మాణిక్యం –
తతో రావణనీతాయాః సీతాయాః శత్రుకర్శనః ।
ఇయేష పదమన్వేష్టుం చారణాచరితే పథి ॥ 1 ॥
ఇయేష పదమన్వేష్టుం చారణాచరితే పథి ॥ 1 ॥
ముత్యం –
యస్య త్వేతాని చత్వారి వానరేన్ద్ర యథా తవ ।
స్మృతిర్మతిర్ధృతిర్దాక్ష్యం స కర్మసు న సీదతి ॥ 2 ॥
యస్య త్వేతాని చత్వారి వానరేన్ద్ర యథా తవ ।
స్మృతిర్మతిర్ధృతిర్దాక్ష్యం స కర్మసు న సీదతి ॥ 2 ॥
ప్రవాలం –
అనిర్వేదః శ్రియో మూలం అనిర్వేదః పరం సుఖమ్ ।
అనిర్వేదో హి సతతం సర్వార్థేషు ప్రవర్తకః ॥ 3 ॥
అనిర్వేదః శ్రియో మూలం అనిర్వేదః పరం సుఖమ్ ।
అనిర్వేదో హి సతతం సర్వార్థేషు ప్రవర్తకః ॥ 3 ॥
మరకతం –
నమోఽస్తు రామాయ సలక్ష్మణాయ
దేవ్యై చ తస్యై జనకాత్మజాయై ।
నమోఽస్తు రుద్రేన్ద్రయమానిలేభ్యః
నమోఽస్తు చన్ద్రార్కమరుద్గణేభ్యః ॥ 4 ॥
నమోఽస్తు రామాయ సలక్ష్మణాయ
దేవ్యై చ తస్యై జనకాత్మజాయై ।
నమోఽస్తు రుద్రేన్ద్రయమానిలేభ్యః
నమోఽస్తు చన్ద్రార్కమరుద్గణేభ్యః ॥ 4 ॥
పుష్యరాగం –
ప్రియాన్న సమ్భవేద్దుఃఖం అప్రియాదధికం భయమ్ ।
తాభ్యాం హి యే వియుజ్యన్తే నమస్తేషాం మహాత్మనామ్ ॥ 5 ॥
ప్రియాన్న సమ్భవేద్దుఃఖం అప్రియాదధికం భయమ్ ।
తాభ్యాం హి యే వియుజ్యన్తే నమస్తేషాం మహాత్మనామ్ ॥ 5 ॥
హీరకం –
రామః కమలపత్రాక్షః సర్వసత్త్వమనోహరః ।
రూపదాక్షిణ్యసమ్పన్నః ప్రసూతో జనకాత్మజే ॥ 6 ॥
రామః కమలపత్రాక్షః సర్వసత్త్వమనోహరః ।
రూపదాక్షిణ్యసమ్పన్నః ప్రసూతో జనకాత్మజే ॥ 6 ॥
ఇన్ద్రనీలం –
జయత్యతిబలో రామో లక్ష్మణశ్చ మహాబలః ।
రాజా జయతి సుగ్రీవో రాఘవేణాభిపాలితః ।
దాసోఽహం కోసలేన్ద్రస్య రామస్యాక్లిష్టకర్మణః ।
హనుమాన్ శత్రుసైన్యానాం నిహన్తా మారుతాత్మజః ॥ 7 ॥
జయత్యతిబలో రామో లక్ష్మణశ్చ మహాబలః ।
రాజా జయతి సుగ్రీవో రాఘవేణాభిపాలితః ।
దాసోఽహం కోసలేన్ద్రస్య రామస్యాక్లిష్టకర్మణః ।
హనుమాన్ శత్రుసైన్యానాం నిహన్తా మారుతాత్మజః ॥ 7 ॥
గోమేధికం –
యద్యస్తి పతిశుశ్రూషా యద్యస్తి చరితం తపః ।
యది వాస్త్యేకపత్నీత్వం శీతో భవ హనూమతః ॥ 8 ॥
యద్యస్తి పతిశుశ్రూషా యద్యస్తి చరితం తపః ।
యది వాస్త్యేకపత్నీత్వం శీతో భవ హనూమతః ॥ 8 ॥
వైడూర్యం –
నివృత్తవనవాసం తం త్వయా సార్ధమరిన్దమమ్ ।
అభిషిక్తమయోధ్యాయాం క్షిప్రం ద్రక్ష్యసి రాఘవమ్ ॥ 9 ॥
నివృత్తవనవాసం తం త్వయా సార్ధమరిన్దమమ్ ।
అభిషిక్తమయోధ్యాయాం క్షిప్రం ద్రక్ష్యసి రాఘవమ్ ॥ 9 ॥
ఇతి శ్రీ ఆఞ్జనేయ నవరత్నమాలా స్తోత్రమ్ ।