উদ্ধবগীতা - তৃতীযোঽধ্যাযঃ

মাযাং বেদিতুং ইচ্ছামঃ ভগবন্তঃ ব্রুবন্তু নঃ ॥ 1॥

ন অনুতৃপ্যে জুষন্ যুষ্মত্ বচঃ হরিকথা অমৃতম্ ।
সংসারতাপনিঃতপ্তঃ মর্ত্যঃ তত্ তাপ ভেষজম্ ॥ 2॥

অন্তরিক্ষঃ উবাচ।
এভিঃ ভূতানি ভূতাত্মা মহাভূতৈঃ মহাভুজ ।
সসর্জোত্ চ অবচানি আদ্যঃ স্বমাত্রপ্রসিদ্ধযে ॥ 3॥

এবং সৃষ্টানি ভূতানি প্রবিষ্টঃ পঞ্চধাতুভিঃ ।
একধা দশধা আত্মানং বিভজন্ জুষতে গুণান্ ॥ 4॥

গুণৈঃ গুণান্ সঃ ভুঞ্জানঃ আত্মপ্রদ্যোদিতৈঃ প্রভুঃ ।
মন্যমানঃ ইদং সৃষ্টং আত্মানং ইহ সজ্জতে ॥ 5॥

কর্মাণি কর্মভিঃ কুর্বন্ সনিমিত্তানি দেহভৃত্ ।
তত্ তত্ কর্মফলং গৃহ্ণন্ ভ্রমতি ইহ সুখৈতরম্ ॥ 6॥

ইত্থং কর্মগতীঃ গচ্ছন্ বহ্বভদ্রবহাঃ পুমান্ ।
আভূতসম্প্লবাত্ সর্গপ্রলযৌ অশ্নুতে অবশঃ ॥ 7॥

ধাতু উপপ্লবঃ আসন্নে ব্যক্তং দ্রব্যগুণাত্মকম্ ।
অনাদিনিধনঃ কালঃ হি অব্যক্তায অপকর্ষতি ॥ 8॥

শতবর্ষাঃ হি অনাবৃষ্টিঃ ভবিষ্যতি উল্বণা ভুবি ।
তত্ কাল উপচিত উষ্ণ অর্কঃ লোকান্ ত্রীন্ প্রতপিষ্যতি ॥9॥

পাতালতলং আরভ্য সঙ্কর্ষণমুখ অনলঃ ।
দহন্ ঊর্ধ্বশিখঃ বিষ্বক্ বর্ধতে বাযুনা ঈরিতঃ ॥ 10॥

সাংবর্তকঃ মেঘগণঃ বর্ষতি স্ম শতং সমাঃ ।
ধারাভিঃ হস্তিহস্তাভিঃ লীযতে সলিলে বিরাট্ ॥ 11॥

ততঃ বিরাজং উত্সৃজ্য বৈরাজঃ পুরুষঃ নৃপ ।
অব্যক্তং বিশতে সূক্ষ্মং নিরিন্ধনঃ ইব অনলঃ ॥ 12॥

বাযুনা হৃতগন্ধা ভূঃ সলিলত্বায কল্পতে ।
সলিলং তত্ ধৃতরসং জ্যোতিষ্ট্বায উপকল্পতে ॥ 13॥

হৃতরূপং তু তমসা বাযৌ জ্যোতিঃ প্রলীযতে ।
হৃতস্পর্শঃ অবকাশেন বাযুঃ নভসি লীযতে ।
কালাত্মনা হৃতগুণং নবঃ আত্মনি লীযতে ॥ 14॥

ইন্দ্রিযাণি মনঃ বুদ্ধিঃ সহ বৈকারিকৈঃ নৃপ ।
প্রবিশন্তি হি অহঙ্কারং স্বগুণৈঃ অহং আত্মনি ॥ 15॥

এষা মাযা ভগবতঃ সর্গস্থিতি অন্তকারিণী ।
ত্রিবর্ণা বর্ণিতা অস্মাভিঃ কিং ভূযঃ শ্রোতুং ইচ্ছসি ॥ 16॥

রাজা উবাচ।
যথা এতাং ঐশ্বরীং মাযাং দুস্তরাং অকৃতাত্মভিঃ ।
তরন্তি অঞ্জঃ স্থূলধিযঃ মহর্ষঃ ইদং উচ্যতাম্ ॥ 17॥

প্রবুদ্ধঃ উবাচ।
কর্মাণি আরভমাণানাং দুঃখহত্যৈ সুখায চ ।
পশ্যেত্ পাকবিপর্যাসং মিথুনীচারিণাং নৃণাম্ ॥ 18॥

নিত্যার্তিদেন বিত্তেন দুর্লভেন আত্মমৃত্যুনা ।
গৃহ অপত্যাপ্তপশুভিঃ কা প্রীতিঃ সাধিতৈঃ চলৈঃ ॥
19॥

এবং লোকং পরং বিদ্যাত্ নশ্বরং কর্মনির্মিতম্ ।
সতুল্য অতিশয ধ্বংসং যথা মণ্ডলবর্তিনাম্ ॥ 20॥

