ওঁ শ্রীপরমাত্মনে নমঃ
অথ নবমোঽধ্যাযঃ ।
রাজবিদ্যারাজগুহ্যযোগঃ শ্রীভগবানুবাচ
ইদং তু তে গুহ্যতমং প্রবক্ষ্যাম্যনসূযবে ।
জ্ঞানং বিজ্ঞানসহিতং যজ্জ্ঞাত্বা মোক্ষ্যসেঽশুভাত্ ॥ 1 ॥
জ্ঞানং বিজ্ঞানসহিতং যজ্জ্ঞাত্বা মোক্ষ্যসেঽশুভাত্ ॥ 1 ॥
রাজবিদ্যা রাজগুহ্যং পবিত্রমিদমুত্তমম্ ।
প্রত্যক্ষাবগমং ধর্ম্যং সুসুখং কর্তুমব্যযম্ ॥ 2 ॥
প্রত্যক্ষাবগমং ধর্ম্যং সুসুখং কর্তুমব্যযম্ ॥ 2 ॥
অশ্রদ্দধানাঃ পুরুষা ধর্মস্যাস্য পরন্তপ ।
অপ্রাপ্য মাং নিবর্তন্তে মৃত্যুসংসারবর্ত্মনি ॥ 3 ॥
অপ্রাপ্য মাং নিবর্তন্তে মৃত্যুসংসারবর্ত্মনি ॥ 3 ॥
মযা ততমিদং সর্বং জগদব্যক্তমূর্তিনা ।
মত্স্থানি সর্বভূতানি ন চাহং তেষ্ববস্থিতঃ ॥ 4 ॥
মত্স্থানি সর্বভূতানি ন চাহং তেষ্ববস্থিতঃ ॥ 4 ॥
ন চ মত্স্থানি ভূতানি পশ্য মে যোগমৈশ্বরম্ ।
ভূতভৃন্ন চ ভূতস্থো মমাত্মা ভূতভাবনঃ ॥ 5 ॥
ভূতভৃন্ন চ ভূতস্থো মমাত্মা ভূতভাবনঃ ॥ 5 ॥
যথাকাশস্থিতো নিত্যং বাযুঃ সর্বত্রগো মহান্ ।
তথা সর্বাণি ভূতানি মত্স্থানীত্যুপধারয ॥ 6 ॥
তথা সর্বাণি ভূতানি মত্স্থানীত্যুপধারয ॥ 6 ॥
সর্বভূতানি কৌন্তেয প্রকৃতিং যান্তি মামিকাম্ ।
কল্পক্ষযে পুনস্তানি কল্পাদৌ বিসৃজাম্যহম্ ॥ 7 ॥
কল্পক্ষযে পুনস্তানি কল্পাদৌ বিসৃজাম্যহম্ ॥ 7 ॥
প্রকৃতিং স্বামবষ্টভ্য বিসৃজামি পুনঃ পুনঃ ।
ভূতগ্রামমিমং কৃত্স্নমবশং প্রকৃতের্বশাত্ ॥ 8 ॥
ভূতগ্রামমিমং কৃত্স্নমবশং প্রকৃতের্বশাত্ ॥ 8 ॥
ন চ মাং তানি কর্মাণি নিবধ্নন্তি ধনঞ্জয ।
উদাসীনবদাসীনমসক্তং তেষু কর্মসু ॥ 9 ॥
উদাসীনবদাসীনমসক্তং তেষু কর্মসু ॥ 9 ॥
মযাধ্যক্ষেণ প্রকৃতিঃ সূযতে সচরাচরম্ ।
হেতুনানেন কৌন্তেয জগদ্বিপরিবর্ততে ॥ 10 ॥
হেতুনানেন কৌন্তেয জগদ্বিপরিবর্ততে ॥ 10 ॥
অবজানন্তি মাং মূঢা মানুষীং তনুমাশ্রিতম্ ।
পরং ভাবমজানন্তো মম ভূতমহেশ্বরম্ ॥ 11 ॥
পরং ভাবমজানন্তো মম ভূতমহেশ্বরম্ ॥ 11 ॥
মোঘাশা মোঘকর্মাণো মোঘজ্ঞানা বিচেতসঃ ।
রাক্ষসীমাসুরীং চৈব প্রকৃতিং মোহিনীং শ্রিতাঃ ॥ 12 ॥
রাক্ষসীমাসুরীং চৈব প্রকৃতিং মোহিনীং শ্রিতাঃ ॥ 12 ॥
