રુદ્રાષ્ટાધ્યાયી (શુક્લ યજુર્વેદ)

ઇતિ રુદ્રે પ્રથમો-ઽધ્યાયઃ ॥ 1॥ 3. દ્વિતીયોઽધ્યાયઃ - પુરુષ સૂક્તમ્ હરિઃ॑ ૐ સ॒હસ્ર॑શીર્​ષા॒ પુરુ॑ષ-સ્સહસ્રા॒ક્ષ-સ્સ॒હસ્ર॑પાત્ । સ ભૂમિ॑ગ્ં સ॒ર્વતઃ॑ સ્પૃ॒ત્વાત્ય॑તિષ્ઠદ્દશાઙ્ગુ॒લમ્ ॥ 1॥ પુરુ॑ષ એ॒વેદગ્ં સર્વં॒ યદ્ભૂ॒તં-યઁચ્ચ॑ ભા॒વ્ય॒મ્ । ઉ॒તામૃ॑ત॒ત્વસ્યેશા॑નો॒ યદન્ને॑નાતિ॒રોહ॑તિ ॥ 2॥ એ॒તાવા॑નસ્ય મહિ॒માતો॒ જ્યાયા.ણ્॑શ્ચ॒ પૂરુ॑ષઃ । પાદો॑-ઽસ્ય॒ વિશ્વા॑ ભૂ॒તાનિ॑ ત્રિ॒પાદ॑સ્યા॒મૃતં॑ દિ॒વિ ॥ 3॥ ત્રિ॒પાદૂ॒ર્ધ્વ ઉદૈ॒ત્પુરુ॑ષઃ॒ પાદો॑-ઽસ્યે॒હાભ॑વ॒ત્પુનઃ॑ । તતો॒ વિષ્વ॒ઙ્ વ્ય॒ક્રામત્સાશનાનશ॒ને અ॒ભિ ॥ 4॥ તતો॑ વિ॒રાડ॑જાયત વિ॒રાજો॒ અધિ॒ પૂરુ॑ષઃ । સ જા॒તો અત્ય॑રિચ્યત પ॒શ્ચાદ્ભૂમિ॒મથો॑ પુ॒રઃ ॥ 5॥ તસ્મા॑દ્ય॒જ્ઞાત્સ॑ર્વ॒હુત॒-સ્સમ્ભૃ॑ત-મ્પૃષદા॒જ્યમ્ । પ॒શૂ.ણ્સ્તા.ણ્શ્ચ॑ક્રે વાય॒વ્યા॒નાર॒ણ્યા ગ્રા॒મ્યાશ્ચ॒ યે ॥ 6॥ તસ્મા॑દ્ય॒જ્ઞાત્સ॑ર્વ॒હુત॒ ઋચ॒-સ્સામા॑નિ જજ્ઞિરે । છન્દા॑ગ્ંસિ જજ્ઞિરે॒ તસ્મા॒દ્યજુ॒સ્તસ્મા॑દજાયત ॥ 7॥ તસ્મા॒દશ્વા॑ અજાયન્ત॒ યે કે ચો॑ભ॒યાદ॑તઃ । ગાવો॑ હ જજ્ઞિરે॒ તસ્મા॒ત્તસ્મા॑જ્જા॒તા અ॑જા॒વયઃ॑ ॥ 8॥ તં-યઁ॒જ્ઞ-મ્બ॒ર્​હિષિ॒ પ્રૌક્ષ॒ન્પુરુ॑ષ-ઞ્જા॒તમ॑ગ્ર॒તઃ । તેન॑ દે॒વા અ॑યજન્ત સા॒ધ્યા ઋષ॑યશ્ચ॒ યે ॥ 9॥ યત્પુરુ॑ષં॒ વ્યદ॑ધુઃ કતિ॒ધા વ્ય॑કલ્પયન્ન્ । મુખં॒ કિમ॑સ્યાસી॒-ત્કિ-મ્બા॒હૂ કિમૂ॒રૂ પાદા॑ ઉચ્યેતે ॥ 10॥ બ્રા॒હ્મ॒ણો॒-ઽસ્ય॒ મુખ॑માસીદ્બા॒હૂ રા॑જ॒ન્યઃ॒ કૃ॒તઃ । ઊ॒રૂ તદ॑સ્ય॒ યદ્વૈ॑શ્યઃ પ॒દ્ભ્યાગ્ં શૂ॒દ્રો અ॑જાયત ॥ 11॥ ચ॒ન્દ્રમા॒ મન॑સો જા॒તશ્ચક્ષોઃ॒ સૂર્યો॑ અજાયત । શ્રોત્રા॑દ્વા॒યુશ્ચ॑ પ્રા॒ણશ્ચ॒ મુખા॑દ॒ગ્નિર॑જાયત ॥ 12॥ નાભ્યા॑ આસીદ॒ન્તરિ॑ક્ષગ્ં શી॒ર્​ષ્ણો દ્યૌ॒-સ્સમ॑વર્તત । પ॒દ્ભ્યા-મ્ભૂમિ॒ર્દિશ॒-શ્શ્રોત્રા॒ત્તથા॑ લો॒કા.ણ2 ॥ અ॑કલ્પયન્ન્ ॥ 13॥ યત્પુરુ॑ષેણ હ॒વિષા॑ દે॒વા ય॒જ્ઞમત॑ન્વત । વ॒સ॒ન્તો॒-ઽસ્યાસી॒દાજ્યં॑ ગ્રી॒ષ્મ ઇ॒ધ્મ-શ્શ॒રદ્ધ॒વિઃ ॥ 14॥ સ॒પ્તાસ્યા॑સન્પરિ॒ધય॒સ્ત્રિસ્સ॒પ્ત સ॒મિધઃ॑ કૃ॒તાઃ । દે॒વા યદ્ય॒જ્ઞ-ન્ત॑ન્વા॒ના અબ॑ધ્ન॒-ન્પુરુ॑ષ-મ્પ॒શુમ્ ॥ 15॥ ય॒જ્ઞેન॑ ય॒જ્ઞમ॑યજન્ત દે॒વાસ્તાનિ॒ ધર્મા॑ણિ પ્રથ॒માન્યા॑સન્ન્ । તે હ॒ નાકં॑ મહિ॒માનઃ॑ સચન્ત॒ યત્ર॒ પૂર્વે॑ સા॒ધ્યા-સ્સન્તિ॑ દે॒વાઃ ॥ 16॥ અ॒દ્ભ્ય-સ્સમ્ભૃ॑તઃ પૃથિવ્યૈ॒ રસા॑ચ્ચ વિ॒શ્વક॑ર્મણ॒-સ્સમ॑વર્ત॒તાગ્રે॑ । તસ્ય॒ ત્વષ્ટા॑ વિ॒દધ॑દ્રૂ॒પમે॑તિ॒ તન્મર્ત્ય॑સ્ય દેવ॒ત્વમા॒જાન॒મગ્રે॑ ॥ 17॥ વેદા॒હમે॒ત-મ્પુરુ॑ષ-મ્મ॒હાન્ત॑માદિ॒ત્યવ॑ર્ણં॒ તમ॑સઃ પ॒રસ્તા॑ત્ । તમે॒વ વિ॑દિ॒ત્વા-ઽતિ॑ મૃ॒ત્યુમે॑તિ॒ નાન્યઃ પન્થા॑ વિદ્ય॒તે-ઽય॑નાય ॥ 18॥ પ્ર॒જાપ॑તિશ્ચ॒રતિ॒ ગર્ભે॑ અ॒ન્તરજા॑યમાનો બહુ॒ધા વિ જા॑યતે । તસ્ય॒ યોનિં॒ પરિ॑પશ્યન્તિ॒ ધીરા॒સ્તસ્મિ॑ન્હ તસ્થુ॒ર્ભુવ॑નાનિ॒ વિશ્વા॑ ॥ 19॥ યો દે॒વેભ્ય॑ આ॒તપ॑તિ॒ યો દે॒વાનાં॑ પુ॒રોહિ॑તઃ । પૂર્વો॒ યો દે॒વેભ્યો॑ જા॒તો નમો॑ રુ॒ચાય॒ બ્રાહ્મ॑યે ॥ 20॥ રુ॒ચ-મ્બ્રા॒હ્મ્ય-ઞ્જ॒નય॑ન્તો દે॒વા અગ્રે॒ તદ॑બ્રુવન્ન્ । યસ્ત્વૈ॒વ-મ્બ્રા॑હ્મ॒ણો વિ॒દ્યાત્તસ્ય॑ દે॒વા અ॑સ॒ન્વશે॑ ॥ 21॥ શ્રીશ્ચ॑ તે લ॒ક્ષ્મીશ્ચ॒ પત્ન્યા॑વહોરા॒ત્રે પા॒ર્​શ્વે નક્ષ॑ત્રાણિ રૂ॒પમ॒શ્વિનૌ॒ વ્યાત્ત॑મ્ । ઇ॒ષ્ણન્નિ॑ષાણા॒મુ-મ્મ॑ ઇષાણ સર્વલો॒ક-મ્મ॑ ઇષાણ ॥ 22॥ ઇતિ રુદ્રે દ્વિતીયો-ઽધ્યાયઃ ॥ 2॥ 4. તૃતીયોઽધ્યાયઃ - અપ્રતિરથ સૂક્તમ્ હરિ॑ ૐ આ॒શુ-શ્શિશા॑નો વૃષ॒ભો ન ભી॒મો ઘ॑નાઘ॒નઃ, ક્ષોભ॑ણશ્ચર્​ષણી॒નામ્ । સ॒ઙ્ક્રન્દ॑નો-ઽનિમિ॒ષ એ॑કવી॒ર-શ્શ॒તગ્ં સેના॑ અજયત્સા॒કમિન્દ્રઃ॑ ॥ 