ওঁ শ্রী পরমাত্মনে নমঃ
অথ অষ্টাদশোঽধ্যাযঃ ।
মোক্ষসন্ন্যাসযোগঃ অর্জুন উবাচ
সন্ন্যাসস্য মহাবাহো তত্ত্বমিচ্ছামি বেদিতুম্ ।
ত্যাগস্য চ হৃষীকেশ পৃথক্কেশিনিষূদন ॥ 1 ॥
ত্যাগস্য চ হৃষীকেশ পৃথক্কেশিনিষূদন ॥ 1 ॥
শ্রীভগবানুবাচ
কাম্যানাং কর্মণাং ন্যাসং সন্ন্যাসং কবযো বিদুঃ ।
সর্বকর্মফলত্যাগং প্রাহুস্ত্যাগং বিচক্ষণাঃ ॥ 2 ॥
সর্বকর্মফলত্যাগং প্রাহুস্ত্যাগং বিচক্ষণাঃ ॥ 2 ॥
ত্যাজ্যং দোষবদিত্যেকে কর্ম প্রাহুর্মনীষিণঃ ।
যজ্ঞদানতপঃকর্ম ন ত্যাজ্যমিতি চাপরে ॥ 3 ॥
যজ্ঞদানতপঃকর্ম ন ত্যাজ্যমিতি চাপরে ॥ 3 ॥
নিশ্চযং শৃণু মে তত্র ত্যাগে ভরতসত্তম ।
ত্যাগো হি পুরুষব্যাঘ্র ত্রিবিধঃ সম্প্রকীর্তিতঃ ॥ 4 ॥
ত্যাগো হি পুরুষব্যাঘ্র ত্রিবিধঃ সম্প্রকীর্তিতঃ ॥ 4 ॥
যজ্ঞদানতপঃকর্ম ন ত্যাজ্যং কার্যমেব তত্ ।
যজ্ঞো দানং তপশ্চৈব পাবনানি মনীষিণাম্ ॥ 5 ॥
যজ্ঞো দানং তপশ্চৈব পাবনানি মনীষিণাম্ ॥ 5 ॥
এতান্যপি তু কর্মাণি সঙ্গং ত্যক্ত্বা ফলানি চ ।
কর্তব্যানীতি মে পার্থ নিশ্চিতং মতমুত্তমম্ ॥ 6 ॥
কর্তব্যানীতি মে পার্থ নিশ্চিতং মতমুত্তমম্ ॥ 6 ॥
নিযতস্য তু সন্ন্যাসঃ কর্মণো নোপপদ্যতে ।
মোহাত্তস্য পরিত্যাগস্তামসঃ পরিকীর্তিতঃ ॥ 7 ॥
মোহাত্তস্য পরিত্যাগস্তামসঃ পরিকীর্তিতঃ ॥ 7 ॥
দুঃখমিত্যেব যত্কর্ম কাযক্লেশভযাত্ত্যজেত্ ।
স কৃত্বা রাজসং ত্যাগং নৈব ত্যাগফলং লভেত্ ॥ 8 ॥
স কৃত্বা রাজসং ত্যাগং নৈব ত্যাগফলং লভেত্ ॥ 8 ॥
কার্যমিত্যেব যত্কর্ম নিযতং ক্রিযতেঽর্জুন ।
সঙ্গং ত্যক্ত্বা ফলং চৈব স ত্যাগঃ সাত্ত্বিকো মতঃ ॥ 9 ॥
সঙ্গং ত্যক্ত্বা ফলং চৈব স ত্যাগঃ সাত্ত্বিকো মতঃ ॥ 9 ॥
ন দ্বেষ্ট্যকুশলং কর্ম কুশলে নানুষজ্জতে ।
ত্যাগী সত্ত্বসমাবিষ্টো মেধাবী ছিন্নসংশযঃ ॥ 10 ॥
ত্যাগী সত্ত্বসমাবিষ্টো মেধাবী ছিন্নসংশযঃ ॥ 10 ॥
ন হি দেহভৃতা শক্যং ত্যক্তুং কর্মাণ্যশেষতঃ ।
যস্তু কর্মফলত্যাগী স ত্যাগীত্যভিধীযতে ॥ 11 ॥
যস্তু কর্মফলত্যাগী স ত্যাগীত্যভিধীযতে ॥ 11 ॥
