ସର୍ପ ସୂକ୍ତମ୍

ନମୋ॑ ଅସ୍ତୁ ସ॒ର୍ପେଭ୍ଯୋ॒ ଯେ କେ ଚ॑ ପୃଥି॒ଵୀ ମନୁ॑ ।
ଯେ ଅ॒ନ୍ତରି॑କ୍ଷେ॒ ଯେ ଦି॒ଵି ତେଭ୍ଯଃ॑ ସ॒ର୍ପେଭ୍ଯୋ॒ ନମଃ॑ । (ତୈ.ସଂ.4.2.3)
ଯେ॑-ଽଦୋ ରୋ॑ଚ॒ନେ ଦି॒ଵୋ ଯେ ଵା॒ ସୂର୍ଯ॑ସ୍ଯ ର॒ଶ୍ମିଷୁ॑ ।
ଯେଷା॑ମ॒ପ୍ସୁ ସଦଃ॑ କୃ॒ତ-ନ୍ତେଭ୍ଯଃ॑ ସ॒ର୍ପେଭ୍ଯୋ॒ ନମଃ॑ ।
ଯା ଇଷ॑ଵୋ ଯାତୁ॒ଧାନା॑ନାଂ॒-ଯେଁ ଵା॒ ଵନ॒ସ୍ପତୀ॒ଗ୍ଂ॒‍ ରନୁ॑ ।
ଯେ ଵା॑-ଽଵ॒ଟେଷୁ॒ ଶେର॑ତେ॒ ତେଭ୍ଯଃ॑ ସ॒ର୍ପେଭ୍ଯୋ॒ ନମଃ॑ ।
ଇ॒ଦଗ୍ଂ ସ॒ର୍ପେଭ୍ଯୋ॑ ହ॒ଵିର॑ସ୍ତୁ॒ ଜୁଷ୍ଟମ୍᳚ ।
ଆ॒ଶ୍ରେ॒ଷା ଯେଷା॑ମନୁ॒ଯନ୍ତି॒ ଚେତଃ॑ ।
ଯେ ଅ॒ନ୍ତରି॑କ୍ଷ-ମ୍ପୃଥି॒ଵୀ-ଙ୍କ୍ଷି॒ଯନ୍ତି॑ ।
ତେ ନ॑ସ୍ସ॒ର୍ପାସୋ॒ ହଵ॒ମାଗ॑ମିଷ୍ଠାଃ ।
ଯେ ରୋ॑ଚ॒ନେ ସୂର୍ଯ॒ସ୍ଯାପି॑ ସ॒ର୍ପାଃ ।
ଯେ ଦିଵ॑-ନ୍ଦେ॒ଵୀମନୁ॑ସ॒ନ୍ଚର॑ନ୍ତି ।
ଯେଷା॑ମାଶ୍ରେ॒ଷା ଅ॑ନୁ॒ଯନ୍ତି॒ କାମମ୍᳚ ।
ତେଭ୍ଯ॑ସ୍ସ॒ର୍ପେଭ୍ଯୋ॒ ମଧୁ॑ମଜ୍ଜୁହୋମି ॥ 2 ॥

ନି॒ଘୃଷ୍ଵୈ॑ରସ॒ମାଯୁ॑ତୈଃ ।
କାଲୈର୍​ହରିତ୍ଵ॑ମାପ॒ନ୍ନୈଃ ।
ଇନ୍ଦ୍ରାଯା॑ହି ସ॒ହସ୍ର॑ଯୁକ୍ ।
ଅ॒ଗ୍ନିର୍ଵି॒ଭ୍ରାଷ୍ଟି॑ଵସନଃ ।
ଵା॒ଯୁଶ୍ଵେତ॑ସିକଦ୍ରୁ॒କଃ ।
ସଂ॒​ଵଁ॒ଥ୍ସ॒ରୋ ଵି॑ଷୂ॒ଵର୍ଣୈଃ᳚ ।
ନିତ୍ଯା॒ସ୍ତେ-ଽନୁଚ॑ରାସ୍ତ॒ଵ ।
ସୁବ୍ରହ୍ମଣ୍ଯୋଗ୍ଂ ସୁବ୍ରହ୍ମଣ୍ଯୋଗ୍ଂ ସୁ॑ବ୍ରହ୍ମଣ୍ଯୋଗ୍ମ୍ ॥ 3 ॥
ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ ॥