ആവശ്യകാനി വസ്തൂനി
- ആസനം
- ദീപഃ
- ഗന്ധഃ
- കുങ്കുമം
- അക്ഷതാഃ
- പുഷ്പാണി
- ധൂപഃ
- നൈവേദ്യം
- താമ്ബൂലം
- ആചമനീയം
- പൂജാ പാത്രം
- കലശഃ
- ശങ്ഖഃ [optional]
- സൂര്യനാരായണ സ്വാമി പ്രതിമാ വാ ചിത്രപടഃ വാ
പൂര്വാങ്ഗ പൂജാ
പൂര്വാങ്ഗ പൂജാ
ശ്രീമഹാഗണാധിപതയേ നമഃ ।
ശ്രീ ഗുരുഭ്യോ നമഃ ।
ഹരിഃ ഓമ് ।
ശുചിഃ
ശുചിഃ
അപവിത്രഃ പവിത്രോ വാ സര്വാവസ്ഥാം ഗതോഽപി വാ ।
യഃ സ്മരേത് പുണ്ഡരീകാക്ഷം സ ബാഹ്യാഭ്യന്തരഃ ശുചിഃ ॥
പുണ്ഡരീകാക്ഷ പുണ്ഡരീകാക്ഷ പുണ്ഡരീകാക്ഷായ നമഃ ॥
പ്രാര്ഥനാ
പ്രാര്ഥനാ
ശുക്ലാമ്ബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സര്വവിഘ്നോപശാന്തയേ ॥
അഗജാനന പദ്മാര്കം ഗജാനനമഹര്നിശമ് ।
അഗജാനന പദ്മാര്കം ഗജാനനമഹര്നിശമ് ।
അനേകദം തം ഭക്താനാം ഏകദന്തമുപാസ്മഹേ ॥
തദേവ ലഗ്നം സുദിനം തദേവ
തദേവ ലഗ്നം സുദിനം തദേവ
താരാബലം ചന്ദ്രബലം തദേവ ।
വിദ്യാബലം ദൈവബലം തദേവ
ലക്ഷ്മീപതേ തേഽങ്ഘ്രിയുഗം സ്മരാമി ॥
ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ ।
ഗുരുര്ബ്രഹ്മാ ഗുരുര്വിഷ്ണുഃ ഗുരുര്ദേവോ മഹേശ്വരഃ ।
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ॥
സര്വമങ്ഗല മാങ്ഗല്യേ ശിവേ സര്വാര്ഥസാധികേ ।
സര്വമങ്ഗല മാങ്ഗല്യേ ശിവേ സര്വാര്ഥസാധികേ ।
ശരണ്യേ ത്ര്യമ്ബകേ ഗൌരീ നാരായണി നമോഽസ്തു തേ ॥
ശ്രീലക്ഷ്മീനാരായണാഭ്യാം നമഃ ।
ശ്രീലക്ഷ്മീനാരായണാഭ്യാം നമഃ ।
ഉമാമഹേശ്വരാഭ്യാം നമഃ ।
വാണീഹിരണ്യഗര്ഭാഭ്യാം നമഃ ।
ശചീപുരന്ദരാഭ്യാം നമഃ ।
അരുന്ധതീവസിഷ്ഠാഭ്യാം നമഃ ।
ശ്രീസീതാരാമാഭ്യാം നമഃ ।
മാതാപിതൃഭ്യോ നമഃ ।
സര്വേഭ്യോ മഹാജനേഭ്യോ നമഃ ।
ആചമനം
ആചമനം
ഓം കേശവായ സ്വാഹാ ।
ഓം നാരായണായ സ്വാഹാ ।
ഓം മാധവായ സ്വാഹാ ।
ഓം ഗോവിന്ദായ നമഃ ।
ഓം വിഷ്ണവേ നമഃ ।
ഓം മധുസൂദനായ നമഃ ।
ഓം ത്രിവിക്രമായ നമഃ ।
ഓം വാമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓം പദ്മനാഭായ നമഃ ।
ഓം ദാമോദരായ നമഃ ।