অনিষ্টমিষ্টং মিশ্রং চ ত্রিবিধং কর্মণঃ ফলম্ ।
ভবত্যত্যাগিনাং প্রেত্য ন তু সন্ন্যাসিনাং ক্বচিত্ ॥ 12 ॥
ভবত্যত্যাগিনাং প্রেত্য ন তু সন্ন্যাসিনাং ক্বচিত্ ॥ 12 ॥
পঞ্চৈতানি মহাবাহো কারণানি নিবোধ মে ।
সাঙ্খ্যে কৃতান্তে প্রোক্তানি সিদ্ধযে সর্বকর্মণাম্ ॥ 13 ॥
সাঙ্খ্যে কৃতান্তে প্রোক্তানি সিদ্ধযে সর্বকর্মণাম্ ॥ 13 ॥
অধিষ্ঠানং তথা কর্তা করণং চ পৃথগ্বিধম্ ।
বিবিধাশ্চ পৃথক্চেষ্টা দৈবং চৈবাত্র পঞ্চমম্ ॥ 14 ॥
বিবিধাশ্চ পৃথক্চেষ্টা দৈবং চৈবাত্র পঞ্চমম্ ॥ 14 ॥
শরীরবাঙ্মনোভির্যত্কর্ম প্রারভতে নরঃ ।
ন্যায্যং বা বিপরীতং বা পঞ্চৈতে তস্য হেতবঃ ॥ 15 ॥
ন্যায্যং বা বিপরীতং বা পঞ্চৈতে তস্য হেতবঃ ॥ 15 ॥
তত্রৈবং সতি কর্তারমাত্মানং কেবলং তু যঃ ।
পশ্যত্যকৃতবুদ্ধিত্বান্ন স পশ্যতি দুর্মতিঃ ॥ 16 ॥
পশ্যত্যকৃতবুদ্ধিত্বান্ন স পশ্যতি দুর্মতিঃ ॥ 16 ॥
যস্য নাহঙ্কৃতো ভাবো বুদ্ধির্যস্য ন লিপ্যতে ।
হত্বাঽপি স ইমাঁল্লোকান্ন হন্তি ন নিবধ্যতে ॥ 17 ॥
হত্বাঽপি স ইমাঁল্লোকান্ন হন্তি ন নিবধ্যতে ॥ 17 ॥
জ্ঞানং জ্ঞেযং পরিজ্ঞাতা ত্রিবিধা কর্মচোদনা ।
করণং কর্ম কর্তেতি ত্রিবিধঃ কর্মসঙ্গ্রহঃ ॥ 18 ॥
করণং কর্ম কর্তেতি ত্রিবিধঃ কর্মসঙ্গ্রহঃ ॥ 18 ॥
জ্ঞানং কর্ম চ কর্তা চ ত্রিধৈব গুণভেদতঃ ।
প্রোচ্যতে গুণসঙ্খ্যানে যথাবচ্ছৃণু তান্যপি ॥ 19 ॥
প্রোচ্যতে গুণসঙ্খ্যানে যথাবচ্ছৃণু তান্যপি ॥ 19 ॥
সর্বভূতেষু যেনৈকং ভাবমব্যযমীক্ষতে ।
অবিভক্তং বিভক্তেষু তজ্জ্ঞানং বিদ্ধি সাত্ত্বিকম্ ॥ 20 ॥
অবিভক্তং বিভক্তেষু তজ্জ্ঞানং বিদ্ধি সাত্ত্বিকম্ ॥ 20 ॥
পৃথক্ত্বেন তু যজ্জ্ঞানং নানাভাবান্পৃথগ্বিধান্ ।
বেত্তি সর্বেষু ভূতেষু তজ্জ্ঞানং বিদ্ধি রাজসম্ ॥ 21 ॥
বেত্তি সর্বেষু ভূতেষু তজ্জ্ঞানং বিদ্ধি রাজসম্ ॥ 21 ॥
যত্তু কৃত্স্নবদেকস্মিন্কার্যে সক্তমহৈতুকম্ ।
অতত্ত্বার্থবদল্পং চ তত্তামসমুদাহৃতম্ ॥ 22 ॥
অতত্ত্বার্থবদল্পং চ তত্তামসমুদাহৃতম্ ॥ 22 ॥
নিযতং সঙ্গরহিতমরাগদ্বেষতঃ কৃতম্ ।
