(শ্রীমহাভারতে ভীষ্মপর্বণি পঞ্চষষ্টিতমোঽধ্যাযে শ্লো: 47)
বিশ্বাবসুর্বিশ্বমূর্তির্বিশ্বেশো
বিষ্বক্সেনো বিশ্বকর্মা বশী চ ।
বিশ্বেশ্বরো বাসুদেবোঽসি তস্মা-
-দ্যোগাত্মানং দৈবতং ত্বামুপৈমি ॥ 47 ॥
বিশ্বাবসুর্বিশ্বমূর্তির্বিশ্বেশো
বিষ্বক্সেনো বিশ্বকর্মা বশী চ ।
বিশ্বেশ্বরো বাসুদেবোঽসি তস্মা-
-দ্যোগাত্মানং দৈবতং ত্বামুপৈমি ॥ 47 ॥
জয বিশ্ব মহাদেব জয লোকহিতেরত ।
জয যোগীশ্বর বিভো জয যোগপরাবর ॥ 48 ॥
জয যোগীশ্বর বিভো জয যোগপরাবর ॥ 48 ॥
পদ্মগর্ভ বিশালাক্ষ জয লোকেশ্বরেশ্বর ।
ভূতভব্যভবন্নাথ জয সৌম্যাত্মজাত্মজ ॥ 49 ॥
ভূতভব্যভবন্নাথ জয সৌম্যাত্মজাত্মজ ॥ 49 ॥
অসঙ্খ্যেযগুণাধার জয সর্বপরাযণ ।
নারাযণ সুদুষ্পার জয শার্ঙ্গধনুর্ধর ॥ 50 ॥
নারাযণ সুদুষ্পার জয শার্ঙ্গধনুর্ধর ॥ 50 ॥
জয সর্বগুণোপেত বিশ্বমূর্তে নিরাময ।
বিশ্বেশ্বর মহাবাহো জয লোকার্থতত্পর ॥ 51 ॥
বিশ্বেশ্বর মহাবাহো জয লোকার্থতত্পর ॥ 51 ॥
মহোরগবরাহাদ্য হরিকেশ বিভো জয ।
হরিবাস দিশামীশ বিশ্বাবাসামিতাব্যয ॥ 52 ॥
হরিবাস দিশামীশ বিশ্বাবাসামিতাব্যয ॥ 52 ॥
ব্যক্তাব্যক্তামিতস্থান নিযতেন্দ্রিয সত্ক্রিয ।
অসঙ্খ্যেযাত্মভাবজ্ঞ জয গম্ভীরকামদ ॥ 53 ॥
অসঙ্খ্যেযাত্মভাবজ্ঞ জয গম্ভীরকামদ ॥ 53 ॥
অনন্তবিদিত ব্রহ্মন্ নিত্যভূতবিভাবন ।
কৃতকার্য কৃতপ্রজ্ঞ ধর্মজ্ঞ বিজযাবহ ॥ 54 ॥
কৃতকার্য কৃতপ্রজ্ঞ ধর্মজ্ঞ বিজযাবহ ॥ 54 ॥
গুহ্যাত্মন্ সর্বযোগাত্মন্ স্ফুট সম্ভূত সম্ভব ।
ভূতাদ্য লোকতত্ত্বেশ জয ভূতবিভাবন ॥ 55 ॥
ভূতাদ্য লোকতত্ত্বেশ জয ভূতবিভাবন ॥ 55 ॥
আত্মযোনে মহাভাগ কল্পসঙ্ক্ষেপতত্পর ।
উদ্ভাবনমনোভাব জয ব্রহ্মজনপ্রিয ॥ 56 ॥
উদ্ভাবনমনোভাব জয ব্রহ্মজনপ্রিয ॥ 56 ॥
নিসর্গসর্গনিরত কামেশ পরমেশ্বর ।
অমৃতোদ্ভব সদ্ভাব মুক্তাত্মন্ বিজযপ্রদ ॥ 57 ॥
অমৃতোদ্ভব সদ্ভাব মুক্তাত্মন্ বিজযপ্রদ ॥ 57 ॥
প্রজাপতিপতে দেব পদ্মনাভ মহাবল ।
আত্মভূত মহাভূত সত্বাত্মন্ জয সর্বদা ॥ 58 ॥
আত্মভূত মহাভূত সত্বাত্মন্ জয সর্বদা ॥ 58 ॥
পাদৌ তব ধরা দেবী দিশো বাহু দিবং শিরঃ ।
মূর্তিস্তেঽহং সুরাঃ কাযশ্চন্দ্রাদিত্যৌ চ চক্ষুষী ॥ 59 ॥
মূর্তিস্তেঽহং সুরাঃ কাযশ্চন্দ্রাদিত্যৌ চ চক্ষুষী ॥ 59 ॥
বলং তপশ্চ সত্যং চ কর্ম ধর্মাত্মজং তব ।
তেজোঽগ্নিঃ পবনঃ শ্বাস আপস্তে স্বেদসম্ভবাঃ ॥ 60 ॥
তেজোঽগ্নিঃ পবনঃ শ্বাস আপস্তে স্বেদসম্ভবাঃ ॥ 60 ॥
অশ্বিনৌ শ্রবণৌ নিত্যং দেবী জিহ্বা সরস্বতী ।
বেদাঃ সংস্কারনিষ্ঠা হি ত্বযীদং জগদাশ্রিতম্ ॥ 61 ॥
বেদাঃ সংস্কারনিষ্ঠা হি ত্বযীদং জগদাশ্রিতম্ ॥ 61 ॥
ন সঙ্খ্যা ন পরীমাণং ন তেজো ন পরাক্রমম্ ।
