ওঁ শ্রী পরমাত্মনে নমঃ
অথ তৃতীযোঽধ্যাযঃ ।
কর্মযোগঃ অর্জুন উবাচ
জ্যাযসী চেত্কর্মণস্তে মতা বুদ্ধির্জনার্দন ।
তত্কিং কর্মণি ঘোরে মাং নিযোজযসি কেশব ॥ 1 ॥
তত্কিং কর্মণি ঘোরে মাং নিযোজযসি কেশব ॥ 1 ॥
ব্যামিশ্রেণেব বাক্যেন বুদ্ধিং মোহযসীব মে ।
তদেকং বদ নিশ্চিত্য যেন শ্রেযোঽহমাপ্নুযাম্ ॥ 2 ॥
তদেকং বদ নিশ্চিত্য যেন শ্রেযোঽহমাপ্নুযাম্ ॥ 2 ॥
শ্রীভগবানুবাচ
লোকেঽস্মিন্দ্বিবিধা নিষ্ঠা পুরা প্রোক্তা মযানঘ ।
জ্ঞানযোগেন সাঙ্খ্যানাং কর্মযোগেন যোগিনাম্ ॥ 3 ॥
জ্ঞানযোগেন সাঙ্খ্যানাং কর্মযোগেন যোগিনাম্ ॥ 3 ॥
ন কর্মণামনারম্ভান্নৈষ্কর্ম্যং পুরুষোঽশ্নুতে ।
ন চ সন্ন্যসনাদেব সিদ্ধিং সমধিগচ্ছতি ॥ 4 ॥
ন চ সন্ন্যসনাদেব সিদ্ধিং সমধিগচ্ছতি ॥ 4 ॥
ন হি কশ্চিত্ক্ষণমপি জাতু তিষ্ঠত্যকর্মকৃত্ ।
কার্যতে হ্যবশঃ কর্ম সর্বঃ প্রকৃতিজৈর্গুণৈঃ ॥ 5 ॥
কার্যতে হ্যবশঃ কর্ম সর্বঃ প্রকৃতিজৈর্গুণৈঃ ॥ 5 ॥
কর্মেন্দ্রিযাণি সংযম্য য আস্তে মনসা স্মরন্ ।
ইন্দ্রিযার্থান্বিমূঢাত্মা মিথ্যাচারঃ স উচ্যতে ॥ 6 ॥
ইন্দ্রিযার্থান্বিমূঢাত্মা মিথ্যাচারঃ স উচ্যতে ॥ 6 ॥
যস্ত্বিন্দ্রিযাণি মনসা নিযম্যারভতেঽর্জুন ।
কর্মেন্দ্রিযৈঃ কর্মযোগমসক্তঃ স বিশিষ্যতে ॥ 7 ॥
কর্মেন্দ্রিযৈঃ কর্মযোগমসক্তঃ স বিশিষ্যতে ॥ 7 ॥
নিযতং কুরু কর্ম ত্বং কর্ম জ্যাযো হ্যকর্মণঃ ।
শরীরযাত্রাপি চ তে ন প্রসিদ্ধ্যেদকর্মণঃ ॥ 8 ॥
শরীরযাত্রাপি চ তে ন প্রসিদ্ধ্যেদকর্মণঃ ॥ 8 ॥
যজ্ঞার্থাত্কর্মণোঽন্যত্র লোকোঽযং কর্মবন্ধনঃ ।
তদর্থং কর্ম কৌন্তেয মুক্তসঙ্গঃ সমাচর ॥ 9 ॥
তদর্থং কর্ম কৌন্তেয মুক্তসঙ্গঃ সমাচর ॥ 9 ॥
সহযজ্ঞাঃ প্রজাঃ সৃষ্ট্বা পুরোবাচ প্রজাপতিঃ ।
অনেন প্রসবিষ্যধ্বমেষ বোঽস্ত্বিষ্টকামধুক্ ॥ 10 ॥
অনেন প্রসবিষ্যধ্বমেষ বোঽস্ত্বিষ্টকামধুক্ ॥ 10 ॥
দেবান্ভাবযতানেন তে দেবা ভাবযন্তু বঃ ।
পরস্পরং ভাবযন্তঃ শ্রেযঃ পরমবাপ্স্যথ ॥ 11 ॥