অফলপ্রেপ্সুনা কর্ম যত্তত্সাত্ত্বিকমুচ্যতে ॥ 23 ॥
অফলপ্রেপ্সুনা কর্ম যত্তত্সাত্ত্বিকমুচ্যতে ॥ 23 ॥
যত্তু কামেপ্সুনা কর্ম সাহঙ্কারেণ বা পুনঃ ।
ক্রিযতে বহুলাযাসং তদ্রাজসমুদাহৃতম্ ॥ 24 ॥
ক্রিযতে বহুলাযাসং তদ্রাজসমুদাহৃতম্ ॥ 24 ॥
অনুবন্ধং ক্ষযং হিংসামনপেক্ষ্য চ পৌরুষম্ ।
মোহাদারভ্যতে কর্ম যত্তত্তামসমুচ্যতে ॥ 25 ॥
মোহাদারভ্যতে কর্ম যত্তত্তামসমুচ্যতে ॥ 25 ॥
মুক্তসঙ্গোঽনহংবাদী ধৃত্যুত্সাহসমন্বিতঃ ।
সিদ্ধ্যসিদ্ধ্যোর্নির্বিকারঃ কর্তা সাত্ত্বিক উচ্যতে ॥ 26 ॥
সিদ্ধ্যসিদ্ধ্যোর্নির্বিকারঃ কর্তা সাত্ত্বিক উচ্যতে ॥ 26 ॥
রাগী কর্মফলপ্রেপ্সুর্লুব্ধো হিংসাত্মকোঽশুচিঃ ।
হর্ষশোকান্বিতঃ কর্তা রাজসঃ পরিকীর্তিতঃ ॥ 27 ॥
হর্ষশোকান্বিতঃ কর্তা রাজসঃ পরিকীর্তিতঃ ॥ 27 ॥
অযুক্তঃ প্রাকৃতঃ স্তব্ধঃ শঠো নৈষ্কৃতিকোঽলসঃ ।
বিষাদী দীর্ঘসূত্রী চ কর্তা তামস উচ্যতে ॥ 28 ॥
বিষাদী দীর্ঘসূত্রী চ কর্তা তামস উচ্যতে ॥ 28 ॥
বুদ্ধের্ভেদং ধৃতেশ্চৈব গুণতস্ত্রিবিধং শৃণু ।
প্রোচ্যমানমশেষেণ পৃথক্ত্বেন ধনঞ্জয ॥ 29 ॥
প্রোচ্যমানমশেষেণ পৃথক্ত্বেন ধনঞ্জয ॥ 29 ॥
প্রবৃত্তিং চ নিবৃত্তিং চ কার্যাকার্যে ভযাভযে ।
বন্ধং মোক্ষং চ যা বেত্তি বুদ্ধিঃ সা পার্থ সাত্ত্বিকী ॥ 30 ॥
বন্ধং মোক্ষং চ যা বেত্তি বুদ্ধিঃ সা পার্থ সাত্ত্বিকী ॥ 30 ॥
যযা ধর্মমধর্মং চ কার্যং চাকার্যমেব চ ।
অযথাবত্প্রজানাতি বুদ্ধিঃ সা পার্থ রাজসী ॥ 31 ॥
অযথাবত্প্রজানাতি বুদ্ধিঃ সা পার্থ রাজসী ॥ 31 ॥
অধর্মং ধর্মমিতি যা মন্যতে তমসাবৃতা ।
সর্বার্থান্বিপরীতাংশ্চ বুদ্ধিঃ সা পার্থ তামসী ॥ 32 ॥
সর্বার্থান্বিপরীতাংশ্চ বুদ্ধিঃ সা পার্থ তামসী ॥ 32 ॥
ধৃত্যা যযা ধারযতে মনঃপ্রাণেন্দ্রিযক্রিযাঃ ।
যোগেনাব্যভিচারিণ্যা ধৃতিঃ সা পার্থ সাত্ত্বিকী ॥ 33 ॥
যোগেনাব্যভিচারিণ্যা ধৃতিঃ সা পার্থ সাত্ত্বিকী ॥ 33 ॥
যযা তু ধর্মকামার্থান্ধৃত্যা ধারযতেঽর্জুন ।
প্রসঙ্গেন ফলাকাঙ্ক্ষী ধৃতিঃ সা পার্থ রাজসী ॥ 34 ॥
