ওঁ শ্রী পরমাত্মনে নমঃ
অথ অষ্টমোঽধ্যাযঃ ।
অক্ষরপরব্রহ্মযোগঃ অর্জুন উবাচ
কিং তদ্ব্রহ্ম কিমধ্যাত্মং কিং কর্ম পুরুষোত্তম ।
অধিভূতং চ কিং প্রোক্তমধিদৈবং কিমুচ্যতে ॥ 1 ॥
অধিভূতং চ কিং প্রোক্তমধিদৈবং কিমুচ্যতে ॥ 1 ॥
অধিযজ্ঞঃ কথং কোঽত্র দেহেঽস্মিন্মধুসূদন ।
প্রযাণকালে চ কথং জ্ঞেযোঽসি নিযতাত্মভিঃ ॥ 2 ॥
প্রযাণকালে চ কথং জ্ঞেযোঽসি নিযতাত্মভিঃ ॥ 2 ॥
শ্রীভগবানুবাচ
অক্ষরং ব্রহ্ম পরমং স্বভাবোঽধ্যাত্মমুচ্যতে ।
ভূতভাবোদ্ভবকরো বিসর্গঃ কর্মসঞ্জ্ঞিতঃ ॥ 3 ॥
ভূতভাবোদ্ভবকরো বিসর্গঃ কর্মসঞ্জ্ঞিতঃ ॥ 3 ॥
অধিভূতং ক্ষরো ভাবঃ পুরুষশ্চাধিদৈবতম্ ।
অধিযজ্ঞোঽহমেবাত্র দেহে দেহভৃতাং বর ॥ 4 ॥
অধিযজ্ঞোঽহমেবাত্র দেহে দেহভৃতাং বর ॥ 4 ॥
অন্তকালে চ মামেব স্মরন্মুক্ত্বা কলেবরম্ ।
যঃ প্রযাতি স মদ্ভাবং যাতি নাস্ত্যত্র সংশযঃ ॥ 5 ॥
যঃ প্রযাতি স মদ্ভাবং যাতি নাস্ত্যত্র সংশযঃ ॥ 5 ॥
যং যং বাপি স্মরন্ভাবং ত্যজত্যন্তে কলেবরম্ ।
তং তমেবৈতি কৌন্তেয সদা তদ্ভাবভাবিতঃ ॥ 6 ॥
তং তমেবৈতি কৌন্তেয সদা তদ্ভাবভাবিতঃ ॥ 6 ॥
তস্মাত্সর্বেষু কালেষু মামনুস্মর যুধ্য চ ।
ময্যর্পিতমনোবুদ্ধির্মামেবৈষ্যস্যসংশযম্ ॥ 7 ॥
ময্যর্পিতমনোবুদ্ধির্মামেবৈষ্যস্যসংশযম্ ॥ 7 ॥
অভ্যাসযোগযুক্তেন চেতসা নান্যগামিনা ।
পরমং পুরুষং দিব্যং যাতি পার্থানুচিন্তযন্ ॥ 8 ॥
পরমং পুরুষং দিব্যং যাতি পার্থানুচিন্তযন্ ॥ 8 ॥
কবিং পুরাণমনুশাসিতারমণোরণীযংসমনুস্মরেদ্যঃ।
সর্বস্য ধাতারমচিন্ত্যরূপমাদিত্যবর্ণং তমসঃ পরস্তাত্ ॥ 9 ॥
সর্বস্য ধাতারমচিন্ত্যরূপমাদিত্যবর্ণং তমসঃ পরস্তাত্ ॥ 9 ॥
প্রযাণকালে মনসাচলেন ভক্ত্যা যুক্তো যোগবলেন চৈব।
ভ্রুবোর্মধ্যে প্রাণমাবেশ্য সম্যক্স তং পরং পুরুষমুপৈতি দিব্যম্ ॥ 10 ॥
ভ্রুবোর্মধ্যে প্রাণমাবেশ্য সম্যক্স তং পরং পুরুষমুপৈতি দিব্যম্ ॥ 10 ॥
যদক্ষরং বেদবিদো বদন্তি বিশন্তি যদ্যতযো বীতরাগাঃ।
যদিচ্ছন্তো ব্রহ্মচর্যং চরন্তি তত্তে পদং সঙ্গ্রহেণ প্রবক্ষ্যে ॥ 11 ॥
যদিচ্ছন্তো ব্রহ্মচর্যং চরন্তি তত্তে পদং সঙ্গ্রহেণ প্রবক্ষ্যে ॥ 11 ॥
সর্বদ্বারাণি সংযম্য মনো হৃদি নিরুধ্য চ ।
মূর্ধ্ন্যাধাযাত্মনঃ প্রাণমাস্থিতো যোগধারণাম্ ॥ 12 ॥
মূর্ধ্ন্যাধাযাত্মনঃ প্রাণমাস্থিতো যোগধারণাম্ ॥ 12 ॥
ওমিত্যেকাক্ষরং ব্রহ্ম ব্যাহরন্মামনুস্মরন্ ।
যঃ প্রযাতি ত্যজন্দেহং স যাতি পরমাং গতিম্ ॥ 13 ॥
যঃ প্রযাতি ত্যজন্দেহং স যাতি পরমাং গতিম্ ॥ 13 ॥
অনন্যচেতাঃ সততং যো মাং স্মরতি নিত্যশঃ ।
তস্যাহং সুলভঃ পার্থ নিত্যযুক্তস্য যোগিনঃ ॥ 14 ॥
তস্যাহং সুলভঃ পার্থ নিত্যযুক্তস্য যোগিনঃ ॥ 14 ॥
মামুপেত্য পুনর্জন্ম দুঃখালযমশাশ্বতম্ ।
