ଶ୍ରୀ ଵେଙ୍କଟେଶ୍ଵର ସ୍ତୋତ୍ରମ୍

କମଲାକୁଚ ଚୂଚୁକ କୁଙ୍କମତୋ
ନିଯତାରୁଣି ତାତୁଲ ନୀଲତନୋ ।
କମଲାଯତ ଲୋଚନ ଲୋକପତେ
ଵିଜଯୀଭଵ ଵେଙ୍କଟ ଶୈଲପତେ ॥ 1 ॥

ସଚତୁର୍ମୁଖ ଷଣ୍ମୁଖ ପଞ୍ଚମୁଖ
ପ୍ରମୁଖା ଖିଲଦୈଵତ ମୌଲିମଣେ ।
ଶରଣାଗତ ଵତ୍ସଲ ସାରନିଧେ
ପରିପାଲଯ ମାଂ ଵୃଷ ଶୈଲପତେ ॥ 2 ॥

ଅତିଵେଲତଯା ତଵ ଦୁର୍ଵିଷହୈ
ରନୁ ଵେଲକୃତୈ ରପରାଧଶତୈଃ ।
ଭରିତଂ ତ୍ଵରିତଂ ଵୃଷ ଶୈଲପତେ
ପରଯା କୃପଯା ପରିପାହି ହରେ ॥ 3 ॥
ଅଧି ଵେଙ୍କଟ ଶୈଲ ମୁଦାରମତେ-
ର୍ଜନତାଭି ମତାଧିକ ଦାନରତାତ୍ ।
ପରଦେଵତଯା ଗଦିତାନିଗମୈଃ
କମଲାଦଯିତାନ୍ନ ପରଙ୍କଲଯେ ॥ 3 ॥
କଲ ଵେଣୁର ଵାଵଶ ଗୋପଵଧୂ
ଶତ କୋଟି ଵୃତାତ୍ସ୍ମର କୋଟି ସମାତ୍ ।
ପ୍ରତି ପଲ୍ଲଵିକାଭି ମତାତ୍-ସୁଖଦାତ୍
ଵସୁଦେଵ ସୁତାନ୍ନ ପରଙ୍କଲଯେ ॥ 4 ॥
ଅଭିରାମ ଗୁଣାକର ଦାଶରଥେ
ଜଗଦେକ ଧନୁର୍ଥର ଧୀରମତେ ।
ରଘୁନାଯକ ରାମ ରମେଶ ଵିଭୋ
ଵରଦୋ ଭଵ ଦେଵ ଦଯା ଜଲଧେ ॥ 5 ॥
ଅଵନୀ ତନଯା କମନୀଯ କରଂ
ରଜନୀକର ଚାରୁ ମୁଖାମ୍ବୁରୁହମ୍ ।
ରଜନୀଚର ରାଜତ ମୋମି ହିରଂ
ମହନୀଯ ମହଂ ରଘୁରାମମଯେ ॥ 6 ॥
ସୁମୁଖଂ ସୁହୃଦଂ ସୁଲଭଂ ସୁଖଦଂ
ସ୍ଵନୁଜଂ ଚ ସୁକାଯମ ମୋଘଶରମ୍ ।
ଅପହାଯ ରଘୂଦ୍ଵଯ ମନ୍ଯମହଂ
ନ କଥଞ୍ଚନ କଞ୍ଚନ ଜାତୁଭଜେ ॥ 7 ॥
ଵିନା ଵେଙ୍କଟେଶଂ ନ ନାଥୋ ନ ନାଥଃ
ସଦା ଵେଙ୍କଟେଶଂ ସ୍ମରାମି ସ୍ମରାମି ।
ହରେ ଵେଙ୍କଟେଶ ପ୍ରସୀଦ ପ୍ରସୀଦ
ପ୍ରିଯଂ ଵେଙ୍କଟॆଶ ପ୍ରଯଚ୍ଛ ପ୍ରଯଚ୍ଛ ॥ 8 ॥
ଅହଂ ଦୂରଦସ୍ତେ ପଦାଂ ଭୋଜଯୁଗ୍ମ
ପ୍ରଣାମେଚ୍ଛଯା ଗତ୍ଯ ସେଵାଂ କରୋମି ।
ସକୃତ୍ସେଵଯା ନିତ୍ଯ ସେଵାଫଲଂ ତ୍ଵଂ
ପ୍ରଯଚ୍ଛ ପ୍ରଯଚ୍ଛ ପ୍ରଭୋ ଵେଙ୍କଟେଶ ॥ 9 ॥
ଅଜ୍ଞାନିନା ମଯା ଦୋଷା ନ ଶେଷାନ୍ଵିହିତାନ୍ ହରେ ।
କ୍ଷମସ୍ଵ ତ୍ଵଂ କ୍ଷମସ୍ଵ ତ୍ଵଂ ଶେଷଶୈଲ ଶିଖାମଣେ ॥ 10 ॥