અષ્ટાવક્ર ગીતા ચતુર્થોઽધ્યાયઃ

હન્તાત્મજ્ઞાનસ્ય ધીરસ્ય ખેલતો ભોગલીલયા ।

ન હિ સંસારવાહીકૈર્મૂઢૈઃ સહ સમાનતા ॥ 4-1॥
યત્ પદં પ્રેપ્સવો દીનાઃ શક્રાદ્યાઃ સર્વદેવતાઃ ।

અહો તત્ર સ્થિતો યોગી ન હર્ષમુપગચ્છતિ ॥ 4-2॥
તજ્જ્ઞસ્ય પુણ્યપાપાભ્યાં સ્પર્શો હ્યન્તર્ન જાયતે ।

ન હ્યાકાશસ્ય ધૂમેન દૃશ્યમાનાપિ સઙ્ગતિઃ ॥ 4-3॥
આત્મૈવેદં જગત્સર્વં જ્ઞાતં યેન મહાત્મના ।

યદૃચ્છયા વર્તમાનં તં નિષેદ્ધું ક્ષમેત કઃ ॥ 4-4॥
આબ્રહ્મસ્તમ્બપર્યન્તે ભૂતગ્રામે ચતુર્વિધે ।

વિજ્ઞસ્યૈવ હિ સામર્થ્યમિચ્છાનિચ્છાવિવર્જને ॥ 4-5॥
આત્માનમદ્વયં કશ્ચિજ્જાનાતિ જગદીશ્વરમ્ ।

યદ્ વેત્તિ તત્સ કુરુતે ન ભયં તસ્ય કુત્રચિત્ ॥ 4-6॥