অষ্টাবক্র গীতা পঞ্চমোঽধ্যাযঃ

ন তে সঙ্গোঽস্তি কেনাপি কিং শুদ্ধস্ত্যক্তুমিচ্ছসি ।

সঙ্ঘাতবিলযং কুর্বন্নেবমেব লযং ব্রজ ॥ 5-1॥
উদেতি ভবতো বিশ্বং বারিধেরিব বুদ্বুদঃ ।

ইতি জ্ঞাত্বৈকমাত্মানমেবমেব লযং ব্রজ ॥ 5-2॥
প্রত্যক্ষমপ্যবস্তুত্বাদ্ বিশ্বং নাস্ত্যমলে ত্বযি ।

রজ্জুসর্প ইব ব্যক্তমেবমেব লযং ব্রজ ॥ 5-3॥
সমদুঃখসুখঃ পূর্ণ আশানৈরাশ্যযোঃ সমঃ ।

সমজীবিতমৃত্যুঃ সন্নেবমেব লযং ব্রজ ॥ 5-4॥