സത്യം ജ്ഞാനമനന്തം നിത്യമനാകാശം പരമാകാശം
ഗോഷ്ഠപ്രാങ്ഗണരിങ്ഖണലോലമനായാസം പരമായാസമ് ।
മായാകല്പിതനാനാകാരമനാകാരം ഭുവനാകാരം
ക്ഷ്മാമാനാഥമനാഥം പ്രണമത ഗോവിന്ദം പരമാനന്ദമ് ॥ 1 ॥
ഗോഷ്ഠപ്രാങ്ഗണരിങ്ഖണലോലമനായാസം പരമായാസമ് ।
മായാകല്പിതനാനാകാരമനാകാരം ഭുവനാകാരം
ക്ഷ്മാമാനാഥമനാഥം പ്രണമത ഗോവിന്ദം പരമാനന്ദമ് ॥ 1 ॥
മൃത്സ്നാമത്സീഹേതി യശോദാതാഡനശൈശവസന്ത്രാസം
വ്യാദിതവക്ത്രാലോകിതലോകാലോകചതുര്ദശലോകാലിമ് ।
ലോകത്രയപുരമൂലസ്തമ്ഭം ലോകാലോകമനാലോകം
ലോകേശം പരമേശം പ്രണമത ഗോവിന്ദം പരമാനന്ദമ് ॥ 2 ॥
വ്യാദിതവക്ത്രാലോകിതലോകാലോകചതുര്ദശലോകാലിമ് ।
ലോകത്രയപുരമൂലസ്തമ്ഭം ലോകാലോകമനാലോകം
ലോകേശം പരമേശം പ്രണമത ഗോവിന്ദം പരമാനന്ദമ് ॥ 2 ॥
ത്രൈവിഷ്ടപരിപുവീരഘ്നം ക്ഷിതിഭാരഘ്നം ഭവരോഗഘ്നം
കൈവല്യം നവനീതാഹാരമനാഹാരം ഭുവനാഹാരമ് ।
വൈമല്യസ്ഫുടചേതോവൃത്തിവിശേഷാഭാസമനാഭാസം
ശൈവം കേവലശാന്തം പ്രണമത ഗോവിന്ദം പരമാനന്ദമ് ॥ 3 ॥
കൈവല്യം നവനീതാഹാരമനാഹാരം ഭുവനാഹാരമ് ।
വൈമല്യസ്ഫുടചേതോവൃത്തിവിശേഷാഭാസമനാഭാസം
ശൈവം കേവലശാന്തം പ്രണമത ഗോവിന്ദം പരമാനന്ദമ് ॥ 3 ॥
ഗോപാലം പ്രഭുലീലാവിഗ്രഹഗോപാലം കുലഗോപാലം
ഗോപീഖേലനഗോവര്ധനധൃതിലീലാലാലിതഗോപാലമ് ।
ഗോഭിര്നിഗദിതഗോവിന്ദസ്ഫുടനാമാനം ബഹുനാമാനം
ഗോധീഗോചരദൂരം പ്രണമത ഗോവിന്ദം പരമാനന്ദമ് ॥ 4 ॥
ഗോപീഖേലനഗോവര്ധനധൃതിലീലാലാലിതഗോപാലമ് ।
ഗോഭിര്നിഗദിതഗോവിന്ദസ്ഫുടനാമാനം ബഹുനാമാനം
ഗോധീഗോചരദൂരം പ്രണമത ഗോവിന്ദം പരമാനന്ദമ് ॥ 4 ॥
ഗോപീമണ്ഡലഗോഷ്ഠീഭേദം ഭേദാവസ്ഥമഭേദാഭം
ശശ്വദ്ഗോഖുരനിര്ധൂതോദ്ഗതധൂലീധൂസരസൌഭാഗ്യമ് ।
ശ്രദ്ധാഭക്തിഗൃഹീതാനന്ദമചിന്ത്യം ചിന്തിതസദ്ഭാവം
ചിന്താമണിമഹിമാനം പ്രണമത ഗോവിന്ദം പരമാനന്ദമ് ॥ 5 ॥
ശശ്വദ്ഗോഖുരനിര്ധൂതോദ്ഗതധൂലീധൂസരസൌഭാഗ്യമ് ।
ശ്രദ്ധാഭക്തിഗൃഹീതാനന്ദമചിന്ത്യം ചിന്തിതസദ്ഭാവം