পরস্পরং ভাবযন্তঃ শ্রেযঃ পরমবাপ্স্যথ ॥ 11 ॥
ইষ্টান্ভোগান্হি বো দেবা দাস্যন্তে যজ্ঞভাবিতাঃ ।
তৈর্দত্তানপ্রদাযৈভ্যো যো ভুঙ্ক্তে স্তেন এব সঃ ॥ 12 ॥
তৈর্দত্তানপ্রদাযৈভ্যো যো ভুঙ্ক্তে স্তেন এব সঃ ॥ 12 ॥
যজ্ঞশিষ্টাশিনঃ সন্তো মুচ্যন্তে সর্বকিল্বিষৈঃ ।
ভুঞ্জতে তে ত্বঘং পাপা যে পচন্ত্যাত্মকারণাত্ ॥ 13 ॥
ভুঞ্জতে তে ত্বঘং পাপা যে পচন্ত্যাত্মকারণাত্ ॥ 13 ॥
অন্নাদ্ভবন্তি ভূতানি পর্জন্যাদন্নসম্ভবঃ ।
যজ্ঞাদ্ভবতি পর্জন্যো যজ্ঞঃ কর্মসমুদ্ভবঃ ॥ 14 ॥
যজ্ঞাদ্ভবতি পর্জন্যো যজ্ঞঃ কর্মসমুদ্ভবঃ ॥ 14 ॥
কর্ম ব্রহ্মোদ্ভবং বিদ্ধি ব্রহ্মাক্ষরসমুদ্ভবম্ ।
তস্মাত্সর্বগতং ব্রহ্ম নিত্যং যজ্ঞে প্রতিষ্ঠিতম্ ॥ 15 ॥
তস্মাত্সর্বগতং ব্রহ্ম নিত্যং যজ্ঞে প্রতিষ্ঠিতম্ ॥ 15 ॥
এবং প্রবর্তিতং চক্রং নানুবর্তযতীহ যঃ ।
অঘাযুরিন্দ্রিযারামো মোঘং পার্থ স জীবতি ॥ 16 ॥
অঘাযুরিন্দ্রিযারামো মোঘং পার্থ স জীবতি ॥ 16 ॥
যস্ত্বাত্মরতিরেব স্যাদাত্মতৃপ্তশ্চ মানবঃ ।
আত্মন্যেব চ সন্তুষ্টস্তস্য কার্যং ন বিদ্যতে ॥ 17 ॥
আত্মন্যেব চ সন্তুষ্টস্তস্য কার্যং ন বিদ্যতে ॥ 17 ॥
নৈব তস্য কৃতেনার্থো নাকৃতেনেহ কশ্চন ।
ন চাস্য সর্বভূতেষু কশ্চিদর্থব্যপাশ্রযঃ ॥ 18 ॥
ন চাস্য সর্বভূতেষু কশ্চিদর্থব্যপাশ্রযঃ ॥ 18 ॥
তস্মাদসক্তঃ সততং কার্যং কর্ম সমাচর ।
অসক্তো হ্যাচরন্কর্ম পরমাপ্নোতি পূরুষঃ ॥ 19 ॥
অসক্তো হ্যাচরন্কর্ম পরমাপ্নোতি পূরুষঃ ॥ 19 ॥
কর্মণৈব হি সংসিদ্ধিমাস্থিতা জনকাদযঃ ।
লোকসঙ্গ্রহমেবাপি সম্পশ্যন্কর্তুমর্হসি ॥ 20 ॥
লোকসঙ্গ্রহমেবাপি সম্পশ্যন্কর্তুমর্হসি ॥ 20 ॥
যদ্যদাচরতি শ্রেষ্ঠস্তত্তদেবেতরো জনঃ ।
স যত্প্রমাণং কুরুতে লোকস্তদনুবর্ততে ॥ 21 ॥
স যত্প্রমাণং কুরুতে লোকস্তদনুবর্ততে ॥ 21 ॥
ন মে পার্থাস্তি কর্তব্যং ত্রিষু লোকেষু কিঞ্চন ।
নানবাপ্তমবাপ্তব্যং বর্ত এব চ কর্মণি ॥ 22 ॥
নানবাপ্তমবাপ্তব্যং বর্ত এব চ কর্মণি ॥ 22 ॥