মহাত্মানস্তু মাং পার্থ দৈবীং প্রকৃতিমাশ্রিতাঃ ।
ভজন্ত্যনন্যমনসো জ্ঞাত্বা ভূতাদিমব্যযম্ ॥ 13 ॥
ভজন্ত্যনন্যমনসো জ্ঞাত্বা ভূতাদিমব্যযম্ ॥ 13 ॥
সততং কীর্তযন্তো মাং যতন্তশ্চ দৃঢব্রতাঃ ।
নমস্যন্তশ্চ মাং ভক্ত্যা নিত্যযুক্তা উপাসতে ॥ 14 ॥
নমস্যন্তশ্চ মাং ভক্ত্যা নিত্যযুক্তা উপাসতে ॥ 14 ॥
জ্ঞানযজ্ঞেন চাপ্যন্যে যজন্তো মামুপাসতে ।
একত্বেন পৃথক্ত্বেন বহুধা বিশ্বতোমুখম্ ॥ 15 ॥
একত্বেন পৃথক্ত্বেন বহুধা বিশ্বতোমুখম্ ॥ 15 ॥
অহং ক্রতুরহং যজ্ঞঃ স্বধাহমহমৌষধম্ ।
মন্ত্রোঽহমহমেবাজ্যমহমগ্নিরহং হুতম্ ॥ 16 ॥
মন্ত্রোঽহমহমেবাজ্যমহমগ্নিরহং হুতম্ ॥ 16 ॥
পিতাহমস্য জগতো মাতা ধাতা পিতামহঃ ।
বেদ্যং পবিত্রমোঙ্কার ঋক্সাম যজুরেব চ ॥ 17 ॥
বেদ্যং পবিত্রমোঙ্কার ঋক্সাম যজুরেব চ ॥ 17 ॥
গতির্ভর্তা প্রভুঃ সাক্ষী নিবাসঃ শরণং সুহৃত্ ।
প্রভবঃ প্রলযঃ স্থানং নিধানং বীজমব্যযম্ ॥ 18 ॥
প্রভবঃ প্রলযঃ স্থানং নিধানং বীজমব্যযম্ ॥ 18 ॥
তপাম্যহমহং বর্ষং নিগৃহ্ণাম্যুত্সৃজামি চ ।
অমৃতং চৈব মৃত্যুশ্চ সদসচ্চাহমর্জুন ॥ 19 ॥
অমৃতং চৈব মৃত্যুশ্চ সদসচ্চাহমর্জুন ॥ 19 ॥
ত্রৈবিদ্যা মাং সোমপাঃ পূতপাপা যজ্ঞৈরিষ্ট্বা স্বর্গতিং প্রার্থযন্তে।
তে পুণ্যমাসাদ্য সুরেন্দ্রলোকমশ্নন্তি দিব্যান্দিবি দেবভোগান্ ॥ 20 ॥
তে পুণ্যমাসাদ্য সুরেন্দ্রলোকমশ্নন্তি দিব্যান্দিবি দেবভোগান্ ॥ 20 ॥
তে তং ভুক্ত্বা স্বর্গলোকং বিশালং ক্ষীণে পুণ্যে মর্ত্যলোকং বিশন্তি।
এবং ত্রযীধর্মমনুপ্রপন্না গতাগতং কামকামা লভন্তে ॥ 21 ॥
এবং ত্রযীধর্মমনুপ্রপন্না গতাগতং কামকামা লভন্তে ॥ 21 ॥
অনন্যাশ্চিন্তযন্তো মাং যে জনাঃ পর্যুপাসতে ।
তেষাং নিত্যাভিযুক্তানাং যোগক্ষেমং বহাম্যহম্ ॥ 22॥
তেষাং নিত্যাভিযুক্তানাং যোগক্ষেমং বহাম্যহম্ ॥ 22॥
যেঽপ্যন্যদেবতা ভক্তা যজন্তে শ্রদ্ধযান্বিতাঃ ।
তেঽপি মামেব কৌন্তেয যজন্ত্যবিধি পূর্বকম্ ॥ 23 ॥
তেঽপি মামেব কৌন্তেয যজন্ত্যবিধি পূর্বকম্ ॥ 23 ॥
অহং হি সর্বযজ্ঞানাং ভোক্তা চ প্রভুরেব চ ।
ন তু মামভিজানন্তি তত্ত্বেনাতশ্চ্যবন্তি তে ॥ 24 ॥