ഓം സങ്കര്ഷണായ നമഃ ।
ഓം വാസുദേവായ നമഃ ।
ഓം പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓം പുരുഷോത്തമായ നമഃ ।
ഓം അധോക്ഷജായ നമഃ ।
ഓം നാരസിംഹായ നമഃ ।
ഓം അച്യുതായ നമഃ ।
ഓം ജനാര്ദനായ നമഃ ।
ഓം ഉപേന്ദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।
ദീപാരാധനമ്
ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ ।
സൌഭാഗ്യം ദേഹി പുത്രാംശ്ച സര്വാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് ।
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്തഃ സുമുഹൂര്തോഽസ്തു ॥
ഭൂതോച്ചാടനമ്
ഭൂതോച്ചാടനമ്
ഉത്തിഷ്ഠന്തു ഭൂതപിശാചാഃ യ ഏതേ ഭൂമിഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പന്തു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛന്തു ശിവാഽജ്ഞയാ ॥
പ്രാണായാമഃ
പ്രാണായാമഃ
ഓ-മ്ഭൂഃ । ഓ-മ്ഭുവഃ॑ । ഓഗ്ം സുവഃ॑ । ഓ-മ്മഹഃ॑ । ഓ-ഞ്ജനഃ॑ । ഓ-ന്തപഃ॑ । ഓഗ്ം സത്യമ് ।
ഓ-ന്തത്സ॑വി॒തുര്വരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി ।
ധിയോ॒ യോ നഃ॑ പ്രചോ॒ദയാ᳚ത് ॥
ഓമാപോ॒ ജ്യോതീ॒ രസോ॒-ഽമൃത॒-മ്ബ്രഹ്മ॒ ഭൂര്ഭുവ॒സ്സുവ॒രോമ് ॥
സങ്കല്പഃ
മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വര പ്രീത്യര്ഥം, മമ/അസ്മാകം സഹകുടുമ്ബസ്യ ക്ഷേമ-സ്ഥൈര്യ-ധൈര്യ-വീര്യ-വിജയ-അഭയ-ആയുഃ-ആരോഗ്യ-ഐശ്വര്യ-അഭിവൃദ്ധ്യര്ഥം, ആരോഗ്യ-തേജസ്-ബല-പ്രാപ്ത്യര്ഥം, ധര്മാര്ഥ-കാമ-മോക്ഷ-ചതുര്വിധ-പുരുഷാര്ഥ-ഫല-സിദ്ധ്യര്ഥം, ശ്രീസൂര്യനാരായണ സ്വാമി-പ്രീത്യര്ഥം, യാവച്ഛക്തി ധ്യാന-ആവാഹനാദി-ഷോഡശോപചാര-പൂജാം കരിഷ്യേ ॥
തദങ്ഗ കലശാരാധനം കരിഷ്യേ ॥
കലശാരാധനമ്
തദങ്ഗ കലശാരാധനം കരിഷ്യേ ॥
കലശാരാധനമ്
കലശേ ഗന്ധ പുഷ്പാക്ഷതൈരഭ്യര്ച്യ ।
കലശേ ഉദകം പൂരയിത്വാ ।
കലശസ്യോപരി ഹസ്തം നിധായ ।
കലശസ്യ മുഖേ വിഷ്ണുഃ കണ്ഠേ രുദ്രഃ സമാശ്രിതഃ ।
കലശസ്യ മുഖേ വിഷ്ണുഃ കണ്ഠേ രുദ്രഃ സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥
കുക്ഷൌ തു സാഗരാഃ സര്വേ സപ്തദ്വീപാ വസുന്ധരാ ।
ഋഗ്വേദോഽഥ യജുര്വേദോ സാമവേദോ ഹ്യഥര്വണഃ ॥
അങ്ഗൈശ്ച സഹിതാഃ സര്വേ കലശാമ്ബു സമാശ്രിതാഃ ॥
ഗങ്ഗേ ച യമുനേ ചൈവ ഗോദാവരീ സരസ്വതീ ।
ഗങ്ഗേ ച യമുനേ ചൈവ ഗോദാവരീ സരസ്വതീ ।
നര്മദേ സിന്ധു കാവേരീ ജലേഽസ്മിന് സന്നിധിം കുരു ॥
കാവേരീ തുങ്ഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പഞ്ചഗങ്ഗാഃ പ്രകീര്തിതാഃ ॥
ആയാന്തു ദേവപൂജാര്ഥം മമ ദുരിതക്ഷയകാരകാഃ ।
ആയാന്തു ദേവപൂജാര്ഥം മമ ദുരിതക്ഷയകാരകാഃ ।
കലശോദകേന പൂജാ ദ്രവ്യാണി സമ്പ്രോക്ഷ്യ, ദേവം സമ്പ്രോക്ഷ്യ, ആത്മാനം ച സമ്പ്രോക്ഷ്യ ॥
ശങ്ഖപൂജാ
ശങ്ഖപൂജാ
ശങ്ഖം ചന്ദ്രാര്ക ദൈവതം മധ്യേ വരുണ ദേവതാമ് ।
പൃഷ്ഠേ പ്രജാപതിം വിന്ദ്യാദഗ്രേ ഗങ്ഗാ സരസ്വതീമ് ॥
ത്രൈലോക്യേ യാനി തീര്ഥാനി വാസുദേവസ്യ ആജ്ഞയാ ।
ശങ്ഖേ തിഷ്ഠന്തു വിപ്രേന്ദ്രാഃ തസ്മാത് ശങ്ഖം പ്രപൂജയേത് ॥
ഓം ശങ്ഖായ നമഃ ।
ഓം ശങ്ഖായ നമഃ ।
ഓം ധവലായ നമഃ ।
ഓം പാഞ്ചജന്യായ നമഃ ।
ഓം ശങ്ഖദേവതാഭ്യോ നമഃ ।
സകലപൂജാര്ഥേ അക്ഷതാന് സമര്പയാമി ॥
ഘണ്ടാനാദഃ
ഘണ്ടാനാദഃ
ആഗമാര്ഥം തു ദേവാനാം ഗമനാര്ഥം തു രാക്ഷസാമ് ।
ഘണ്ടാരവം കരോമ്യാദൌ ദേവതാഹ്വാന ലാഞ്ഛനമ് ॥
ഓം ഘണ്ടാദേവതാഭ്യോ നമഃ ।
സകലോപചാര പൂജാര്ഥേ അക്ഷതാന് സമര്പയാമി ॥
ശ്രീ മഹാഗണപതി പൂജാ
ശ്രീ മഹാഗണപതി പൂജാ
ഓ-ങ്ഗ॒ണാനാ᳚-ന്ത്വാ ഗ॒ണപ॑തിഗ്ം ഹവാമഹേ ക॒വി-ങ്ക॑വീ॒നാം ഉപ॒മശ്ര॑വസ്തവമ് ।
ജ്യേ॒ഷ്ഠ॒രാജ॒-മ്ബ്രഹ്മ॑ണാ-മ്ബ്രഹ്മണസ്പത॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥
സുമുഖശ്ചൈകദന്തശ്ച കപിലോ ഗജകര്ണകഃ ।
ലമ്ബോദരശ്ച വികടോ വിഘ്നരാജോ ഗണാധിപഃ ॥
ധൂമകേതുര്ഗണാധ്യക്ഷഃ ഫാലചന്ദ്രോ ഗജാനനഃ ।
വക്രതുണ്ഡഃ ശൂര്പകര്ണോ ഹേരമ്ബഃ സ്കന്ദപൂര്വജഃ ॥
ഓം ശ്രീമഹാഗണപതയേ നമഃ ।
ഓം ശ്രീമഹാഗണപതയേ നമഃ ।
ധ്യായാമി । ആവാഹയാമി । ആസനം സമര്പയാമി ।
പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി ।