প্রসঙ্গেন ফলাকাঙ্ক্ষী ধৃতিঃ সা পার্থ রাজসী ॥ 34 ॥
যযা স্বপ্নং ভযং শোকং বিষাদং মদমেব চ ।
ন বিমুঞ্চতি দুর্মেধা ধৃতিঃ সা পার্থ তামসী ॥ 35 ॥
ন বিমুঞ্চতি দুর্মেধা ধৃতিঃ সা পার্থ তামসী ॥ 35 ॥
সুখং ত্বিদানীং ত্রিবিধং শৃণু মে ভরতর্ষভ ।
অভ্যাসাদ্রমতে যত্র দুঃখান্তং চ নিগচ্ছতি ॥ 36 ॥
অভ্যাসাদ্রমতে যত্র দুঃখান্তং চ নিগচ্ছতি ॥ 36 ॥
যত্তদগ্রে বিষমিব পরিণামেঽমৃতোপমম্ ।
তত্সুখং সাত্ত্বিকং প্রোক্তমাত্মবুদ্ধিপ্রসাদজম্ ॥ 37 ॥
তত্সুখং সাত্ত্বিকং প্রোক্তমাত্মবুদ্ধিপ্রসাদজম্ ॥ 37 ॥
বিষযেন্দ্রিযসংযোগাদ্যত্তদগ্রেঽমৃতোপমম্ ।
পরিণামে বিষমিব তত্সুখং রাজসং স্মৃতম্ ॥ 38 ॥
পরিণামে বিষমিব তত্সুখং রাজসং স্মৃতম্ ॥ 38 ॥
যদগ্রে চানুবন্ধে চ সুখং মোহনমাত্মনঃ ।
নিদ্রালস্যপ্রমাদোত্থং তত্তামসমুদাহৃতম্ ॥ 39 ॥
নিদ্রালস্যপ্রমাদোত্থং তত্তামসমুদাহৃতম্ ॥ 39 ॥
ন তদস্তি পৃথিব্যাং বা দিবি দেবেষু বা পুনঃ ।
সত্ত্বং প্রকৃতিজৈর্মুক্তং যদেভিঃ স্যাত্ত্রিভির্গুণৈঃ ॥ 40 ॥
সত্ত্বং প্রকৃতিজৈর্মুক্তং যদেভিঃ স্যাত্ত্রিভির্গুণৈঃ ॥ 40 ॥
ব্রাহ্মণক্ষত্রিযবিশাং শূদ্রাণাং চ পরন্তপ ।
কর্মাণি প্রবিভক্তানি স্বভাবপ্রভবৈর্গুণৈঃ ॥ 41 ॥
কর্মাণি প্রবিভক্তানি স্বভাবপ্রভবৈর্গুণৈঃ ॥ 41 ॥
শমো দমস্তপঃ শৌচং ক্ষান্তিরার্জবমেব চ ।
জ্ঞানং বিজ্ঞানমাস্তিক্যং ব্রহ্মকর্ম স্বভাবজম্ ॥ 42 ॥
জ্ঞানং বিজ্ঞানমাস্তিক্যং ব্রহ্মকর্ম স্বভাবজম্ ॥ 42 ॥
শৌর্যং তেজো ধৃতির্দাক্ষ্যং যুদ্ধে চাপ্যপলাযনম্ ।
দানমীশ্বরভাবশ্চ ক্ষাত্রং কর্ম স্বভাবজম্ ॥ 43 ॥
দানমীশ্বরভাবশ্চ ক্ষাত্রং কর্ম স্বভাবজম্ ॥ 43 ॥
কৃষিগৌরক্ষ্যবাণিজ্যং বৈশ্যকর্ম স্বভাবজম্ ।
পরিচর্যাত্মকং কর্ম শূদ্রস্যাপি স্বভাবজম্ ॥ 44 ॥
পরিচর্যাত্মকং কর্ম শূদ্রস্যাপি স্বভাবজম্ ॥ 44 ॥
স্বে স্বে কর্মণ্যভিরতঃ সংসিদ্ধিং লভতে নরঃ ।
স্বকর্মনিরতঃ সিদ্ধিং যথা বিন্দতি তচ্ছৃণু ॥ 45 ॥
স্বকর্মনিরতঃ সিদ্ধিং যথা বিন্দতি তচ্ছৃণু ॥ 45 ॥
যতঃ প্রবৃত্তির্ভূতানাং যেন সর্বমিদং ততম্ ।