1॥ સ॒ઙ્ક્રન્દ॑નેના-ઽનિમિ॒ષેણ॑ જિ॒ષ્ણુના॑ યુત્કા॒રેણ॑ દુશ્ચ્યવ॒નેન॑ ધૃ॒ષ્ણુના॑ । તદિન્દ્રે॑ણ જયત॒ તત્સ॑હધ્વં॒ યુધો॑ નર॒ ઇષુ॑હસ્તેન॒ વૃષ્ણા॑ ॥ 2॥ સ ઇષુ॑હસ્તૈઃ॒ સ નિ॑ષ॒ઙ્ગિભિ॑ર્વ॒શી સગ્ંસ્ર॑ષ્ટા॒ સ યુધ॒ ઇન્દ્રો॑ ગ॒ણેન॑ । સ॒ગ્ંસૃષ્ટ॒જિત્સો॑મ॒પા બા॑હુશ॒ર્ધ્યુગ્રધ॑ન્વા॒ પ્રતિ॑હિતાભિ॒રસ્તા॑ ॥ 3॥ બૃહ॑સ્પતે॒ પરિ॑દીયા॒ રથે॑ન રક્ષો॒હામિત્રા॑.ણ2 અપ॒બાધ॑માનઃ । પ્ર॒ભ॒ઞ્જન્ત્સેનાઃ॑ પ્રમૃ॒ણો યુ॒ધા જય॑ન્ન॒સ્માક॑મેધ્યવિ॒તા રથા॑નામ્ ॥ 4॥ બ॒લ॒વિ॒જ્ઞા॒ય-સ્સ્થવિ॑રઃ॒ પ્રવી॑ર॒-સ્સહ॑સ્વાન્વા॒જી સહ॑માન ઉ॒ગ્રઃ । અ॒ભિવી॑રો અ॒ભિસ॑ત્વા સહો॒જા જૈ॑ત્રમિન્દ્ર॒ રથ॒માતિ॑ષ્ઠ ગો॒વિત્ ॥ 5॥ ગો॒ત્ર॒ભિદં॑ ગો॒વિદં॒ વજ્ર॑બાહું॒ જય॑ન્ત॒મજ્મ॑ પ્રમૃ॒ણન્ત॒મોજ॑સા । ઇ॒મગ્ં સ॑જાતા॒ અનુ॑ વીરયધ્વ॒મિન્દ્ર॑ગ્ં સખાયો॒ અનુ॒ સગ્ંર॑ભધ્વમ્ ॥ 6॥ અ॒ભિ ગો॒ત્રાણિ॒ સહ॑સા॒ ગાહ॑માનો-ઽદ॒યો વી॒ર-શ્શ॒તમ॑ન્યુ॒રિન્દ્રઃ॑ । દુ॒શ્ચ્ય॒વ॒નઃ પૃ॑તના॒ષાડ॑યુ॒ધ્યો-ઽસ્માક॒ગ્ં સેના॑ અવતુ॒ પ્ર યુ॒ત્સુ ॥ 7॥ ઇન્દ્ર॑ આસા-ન્ને॒તા બૃહ॒સ્પતિ॒ર્દક્ષિ॑ણા ય॒જ્ઞઃ પુ॒ર એ॑તુ॒ સોમઃ॑ । દે॒વ॒સે॒નાના॑મભિભઞ્જતી॒ના-ઞ્જય॑ન્તીના-મ્મ॒રુતો॑ ય॒ન્ત્વગ્ર॑મ્ ॥ 8॥ ઇન્દ્ર॑સ્ય॒ વૃષ્ણો॒ વરુ॑ણસ્ય॒ રાજ્ઞ॑ આદિ॒ત્યાનાં॑ મ॒રુતા॒ગ્ં શર્ધ॑ ઉ॒ગ્રમ્ । મ॒હામ॑નસા-મ્ભુવનચ્ય॒વાનાં॒ ઘોષો॑ દે॒વાનાં॒ જય॑તા॒મુદ॑સ્થાત્ ॥ 9॥ ઉદ્ધ॑ર્​ષય મઘવ॒ન્નાયુ॑ધા॒ન્યુત્સત્વ॑ના-મ્મામ॒કાનાં॒ મના॑ગ્ંસિ । ઉદ્વૃ॑ત્રહન્વા॒જિનાં॒ વાજિ॑ના॒ન્યુદ્રથા॑નાં॒ જય॑તાં-યઁન્તુ॒ ઘોષાઃ॑ ॥ 10॥ અ॒સ્માક॒મિન્દ્ર॒-સ્સમૃ॑તેષુ ધ્વ॒જેષ્વ॒સ્માકં॒ યા ઇષ॑વ॒સ્તા જ॑યન્તુ । અ॒સ્માકં॑ વી॒રા ઉત્ત॑રે ભવન્ત્વ॒સ્મા.ણ2 ઉ॑ દેવા અવતા॒ હવે॑ષુ ॥ 11॥ અ॒મીષાં॑ ચિ॒ત્ત-મ્પ્ર॑તિલો॒ભય॑ન્તી ગૃહા॒ણાઙ્ગા॑ન્યપ્વે॒ પરે॑હિ । અ॒ભિ પ્રેહિ॒ નિર્દ॑હ હૃ॒ત્સુ શોકૈ॑ર॒ન્ધેના॒મિત્રા॒સ્તમ॑સા સચન્તામ્ ॥ 12॥ અવ॑સૃષ્ટા॒ પરા॑પત॒ શર॑વ્યે॒ બ્રહ્મ॑સગ્ંશિતે । ગચ્છા॒મિત્રા॒ન્પ્રપ॑દ્યસ્વ॒ મામીષાઙ્કઞ્ચનોચ્છિ॑ષઃ ॥ 13॥ પ્રેતા॒ જય॑તા નર॒ ઇન્દ્રો॑ વ॒-શ્શર્મ॑ યચ્છતુ । ઉ॒ગ્રા વઃ॑ સન્તુ બા॒હવો॑-ઽનાધૃ॒ષ્યા યથાસ॑થ ॥ 14॥ અસૌ॒ યા સેના॑ મરુતઃ॒ પરે॑ષામ॒ભ્યૈતિ॑ ન॒ ઓજ॑સા॒ સ્પર્ધ॑માના । તા-ઙ્ગૂ॑હત॒ તમ॒સા-ઽપ॑વ્રતેન॒ યથા॒મી અ॒ન્યો અ॒ન્ય-ન્ન જા॒નન્ન્ ॥ 15॥ યત્ર॑ બા॒ણા-સ્સ॒મ્પત॑ન્તિ કુમા॒રા વિ॑શિ॒ખા ઇ॑વ । તન્ન॒ ઇન્દ્રો॒ બૃહ॒સ્પતિ॒રદિ॑તિ॒-શ્શર્મ॑ યચ્છતુ વિ॒શ્વાહા॒ શર્મ॑ યચ્છતુ ॥ 16॥ મર્મા॑ણિ તે॒ વર્મ॑ણા છાદયામિ॒ સોમ॑સ્ત્વા॒ રાજા॒-ઽમૃતે॒નાનુ॑વસ્તામ્ । ઉ॒રોર્વરી॑યો॒ વરુ॑ણસ્તે કૃણોતુ॒ જય॑ન્તં॒ ત્વાનુ॑ દે॒વા મ॑દન્તુ ॥ 17॥ ઇતિ રુદ્રે તૃતીયો-ઽધ્યાયઃ ॥ 3॥ 5. ચતુર્થોઽધ્યાયઃ - સૌર સૂક્તમ્, મૈત્ર સૂક્તમ્ હરિઃ॑ ૐ વિ॒ભ્રાડ્બૃ॒હત્પિ॑બતુ સો॒મ્ય-મ્મધ્વાયુ॒ર્દધ॑દ્ય॒જ્ઞપ॑તા॒વવિ॑હ્રુતમ્ । વાત॑જૂતો॒ યો અ॑ભિ॒રક્ષ॑તિ॒ ત્મના॑ પ્ર॒જાઃ પુ॑પોષ પુરુ॒ધા વિ રા॑જતિ ॥ 1॥ ઉદુ॒ ત્ય-ઞ્જા॒તવે॑દસ-ન્દે॒વં-વઁ॑હન્તિ કે॒તવઃ॑ । દૃ॒શે વિશ્વા॑ય॒ સૂર્ય॑મ્ ॥ 2॥ યેના॑ પાવક॒ ચક્ષ॑સા ભુર॒ણ્યન્તં॒ જના.ઙ્​2 ॥ અનુ॑ । ત્વં-વઁ॑રુણ॒ પશ્ય॑સિ ॥ 3॥ દૈવ્યા॑વધ્વર્યૂ॒ આગ॑ત॒ગ્ં રથે॑ન॒ સૂર્ય॑ત્વચા . મધ્વા॑ ય॒જ્ઞગ્ં સમ॑ઞ્જાથે । ત-મ્પ્ર॒ત્નથા॒-ઽયં-વેઁ॒નશ્ચિ॒ત્ર-ન્દે॒વાના॑મ્ ॥ 4॥ ત-મ્પ્ર॒ત્નથા॑ પૂ॒ર્વથા॑ વિ॒શ્વથે॒મથા॑ જ્યે॒ષ્ઠતા॑તિ-મ્બર્​હિ॒ષદ॑ગ્ંસ્વ॒ર્વિદ॑મ્ । પ્ર॒તી॒ચી॒નં-વૃઁ॒જનં॑ દોહસે॒ ધુનિ॑મા॒શુ-ઞ્જય॑ન્ત॒મનુ॒ યાસુ॒ વર્ધ॑સે ॥ 5॥ અ॒યં-વેઁ॒નશ્ચો॑દય॒ત્પૃશ્નિ॑ગર્ભા॒ જ્યોતિ॑ર્જરાયૂ॒ રજ॑સો વિ॒માને॑ । ઇ॒મમ॒પાગ્ંસ॑ઙ્ગ॒મે સૂર્ય॑સ્ય॒ શિશુ॒ન્ન વિપ્રા॑ મ॒તિભી॑ રિહન્તિ ॥ 6॥ ચિ॒ત્ર-ન્દે॒વાના॒મુદ॑ગા॒દની॑કં॒ ચક્ષુ॑ર્મિ॒ત્રસ્ય॒ વરુ॑ણસ્યા॒ગ્નેઃ । આપ્રા॒ દ્યાવા॑પૃથિ॒વી અ॒ન્તરિ॑ક્ષગ્ં સૂર્ય॑ આ॒ત્મા જગ॑તસ્ત॒સ્થુષ॑શ્ચ ॥ 7॥ આ ન॒ ઇડા॑ભિર્વિ॒દથે॑ સુશ॒સ્તિ વિ॒શ્વાન॑ર-સ્સવિ॒તા દે॒વ એ॑તુ । અપિ॒ યથા॑ યુવાનો॒ મત્સ॑થા નો॒ વિશ્વં॒ જગ॑દભિપિ॒ત્વે મ॑ની॒ષા ॥ 8॥ યદ॒દ્ય કચ્ચ॑ વૃત્રહન્નુ॒દગા॑ અ॒ભિ સૂ॑ર્ય । સર્વં॒ તદિ॑ન્દ્ર તે॒ વશે॑ ॥ 9॥ ત॒રણિ॑ર્વિ॒શ્વદ॑ર્​શતો જ્યોતિ॒ષ્કૃદ॑સિ સૂર્ય । વિશ્વ॒મા ભા॑સિ રોચ॒નમ્ ॥ 10॥ તત્સૂર્ય॑સ્ય દેવ॒ત્વ-ન્તન્મ॑હિ॒ત્વ-મ્મ॒ધ્યા કર્તો॒ર્વિત॑ત॒ગ્ં સ-ઞ્જ॑ભાર । ય॒દેદયુ॑ક્ત હ॒રિતઃ॑ સ॒ધસ્થા॒દાદ્રાત્રી॒ વાસ॑સ્તનુતે સિ॒મસ્મૈ॑ ॥ 11॥ તન્મિ॒ત્રસ્ય॒ વરુ॑ણસ્યાભિ॒ચક્ષે॒ સૂર્યો॑ રૂ॒પ-ઙ્કૃ॑ણુતે॒ દ્યોરુ॒પસ્થે॑ । અ॒ન॒ન્તમ॒ન્યદ્રુશ॑દસ્ય॒ પાજઃ॑ કૃ॒ષ્ણમ॒ન્યદ્ધ॒રિત॒-સ્સ-મ્ભ॑રન્તિ ॥ 12॥ બણ્મ॒હા.ણ2 ॥ અ॑સિ સૂર્ય॒ બડા॑દિત્ય મ॒હા.ણ2 ॥ અ॑સિ । મ॒હસ્તે॑ સ॒તો મ॑હિ॒મા પ॑નસ્યતે॒-ઽદ્ધા દે॑વ મ॒હા.ણ2 ॥ અ॑સિ ॥ 13॥ બટ્ સૂ॑ર્ય॒ શ્રવ॑સા મ॒હા.ણ2 ॥ અ॑સિ . સ॒ત્રા દે॑વ મ॒હા.ણ2 ॥ અ॑સિ । મ॒હ્ના દે॒વાના॑મસુ॒ર્યઃ॒ પુ॒રોહિ॑તો વિ॒ભુ જ્યોતિ॒રદા॑ભ્યમ્ ॥ 14॥ શ્રાય॑ન્ત ઇવ॒ સૂર્યં॒ વિશ્વેદિન્દ્ર॑સ્ય ભક્ષત । વસૂ॑નિ જા॒તે જન॑માન॒ ઓજ॑સા॒ પ્રતિ॑ ભા॒ગ-ન્ન દી॑ધિમ ॥ 15॥ અ॒દ્યા દે॑વા॒ ઉદિ॑તા॒ સૂર્ય॑સ્ય॒ નિરગ્ંહ॑સઃ પિપૃ॒તા નિર॑વ॒દ્યાત્ । તન્નો॑ મિ॒ત્રો વરુ॑ણો મામહન્તા॒મદિ॑તિ॒-સ્સિન્ધુઃ॑ પૃથિ॒વી ઉ॒ત દ્યૌઃ ॥ 