സ്നാനം സമര്പയാമി । വസ്ത്രം സമര്പയാമി । യജ്ഞോപവീതം സമര്പയാമി ।
ഗന്ധം സമര്പയാമി । പുഷ്പാണി സമര്പയാമി ।
ധൂപമാഘ്രാപയാമി । ദീപം ദര്ശയാമി ।
നൈവേദ്യം സമര്പയാമി । താമ്ബൂലം സമര്പയാമി ।
നീരാജനം സമര്പയാമി । മന്ത്രപുഷ്പം സമര്പയാമി ।
പ്രദക്ഷിണ നമസ്കാരാന് സമര്പയാമി ॥
ഷോഡശോപചാര പൂജാ
ഷോഡശോപചാര പൂജാ
സൂര്യനാരായണ ധ്യാനമ്
ധ്യേയഃ സദാ സവിതൃമണ്ഡലമധ്യവര്തീ
നാരായണഃ സരസിജാസന സന്നിവിഷ്ടഃ ।
കേയൂരവാന് മകരകുണ്ഡലവാന് കിരീടീ
ഹാരീ ഹിരണ്മയവപുഃ ധൃതശങ്ഖചക്രഃ ॥
അരുണോഽരുണപങ്കജേ നിഷണ്ണഃ
അരുണോഽരുണപങ്കജേ നിഷണ്ണഃ
കമലേഽഭീതിവരൌ കരൈര്ദധാനഃ ।
സ്വരുചാഹിത മണ്ഡലസ്ത്രിനേത്രോ
രവിരാകല്പ ശതാകുലോഽവതാന്നഃ ॥
ഓം ശ്രീസൂര്യനാരായണായ നമഃ ।
ഓം ശ്രീസൂര്യനാരായണായ നമഃ ।
ധ്യായാമി । ധ്യാനം സമര്പയാമി ॥
ആവാഹനമ്
ആവാഹനമ്
സ॒ഹസ്ര॑ശീര്ഷാ॒ പുരു॑ഷഃ । സ॒ഹ॒സ്രാ॒ക്ഷ-സ്സ॒ഹസ്ര॑പാത് ।
സ ഭൂമിം॑-വിഁ॒ശ്വതോ॑ വൃ॒ത്വാ । അത്യ॑തിഷ്ഠദ്ദശാങ്ഗു॒ലമ് ॥
ആഗച്ഛ ഭഗവന് സൂര്യ മണ്ഡപേ ച സ്ഥിരോ ഭവ ।
യാവത്പൂജാ സമാപ്യേത താവത്ത്വം സന്നിധൌ ഭവ ॥
ഓം ശ്രീസൂര്യനാരായണായ നമഃ ।
ആവാഹയാമി । സ്ഥാപയാമി । പൂജയാമി ॥
ആസനമ്
ആസനമ്
പുരു॑ഷ ഏ॒വേദഗ്ം സര്വമ്᳚ । യദ്ഭൂ॒തം-യഁച്ച॒ ഭവ്യമ്᳚ ।
ഉ॒താമൃ॑ത॒ത്വ സ്യേശാ॑നഃ । യദന്നേ॑നാതി॒രോഹ॑തി ॥
ഹേമാസന മഹദ്ദിവ്യം നാനാരത്നവിഭൂഷിതമ് ।
ദത്തം മേ ഗൃഹ്യതാം ദേവ ദിവാകര നമോഽസ്തു തേ ॥
ഓം ശ്രീസൂര്യനാരായണായ നമഃ ।
ആസനം സമര്പയാമി ॥
പാദ്യമ്
പാദ്യമ്
ഗങ്ഗാജല സമാനീതം പരമം പാവനം മഹത് ।
പാദ്യം ഗൃഹാണ ദേവേശ ധാമരൂപ നമോഽസ്തു തേ ॥
ഓം ശ്രീസൂര്യനാരായണായ നമഃ ।
പാദയോഃ പാദ്യം സമര്പയാമി ॥
അര്ഘ്യമ്
അര്ഘ്യമ്
ഭോ സൂര്യ മഹാദ്ഭുത ബ്രഹ്മവിഷ്ണു സ്വരൂപദൃക് ।
അര്ഘ്യം അഞ്ജലിനാ ദത്തം ഗൃഹാണ പരമേശ്വര ॥
ഓം ശ്രീസൂര്യനാരായണായ നമഃ ।
ഹസ്തയോഃ അര്ഘ്യം സമര്പയാമി ॥
ആചമനീയമ്
ആചമനീയമ്
ഗങ്ഗാദി തീര്ഥജം തോയം ജാതീപുഷ്പൈശ്ച വാസിതമ് ।
