॥
ದ್ವನ್ದ್ವಾದಿಸಾಕ್ಷಿರೂಪೋಽಹಮಚಲೋಽಹಂ ಸನಾತನಃ ।
ಸರ್ವಸಾಕ್ಷಿಸ್ವರೂಪೋಽಹಮಹಮೇವಾಹಮವ್ಯಯಃ ॥ 13॥
ಸರ್ವಸಾಕ್ಷಿಸ್ವರೂಪೋಽಹಮಹಮೇವಾಹಮವ್ಯಯಃ ॥ 13॥
ಪ್ರಜ್ಞಾನಘನ ಏವಾಹಂ ವಿಜ್ಞಾನಘನ ಏವ ಚ ।
ಅಕರ್ತಾಹಮಭೋಕ್ತಾಹಮಹಮೇವಾಹಮವ್ಯಯಃ ॥ 14॥
ಅಕರ್ತಾಹಮಭೋಕ್ತಾಹಮಹಮೇವಾಹಮವ್ಯಯಃ ॥ 14॥
ನಿರಾಧಾರಸ್ವರೂಪೋಽಹಂ ಸರ್ವಾಧಾರೋಽಹಮೇವ ಚ ।
ಆಪ್ತಕಾಮಸ್ವರೂಪೋಽಹಮಹಮೇವಾಹಮವ್ಯಯಃ ॥ 15॥
ಆಪ್ತಕಾಮಸ್ವರೂಪೋಽಹಮಹಮೇವಾಹಮವ್ಯಯಃ ॥ 15॥
ತಾಪತ್ರಯವಿನಿರ್ಮುಕ್ತೋ ದೇಹತ್ರಯವಿಲಕ್ಷಣಃ ।
ಅವಸ್ಥಾತ್ರಯಸಾಕ್ಷ್ಯಸ್ಮಿ ಚಾಹಮೇವಾಹಮವ್ಯಯಃ ॥ 16॥
ಅವಸ್ಥಾತ್ರಯಸಾಕ್ಷ್ಯಸ್ಮಿ ಚಾಹಮೇವಾಹಮವ್ಯಯಃ ॥ 16॥
ದೃಗ್ದೃಶ್ಯೌ ದ್ವೌ ಪದಾರ್ಥೌ ಸ್ತಃ ಪರಸ್ಪರವಿಲಕ್ಷಣೌ ।
ದೃಗ್ಬ್ರಹ್ಮ ದೃಶ್ಯಂ ಮಾಯೇತಿ ಸರ್ವವೇದಾನ್ತಡಿಣ್ಡಿಮಃ ॥ 17॥
ದೃಗ್ಬ್ರಹ್ಮ ದೃಶ್ಯಂ ಮಾಯೇತಿ ಸರ್ವವೇದಾನ್ತಡಿಣ್ಡಿಮಃ ॥ 17॥
ಅಹಂ ಸಾಕ್ಷೀತಿ ಯೋ ವಿದ್ಯಾದ್ವಿವಿಚ್ಯೈವಂ ಪುನಃ ಪುನಃ ।
ಸ ಏವ ಮುಕ್ತಃ ಸೋ ವಿದ್ವಾನಿತಿ ವೇದಾನ್ತಡಿಣ್ಡಿಮಃ ॥ 18॥
ಸ ಏವ ಮುಕ್ತಃ ಸೋ ವಿದ್ವಾನಿತಿ ವೇದಾನ್ತಡಿಣ್ಡಿಮಃ ॥ 18॥
ಘಟಕುಡ್ಯಾದಿಕಂ ಸರ್ವಂ ಮೃತ್ತಿಕಾಮಾತ್ರಮೇವ ಚ ।
ತದ್ವದ್ಬ್ರಹ್ಮ ಜಗತ್ಸರ್ವಮಿತಿ ವೇದಾನ್ತಡಿಣ್ಡಿಮಃ ॥ 19॥
ತದ್ವದ್ಬ್ರಹ್ಮ ಜಗತ್ಸರ್ವಮಿತಿ ವೇದಾನ್ತಡಿಣ್ಡಿಮಃ ॥ 19॥
ಬ್ರಹ್ಮ ಸತ್ಯಂ ಜಗನ್ಮಿಥ್ಯಾ ಜೀವೋ ಬ್ರಹ್ಮೈವ ನಾಪರಃ ।
ಅನೇನ ವೇದ್ಯಂ ಸಚ್ಛಾಸ್ತ್ರಮಿತಿ ವೇದಾನ್ತಡಿಣ್ಡಿಮಃ ॥ 20॥
ಅನೇನ ವೇದ್ಯಂ ಸಚ್ಛಾಸ್ತ್ರಮಿತಿ ವೇದಾನ್ತಡಿಣ್ಡಿಮಃ ॥ 20॥
ಅನ್ತರ್ಜ್ಯೋತಿರ್ಬಹಿರ್ಜ್ಯೋತಿಃ ಪ್ರತ್ಯಗ್ಜ್ಯೋತಿಃ ಪರಾತ್ಪರಃ ।
ಜ್ಯೋತಿರ್ಜ್ಯೋತಿಃ ಸ್ವಯಞ್ಜ್ಯೋತಿರಾತ್ಮಜ್ಯೋತಿಃ ಶಿವೋಽಸ್ಮ್ಯಹಮ್ ॥ 21॥
ಜ್ಯೋತಿರ್ಜ್ಯೋತಿಃ ಸ್ವಯಞ್ಜ್ಯೋತಿರಾತ್ಮಜ್ಯೋತಿಃ ಶಿವೋಽಸ್ಮ್ಯಹಮ್ ॥ 21॥
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಙ್ಕರಭಗವತಃ ಕೃತೌ
ಬ್ರಹ್ಮಜ್ಞಾನಾವಲೀಮಾಲಾ ಸಮ್ಪೂರ್ಣಾ ॥