ওঁ শ্রীপরমাত্মনে নমঃ
অথ দশমোঽধ্যাযঃ ।
বিভূতিযোগঃ শ্রীভগবানুবাচ
ভূয এব মহাবাহো শৃণু মে পরমং বচঃ ।
যত্তেঽহং প্রীযমাণায বক্ষ্যামি হিতকাম্যযা ॥ 1 ॥
যত্তেঽহং প্রীযমাণায বক্ষ্যামি হিতকাম্যযা ॥ 1 ॥
ন মে বিদুঃ সুরগণাঃ প্রভবং ন মহর্ষযঃ ।
অহমাদির্হি দেবানাং মহর্ষীণাং চ সর্বশঃ ॥ 2 ॥
অহমাদির্হি দেবানাং মহর্ষীণাং চ সর্বশঃ ॥ 2 ॥
যো মামজমনাদিং চ বেত্তি লোকমহেশ্বরম্ ।
অসম্মূঢঃ স মর্ত্যেষু সর্বপাপৈঃ প্রমুচ্যতে ॥ 3 ॥
অসম্মূঢঃ স মর্ত্যেষু সর্বপাপৈঃ প্রমুচ্যতে ॥ 3 ॥
বুদ্ধির্জ্ঞানমসম্মোহঃ ক্ষমা সত্যং দমঃ শমঃ ।
সুখং দুঃখং ভবোঽভাবো ভযং চাভযমেব চ ॥ 4 ॥
সুখং দুঃখং ভবোঽভাবো ভযং চাভযমেব চ ॥ 4 ॥
অহিংসা সমতা তুষ্টিস্তপো দানং যশোঽযশঃ ।
ভবন্তি ভাবা ভূতানাং মত্ত এব পৃথগ্বিধাঃ ॥ 5 ॥
ভবন্তি ভাবা ভূতানাং মত্ত এব পৃথগ্বিধাঃ ॥ 5 ॥
মহর্ষযঃ সপ্ত পূর্বে চত্বারো মনবস্তথা ।
মদ্ভাবা মানসা জাতা যেষাং লোক ইমাঃ প্রজাঃ ॥ 6 ॥
মদ্ভাবা মানসা জাতা যেষাং লোক ইমাঃ প্রজাঃ ॥ 6 ॥
এতাং বিভূতিং যোগং চ মম যো বেত্তি তত্ত্বতঃ ।
সোঽবিকম্পেন যোগেন যুজ্যতে নাত্র সংশযঃ ॥ 7 ॥
সোঽবিকম্পেন যোগেন যুজ্যতে নাত্র সংশযঃ ॥ 7 ॥
অহং সর্বস্য প্রভবো মত্তঃ সর্বং প্রবর্ততে ।
ইতি মত্বা ভজন্তে মাং বুধা ভাবসমন্বিতাঃ ॥ 8 ॥
ইতি মত্বা ভজন্তে মাং বুধা ভাবসমন্বিতাঃ ॥ 8 ॥
মচ্চিত্তা মদ্গতপ্রাণা বোধযন্তঃ পরস্পরম্ ।
কথযন্তশ্চ মাং নিত্যং তুষ্যন্তি চ রমন্তি চ ॥ 9 ॥
কথযন্তশ্চ মাং নিত্যং তুষ্যন্তি চ রমন্তি চ ॥ 9 ॥
তেষাং সততযুক্তানাং ভজতাং প্রীতিপূর্বকম্ ।
দদামি বুদ্ধিযোগং তং যেন মামুপযান্তি তে ॥ 10 ॥
দদামি বুদ্ধিযোগং তং যেন মামুপযান্তি তে ॥ 10 ॥
তেষামেবানুকম্পার্থমহমজ্ঞানজং তমঃ ।
নাশযাম্যাত্মভাবস্থো জ্ঞানদীপেন ভাস্বতা ॥ 11 ॥
নাশযাম্যাত্মভাবস্থো জ্ঞানদীপেন ভাস্বতা ॥ 11 ॥