ചിന്താമണിമഹിമാനം പ്രണമത ഗോവിന്ദം പരമാനന്ദമ് ॥ 5 ॥
സ്നാനവ്യാകുലയോഷിദ്വസ്ത്രമുപാദായാഗമുപാരൂഢം
വ്യാദിത്സന്തീരഥ ദിഗ്വസ്ത്രാ ദാതുമുപാകര്ഷന്തം താഃ ।
നിര്ധൂതദ്വയശോകവിമോഹം ബുദ്ധം ബുദ്ധേരന്തഃസ്ഥം
സത്താമാത്രശരീരം പ്രണമത ഗോവിന്ദം പരമാനന്ദമ് ॥ 6 ॥
വ്യാദിത്സന്തീരഥ ദിഗ്വസ്ത്രാ ദാതുമുപാകര്ഷന്തം താഃ ।
നിര്ധൂതദ്വയശോകവിമോഹം ബുദ്ധം ബുദ്ധേരന്തഃസ്ഥം
സത്താമാത്രശരീരം പ്രണമത ഗോവിന്ദം പരമാനന്ദമ് ॥ 6 ॥
കാന്തം കാരണകാരണമാദിമനാദിം കാലഘനാഭാസം
കാലിന്ദീഗതകാലിയശിരസി സുനൃത്യന്തം മുഹുരത്യന്തമ് ।
കാലം കാലകലാതീതം കലിതാശേഷം കലിദോഷഘ്നം
കാലത്രയഗതിഹേതും പ്രണമത ഗോവിന്ദം പരമാനന്ദമ് ॥ 7 ॥
കാലിന്ദീഗതകാലിയശിരസി സുനൃത്യന്തം മുഹുരത്യന്തമ് ।
കാലം കാലകലാതീതം കലിതാശേഷം കലിദോഷഘ്നം
കാലത്രയഗതിഹേതും പ്രണമത ഗോവിന്ദം പരമാനന്ദമ് ॥ 7 ॥
ബൃന്ദാവനഭുവി ബൃന്ദാരകഗണബൃന്ദാരാധിതവന്ദ്യായാം
കുന്ദാഭാമലമന്ദസ്മേരസുധാനന്ദം സുമഹാനന്ദമ് ।
വന്ദ്യാശേഷമഹാമുനിമാനസവന്ദ്യാനന്ദപദദ്വന്ദ്വം
നന്ദ്യാശേഷഗുണാബ്ധിം പ്രണമത ഗോവിന്ദം പരമാനന്ദമ് ॥ 8 ॥
കുന്ദാഭാമലമന്ദസ്മേരസുധാനന്ദം സുമഹാനന്ദമ് ।
വന്ദ്യാശേഷമഹാമുനിമാനസവന്ദ്യാനന്ദപദദ്വന്ദ്വം
നന്ദ്യാശേഷഗുണാബ്ധിം പ്രണമത ഗോവിന്ദം പരമാനന്ദമ് ॥ 8 ॥
ഗോവിന്ദാഷ്ടകമേതദധീതേ ഗോവിന്ദാര്പിതചേതാ യോ
ഗോവിന്ദാച്യുത മാധവ വിഷ്ണോ ഗോകുലനായക കൃഷ്ണേതി ।
ഗോവിന്ദാങ്ഘ്രിസരോജധ്യാനസുധാജലധൌതസമസ്താഘോ
ഗോവിന്ദം പരമാനന്ദാമൃതമന്തഃസ്ഥം സ തമഭ്യേതി ॥ 9 ॥
ഗോവിന്ദാച്യുത മാധവ വിഷ്ണോ ഗോകുലനായക കൃഷ്ണേതി ।
ഗോവിന്ദാങ്ഘ്രിസരോജധ്യാനസുധാജലധൌതസമസ്താഘോ
ഗോവിന്ദം പരമാനന്ദാമൃതമന്തഃസ്ഥം സ തമഭ്യേതി ॥ 9 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ ശ്രീ ഗോവിന്ദാഷ്ടകമ് ।