স্বকর্মণা তমভ্যর্চ্য সিদ্ধিং বিন্দতি মানবঃ ॥ 46 ॥
স্বকর্মণা তমভ্যর্চ্য সিদ্ধিং বিন্দতি মানবঃ ॥ 46 ॥
শ্রেযান্স্বধর্মো বিগুণঃ পরধর্মোত্স্বনুষ্ঠিতাত্ ।
স্বভাবনিযতং কর্ম কুর্বন্নাপ্নোতি কিল্বিষম্ ॥ 47 ॥
স্বভাবনিযতং কর্ম কুর্বন্নাপ্নোতি কিল্বিষম্ ॥ 47 ॥
সহজং কর্ম কৌন্তেয সদোষমপি ন ত্যজেত্ ।
সর্বারম্ভা হি দোষেণ ধূমেনাগ্নিরিবাবৃতাঃ ॥ 48 ॥
সর্বারম্ভা হি দোষেণ ধূমেনাগ্নিরিবাবৃতাঃ ॥ 48 ॥
অসক্তবুদ্ধিঃ সর্বত্র জিতাত্মা বিগতস্পৃহঃ ।
নৈষ্কর্ম্যসিদ্ধিং পরমাং সন্ন্যাসেনাধিগচ্ছতি ॥ 49 ॥
নৈষ্কর্ম্যসিদ্ধিং পরমাং সন্ন্যাসেনাধিগচ্ছতি ॥ 49 ॥
সিদ্ধিং প্রাপ্তো যথা ব্রহ্ম তথাপ্নোতি নিবোধ মে ।
সমাসেনৈব কৌন্তেয নিষ্ঠা জ্ঞানস্য যা পরা ॥ 50 ॥
সমাসেনৈব কৌন্তেয নিষ্ঠা জ্ঞানস্য যা পরা ॥ 50 ॥
বুদ্ধ্যা বিশুদ্ধযা যুক্তো ধৃত্যাত্মানং নিযম্য চ ।
শব্দাদীন্বিষযাংস্ত্যক্ত্বা রাগদ্বেষৌ ব্যুদস্য চ ॥ 51 ॥
শব্দাদীন্বিষযাংস্ত্যক্ত্বা রাগদ্বেষৌ ব্যুদস্য চ ॥ 51 ॥
বিবিক্তসেবী লঘ্বাশী যতবাক্কাযমানসঃ ।
ধ্যানযোগপরো নিত্যং বৈরাগ্যং সমুপাশ্রিতঃ ॥ 52 ॥
ধ্যানযোগপরো নিত্যং বৈরাগ্যং সমুপাশ্রিতঃ ॥ 52 ॥
অহঙ্কারং বলং দর্পং কামং ক্রোধং পরিগ্রহম্ ।
বিমুচ্য নির্মমঃ শান্তো ব্রহ্মভূযায কল্পতে ॥ 53 ॥
বিমুচ্য নির্মমঃ শান্তো ব্রহ্মভূযায কল্পতে ॥ 53 ॥
ব্রহ্মভূতঃ প্রসন্নাত্মা ন শোচতি ন কাঙ্ক্ষতি ।
সমঃ সর্বেষু ভূতেষু মদ্ভক্তিং লভতে পরাম্ ॥ 54 ॥
সমঃ সর্বেষু ভূতেষু মদ্ভক্তিং লভতে পরাম্ ॥ 54 ॥
ভক্ত্যা মামভিজানাতি যাবান্যশ্চাস্মি তত্ত্বতঃ ।
ততো মাং তত্ত্বতো জ্ঞাত্বা বিশতে তদনন্তরম্ ॥ 55 ॥
ততো মাং তত্ত্বতো জ্ঞাত্বা বিশতে তদনন্তরম্ ॥ 55 ॥
সর্বকর্মাণ্যপি সদা কুর্বাণো মদ্ব্যপাশ্রযঃ ।
মত্প্রসাদাদবাপ্নোতি শাশ্বতং পদমব্যযম্ ॥ 56 ॥
মত্প্রসাদাদবাপ্নোতি শাশ্বতং পদমব্যযম্ ॥ 56 ॥
চেতসা সর্বকর্মাণি মযি সন্ন্যস্য মত্পরঃ ।
বুদ্ধিযোগমুপাশ্রিত্য মচ্চিত্তঃ সততং ভব ॥ 57 ॥