താമ്രപാത്രേ സ്ഥിതം ദിവ്യം ഗൃഹാണാചമനീയകമ് ॥
ഓം ശ്രീസൂര്യനാരായണായ നമഃ ।
മുഖേ ആചമനീയം സമര്പയാമി ॥
സ്നാനമ്
സ്നാനമ്
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।
മ॒ഹേ രണാ॑യ॒ ചക്ഷ॑സേ ॥
യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ഹ നഃ॑ ।
ഉ॒ശ॒തീരി॑വ മാ॒ത॑രഃ ॥
തസ്മാ॒ അര॑-ങ്ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥
ഓം ശ്രീസൂര്യനാരായണായ നമഃ ।
ശുദ്ധോദക സ്നാനം സമര്പയാമി ॥
സ്നാനാനന്തരം ആചമനീയം സമര്പയാമി ॥
വസ്ത്രമ്
വസ്ത്രമ്
രക്തപട്ടയുഗം ദേവ സൂക്ഷ്മതന്തുവിനിര്മിതമ് ।
ശുദ്ധം ചൈവ മയാ ദത്തം ഗൃഹാണ കമലാകര ॥
ഓം ശ്രീസൂര്യനാരായണായ നമഃ ।
വസ്ത്രം സമര്പയാമി ॥
യജ്ഞോപവീതമ്
യജ്ഞോപവീതമ്
നമഃ കമലഹസ്തായ വിശ്വരൂപായ തേ നമഃ ।
ഉപവീതം മയാ ദത്തം തദ്ഗൃഹാണ ദിവാകര ॥
ഓം ശ്രീസൂര്യനാരായണായ നമഃ ।
യജ്ഞോപവീതം സമര്പയാമി ॥
ഗന്ധമ്
ഗന്ധമ്
കുങ്കുമാഗരു കസ്തൂരീ സുഗന്ധൈശ്ചന്ദനാദിഭിഃ ।
രക്തചന്ദന സംയുക്തം ഗന്ധം ഗൃഹ്ണീഷ്വ ഭാസ്കര ॥
ഓം ശ്രീസൂര്യനാരായണായ നമഃ ।
ഗന്ധം സമര്പയാമി ॥
അര്ചന
അര്ചന
ജപാകദമ്ബ കുസുമൈഃ രക്തോത്പല യുതാനി ച ।
പുഷ്പാണി ഗൃഹ്യതാം ദേവ സര്വകാമപ്രദോ ഭവ ॥
അങ്ഗ പൂജാ
അങ്ഗ പൂജാ
ഓം മിത്രായ നമഃ - പാദൌ പൂജയാമി ।
ഓം രവയേ നമഃ - ജങ്ഘേ പൂജയാമി ।
ഓം സൂര്യായ നമഃ - ജാനുനീ പൂജയാമി ।
ഓം ഖഗായ നമഃ - ഊരൂ പൂജയാമി ।
ഓം ഹിരണ്യഗര്ഭായ നമഃ - കടിം പൂജയാമി ।
ഓം പൂഷ്ണേ നമഃ - ഗുഹ്യം പൂജയാമി ।
ഓം മരീചയേ നമഃ - നാഭിം പൂജയാമി ।
ഓം ആദിത്യായ നമഃ - ജഠരം പൂജയാമി ।
ഓം സവിത്രേ നമഃ - ഹൃദയം പൂജയാമി ।
ഓം അര്കായ നമഃ - സ്തനൌ പൂജയാമി ।
ഓം ഭാസ്കരായ നമഃ - കണ്ഠം പൂജയാമി ।
ഓം അര്യമ്ണേ നമഃ - സ്കന്ധൌ പൂജയാമി ।
ഓം ഹംസായ നമഃ - ഹസ്തൌ പൂജയാമി ।
ഓം അഹസ്കരായ നമഃ - മുഖം പൂജയാമി ।
ഓം ബ്രധ്നായ നമഃ - നാസികാം പൂജയാമി ।
ഓം ജഗദേകചക്ഷുഷേ നമഃ - നേത്രാണി പൂജയാമി ।
ഓം ഭാനവേ നമഃ - കര്ണൌ പൂജയാമി ।
