জনক উবাচ ॥
অহো নিরঞ্জনঃ শান্তো বোধোঽহং প্রকৃতেঃ পরঃ ।
এতাবন্তমহং কালং মোহেনৈব বিডম্বিতঃ ॥ 2-1॥
যথা প্রকাশযাম্যেকো দেহমেনং তথা জগত্ ।
যথা প্রকাশযাম্যেকো দেহমেনং তথা জগত্ ।
অতো মম জগত্সর্বমথবা ন চ কিঞ্চন ॥ 2-2॥
স শরীরমহো বিশ্বং পরিত্যজ্য মযাধুনা ।
স শরীরমহো বিশ্বং পরিত্যজ্য মযাধুনা ।
কুতশ্চিত্ কৌশলাদ্ এব পরমাত্মা বিলোক্যতে ॥ 2-3॥
যথা ন তোযতো ভিন্নাস্তরঙ্গাঃ ফেনবুদ্বুদাঃ ।
যথা ন তোযতো ভিন্নাস্তরঙ্গাঃ ফেনবুদ্বুদাঃ ।
আত্মনো ন তথা ভিন্নং বিশ্বমাত্মবিনির্গতম্ ॥ 2-4॥
তন্তুমাত্রো ভবেদ্ এব পটো যদ্বদ্ বিচারিতঃ ।
তন্তুমাত্রো ভবেদ্ এব পটো যদ্বদ্ বিচারিতঃ ।
আত্মতন্মাত্রমেবেদং তদ্বদ্ বিশ্বং বিচারিতম্ ॥ 2-5॥
যথৈবেক্ষুরসে ক্লৃপ্তা তেন ব্যাপ্তৈব শর্করা ।
যথৈবেক্ষুরসে ক্লৃপ্তা তেন ব্যাপ্তৈব শর্করা ।
তথা বিশ্বং মযি ক্লৃপ্তং মযা ব্যাপ্তং নিরন্তরম্ ॥ 2-6॥
আত্মাজ্ঞানাজ্জগদ্ভাতি আত্মজ্ঞানান্ন ভাসতে ।
আত্মাজ্ঞানাজ্জগদ্ভাতি আত্মজ্ঞানান্ন ভাসতে ।
রজ্জ্বজ্ঞানাদহির্ভাতি তজ্জ্ঞানাদ্ ভাসতে ন হি ॥ 2-7॥
প্রকাশো মে নিজং রূপং নাতিরিক্তোঽস্ম্যহং ততঃ ।
প্রকাশো মে নিজং রূপং নাতিরিক্তোঽস্ম্যহং ততঃ ।
যদা প্রকাশতে বিশ্বং তদাহং ভাস এব হি ॥ 2-8॥
অহো বিকল্পিতং বিশ্বমজ্ঞানান্মযি ভাসতে ।
অহো বিকল্পিতং বিশ্বমজ্ঞানান্মযি ভাসতে ।
রূপ্যং শুক্তৌ ফণী রজ্জৌ বারি সূর্যকরে যথা ॥ 2-9॥
মত্তো বিনির্গতং বিশ্বং ময্যেব লযমেষ্যতি ।
মত্তো বিনির্গতং বিশ্বং ময্যেব লযমেষ্যতি ।
মৃদি কুম্ভো জলে বীচিঃ কনকে কটকং যথা ॥ 2-10॥
অহো অহং নমো মহ্যং বিনাশো যস্য নাস্তি মে ।
অহো অহং নমো মহ্যং বিনাশো যস্য নাস্তি মে ।
ব্রহ্মাদিস্তম্বপর্যন্তং জগন্নাশেঽপি তিষ্ঠতঃ ॥ 2-11॥
অহো অহং নমো মহ্যমেকোঽহং দেহবানপি ।
অহো অহং নমো মহ্যমেকোঽহং দেহবানপি ।
ক্বচিন্ন গন্তা নাগন্তা ব্যাপ্য বিশ্বমবস্থিতঃ ॥ 2-12॥
অহো অহং নমো মহ্যং দক্ষো নাস্তীহ মত্সমঃ ।
অহো অহং নমো মহ্যং দক্ষো নাস্তীহ মত্সমঃ ।
অসংস্পৃশ্য শরীরেণ যেন বিশ্বং চিরং ধৃতম্ ॥ 2-13॥