ন তু মামভিজানন্তি তত্ত্বেনাতশ্চ্যবন্তি তে ॥ 24 ॥
যান্তি দেবব্রতা দেবান্পিতৄন্যান্তি পিতৃব্রতাঃ ।
ভূতানি যান্তি ভূতেজ্যা যান্তি মদ্যাজিনোঽপি মাম্ ॥ 25 ॥
ভূতানি যান্তি ভূতেজ্যা যান্তি মদ্যাজিনোঽপি মাম্ ॥ 25 ॥
পত্রং পুষ্পং ফলং তোযং যো মে ভক্ত্যা প্রযচ্ছতি ।
তদহং ভক্ত্যুপহৃতমশ্নামি প্রযতাত্মনঃ ॥ 26 ॥
তদহং ভক্ত্যুপহৃতমশ্নামি প্রযতাত্মনঃ ॥ 26 ॥
যত্করোষি যদশ্নাসি যজ্জুহোষি দদাসি যত্ ।
যত্তপস্যসি কৌন্তেয তত্কুরুষ্ব মদর্পণম্ ॥ 27 ॥
যত্তপস্যসি কৌন্তেয তত্কুরুষ্ব মদর্পণম্ ॥ 27 ॥
শুভাশুভফলৈরেবং মোক্ষ্যসে কর্মবন্ধনৈঃ ।
সন্ন্যাসযোগযুক্তাত্মা বিমুক্তো মামুপৈষ্যসি ॥ 28 ॥
সন্ন্যাসযোগযুক্তাত্মা বিমুক্তো মামুপৈষ্যসি ॥ 28 ॥
সমোঽহং সর্বভূতেষু ন মে দ্বেষ্যোঽস্তি ন প্রিযঃ ।
যে ভজন্তি তু মাং ভক্ত্যা মযি তে তেষু চাপ্যহম্ ॥ 29 ॥
যে ভজন্তি তু মাং ভক্ত্যা মযি তে তেষু চাপ্যহম্ ॥ 29 ॥
অপি চেত্সুদুরাচারো ভজতে মামনন্যভাক্ ।
সাধুরেব স মন্তব্যঃ সম্যগ্ব্যবসিতো হি সঃ ॥ 30 ॥
সাধুরেব স মন্তব্যঃ সম্যগ্ব্যবসিতো হি সঃ ॥ 30 ॥
ক্ষিপ্রং ভবতি ধর্মাত্মা শশ্বচ্ছান্তিং নিগচ্ছতি ।
কৌন্তেয প্রতিজানীহি ন মে ভক্তঃ প্রণশ্যতি ॥ 31 ॥
কৌন্তেয প্রতিজানীহি ন মে ভক্তঃ প্রণশ্যতি ॥ 31 ॥
মাং হি পার্থ ব্যপাশ্রিত্য যেঽপি স্যুঃ পাপযোনযঃ ।
স্ত্রিযো বৈশ্যাস্তথা শূদ্রাস্তেঽপি যান্তি পরাং গতিম্ ॥ 32 ॥
স্ত্রিযো বৈশ্যাস্তথা শূদ্রাস্তেঽপি যান্তি পরাং গতিম্ ॥ 32 ॥
কিং পুনর্ব্রাহ্মণাঃ পুণ্যা ভক্তা রাজর্ষযস্তথা ।
অনিত্যমসুখং লোকমিমং প্রাপ্য ভজস্ব মাম্ ॥ 33 ॥
অনিত্যমসুখং লোকমিমং প্রাপ্য ভজস্ব মাম্ ॥ 33 ॥
মন্মনা ভব মদ্ভক্তো মদ্যাজী মাং নমস্কুরু ।
মামেবৈষ্যসি যুক্ত্বৈবমাত্মানং মত্পরাযণঃ ॥ 34 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে রাজবিদ্যারাজগুহ্যযোগো নাম নবমোঽধ্যাযঃ ॥9 ॥
মামেবৈষ্যসি যুক্ত্বৈবমাত্মানং মত্পরাযণঃ ॥ 34 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে রাজবিদ্যারাজগুহ্যযোগো নাম নবমোঽধ্যাযঃ ॥9 ॥