ഓം ത്രിഗുണാത്മധാരിണേ നമഃ - ലലാടം പൂജയാമി ।
ഓം വിരിഞ്ചിനാരായണായ നമഃ - ശിരഃ പൂജയാമി ।
ഓം തിമിരനാശിനേ നമഃ - സര്വാണ്യങ്ഗാനി പൂജയാമി ॥
[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]
[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]
സൂര്യ അഷ്ടോത്തര ശത നാമാവലീ>
അഥവാ സൂര്യ ദ്വാദശ നാമ പൂജാ ॥
ഓം ആദിത്യായ നമഃ ।
ഓം ആദിത്യായ നമഃ ।
ഓം ദിവാകരായ നമഃ ।
ഓം ഭാസ്കരായ നമഃ ।
ഓം പ്രഭാകരായ നമഃ ।
ഓം സഹസ്രാംശവേ നമഃ ।
ഓം ത്രിലോചനായ നമഃ ।
ഓം ഹരിദശ്വായ നമഃ ।
ഓം വിഭാവസവേ നമഃ ।
ഓം ദിനകരായ നമഃ ।
ഓം ദ്വാദശാത്മകായ നമഃ ।
ഓം ത്രിമൂര്തയേ നമഃ ।
ഓം സൂര്യായ നമഃ ॥
ഓം ശ്രീസൂര്യനാരായണായ നമഃ ।
ഓം ശ്രീസൂര്യനാരായണായ നമഃ ।
അഷ്ടോത്തര ശത നാമാവലീ പൂജാം സമര്പയാമി ।
അക്ഷതാന് പുഷ്പാണി ച സമര്പയാമി ॥
ധൂപമ്
ധൂപമ്
ദശാങ്ഗോഗുഗ്ഗുലോദ്ഭൂതഃ കാലാഗരു സമന്വിതഃ ।
ആഘ്രേയഃ സര്വദേവാനാം ധൂപോഽയം പ്രതിഗൃഹ്യതാമ് ॥
ഓം ശ്രീസൂര്യനാരായണായ നമഃ ।
ധൂപമാഘ്രാപയാമി ॥
ദീപമ്
ദീപമ്
കാര്പാസവര്തികായുക്തം ഗോഘൃതേന സമന്വിതമ് ।
ദീപം ഗൃഹാണ ദേവേശ ത്രൈലോക്യ തിമിരാപഹ ॥
ഓം ശ്രീസൂര്യനാരായണായ നമഃ ।
ദീപം ദര്ശയാമി ॥
നൈവേദ്യമ്
നൈവേദ്യമ്
പായസം ഘൃതസംയുക്തം നാനാ പക്വാന്ന സംയുതമ് ।
നൈവേദ്യം ച മയാ ദത്തം ശാന്തിം കുരു ജഗത്പതേ ॥
ഓ-മ്ഭൂര്ഭുവ॒സ്സുവഃ॒ । തത്സ॑വി॒തുര്വരേ᳚ണ്യ॒-മ്ഭര്ഗോ॑ ദേ॒വസ്യ॑ ധീമഹി ।
ധി॒യോ യോ നഃ॑ പ്രചോ॒ദയാ᳚ത് ॥
സത്യം ത്വാ ഋതേന പരിഷിഞ്ചാമി ।
അമൃതമസ്തു । അമൃതോപസ്തരണമസി ।
ഓം പ്രാണായ സ്വാഹാ । ഓം അപാനായ സ്വാഹാ । ഓം വ്യാനായ സ്വാഹാ ।
ഓം ഉദാനായ സ്വാഹാ । ഓം സമാനായ സ്വാഹാ ।
മധ്യേ മധ്യേ പാനീയം സമര്പയാമി ।
അമൃതാപിധാനമസി ।
ഉത്തരാപോശനം സമര്പയാമി ।
ഹസ്തൌ പ്രക്ഷാലയാമി । പാദൌ പ്രക്ഷാലയാമി ।
ശുദ്ധാചമനീയം സമര്പയാമി ॥
ഓം ശ്രീസൂര്യനാരായണായ നമഃ ।
ഓം ശ്രീസൂര്യനാരായണായ നമഃ ।
നൈവേദ്യം സമര്പയാമി ॥
താമ്ബൂലമ്