16॥ આ કૃ॒ષ્ણેન॒ રજ॑સા॒ વર્ત॑માનો નિવે॒શય॑ન્ન॒મૃતં॒ મર્ત્યં॑ ચ । હિ॒ર॒ણ્યયે॑ન સવિ॒તા રથે॒ના દે॒વો યા॑તિ॒ ભુવ॑નાનિ॒ પશ્ય॑ન્ ॥ 17॥ ઇતિ રુદ્રે ચતુર્થો-ઽધ્યાયઃ ॥ 4॥ 6. પઞ્ચમોઽધ્યાયઃ - રુદ્ર સૂક્તમ્ (નીલ સૂક્તમ્) હરિઃ॑ ૐ નમ॑સ્તે રુદ્ર મ॒ન્યવ॑ ઉ॒તો ત॒ ઇષ॑વે॒ નમઃ॑ । બા॒હુભ્યા॑મુ॒ત તે॒ નમઃ॑ ॥ 1॥ યા તે॑ રુદ્ર શિ॒વા ત॒નૂરઘો॒રા-ઽપા॑પકાશિની । તયા॑ નસ્ત॒ન્વા શન્ત॑મયા॒ ગિરિ॑શન્તા॒ભિ ચા॑કશીહિ ॥ 2॥ યામિષું॑ ગિરિશન્ત॒ હસ્તે॑ બિ॒ભર્​ષ્યસ્ત॑વે । શિ॒વા-ઙ્ગિ॑રિત્ર॒ તા-ઙ્કુ॑રુ॒ મા હિ॑ગ્ંસીઃ॒ પુરુ॑ષં॒ જગ॑ત્ ॥ 3॥ શિ॒વેન॒ વચ॑સા ત્વા ગિરિ॒શા-ઽચ્છા॑વદામસિ । યથા॑ ન॒-સ્સર્વ॒મિજ્જગ॑દય॒ક્ષ્મગ્ં સુ॒મના॒ અસ॑ત્ ॥ 4॥ અધ્ય॑વોચદધિવ॒ક્તા પ્ર॑થ॒મો દૈવ્યો॑ ભિ॒ષક્ । અહી॑ગ્ંશ્ચ॒ સર્વા॑ઞ્જ॒મ્ભય॒ન્ત્સર્વા॑શ્ચ યાતુધા॒ન્યો॒-ઽધ॒રાચીઃ॒ પરા॑સુવ ॥ 5॥ અસૌ॒ યસ્તા॒મ્રો અ॑રુ॒ણ ઉ॒ત બ॒ભ્રુ-સ્સુ॑મ॒ઙ્ગલઃ॑ । યે ચૈ॑નગ્ં રુ॒દ્રા અ॒ભિતો॑ દિ॒ક્ષુ શ્રિ॒તા-સ્સ॑હસ્ર॒શો-ઽવૈ॑ષા॒ગ્ં હેડ॑ ઈમહે ॥ 6॥ અસૌ॒ યો॑-ઽવ॒સર્પ॑તિ॒ નીલ॑ગ્રીવો॒ વિલો॑હિતઃ । ઉ॒તૈનં॑ ગો॒પા અ॑દૃશ્ર॒ન્નદૃ॑શ્રન્નુદહા॒ર્ય-સ્સ દૃ॒ષ્ટો મૃ॑ડયાતિ નઃ ॥ 7॥ નમો॑-ઽસ્તુ॒ નીલ॑ગ્રીવાય સહસ્રા॒ક્ષાય॑ મી॒ઢુષે॑ । અથો॒ યે અ॑સ્ય॒ સત્વા॑નો॒-ઽહ-ન્તેભ્યો॑-ઽકરં॒ નમઃ॑ ॥ 8॥ પ્રમુ॑ઞ્ચ॒ ધન્વ॑ન॒સ્ત્વમુ॒ભયો॒રાર્ત્ન્યો॒ર્જ્યામ્ । યાશ્ચ॑ તે॒ હસ્ત॒ ઇષ॑વઃ॒ પરા॒ તા ભ॑ગવો વપ ॥ 9॥ વિજ્યં॒ ધનુઃ॑ કપ॒ર્દિનો॒ વિશ॑લ્યો॒ બાણ॑વા.ણ2 ॥ ઉ॒ત । અને॑શન્નસ્ય॒ યા ઇષ॑વ આ॒ભુર॑સ્ય નિષઙ્ગ॒ધિઃ ॥ 10॥ યા તે॑ હે॒તિર્મી॑ઢુષ્ટમ॒ હસ્તે॑ બ॒ભૂવ॑ તે॒ ધનુઃ॑ । તયા॒સ્માન્વિ॒શ્વત॒સ્ત્વમ॑ય॒ક્ષ્મયા॒ પરિ॑ભુજ ॥ 