સર્વેશં પરમેશં શ્રીપાર્વતીશં વન્દેઽહં વિશ્વેશં શ્રીપન્નગેશમ્ ।
શ્રીસામ્બં શમ્ભું શિવં ત્રૈલોક્યપૂજ્યં વન્દેઽહં ત્રૈનેત્રં શ્રીકણ્ઠમીશમ્ ॥ 1॥
શ્રીસામ્બં શમ્ભું શિવં ત્રૈલોક્યપૂજ્યં વન્દેઽહં ત્રૈનેત્રં શ્રીકણ્ઠમીશમ્ ॥ 1॥
ભસ્મામ્બરધરમીશં સુરપારિજાતં બિલ્વાર્ચિતપદયુગલં સોમં સોમેશમ્ ।
જગદાલયપરિશોભિતદેવં પરમાત્મં વન્દેઽહં શિવશઙ્કરમીશં દેવેશમ્ ॥ 2॥
જગદાલયપરિશોભિતદેવં પરમાત્મં વન્દેઽહં શિવશઙ્કરમીશં દેવેશમ્ ॥ 2॥
કૈલાસપ્રિયવાસં કરુણાકરમીશં કાત્યાયનીવિલસિતપ્રિયવામભાગમ્ ।
પ્રણવાર્ચિતમાત્માર્ચિતં સંસેવિતરૂપં વન્દેઽહં શિવશઙ્કરમીશં દેવેશમ્ ॥ 3॥
પ્રણવાર્ચિતમાત્માર્ચિતં સંસેવિતરૂપં વન્દેઽહં શિવશઙ્કરમીશં દેવેશમ્ ॥ 3॥
મન્મથનિજમદદહનં દાક્ષાયનીશં નિર્ગુણગુણસમ્ભરિતં કૈવલ્યપુરુષમ્ ।
ભક્તાનુગ્રહવિગ્રહમાનન્દજૈકં વન્દેઽહં શિવશઙ્કરમીશં દેવેશમ્ ॥ 4॥
ભક્તાનુગ્રહવિગ્રહમાનન્દજૈકં વન્દેઽહં શિવશઙ્કરમીશં દેવેશમ્ ॥ 4॥
સુરગઙ્ગાસમ્પ્લાવિતપાવનનિજશિખરં સમભૂષિતશશિબિમ્બં જટાધરં દેવમ્ ।
નિરતોજ્જ્વલદાવાનલનયનફાલભાગં વન્દેઽહં શિવશઙ્કરમીશં દેવેશમ્ ॥ 5॥
નિરતોજ્જ્વલદાવાનલનયનફાલભાગં વન્દેઽહં શિવશઙ્કરમીશં દેવેશમ્ ॥ 5॥
શશિસૂર્યનેત્રદ્વયમારાધ્યપુરુષં સુરકિન્નરપન્નગમયમીશં સઙ્કાશમ્ ।
શરવણભવસમ્પૂજિતનિજપાદપદ્મં વન્દેઽહં શિવશઙ્કરમીશં દેવેશમ્ ॥ 6॥
શરવણભવસમ્પૂજિતનિજપાદપદ્મં વન્દેઽહં શિવશઙ્કરમીશં દેવેશમ્ ॥ 6॥
શ્રીશૈલપુરવાસં ઈશં મલ્લીશં શ્રીકાલહસ્તીશં સ્વર્ણમુખીવાસમ્ ।
કાઞ્ચીપુરમીશં શ્રીકામાક્ષીતેજં વન્દેઽહં શિવશઙ્કરમીશં દેવેશમ્ ॥ 7॥
કાઞ્ચીપુરમીશં શ્રીકામાક્ષીતેજં વન્દેઽહં શિવશઙ્કરમીશં દેવેશમ્ ॥ 7॥
ત્રિપુરાન્તકમીશં અરુણાચલેશં દક્ષિણામૂર્તિં ગુરું લોકપૂજ્યમ્ ।
ચિદમ્બરપુરવાસં પઞ્ચલિઙ્ગમૂર્તિં વન્દેઽહં શિવશઙ્કરમીશં દેવેશમ્ ॥ 8॥
ચિદમ્બરપુરવાસં પઞ્ચલિઙ્ગમૂર્તિં વન્દેઽહં શિવશઙ્કરમીશં દેવેશમ્ ॥ 8॥
જ્યોતિર્મયશુભલિઙ્ગં સઙ્ખ્યાત્રયનાટ્યં ત્રયીવેદ્યમાદ્યં પઞ્ચાનનમીશમ્ ।
વેદાદ્ભુતગાત્રં વેદાર્ણવજનિતં વેદાગ્રં વિશ્વાગ્રં શ્રીવિશ્વનાથમ્ ॥ 9॥
વેદાદ્ભુતગાત્રં વેદાર્ણવજનિતં વેદાગ્રં વિશ્વાગ્રં શ્રીવિશ્વનાથમ્ ॥ 9॥