அஷ்டாவக்ர கீதா பஞ்சமோऽத்யாயஃ

ந தே ஸங்கோऽஸ்தி கேநாபி கிம் ஶுத்தஸ்த்யக்துமிச்சஸி ।

ஸங்காதவிலயம் குர்வந்நேவமேவ லயம் வ்ரஜ ॥ 5-1॥
உதேதி பவதோ விஶ்வம் வாரிதேரிவ புத்புதஃ ।

இதி ஜ்ஞாத்வைகமாத்மாநமேவமேவ லயம் வ்ரஜ ॥ 5-2॥
ப்ரத்யக்ஷமப்யவஸ்துத்வாத் விஶ்வம் நாஸ்த்யமலே த்வயி ।

ரஜ்ஜுஸர்ப இவ வ்யக்தமேவமேவ லயம் வ்ரஜ ॥ 5-3॥
ஸமதுஃகஸுகஃ பூர்ண ஆஶாநைராஶ்யயோஃ ஸமஃ ।

ஸமஜீவிதம்ரு'த்யுஃ ஸந்நேவமேவ லயம் வ்ரஜ ॥ 5-4॥