অর্জুন উবাচ
পরং ব্রহ্ম পরং ধাম পবিত্রং পরমং ভবান্ ।
পুরুষং শাশ্বতং দিব্যমাদিদেবমজং বিভুম্ ॥ 12 ॥
পুরুষং শাশ্বতং দিব্যমাদিদেবমজং বিভুম্ ॥ 12 ॥
আহুস্ত্বামৃষযঃ সর্বে দেবর্ষির্নারদস্তথা ।
অসিতো দেবলো ব্যাসঃ স্বযং চৈব ব্রবীষি মে ॥ 13 ॥
অসিতো দেবলো ব্যাসঃ স্বযং চৈব ব্রবীষি মে ॥ 13 ॥
সর্বমেতদৃতং মন্যে যন্মাং বদসি কেশব ।
ন হি তে ভগবন্ব্যক্তিং বিদুর্দেবা ন দানবাঃ ॥ 14 ॥
ন হি তে ভগবন্ব্যক্তিং বিদুর্দেবা ন দানবাঃ ॥ 14 ॥
স্বযমেবাত্মনাত্মানং বেত্থ ত্বং পুরুষোত্তম ।
ভূতভাবন ভূতেশ দেবদেব জগত্পতে ॥ 15 ॥
ভূতভাবন ভূতেশ দেবদেব জগত্পতে ॥ 15 ॥
বক্তুমর্হস্যশেষেণ দিব্যা হ্যাত্মবিভূতযঃ ।
যাভির্বিভূতিভির্লোকানিমাংস্ত্বং ব্যাপ্য তিষ্ঠসি ॥ 16 ॥
যাভির্বিভূতিভির্লোকানিমাংস্ত্বং ব্যাপ্য তিষ্ঠসি ॥ 16 ॥
কথং বিদ্যামহং যোগিংস্ত্বাং সদা পরিচিন্তযন্ ।
কেষু কেষু চ ভাবেষু চিন্ত্যোঽসি ভগবন্মযা ॥ 17 ॥
কেষু কেষু চ ভাবেষু চিন্ত্যোঽসি ভগবন্মযা ॥ 17 ॥
বিস্তরেণাত্মনো যোগং বিভূতিং চ জনার্দন ।
ভূযঃ কথয তৃপ্তির্হি শৃণ্বতো নাস্তি মেঽমৃতম্ ॥ 18 ॥
ভূযঃ কথয তৃপ্তির্হি শৃণ্বতো নাস্তি মেঽমৃতম্ ॥ 18 ॥
শ্রীভগবানুবাচ
হন্ত তে কথযিষ্যামি দিব্যা হ্যাত্মবিভূতযঃ ।
প্রাধান্যতঃ কুরুশ্রেষ্ঠ নাস্ত্যন্তো বিস্তরস্য মে ॥ 19 ॥
প্রাধান্যতঃ কুরুশ্রেষ্ঠ নাস্ত্যন্তো বিস্তরস্য মে ॥ 19 ॥
অহমাত্মা গুডাকেশ সর্বভূতাশযস্থিতঃ ।
অহমাদিশ্চ মধ্যং চ ভূতানামন্ত এব চ ॥ 20 ॥
অহমাদিশ্চ মধ্যং চ ভূতানামন্ত এব চ ॥ 20 ॥
আদিত্যানামহং বিষ্ণুর্জ্যোতিষাং রবিরংশুমান্ ।
মরীচির্মরুতামস্মি নক্ষত্রাণামহং শশী ॥ 21 ॥
মরীচির্মরুতামস্মি নক্ষত্রাণামহং শশী ॥ 21 ॥
বেদানাং সামবেদোঽস্মি দেবানামস্মি বাসবঃ ।
ইন্দ্রিযাণাং মনশ্চাস্মি ভূতানামস্মি চেতনা ॥ 22 ॥