তস্মাত্ গুরুং প্রপদ্যেত জিজ্ঞাসুঃ শ্রেযঃ উত্তমম্ ।
শাব্দে পরে চ নিষ্ণাতং ব্রহ্মণি উপশমাশ্রযম্ ॥ 21॥

তত্র ভাগবতান্ ধর্মান্ শিক্ষেত্ গুরুআত্মদৈবতঃ ।
অমাযযা অনুবৃত্যা যৈঃ তুষ্যেত্ আত্মা আত্মদঃ হরিঃ ॥ 22॥

সর্বতঃ মনসঃ অসঙ্গং আদৌ সঙ্গং চ সাধুষু ।
দযাং মৈত্রীং প্রশ্রযং চ ভূতেষু অদ্ধা যথা উচিতম্ ॥ 23॥

শৌচং তপঃ তিতিক্ষাং চ মৌনং স্বাধ্যাযং আর্জবম্ ।
ব্রহ্মচর্যং অহিংসাং চ সমত্বং দ্বন্দ্বসঞ্জ্ঞযোঃ ॥ 24॥

সর্বত্র আত্মেশ্বর অন্বীক্ষাং কৈবল্যং অনিকেততাম্ ।
বিবিক্তচীরবসনং সন্তোষং যেন কেনচিত্ ॥ 25॥

শ্রদ্ধাং ভাগবতে শাস্ত্রে অনিন্দাং অন্যত্র চ অপি হি ।
মনোবাক্ কর্মদণ্ডং চ সত্যং শমদমৌ অপি ॥ 26॥

শ্রবণং কীর্তনং ধ্যানং হরেঃ অদ্ভুতকর্মণঃ ।
জন্মকর্মগুণানাং চ তদর্থে অখিলচেষ্টিতম্ ॥ 27॥

ইষ্টং দত্তং তপঃ জপ্তং বৃত্তং যত্ চ আত্মনঃ প্রিযম্ ।
দারান্ সুতান্ গৃহান্ প্রাণান্ যত্ পরস্মৈ নিবেদনম্ ॥ 28॥

এবং কৃষ্ণাত্মনাথেষু মনুষ্যেষু চ সৌহৃদম্ ।
পরিচর্যাং চ উভযত্র মহত্সু নৃষু সাধুষু ॥ 29॥

পরস্পর অনুকথনং পাবনং ভগবত্ যশঃ ।
মিথঃ রতিঃ মিথঃ তুষ্টিঃ নিবৃত্তিঃ মিথঃ আত্মনঃ ॥ 30॥

স্মরন্তঃ স্মারযন্তঃ চ মিথঃ অঘৌঘহরং হরিম্ ।
ভক্ত্যা সঞ্জাতযা ভক্ত্যা বিভ্রতি উত্পুলকাং তনুম্ ॥ 31॥

ক্বচিত্ রুদন্তি অচ্যুতচিন্তযা ক্বচিত্
হসন্তি নন্দন্তি বদন্তি অলৌকিকাঃ ।
নৃত্যন্তি গাযন্তি অনুশীলযন্তি
অজং ভবন্তি তূষ্ণীং পরং এত্য নির্বৃতাঃ ॥ 32॥

ইতি ভাগবতান্ ধর্মান্ শিক্ষন্ ভক্ত্যা তদুত্থযা ।
নারাযণপরঃ মাযং অঞ্জঃ তরতি দুস্তরাম্ ॥ 33॥

রাজা উবাচ।
নারাযণ অভিধানস্য ব্রহ্মণঃ পরমাত্মনঃ ।
নিষ্ঠাং অর্হথ নঃ বক্তুং যূযং হি ব্রহ্মবিত্তমাঃ ॥ 34॥

পিপ্পলাযনঃ উবাচ।
স্থিতি উদ্ভবপ্রলযহেতুঃ অহেতুঃ অস্য
যত্ স্বপ্নজাগরসুষুপ্তিষু সত্ বহিঃ চ ।
দেহ ইন্দ্রিযাসুহৃদযানি চরন্তি যেন
সঞ্জীবিতানি তত্ অবেহি পরং নরেন্দ্র ॥ 35॥

ন এতত্ মনঃ বিশতি বাগুত চক্ষুঃ আত্মা
প্রাণেন্দ্রিযাণি চ যথা অনলং অর্চিষঃ স্বাঃ ।
শব্দঃ অপি বোধকনিষেধতযা আত্মমূলম্
অর্থ উক্তং আহ যদৃতে ন নিষেধসিদ্ধিঃ ॥ 36॥

সত্বং রজঃ তমঃ ইতি ত্রিবৃদেকং আদৌ
সূত্রং মহান্ অহং ইতি প্রবদন্তি জীবম্ ।
জ্ঞানক্রিযা অর্থফলরূপতযোঃ উশক্তি
ব্রহ্ম এব ভাতি সত্ অসত্ চ তযোঃ পরং যত্ ॥ 37॥