താമ്ബൂലമ്
ഏലാലവങ്ഗ കര്പൂര ഖദിരൈശ്ച സപൂഗകൈഃ ।
നാഗവല്ലീദലൈര്യുക്തം താമ്ബൂലം പ്രതിഗൃഹ്യതാമ് ॥
ഓം ശ്രീസൂര്യനാരായണായ നമഃ ।
താമ്ബൂലം സമര്പയാമി ॥
നീരാജനമ്
നീരാജനമ്
വേദാ॒ഹമേ॒ത-മ്പുരു॑ഷ-മ്മ॒ഹാന്തമ്᳚ । ആ॒ദി॒ത്യവ॑ര്ണ॒-ന്തമ॑സ॒സ്തു പാ॒രേ ।
സര്വാ॑ണി രൂ॒പാണി॑ വി॒ചിത്യ॒ ധീരഃ॑ । നാമാ॑നി കൃ॒ത്വാ-ഽഭി॒വദ॒ന്॒, യദാ-ഽഽസ്തേ᳚ ॥
പഞ്ചവര്തി സമായുക്തം സര്വമങ്ഗലദായകമ് ।
നീരാജനം ഗൃഹാണേദം സര്വസൌഖ്യകരോ ഭവ ॥
ഓം ശ്രീസൂര്യനാരായണായ നമഃ ।
നീരാജനം സമര്പയാമി ॥
മന്ത്രപുഷ്പമ്
മന്ത്രപുഷ്പമ്
ധാ॒താ പു॒രസ്താ॒ദ്യമു॑ദാജ॒ഹാര॑ । ശ॒ക്രഃ പ്രവി॒ദ്വാ-ന്പ്ര॒ദിശ॒ശ്ചത॑സ്രഃ ।
തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പന്ഥാ॒ അയ॑നായ വിദ്യതേ ॥
ഓം ഭാസ്കരായ വിദ്മഹേ മഹാദ്യുതികരായ ധീമഹി ।
തന്നോ ആദിത്യഃ പ്രചോദയാത് ॥
ചമ്പകൈഃ ശതപത്രൈശ്ച കല്ഹാരൈഃ കരവീരകൈഃ ।
പാടലൈര്ബകുലൈര്യുക്തം ഗൃഹാണ കുസുമാഞ്ജലിമ് ॥
ഓം ശ്രീസൂര്യനാരായണായ നമഃ ।
മന്ത്രപുഷ്പം സമര്പയാമി ॥
പ്രദക്ഷിണമ്
പ്രദക്ഷിണമ്
യാനി കാനി ച പാപാനി ജന്മാന്തര കൃതാനി ച ।
താനി താനി വിനശ്യന്തി പ്രദക്ഷിണ പദേ പദേ ॥
പാപോഽഹം പാപകര്മാഽഹം പാപാത്മാ പാപസമ്ഭവ ।
ത്രാഹി മാം കൃപയാ ദേവ ശരണാഗതവത്സല ॥
അന്യഥാ ശരണം നാസ്തി ത്വമേവ ശരണം മമ ।
തസ്മാത്കാരുണ്യ ഭാവേന രക്ഷ രക്ഷ ജനാര്ദന ॥
ഓം ശ്രീസൂര്യനാരായണായ നമഃ ।
പ്രദക്ഷിണ നമസ്കാരാന് സമര്പയാമി ॥
നമസ്കാരഃ
നമസ്കാരഃ
ഉദ്യന്നദ്യ വിവസ്വാനാരോഹന്നുത്തരാം ദിവമ് ।
ദേവഃ ഹൃദ്രോഗം മമ സൂര്യോ ഹരിമാണം ചാശു നാശയതു ॥
ഓം ശ്രീസൂര്യനാരായണായ നമഃ ।
നമസ്കാരാന് സമര്പയാമി ॥
ദ്വാദശാര്ഘ്യാണി
ദ്വാദശാര്ഘ്യാണി
ദിവാകര നമസ്തുഭ്യം പാപം നാശയ ഭാസ്കര ।
ത്രയീമയായ വിശ്വാത്മന് ഗൃഹാണാര്ഘ്യം നമോഽസ്തു തേ ॥
ഓം മിത്രായ നമഃ - ഇദമര്ഘ്യം സമര്പയാമി ।
ഓം രവയേ നമഃ - ഇദമര്ഘ്യം സമര്പയാമി ।
ഓം സൂര്യായ നമഃ - ഇദമര്ഘ്യം സമര്പയാമി ।
ഓം ഭാനവേ നമഃ - ഇദമര്ഘ്യം സമര്പയാമി ।