যদি হ্যহং ন বর্তেযং জাতু কর্মণ্যতন্দ্রিতঃ ।
মম বর্ত্মানুবর্তন্তে মনুষ্যাঃ পার্থ সর্বশঃ ॥ 23 ॥
মম বর্ত্মানুবর্তন্তে মনুষ্যাঃ পার্থ সর্বশঃ ॥ 23 ॥
উত্সীদেযুরিমে লোকা ন কুর্যাং কর্ম চেদহম্ ।
সঙ্করস্য চ কর্তা স্যামুপহন্যামিমাঃ প্রজাঃ ॥ 24 ॥
সঙ্করস্য চ কর্তা স্যামুপহন্যামিমাঃ প্রজাঃ ॥ 24 ॥
সক্তাঃ কর্মণ্যবিদ্বাংসো যথা কুর্বন্তি ভারত ।
কুর্যাদ্বিদ্বাংস্তথাসক্তশ্চিকীর্ষুর্লোকসঙ্গ্রহম্ ॥ 25 ॥
কুর্যাদ্বিদ্বাংস্তথাসক্তশ্চিকীর্ষুর্লোকসঙ্গ্রহম্ ॥ 25 ॥
ন বুদ্ধিভেদং জনযেদজ্ঞানাং কর্মসঙ্গিনাম্ ।
জোষযেত্সর্বকর্মাণি বিদ্বান্যুক্তঃ সমাচরন্ ॥ 26 ॥
জোষযেত্সর্বকর্মাণি বিদ্বান্যুক্তঃ সমাচরন্ ॥ 26 ॥
প্রকৃতেঃ ক্রিযমাণানি গুণৈঃ কর্মাণি সর্বশঃ ।
অহঙ্কারবিমূঢাত্মা কর্তাহমিতি মন্যতে ॥ 27 ॥
অহঙ্কারবিমূঢাত্মা কর্তাহমিতি মন্যতে ॥ 27 ॥
তত্ত্ববিত্তু মহাবাহো গুণকর্মবিভাগযোঃ ।
গুণা গুণেষু বর্তন্ত ইতি মত্বা ন সজ্জতে ॥ 28 ॥
গুণা গুণেষু বর্তন্ত ইতি মত্বা ন সজ্জতে ॥ 28 ॥
প্রকৃতের্গুণসম্মূঢাঃ সজ্জন্তে গুণকর্মসু ।
তানকৃত্স্নবিদো মন্দান্কৃত্স্নবিন্ন বিচালযেত্ ॥ 29 ॥
তানকৃত্স্নবিদো মন্দান্কৃত্স্নবিন্ন বিচালযেত্ ॥ 29 ॥
মযি সর্বাণি কর্মাণি সন্ন্যস্যাধ্যাত্মচেতসা ।
নিরাশীর্নির্মমো ভূত্বা যুধ্যস্ব বিগতজ্বরঃ ॥ 30 ॥
নিরাশীর্নির্মমো ভূত্বা যুধ্যস্ব বিগতজ্বরঃ ॥ 30 ॥
যে মে মতমিদং নিত্যমনুতিষ্ঠন্তি মানবাঃ ।
শ্রদ্ধাবন্তোঽনসূযন্তো মুচ্যন্তে তেঽপি কর্মভিঃ ॥ 31 ॥
শ্রদ্ধাবন্তোঽনসূযন্তো মুচ্যন্তে তেঽপি কর্মভিঃ ॥ 31 ॥
যে ত্বেতদভ্যসূযন্তো নানুতিষ্ঠন্তি মে মতম্ ।
সর্বজ্ঞানবিমূঢাংস্তান্বিদ্ধি নষ্টানচেতসঃ ॥ 32 ॥
সর্বজ্ঞানবিমূঢাংস্তান্বিদ্ধি নষ্টানচেতসঃ ॥ 32 ॥
সদৃশং চেষ্টতে স্বস্যাঃ প্রকৃতের্জ্ঞানবানপি ।
প্রকৃতিং যান্তি ভূতানি নিগ্রহঃ কিং করিষ্যতি ॥ 33 ॥
প্রকৃতিং যান্তি ভূতানি নিগ্রহঃ কিং করিষ্যতি ॥ 33 ॥