বুদ্ধিযোগমুপাশ্রিত্য মচ্চিত্তঃ সততং ভব ॥ 57 ॥
মচ্চিত্তঃ সর্বদুর্গাণি মত্প্রসাদাত্তরিষ্যসি ।
অথ চেত্ত্বমহঙ্কারান্ন শ্রোষ্যসি বিনঙ্ক্ষ্যসি ॥ 58 ॥
অথ চেত্ত্বমহঙ্কারান্ন শ্রোষ্যসি বিনঙ্ক্ষ্যসি ॥ 58 ॥
যদহঙ্কারমাশ্রিত্য ন যোত্স্য ইতি মন্যসে ।
মিথ্যৈষ ব্যবসাযস্তে প্রকৃতিস্ত্বাং নিযোক্ষ্যতি ॥ 59 ॥
মিথ্যৈষ ব্যবসাযস্তে প্রকৃতিস্ত্বাং নিযোক্ষ্যতি ॥ 59 ॥
স্বভাবজেন কৌন্তেয নিবদ্ধঃ স্বেন কর্মণা ।
কর্তুং নেচ্ছসি যন্মোহাত্করিষ্যস্যবশোঽপি তত্ ॥ 60 ॥
কর্তুং নেচ্ছসি যন্মোহাত্করিষ্যস্যবশোঽপি তত্ ॥ 60 ॥
ঈশ্বরঃ সর্বভূতানাং হৃদ্দেশেঽর্জুন তিষ্ঠতি ।
ভ্রামযন্সর্বভূতানি যন্ত্রারূঢানি মাযযা ॥ 61 ॥
ভ্রামযন্সর্বভূতানি যন্ত্রারূঢানি মাযযা ॥ 61 ॥
তমেব শরণং গচ্ছ সর্বভাবেন ভারত ।
তত্প্রসাদাত্পরাং শান্তিং স্থানং প্রাপ্স্যসি শাশ্বতম্ ॥ 62 ॥
তত্প্রসাদাত্পরাং শান্তিং স্থানং প্রাপ্স্যসি শাশ্বতম্ ॥ 62 ॥
ইতি তে জ্ঞানমাখ্যাতং গুহ্যাদ্গুহ্যতরং মযা ।
বিমৃশ্যৈতদশেষেণ যথেচ্ছসি তথা কুরু ॥ 63 ॥
বিমৃশ্যৈতদশেষেণ যথেচ্ছসি তথা কুরু ॥ 63 ॥
সর্বগুহ্যতমং ভূযঃ শৃণু মে পরমং বচঃ ।
ইষ্টোঽসি মে দৃঢমিতি ততো বক্ষ্যামি তে হিতম্ ॥ 64 ॥
ইষ্টোঽসি মে দৃঢমিতি ততো বক্ষ্যামি তে হিতম্ ॥ 64 ॥
মন্মনা ভব মদ্ভক্তো মদ্যাজী মাং নমস্কুরু ।
মামেবৈষ্যসি সত্যং তে প্রতিজানে প্রিযোঽসি মে ॥ 65 ॥
মামেবৈষ্যসি সত্যং তে প্রতিজানে প্রিযোঽসি মে ॥ 65 ॥
সর্বধর্মান্পরিত্যজ্য মামেকং শরণং ব্রজ ।
অহং ত্বা সর্বপাপেভ্যো মোক্ষযিষ্যামি মা শুচঃ ॥ 66 ॥
অহং ত্বা সর্বপাপেভ্যো মোক্ষযিষ্যামি মা শুচঃ ॥ 66 ॥
ইদং তে নাতপস্কায নাভক্তায কদাচন ।
ন চাশুশ্রূষবে বাচ্যং ন চ মাং যোঽভ্যসূযতি ॥ 67 ॥
ন চাশুশ্রূষবে বাচ্যং ন চ মাং যোঽভ্যসূযতি ॥ 67 ॥
য ইমং পরমং গুহ্যং মদ্ভক্তেষ্বভিধাস্যতি ।
ভক্তিং মযি পরাং কৃত্বা মামেবৈষ্যত্যসংশযঃ ॥ 68 ॥
ভক্তিং মযি পরাং কৃত্বা মামেবৈষ্যত্যসংশযঃ ॥ 68 ॥