ইন্দ্রিযাণাং মনশ্চাস্মি ভূতানামস্মি চেতনা ॥ 22 ॥
রুদ্রাণাং শঙ্করশ্চাস্মি বিত্তেশো যক্ষরক্ষসাম্ ।
বসূনাং পাবকশ্চাস্মি মেরুঃ শিখরিণামহম্ ॥ 23 ॥
বসূনাং পাবকশ্চাস্মি মেরুঃ শিখরিণামহম্ ॥ 23 ॥
পুরোধসাং চ মুখ্যং মাং বিদ্ধি পার্থ বৃহস্পতিম্ ।
সেনানীনামহং স্কন্দঃ সরসামস্মি সাগরঃ ॥ 24 ॥
সেনানীনামহং স্কন্দঃ সরসামস্মি সাগরঃ ॥ 24 ॥
মহর্ষীণাং ভৃগুরহং গিরামস্ম্যেকমক্ষরম্ ।
যজ্ঞানাং জপযজ্ঞোঽস্মি স্থাবরাণাং হিমালযঃ ॥ 25 ॥
যজ্ঞানাং জপযজ্ঞোঽস্মি স্থাবরাণাং হিমালযঃ ॥ 25 ॥
অশ্বত্থঃ সর্ববৃক্ষাণাং দেবর্ষীণাং চ নারদঃ ।
গন্ধর্বাণাং চিত্ররথঃ সিদ্ধানাং কপিলো মুনিঃ ॥ 26 ॥
গন্ধর্বাণাং চিত্ররথঃ সিদ্ধানাং কপিলো মুনিঃ ॥ 26 ॥
উচ্চৈঃশ্রবসমশ্বানাং বিদ্ধি মামমৃতোদ্ভবম্ ।
ঐরাবতং গজেন্দ্রাণাং নরাণাং চ নরাধিপম্ ॥ 27 ॥
ঐরাবতং গজেন্দ্রাণাং নরাণাং চ নরাধিপম্ ॥ 27 ॥
আযুধানামহং বজ্রং ধেনূনামস্মি কামধুক্ ।
প্রজনশ্চাস্মি কন্দর্পঃ সর্পাণামস্মি বাসুকিঃ ॥ 28 ॥
প্রজনশ্চাস্মি কন্দর্পঃ সর্পাণামস্মি বাসুকিঃ ॥ 28 ॥
অনন্তশ্চাস্মি নাগানাং বরুণো যাদসামহম্ ।
পিতৄণামর্যমা চাস্মি যমঃ সংযমতামহম্ ॥ 29 ॥
পিতৄণামর্যমা চাস্মি যমঃ সংযমতামহম্ ॥ 29 ॥
প্রহ্লাদশ্চাস্মি দৈত্যানাং কালঃ কলযতামহম্ ।
মৃগাণাং চ মৃগেন্দ্রোঽহং বৈনতেযশ্চ পক্ষিণাম্ ॥ 30 ॥
মৃগাণাং চ মৃগেন্দ্রোঽহং বৈনতেযশ্চ পক্ষিণাম্ ॥ 30 ॥
পবনঃ পবতামস্মি রামঃ শস্ত্রভৃতামহম্ ।
ঝষাণাং মকরশ্চাস্মি স্রোতসামস্মি জাহ্নবী ॥ 31 ॥
ঝষাণাং মকরশ্চাস্মি স্রোতসামস্মি জাহ্নবী ॥ 31 ॥
সর্গাণামাদিরন্তশ্চ মধ্যং চৈবাহমর্জুন ।
অধ্যাত্মবিদ্যা বিদ্যানাং বাদঃ প্রবদতামহম্ ॥ 32 ॥
অধ্যাত্মবিদ্যা বিদ্যানাং বাদঃ প্রবদতামহম্ ॥ 32 ॥
অক্ষরাণামকারোঽস্মি দ্বন্দ্বঃ সামাসিকস্য চ ।
অহমেবাক্ষযঃ কালো ধাতাহং বিশ্বতোমুখঃ ॥ 33 ॥