অহো অহং নমো মহ্যং যস্য মে নাস্তি কিঞ্চন ।
অহো অহং নমো মহ্যং যস্য মে নাস্তি কিঞ্চন ।
অথবা যস্য মে সর্বং যদ্ বাঙ্মনসগোচরম্ ॥ 2-14॥
জ্ঞানং জ্ঞেযং তথা জ্ঞাতা ত্রিতযং নাস্তি বাস্তবম্ ।
জ্ঞানং জ্ঞেযং তথা জ্ঞাতা ত্রিতযং নাস্তি বাস্তবম্ ।
অজ্ঞানাদ্ ভাতি যত্রেদং সোঽহমস্মি নিরঞ্জনঃ ॥ 2-15॥
দ্বৈতমূলমহো দুঃখং নান্যত্তস্যাঽস্তি ভেষজম্ ।
দ্বৈতমূলমহো দুঃখং নান্যত্তস্যাঽস্তি ভেষজম্ ।
দৃশ্যমেতন্ মৃষা সর্বমেকোঽহং চিদ্রসোমলঃ ॥ 2-16॥
বোধমাত্রোঽহমজ্ঞানাদ্ উপাধিঃ কল্পিতো মযা ।
বোধমাত্রোঽহমজ্ঞানাদ্ উপাধিঃ কল্পিতো মযা ।
এবং বিমৃশতো নিত্যং নির্বিকল্পে স্থিতির্মম ॥ 2-17॥
ন মে বন্ধোঽস্তি মোক্ষো বা ভ্রান্তিঃ শান্তা নিরাশ্রযা ।
ন মে বন্ধোঽস্তি মোক্ষো বা ভ্রান্তিঃ শান্তা নিরাশ্রযা ।
অহো মযি স্থিতং বিশ্বং বস্তুতো ন মযি স্থিতম্ ॥ 2-18॥
সশরীরমিদং বিশ্বং ন কিঞ্চিদিতি নিশ্চিতম্ ।
সশরীরমিদং বিশ্বং ন কিঞ্চিদিতি নিশ্চিতম্ ।
শুদ্ধচিন্মাত্র আত্মা চ তত্কস্মিন্ কল্পনাধুনা ॥ 2-19॥
শরীরং স্বর্গনরকৌ বন্ধমোক্ষৌ ভযং তথা ।
শরীরং স্বর্গনরকৌ বন্ধমোক্ষৌ ভযং তথা ।
কল্পনামাত্রমেবৈতত্ কিং মে কার্যং চিদাত্মনঃ ॥ 2-20॥
অহো জনসমূহেঽপি ন দ্বৈতং পশ্যতো মম ।
অহো জনসমূহেঽপি ন দ্বৈতং পশ্যতো মম ।
অরণ্যমিব সংবৃত্তং ক্ব রতিং করবাণ্যহম্ ॥ 2-21॥
নাহং দেহো ন মে দেহো জীবো নাহমহং হি চিত্ ।
নাহং দেহো ন মে দেহো জীবো নাহমহং হি চিত্ ।
অযমেব হি মে বন্ধ আসীদ্যা জীবিতে স্পৃহা ॥ 2-22॥
অহো ভুবনকল্লোলৈর্বিচিত্রৈর্দ্রাক্ সমুত্থিতম্ ।
অহো ভুবনকল্লোলৈর্বিচিত্রৈর্দ্রাক্ সমুত্থিতম্ ।
ময্যনন্তমহাম্ভোধৌ চিত্তবাতে সমুদ্যতে ॥ 2-23॥
ময্যনন্তমহাম্ভোধৌ চিত্তবাতে প্রশাম্যতি ।
ময্যনন্তমহাম্ভোধৌ চিত্তবাতে প্রশাম্যতি ।
অভাগ্যাজ্জীববণিজো জগত্পোতো বিনশ্বরঃ ॥ 2-24॥
ময্যনন্তমহাম্ভোধাবাশ্চর্যং জীববীচযঃ ।
ময্যনন্তমহাম্ভোধাবাশ্চর্যং জীববীচযঃ ।
উদ্যন্তি ঘ্নন্তি খেলন্তি প্রবিশন্তি স্বভাবতঃ ॥ 2-25॥