ন আত্মা জজান ন মরিষ্যতি ন এধতে অসৌ
ন ক্ষীযতে সবনবিত্ ব্যভিচারিণাং হি ।
সর্বত্র শস্বদনপাযি উপলব্ধিমাত্রং
প্রাণঃ যথা ইন্দ্রিযবলেন বিকল্পিতং সত্ ॥ 38॥

অণ্ডেষু পেশিষু তরুষু অবিনিশ্চিতেষু
প্রাণঃ হি জীবং উপধাবতি তত্র তত্র ।
সন্নে যত্ ইন্দ্রিযগণে অহমি চ প্রসুপ্তে
কূটস্থঃ আশযমৃতে তত্ অনুস্মৃতিঃ নঃ ॥ 39॥

যঃ হি অব্জ নাভ চরণ এষণযোঃ উভক্ত্যা
চেতোমলানি বিধমেত্ গুণকর্মজানি ।
তস্মিন্ বিশুদ্ধঃ উপলভ্যতঃ আত্মতত্ত্বম্
সাক্ষাত্ যথা অমলদৃশঃ সবিতৃপ্রকাশঃ ॥ 40॥

কর্মযোগং বদত নঃ পুরুষঃ যেন সংস্কৃতঃ ।
বিধূয ইহ আশু কর্মাণি নৈষ্কর্ম্যং বিন্দতে পরম্ ॥ 41॥

এবং প্রশ্নং ঋষিন্ পূর্বং অপৃচ্ছং পিতুঃ অন্তিকে ।
ন অব্রুবন্ ব্রহ্মণঃ পুত্রাঃ তত্র কারণং উচ্যতাম্ ॥ 42॥

আবির্হোত্রঃ উবাচ।
কর্ম অকর্মবিকর্ম ইতি বেদবাদঃ ন লৌকিকঃ ।
বেদস্য চ ঈশ্বরাত্মত্বাত্ তত্র মুহ্যন্তি সূরযঃ ॥ 43॥

পরোক্ষবাদঃ বেদঃ অযং বালানাং অনুশাসনম্ ।
কর্মমোক্ষায কর্মাণি বিধত্তে হি অগদং যথা ॥ 44॥

ন আচরেত্ যঃ তু বেদ উক্তং স্বযং অজ্ঞঃ অজিতেন্দ্রিযঃ ।
বিকর্মণা হি অধর্মেণ মৃত্যোঃ মৃত্যুং উপৈতি সঃ ॥ 45॥

বেদ উক্তং এব কুর্বাণঃ নিঃসঙ্গঃ অর্পিতং ঈশ্বরে ।
নৈষ্কর্ম্যাং লভতে সিদ্ধিং রোচনার্থা ফলশ্রুতিঃ ॥ 46॥

যঃ আশু হৃদযগ্রন্থিং নির্জিহীষুঃ পরাত্মনঃ ।
বিধিনা উপচরেত্ দেবং তন্ত্র উক্তেন চ কেশবম্ ॥ 47॥

লব্ধ অনুগ্রহঃ আচার্যাত্ তেন সন্দর্শিতাগমঃ ।
মহাপুরুষং অভ্যর্চেত্ মূর্ত্যা অভিমতযা আত্মনঃ ॥ 48॥

শুচিঃ সম্মুখং আসীনঃ প্রাণসংযমনাদিভিঃ ।
পিণ্ডং বিশোধ্য সন্ন্যাসকৃতরক্ষঃ অর্চযেত্ হরিম্ ॥ 49॥

অর্চাদৌ হৃদযে চ অপি যথালব্ধ উপচারকৈঃ ।
দ্রব্যক্ষিতিআত্মলিঙ্গানি নিষ্পাদ্য প্রোক্ষ্য চ আসনম্ ॥ 50॥

পাদ্যাদীন্ উপকল্প্যা অথ সন্নিধাপ্য সমাহিতঃ ।
হৃত্ আদিভিঃ কৃতন্যাসঃ মূলমন্ত্রেণ চ অর্চযেত্ ॥ 51॥

সাঙ্গোপাঙ্গাং সপার্ষদাং তাং তাং মূর্তিং স্বমন্ত্রতঃ ।
পাদ্য অর্ঘ্যাচমনীযাদ্যৈঃ স্নানবাসঃবিভূষণৈঃ ॥ 52॥

গন্ধমাল্যাক্ষতস্রগ্ভিঃ ধূপদীপহারকৈঃ ।
সাঙ্গং সম্পূজ্য বিধিবত্ স্তবৈঃ স্তুত্বা নমেত্ হরিম্ ॥ 53॥

আত্মাং তন্মযং ধ্যাযন্ মূর্তিং সম্পূজযেত্ হরেঃ ।
শেষাং আধায শিরসি স্বধাম্নি উদ্বাস্য সত্কৃতম্ ॥ 54॥

এবং অগ্নি অর্কতোযাদৌ অতিথৌ হৃদযে চ যঃ ।
যজতি ঈশ্বরং আত্মানং অচিরাত্ মুচ্যতে হি সঃ ॥ 55॥