অহমেবাক্ষযঃ কালো ধাতাহং বিশ্বতোমুখঃ ॥ 33 ॥
মৃত্যুঃ সর্বহরশ্চাহমুদ্ভবশ্চ ভবিষ্যতাম্ ।
কীর্তিঃ শ্রীর্বাক্চ নারীণাং স্মৃতির্মেধা ধৃতিঃ ক্ষমা ॥ 34 ॥
কীর্তিঃ শ্রীর্বাক্চ নারীণাং স্মৃতির্মেধা ধৃতিঃ ক্ষমা ॥ 34 ॥
বৃহত্সাম তথা সাম্নাং গাযত্রী ছন্দসামহম্ ।
মাসানাং মার্গশীর্ষোঽহমৃতূনাং কুসুমাকরঃ ॥ 35 ॥
মাসানাং মার্গশীর্ষোঽহমৃতূনাং কুসুমাকরঃ ॥ 35 ॥
দ্যূতং ছলযতামস্মি তেজস্তেজস্বিনামহম্ ।
জযোঽস্মি ব্যবসাযোঽস্মি সত্ত্বং সত্ত্ববতামহম্ ॥ 36 ॥
জযোঽস্মি ব্যবসাযোঽস্মি সত্ত্বং সত্ত্ববতামহম্ ॥ 36 ॥
বৃষ্ণীনাং বাসুদেবোঽস্মি পাণ্ডবানাং ধনঞ্জযঃ ।
মুনীনামপ্যহং ব্যাসঃ কবীনামুশনা কবিঃ ॥ 37 ॥
মুনীনামপ্যহং ব্যাসঃ কবীনামুশনা কবিঃ ॥ 37 ॥
দণ্ডো দমযতামস্মি নীতিরস্মি জিগীষতাম্ ।
মৌনং চৈবাস্মি গুহ্যানাং জ্ঞানং জ্ঞানবতামহম্ ॥ 38 ॥
মৌনং চৈবাস্মি গুহ্যানাং জ্ঞানং জ্ঞানবতামহম্ ॥ 38 ॥
যচ্চাপি সর্বভূতানাং বীজং তদহমর্জুন ।
ন তদস্তি বিনা যত্স্যান্মযা ভূতং চরাচরম্ ॥ 39 ॥
ন তদস্তি বিনা যত্স্যান্মযা ভূতং চরাচরম্ ॥ 39 ॥
নান্তোঽস্তি মম দিব্যানাং বিভূতীনাং পরন্তপ ।
এষ তূদ্দেশতঃ প্রোক্তো বিভূতের্বিস্তরো মযা ॥ 40 ॥
এষ তূদ্দেশতঃ প্রোক্তো বিভূতের্বিস্তরো মযা ॥ 40 ॥
যদ্যদ্বিভূতিমত্সত্ত্বং শ্রীমদূর্জিতমেব বা ।
তত্তদেবাবগচ্ছ ত্বং মম তেজোংঽশসম্ভবম্ ॥ 41 ॥
তত্তদেবাবগচ্ছ ত্বং মম তেজোংঽশসম্ভবম্ ॥ 41 ॥
অথবা বহুনৈতেন কিং জ্ঞাতেন তবার্জুন ।
বিষ্টভ্যাহমিদং কৃত্স্নমেকাংশেন স্থিতো জগত্ ॥ 42 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে বিভূতিযোগো নাম দশমোঽধ্যাযঃ ॥10 ॥
বিষ্টভ্যাহমিদং কৃত্স্নমেকাংশেন স্থিতো জগত্ ॥ 42 ॥
ওঁ তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্যাযাং যোগশাস্ত্রে
শ্রীকৃষ্ণার্জুনসংবাদে বিভূতিযোগো নাম দশমোঽধ্যাযঃ ॥10 ॥