11॥ પરિ॑ તે॒ ધન્વ॑નો હે॒તિર॒સ્માન્વૃ॑ણક્તુ વિ॒શ્વતઃ॑ । અથો॒ ય ઇ॑ષુ॒ધિસ્તવા॒રે અ॒સ્મન્નિધે॑હિ॒ તમ્ ॥ 12॥ અ॒વ॒તત્ય॒ ધનુ॒ષ્ટ્વગ્ં સહ॑સ્રાક્ષ॒ શતે॑ષુધે । નિ॒શીર્ય॑ શ॒લ્યાનાં॒ મુખા॑ શિ॒વો નઃ॑ સુ॒મના॑ ભવ ॥ 13॥ નમ॑સ્ત॒ આયુ॑ધા॒યાના॑તતાય ધૃ॒ષ્ણવે॑ । ઉ॒ભાભ્યા॑મુ॒ત તે॒ નમો॑ બા॒હુભ્યાં॒ તવ॒ ધન્વ॑ને ॥ 14॥ મા નો॑ મ॒હાન્ત॑મુ॒ત મા નો॑ અર્ભ॒ક-મ્મા ન॒ ઉક્ષ॑ન્તમુ॒ત મા ન॑ ઉક્ષિ॒તમ્ । મા નો॑ વધીઃ પિ॒તરં॒ મોત॑ મા॒તરં॒ મા નઃ॑ પ્રિ॒યાસ્ત॒ન્વો॒ રુદ્ર રીરિષઃ ॥ 15॥ મા ન॑સ્તો॒કે તન॑યે॒ મા ન॒ આયુ॑ષિ॒ મા નો॒ ગોષુ॒ મા નો॒ અશ્વે॑ષુ રીરિષઃ । મા નો॑ વી॒રા-ન્રુ॑દ્ર ભા॒મિનો॑ વધીર્​હ॒વિષ્મ॑ન્ત॒-સ્સદ॒મિત્ત્વા॑ હવામહે ॥ 16॥ નમો॒ હિર॑ણ્યબાહવે સેના॒ન્યે॒ દિ॒શા-ઞ્ચ॒ પત॑યે॒ નમો॒ નમો॑ વૃ॒ક્ષેભ્યો॒ હરિ॑કેશેભ્યઃ પશૂ॒ના-મ્પત॑યે॒ નમો॒ નમઃ॑ શ॒ષ્પિઞ્જ॑રાય॒ ત્વિષી॑મતે પથી॒ના-મ્પત॑યે॒ નમો॒ નમો॒ હરિ॑કેશાયોપવી॒તિને॑ પુ॒ષ્ટાનાં॒ પત॑યે॒ નમઃ॑ ॥ 17॥ નમો॑ બભ્લુ॒શાય॑ વ્યા॒ધિને-ઽન્ના॑નાં॒ પત॑યે॒ નમો॒ નમો॑ ભ॒વસ્ય॑ હેત્યૈ॒ જગ॑તાં॒ પત॑યે॒ નમો॒ નમો॑ રુ॒દ્રાયા॑તતા॒યિને॒ ક્ષેત્રા॑ણાં॒ પત॑યે॒ નમો॒ નમઃ॑ સૂ॒તાયાહ॑ન્ત્યૈ॒ વના॑નાં॒ પત॑યે॒ નમઃ॑ ॥ 18॥ નમો॒ રોહિ॑તાય સ્થ॒પત॑યે વૃ॒ક્ષાણાં॒ પત॑યે॒ નમો॒ નમો॑ ભુવ॒ન્તયે॑ વારિવસ્કૃ॒તાયૌષ॑ધીનાં॒ પત॑યે॒ નમો॒ નમો॑ મ॒ન્ત્રિણે॑ વાણિ॒જાય॒ કક્ષા॑ણાં॒ પત॑યે॒ નમો॒ નમ॑ ઉ॒ચ્ચૈર્ઘો॑ષાયાક્ર॒ન્દય॑તે પત્તી॒ના-મ્પત॑યે॒ નમઃ॑ ॥ 19॥ નમઃ॑ કૃત્સ્નાય॒તયા॒ ધાવ॑તે॒ સત્વ॑નાં॒ પત॑યે॒ નમો॒ નમ॒-સ્સહ॑માનાય નિવ્યા॒ધિન॑ આવ્યા॒ધિની॑નાં॒ પત॑યે॒ નમો॒ નમો॑ નિષ॒ઙ્ગિણે॑ કકુ॒ભાય॑ સ્તે॒નાનાં॒ પત॑યે॒ નમો॒ નમો॑ નિચે॒રવે॑ પરિચ॒રાયાર॑ણ્યાનાં॒ પત॑યે॒ નમઃ॑ ॥ 