নাপ্নুবন্তি মহাত্মানঃ সংসিদ্ধিং পরমাং গতাঃ ॥ 15 ॥
নাপ্নুবন্তি মহাত্মানঃ সংসিদ্ধিং পরমাং গতাঃ ॥ 15 ॥
আব্রহ্মভুবনাল্লোকাঃ পুনরাবর্তিনোঽর্জুন ।
মামুপেত্য তু কৌন্তেয পুনর্জন্ম ন বিদ্যতে ॥ 16 ॥
মামুপেত্য তু কৌন্তেয পুনর্জন্ম ন বিদ্যতে ॥ 16 ॥
সহস্রযুগপর্যন্তমহর্যদ্ব্রহ্মণো বিদুঃ ।
রাত্রিং যুগসহস্রান্তাং তেঽহোরাত্রবিদো জনাঃ ॥ 17 ॥
রাত্রিং যুগসহস্রান্তাং তেঽহোরাত্রবিদো জনাঃ ॥ 17 ॥
অব্যক্তাদ্ব্যক্তযঃ সর্বাঃ প্রভবন্ত্যহরাগমে ।
রাত্র্যাগমে প্রলীযন্তে তত্রৈবাব্যক্তসঞ্জ্ঞকে ॥ 18 ॥
রাত্র্যাগমে প্রলীযন্তে তত্রৈবাব্যক্তসঞ্জ্ঞকে ॥ 18 ॥
ভূতগ্রামঃ স এবাযং ভূত্বা ভূত্বা প্রলীযতে ।
রাত্র্যাগমেঽবশঃ পার্থ প্রভবত্যহরাগমে ॥ 19 ॥
রাত্র্যাগমেঽবশঃ পার্থ প্রভবত্যহরাগমে ॥ 19 ॥
পরস্তস্মাত্তু ভাবোঽন্যোঽব্যক্তোঽব্যক্তাত্সনাতনঃ ।
যঃ স সর্বেষু ভূতেষু নশ্যত্সু ন বিনশ্যতি ॥ 20 ॥
যঃ স সর্বেষু ভূতেষু নশ্যত্সু ন বিনশ্যতি ॥ 20 ॥
অব্যক্তোঽক্ষর ইত্যুক্তস্তমাহুঃ পরমাং গতিম্ ।
যং প্রাপ্য ন নিবর্তন্তে তদ্ধাম পরমং মম ॥ 21 ॥
যং প্রাপ্য ন নিবর্তন্তে তদ্ধাম পরমং মম ॥ 21 ॥
পুরুষঃ স পরঃ পার্থ ভক্ত্যা লভ্যস্ত্বনন্যযা ।
যস্যান্তঃস্থানি ভূতানি যেন সর্বমিদং ততম্ ॥ 22 ॥
যস্যান্তঃস্থানি ভূতানি যেন সর্বমিদং ততম্ ॥ 22 ॥
যত্র কালে ত্বনাবৃত্তিমাবৃত্তিং চৈব যোগিনঃ ।
প্রযাতা যান্তি তং কালং বক্ষ্যামি ভরতর্ষভ ॥ 23 ॥
প্রযাতা যান্তি তং কালং বক্ষ্যামি ভরতর্ষভ ॥ 23 ॥
অগ্নির্জোতিরহঃ শুক্লঃ ষণ্মাসা উত্তরাযণম্ ।
তত্র প্রযাতা গচ্ছন্তি ব্রহ্ম ব্রহ্মবিদো জনাঃ ॥ 24 ॥
তত্র প্রযাতা গচ্ছন্তি ব্রহ্ম ব্রহ্মবিদো জনাঃ ॥ 24 ॥
ধূমো রাত্রিস্তথা কৃষ্ণঃ ষণ্মাসা দক্ষিণাযনম্ ।
তত্র চান্দ্রমসং জ্যোতির্যোগী প্রাপ্য নিবর্ততে ॥ 25 ॥
তত্র চান্দ্রমসং জ্যোতির্যোগী প্রাপ্য নিবর্ততে ॥ 25 ॥
শুক্লকৃষ্ণে গতী হ্যেতে জগতঃ শাশ্বতে মতে ।
একযা যাত্যনাবৃত্তিমন্যযাবর্ততে পুনঃ ॥ 26 ॥
একযা যাত্যনাবৃত্তিমন্যযাবর্ততে পুনঃ ॥ 26 ॥
নৈতে সৃতী পার্থ জানন্যোগী মুহ্যতি কশ্চন ।
তস্মাত্সর্বেষু কালেষু যোগযুক্তো ভবার্জুন ॥ 27 ॥
তস্মাত্সর্বেষু কালেষু যোগযুক্তো ভবার্জুন ॥ 27 ॥
বেদেষু যজ্ঞেষু তপঃসু চৈব দানেষু যত্পুণ্যফলং প্রদিষ্টম্।
অত্যেতি তত্সর্বমিদং বিদিত্বাযোগী পরং স্থানমুপৈতি চাদ্যম্ ॥ 28 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে অক্ষরব্রহ্মযোগো নামাষ্টমোঽধ্যাযঃ ॥8 ॥
অত্যেতি তত্সর্বমিদং বিদিত্বাযোগী পরং স্থানমুপৈতি চাদ্যম্ ॥ 28 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে অক্ষরব্রহ্মযোগো নামাষ্টমোঽধ্যাযঃ ॥8 ॥