ন বলং যোগযোগীশ জানীমস্তে ন সম্ভবম্ ॥ 62 ॥
ন বলং যোগযোগীশ জানীমস্তে ন সম্ভবম্ ॥ 62 ॥
ত্বদ্ভক্তিনিরতা দেব নিযমৈস্ত্বাং সমাশ্রিতাঃ ।
অর্চযামঃ সদা বিষ্ণো পরমেশং মহেশ্বরম্ ॥ 63 ॥
অর্চযামঃ সদা বিষ্ণো পরমেশং মহেশ্বরম্ ॥ 63 ॥
ঋষযো দেবগন্ধর্বা যক্ষরাক্ষসপন্নগাঃ ।
পিশাচা মানুষাশ্চৈব মৃগপক্ষিসরীসৃপাঃ ॥ 64 ॥
পিশাচা মানুষাশ্চৈব মৃগপক্ষিসরীসৃপাঃ ॥ 64 ॥
এবমাদি মযা সৃষ্টং পৃথিব্যাং ত্বত্প্রসাদজম্ ।
পদ্মনাভ বিশালাক্ষ কৃষ্ণ দুঃখপ্রণাশন ॥ 65 ॥
পদ্মনাভ বিশালাক্ষ কৃষ্ণ দুঃখপ্রণাশন ॥ 65 ॥
ত্বং গতিঃ সর্বভূতানাং ত্বং নেতা ত্বং জগদ্গুরুঃ ।
ত্বত্প্রসাদেন দেবেশ সুখিনো বিবুধাঃ সদা ॥ 66 ॥
ত্বত্প্রসাদেন দেবেশ সুখিনো বিবুধাঃ সদা ॥ 66 ॥
পৃথিবী নির্ভযা দেব ত্বত্প্রসাদাত্সদাঽভবত্ ।
তস্মাদ্ভব বিশালাক্ষ যদুবংশবিবর্ধনঃ ॥ 67 ॥
তস্মাদ্ভব বিশালাক্ষ যদুবংশবিবর্ধনঃ ॥ 67 ॥
ধর্মসংস্থাপনার্থায দৈত্যানাং চ বধায চ ।
জগতো ধারণার্থায বিজ্ঞাপ্যং কুরু মে প্রভো ॥ 68 ॥
জগতো ধারণার্থায বিজ্ঞাপ্যং কুরু মে প্রভো ॥ 68 ॥
যত্তত্পরমকং গুহ্যং ত্বত্প্রসাদাদিদং বিভো ।
বাসুদেব তদেতত্তে মযোদ্গীতং যথাতথম্ ॥ 69 ॥
বাসুদেব তদেতত্তে মযোদ্গীতং যথাতথম্ ॥ 69 ॥
সৃষ্ট্বা সঙ্কর্ষণং দেবং স্বযমাত্মানমাত্মনা ।
কৃষ্ণ ত্বমাত্মনো সাক্ষী প্রদ্যুম্নং চাত্মসম্ভবম্ ॥ 70 ॥
কৃষ্ণ ত্বমাত্মনো সাক্ষী প্রদ্যুম্নং চাত্মসম্ভবম্ ॥ 70 ॥
প্রদ্যুম্নাদনিরুদ্ধং ত্বং যং বিদুর্বিষ্ণুমব্যযম্ ।
অনিরুদ্ধোঽসৃজন্মাং বৈ ব্রহ্মাণং লোকধারিণম্ ॥ 71 ॥
অনিরুদ্ধোঽসৃজন্মাং বৈ ব্রহ্মাণং লোকধারিণম্ ॥ 71 ॥
বাসুদেবমযঃ সোঽহং ত্বযৈবাস্মি বিনির্মিতঃ ।
[তস্মাদ্যাচামি লোকেশ চতুরাত্মানমাত্মনা।]
বিভজ্য ভাগশোঽঽত্মানং ব্রজ মানুষতাং বিভো ॥ 72 ॥
[তস্মাদ্যাচামি লোকেশ চতুরাত্মানমাত্মনা।]
বিভজ্য ভাগশোঽঽত্মানং ব্রজ মানুষতাং বিভো ॥ 72 ॥
তত্রাসুরবধং কৃত্বা সর্বলোকসুখায বৈ ।
ধর্মং প্রাপ্য যশঃ প্রাপ্য যোগং প্রাপ্স্যসি তত্ত্বতঃ ॥ 73 ॥
ধর্মং প্রাপ্য যশঃ প্রাপ্য যোগং প্রাপ্স্যসি তত্ত্বতঃ ॥ 73 ॥
ত্বাং হি ব্রহ্মর্ষযো লোকে দেবাশ্চামিতবিক্রম ।
তৈস্তৈর্হি নামভির্যুক্তা গাযন্তি পরমাত্মকম্ ॥ 74 ॥
তৈস্তৈর্হি নামভির্যুক্তা গাযন্তি পরমাত্মকম্ ॥ 74 ॥
স্থিতাশ্চ সর্বে ত্বযি ভূতসঙ্ঘাঃ
কৃত্বাশ্রযং ত্বাং বরদং সুবাহো ।
অনাদিমধ্যান্তমপারযোগং
লোকস্য সেতুং প্রবদন্তি বিপ্রাঃ ॥ 75 ॥
কৃত্বাশ্রযং ত্বাং বরদং সুবাহো ।
অনাদিমধ্যান্তমপারযোগং
লোকস্য সেতুং প্রবদন্তি বিপ্রাঃ ॥ 75 ॥
ইতি শ্রীমহাভারতে ভীষ্মপর্বণি পঞ্চষষ্টিতমোঽধ্যাযে বাসুদেব স্তোত্রম্ ।