ഓം ഖഗായ നമഃ - ഇദമര്ഘ്യം സമര്പയാമി ।
ഓം പൂഷ്ണേ നമഃ - ഇദമര്ഘ്യം സമര്പയാമി ।
ഓം ഹിരണ്യഗര്ഭായ നമഃ - ഇദമര്ഘ്യം സമര്പയാമി ।
ഓം മരീചയേ നമഃ - ഇദമര്ഘ്യം സമര്പയാമി ।
ഓം ആദിത്യായ നമഃ - ഇദമര്ഘ്യം സമര്പയാമി ।
ഓം സവിത്രേ നമഃ - ഇദമര്ഘ്യം സമര്പയാമി ।
ഓം അര്കായ നമഃ - ഇദമര്ഘ്യം സമര്പയാമി ।
ഓം ഭാസ്കരായ നമഃ - ഇദമര്ഘ്യം സമര്പയാമി ॥
സര്വോപചാരാഃ
സര്വോപചാരാഃ
ഓം ശ്രീസൂര്യനാരായണായ നമഃ ।
ഛത്രം സമര്പയാമി ।
ചാമരം സമര്പയാമി ।
ഗീതം ശ്രാവയാമി ।
നൃത്യം ദര്ശയാമി ।
സമസ്ത രാജോപചാരാന് ദേവോപചാരാന് സമര്പയാമി ॥
സ്തോത്ര/സൂക്ത പഠനമ്
സ്തോത്ര/സൂക്ത പഠനമ്
ശ്രീ സൂര്യ നമസ്കാര മന്ത്രാഃ>
സൂര്യ സൂക്തമ്>
ആദിത്യ ഹൃദയമ്>
ക്ഷമാപ്രാര്ഥനാ
ക്ഷമാപ്രാര്ഥനാ
മന്ത്രഹീനം ക്രിയാഹീനം ഭക്തിഹീനം ജനാര്ദന ।
യത്പൂജിതം മയാ ദേവ പരിപൂര്ണം തദസ്തു തേ ॥
അജ്ഞാനാദ്വാ പ്രമാദാദ്വാ വൈകല്യാത്സാധനസ്യ വാ ।
യന്ന്യൂനമതിരിക്തം ച തത്സര്വം ക്ഷന്തുമര്ഹസി ॥
കായേന വാചാ മനസേന്ദ്രിയൈര്വാ
കായേന വാചാ മനസേന്ദ്രിയൈര്വാ
ബുദ്ധ്യാത്മനാ വാ പ്രകൃതേഃ സ്വഭാവാത് ।
കരോമി യദ്യത് സകലം പരസ്മൈ
നാരായണായേതി സമര്പയാമി ॥
അനയാ ധ്യാന-ആവാഹനാദി-ഷോഡശോപചാര പൂജയാ ശ്രീസൂര്യനാരായണ സ്വാമീ സുപ്രീതഃ സുപ്രസന്നഃ വരദോ ഭവതു ॥
ഉദ്വാസനമ്
അനയാ ധ്യാന-ആവാഹനാദി-ഷോഡശോപചാര പൂജയാ ശ്രീസൂര്യനാരായണ സ്വാമീ സുപ്രീതഃ സുപ്രസന്നഃ വരദോ ഭവതു ॥
ഉദ്വാസനമ്
ഓം ശ്രീസൂര്യനാരായണായ നമഃ ।
യഥാസ്ഥാനം ഉദ്വാസയാമി ।
ശോഭനാര്ഥേ ക്ഷേമായ പുനരാഗമനായ ച ॥
പ്രസാദ ഗ്രഹണമ്
പ്രസാദ ഗ്രഹണമ്
അകാലമൃത്യുഹരണം സര്വവ്യാധിനിവാരണമ് ।
സമസ്തപാപക്ഷയകരം ദേവതാ പാദോദകം ശുഭമ് ॥
ശ്രീസൂര്യനാരായണ സ്വാമി പ്രസാദം ശിരസാ ഗൃഹ്ണാമി ॥
ഓം ശാന്തിഃ ശാന്തിഃ ശാന്തിഃ ॥
ഓം തത്സത് ബ്രഹ്മാര്പണമസ്തു ॥
ശ്രീസൂര്യനാരായണ സ്വാമി പ്രസാദം ശിരസാ ഗൃഹ്ണാമി ॥
ഓം ശാന്തിഃ ശാന്തിഃ ശാന്തിഃ ॥
ഓം തത്സത് ബ്രഹ്മാര്പണമസ്തു ॥