ন চ তস্মান্মনুষ্যেষু কশ্চিন্মে প্রিযকৃত্তমঃ ।
ভবিতা ন চ মে তস্মাদন্যঃ প্রিযতরো ভুবি ॥ 69 ॥
ভবিতা ন চ মে তস্মাদন্যঃ প্রিযতরো ভুবি ॥ 69 ॥
অধ্যেষ্যতে চ য ইমং ধর্ম্যং সংবাদমাবযোঃ ।
জ্ঞানযজ্ঞেন তেনাহমিষ্টঃ স্যামিতি মে মতিঃ ॥ 70 ॥
জ্ঞানযজ্ঞেন তেনাহমিষ্টঃ স্যামিতি মে মতিঃ ॥ 70 ॥
শ্রদ্ধাবাননসূযশ্চ শৃণুযাদপি যো নরঃ ।
সোঽপি মুক্তঃ শুভাఁল্লোকান্প্রাপ্নুযাত্পুণ্যকর্মণাম্ ॥ 71 ॥
সোঽপি মুক্তঃ শুভাఁল্লোকান্প্রাপ্নুযাত্পুণ্যকর্মণাম্ ॥ 71 ॥
কচ্চিদেতচ্ছ্রুতং পার্থ ত্বযৈকাগ্রেণ চেতসা ।
কচ্চিদজ্ঞানসম্মোহঃ প্রনষ্টস্তে ধনঞ্জয ॥ 72 ॥
কচ্চিদজ্ঞানসম্মোহঃ প্রনষ্টস্তে ধনঞ্জয ॥ 72 ॥
অর্জুন উবাচ
নষ্টো মোহঃ স্মৃতির্লব্ধা ত্বত্প্রসাদান্মযাচ্যুত ।
স্থিতোঽস্মি গতসন্দেহঃ করিষ্যে বচনং তব ॥ 73 ॥
স্থিতোঽস্মি গতসন্দেহঃ করিষ্যে বচনং তব ॥ 73 ॥
সঞ্জয উবাচ
ইত্যহং বাসুদেবস্য পার্থস্য চ মহাত্মনঃ ।
সংবাদমিমমশ্রৌষমদ্ভুতং রোমহর্ষণম্ ॥ 74 ॥
সংবাদমিমমশ্রৌষমদ্ভুতং রোমহর্ষণম্ ॥ 74 ॥
ব্যাসপ্রসাদাচ্ছ্রুতবানেতদ্গুহ্যমহং পরম্ ।
যোগং যোগেশ্বরাত্কৃষ্ণাত্সাক্ষাত্কথযতঃ স্বযম্ ॥ 75 ॥
যোগং যোগেশ্বরাত্কৃষ্ণাত্সাক্ষাত্কথযতঃ স্বযম্ ॥ 75 ॥
রাজন্সংস্মৃত্য সংস্মৃত্য সংবাদমিমমদ্ভুতম্ ।
কেশবার্জুনযোঃ পুণ্যং হৃষ্যামি চ মুহুর্মুহুঃ ॥ 76 ॥
কেশবার্জুনযোঃ পুণ্যং হৃষ্যামি চ মুহুর্মুহুঃ ॥ 76 ॥
তচ্চ সংস্মৃত্য সংস্মৃত্য রূপমত্যদ্ভুতং হরেঃ ।
বিস্মযো মে মহান্রাজন্হৃষ্যামি চ পুনঃ পুনঃ ॥ 77 ॥
বিস্মযো মে মহান্রাজন্হৃষ্যামি চ পুনঃ পুনঃ ॥ 77 ॥
যত্র যোগেশ্বরঃ কৃষ্ণো যত্র পার্থো ধনুর্ধরঃ ।
তত্র শ্রীর্বিজযো ভূতির্ধ্রুবা নীতির্মতির্মম ॥ 78 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে মোক্ষসন্ন্যাসযোগো নামাষ্টাদশোঽধ্যাযঃ ॥ 18 ॥
তত্র শ্রীর্বিজযো ভূতির্ধ্রুবা নীতির্মতির্মম ॥ 78 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে মোক্ষসন্ন্যাসযোগো নামাষ্টাদশোঽধ্যাযঃ ॥ 18 ॥