ইন্দ্রিযস্যেন্দ্রিযস্যার্থে রাগদ্বেষৌ ব্যবস্থিতৌ ।
তযোর্ন বশমাগচ্ছেত্তৌ হ্যস্য পরিপন্থিনৌ ॥ 34 ॥
তযোর্ন বশমাগচ্ছেত্তৌ হ্যস্য পরিপন্থিনৌ ॥ 34 ॥
শ্রেযান্স্বধর্মো বিগুণঃ পরধর্মাত্স্বনুষ্ঠিতাত্ ।
স্বধর্মে নিধনং শ্রেযঃ পরধর্মো ভযাবহঃ ॥ 35 ॥
স্বধর্মে নিধনং শ্রেযঃ পরধর্মো ভযাবহঃ ॥ 35 ॥
অর্জুন উবাচ
অথ কেন প্রযুক্তোঽযং পাপং চরতি পূরুষঃ ।
অনিচ্ছন্নপি বার্ষ্ণেয বলাদিব নিযোজিতঃ ॥ 36 ॥
অনিচ্ছন্নপি বার্ষ্ণেয বলাদিব নিযোজিতঃ ॥ 36 ॥
শ্রীভগবানুবাচ
কাম এষ ক্রোধ এষ রজোগুণসমুদ্ভবঃ ।
মহাশনো মহাপাপ্মা বিদ্ধ্যেনমিহ বৈরিণম্ ॥ 37 ॥
মহাশনো মহাপাপ্মা বিদ্ধ্যেনমিহ বৈরিণম্ ॥ 37 ॥
ধূমেনাব্রিযতে বহ্নির্যথাদর্শো মলেন চ ।
যথোল্বেনাবৃতো গর্ভস্তথা তেনেদমাবৃতম্ ॥ 38 ॥
যথোল্বেনাবৃতো গর্ভস্তথা তেনেদমাবৃতম্ ॥ 38 ॥
আবৃতং জ্ঞানমেতেন জ্ঞানিনো নিত্যবৈরিণা ।
কামরূপেণ কৌন্তেয দুষ্পূরেণানলেন চ ॥ 39 ॥
কামরূপেণ কৌন্তেয দুষ্পূরেণানলেন চ ॥ 39 ॥
ইন্দ্রিযাণি মনো বুদ্ধিরস্যাধিষ্ঠানমুচ্যতে ।
এতৈর্বিমোহযত্যেষ জ্ঞানমাবৃত্য দেহিনম্ ॥ 40 ॥
এতৈর্বিমোহযত্যেষ জ্ঞানমাবৃত্য দেহিনম্ ॥ 40 ॥
তস্মাত্ত্বমিন্দ্রিযাণ্যাদৌ নিযম্য ভরতর্ষভ ।
পাপ্মানং প্রজহি হ্যেনং জ্ঞানবিজ্ঞাননাশনম্ ॥ 41 ॥
পাপ্মানং প্রজহি হ্যেনং জ্ঞানবিজ্ঞাননাশনম্ ॥ 41 ॥
ইন্দ্রিযাণি পরাণ্যাহুরিন্দ্রিযেভ্যঃ পরং মনঃ ।
মনসস্তু পরা বুদ্ধির্যো বুদ্ধেঃ পরতস্তু সঃ ॥ 42 ॥
মনসস্তু পরা বুদ্ধির্যো বুদ্ধেঃ পরতস্তু সঃ ॥ 42 ॥
এবং বুদ্ধেঃ পরং বুদ্ধ্বা সংস্তভ্যাত্মানমাত্মনা ।
জহি শত্রুং মহাবাহো কামরূপং দুরাসদম্ ॥ 43 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে কর্মযোগো নাম তৃতীযোঽধ্যাযঃ ॥3 ॥
জহি শত্রুং মহাবাহো কামরূপং দুরাসদম্ ॥ 43 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে কর্মযোগো নাম তৃতীযোঽধ্যাযঃ ॥3 ॥