দেবি ত্বাং স্তোতুমিচ্ছামি সাধ্বীনাং প্রবরাং পরাম্ ।
পরাত্পরাং চ পরমাং ন হি স্তোতুং ক্ষমোঽধুনা ॥ 1 ॥
পরাত্পরাং চ পরমাং ন হি স্তোতুং ক্ষমোঽধুনা ॥ 1 ॥
স্তোত্রাণাং লক্ষণং বেদে স্বভাবাখ্যানতঃ পরম্ ।
ন ক্ষমঃ প্রকৃতিং বক্তুং গুণানাং তব সুব্রতে ॥ 2 ॥
ন ক্ষমঃ প্রকৃতিং বক্তুং গুণানাং তব সুব্রতে ॥ 2 ॥
শুদ্ধসত্ত্বস্বরূপা ত্বং কোপহিংসাবিবর্জিতা ।
ন চ শপ্তো মুনিস্তেন ত্যক্তযা চ ত্বযা যতঃ ॥ 3 ॥
ন চ শপ্তো মুনিস্তেন ত্যক্তযা চ ত্বযা যতঃ ॥ 3 ॥
ত্বং মযা পূজিতা সাধ্বী জননী চ যথাঽদিতিঃ ।
দযারূপা চ ভগিনী ক্ষমারূপা যথা প্রসূঃ ॥ 4 ॥
দযারূপা চ ভগিনী ক্ষমারূপা যথা প্রসূঃ ॥ 4 ॥
ত্বযা মে রক্ষিতাঃ প্রাণা পুত্রদারাঃ সুরেশ্বরি ।
অহং করোমি ত্বাং পূজ্যাং মম প্রীতিশ্চ বর্ধতে ॥ 5 ॥
অহং করোমি ত্বাং পূজ্যাং মম প্রীতিশ্চ বর্ধতে ॥ 5 ॥
নিত্যং যদ্যপি পূজ্যা ত্বং ভবেঽত্র জগদম্বিকে ।
তথাপি তব পূজাং বৈ বর্ধযামি পুনঃ পুনঃ ॥ 6 ॥
তথাপি তব পূজাং বৈ বর্ধযামি পুনঃ পুনঃ ॥ 6 ॥
যে ত্বামাষাঢসঙ্ক্রান্ত্যাং পূজযিষ্যন্তি ভক্তিতঃ ।
পঞ্চম্যাং মনসাখ্যাযাং মাসান্তে বা দিনে দিনে ॥ 7 ॥
পঞ্চম্যাং মনসাখ্যাযাং মাসান্তে বা দিনে দিনে ॥ 7 ॥
পুত্রপৌত্রাদযস্তেষাং বর্ধন্তে চ ধনানি চ ।
যশস্বিনঃ কীর্তিমন্তো বিদ্যাবন্তো গুণান্বিতাঃ ॥ 8 ॥
যশস্বিনঃ কীর্তিমন্তো বিদ্যাবন্তো গুণান্বিতাঃ ॥ 8 ॥
যে ত্বাং ন পূজযিষ্যন্তি নিন্দন্ত্যজ্ঞানতো জনাঃ ।
লক্ষ্মীহীনা ভবিষ্যন্তি তেষাং নাগভযং সদা ॥ 9 ॥
লক্ষ্মীহীনা ভবিষ্যন্তি তেষাং নাগভযং সদা ॥ 9 ॥
ত্বং স্বর্গলক্ষ্মীঃ স্বর্গে চ বৈকুণ্ঠে কমলাকলা ।
নারাযণাংশো ভগবান্ জরত্কারুর্মুনীশ্বরঃ ॥ 10 ॥
নারাযণাংশো ভগবান্ জরত্কারুর্মুনীশ্বরঃ ॥ 10 ॥
তপসা তেজসা ত্বাং চ মনসা সসৃজে পিতা ।
অস্মাকং রক্ষণাযৈব তেন ত্বং মনসাভিধা ॥ 11 ॥
অস্মাকং রক্ষণাযৈব তেন ত্বং মনসাভিধা ॥ 11 ॥
মনসা দেবি তু শক্তা চাত্মনা সিদ্ধযোগিনী ।
তেন ত্বং মনসাদেবী পূজিতা বন্দিতা ভবে ॥ 12 ॥
তেন ত্বং মনসাদেবী পূজিতা বন্দিতা ভবে ॥ 12 ॥
যাং ভক্ত্যা মনসা দেবাঃ পূজযন্ত্যনিশং ভৃশম্ ।
তেন ত্বাং মনসাদেবীং প্রবদন্তি পুরাবিদঃ ॥ 13 ॥
তেন ত্বাং মনসাদেবীং প্রবদন্তি পুরাবিদঃ ॥ 13 ॥
সত্ত্বরূপা চ দেবী ত্বং শশ্বত্সত্ত্বনিষেবযা ।
যো হি যদ্ভাবযেন্নিত্যং শতং প্রাপ্নোতি তত্সমম্ ॥ 14 ॥
যো হি যদ্ভাবযেন্নিত্যং শতং প্রাপ্নোতি তত্সমম্ ॥ 14 ॥
ইদং স্তোত্রং পুণ্যবীজং তাং সম্পূজ্য চ যঃ পঠেত্ ।
তস্য নাগভযং নাস্তি তস্য বংশোদ্ভবস্য চ ॥ 15 ॥
তস্য নাগভযং নাস্তি তস্য বংশোদ্ভবস্য চ ॥ 15 ॥
বিষং ভবেত্সুধাতুল্যং সিদ্ধস্তোত্রং যদা পঠেত্ ।
পঞ্চলক্ষজপেনৈব সিদ্ধস্তোত্রো ভবেন্নরঃ ।
সর্পশাযী ভবেত্সোঽপি নিশ্চিতং সর্পবাহনঃ ॥ 16 ॥
পঞ্চলক্ষজপেনৈব সিদ্ধস্তোত্রো ভবেন্নরঃ ।
সর্পশাযী ভবেত্সোঽপি নিশ্চিতং সর্পবাহনঃ ॥ 16 ॥
ইতি শ্রীব্রহ্মবৈবর্তে মহাপুরাণে প্রকৃতিখণ্ডে ষট্চত্বারিংশোঽধ্যাযে মহেন্দ্র কৃত শ্রী মনসাদেবী স্তোত্রম্ ॥
আস্তীকমুনি মন্ত্রঃ
সর্পাপসর্প ভদ্রং তে গচ্ছ সর্প মহাবিষ ।
জনমেজযস্য যজ্ঞান্তে আস্তীকবচনং স্মর ॥