20॥ નમો॒ વઞ્ચ॑તે પરિ॒વઞ્ચ॑તે સ્તાયૂ॒ના-મ્પત॑યે॒ નમો॒ નમો॑ નિષ॒ઙ્ગિણ॑ ઇષુધિ॒મતે॒ તસ્ક॑રાણાં॒ પત॑યે॒ નમો॒ નમઃ॑ સૃકા॒યિભ્યો॒ જિઘા॑ગ્ંસદ્ભ્યો મુષ્ણ॒તા-મ્પત॑યે॒ નમો॒ નમો॑-ઽસિ॒મદ્ભ્યો॒ નક્ત॒ઞ્ચર॑દ્ભ્યો વિકૃ॒ન્તાનાં॒ પત॑યે॒ નમઃ॑ ॥ 21॥ નમ॑ ઉષ્ણી॒ષિણે॑ ગિરિચ॒રાય॑ કુલુ॒ઞ્ચાનાં॒ પત॑યે॒ નમો॒ નમ॑ ઇષુ॒મદ્ભ્યો॑ ધન્વા॒યિભ્ય॑શ્ચ વો॒ નમો॒ નમ॑ આતન્વા॒નેભ્યઃ॑ પ્રતિ॒દધા॑નેભ્યશ્ચ વો॒ નમો॒ નમ॑ આ॒યચ્છ॒દ્ભ્યો-ઽસ્ય॑દ્ભ્યશ્ચ વો॒ નમઃ॑ ॥ 22॥ નમો॑ વિસૃ॒જદ્ભ્યો॒ વિધ્ય॑દ્ભ્યશ્ચ વો॒ નમો॒ નમઃ॑ સ્વ॒પદ્ભ્યો॒ જાગ્ર॑દ્ભ્યશ્ચ વો॒ નમો॒ નમ॒-શ્શયા॑નેભ્ય॒ આસી॑નેભ્યશ્ચ વો॒ નમો॒ નમ॒સ્તિષ્ઠ॑દ્ભ્યો॒ ધાવ॑દ્ભ્યશ્ચ વો॒ નમઃ॑ ॥ 23॥ નમઃ॑ સ॒ભાભ્યઃ॑ સ॒ભાપ॑તિભ્યશ્ચ વો॒ નમો॒ નમો-ઽશ્વે॒ભ્યો-ઽશ્વ॑પતિભ્યશ્ચ વો॒ નમો॒ નમ॑ આવ્યા॒ધિની॑ભ્યો વિ॒વિધ્ય॑ન્તીભ્યશ્ચ વો॒ નમો॒ નમ॒ ઉગ॑ણાભ્યસ્તૃગ્ંહ॒તીભ્ય॑શ્ચ વો॒ નમઃ॑ ॥ 24॥ નમો॑ ગ॒ણેભ્યો॑ ગ॒ણપ॑તિભ્યશ્ચ વો॒ નમો॒ નમો॒ વ્રાતે॑ભ્યો॒ વ્રાત॑પતિભ્યશ્ચ વો॒ નમો॒ નમો॒ ગૃત્સે॑ભ્યો॒ ગૃત્સ॑પતિભ્યશ્ચ વો॒ નમો॒ નમો॒ વિરૂ॑પેભ્યો વિ॒શ્વરૂ॑પેભ્યશ્ચ વો॒ નમઃ॑ ॥ 25॥ નમ॒-સ્સેના॑ભ્ય-સ્સેના॒નિભ્ય॑શ્ચ વો॒ નમો॒ નમો॑ ર॒થિભ્યો॑ અર॒થેભ્ય॑શ્ચ વો॒ નમો॒ નમઃ॑ ક્ષ॒ત્તૃભ્યઃ॑ સઙ્ગ્રહી॒તૃભ્ય॑શ્ચ વો॒ નમો॒ નમો॑ મ॒હદ્ભ્યો॑ અર્ભ॒કેભ્ય॑શ્ચ વો॒ નમઃ॑ ॥ 26॥ નમ॒સ્તક્ષ॑ભ્યો રથકા॒રેભ્ય॑શ્ચ વો॒ નમો॒ નમઃ॒ કુલા॑લેભ્યઃ ક॒ર્મારે॑ભ્યશ્ચ વો॒ નમો॒ નમો॑ નિષા॒દેભ્યઃ॑ પુ॒ઞ્જિષ્ટે॑ભ્યશ્ચ વો॒ નમો॒ નમઃ॑ શ્વ॒નિભ્યો॑ મૃગ॒યુભ્ય॑શ્ચ વો॒ નમઃ॑ ॥ 27॥ નમ॒-શ્શ્વભ્ય॒-શ્શ્વપ॑તિભ્યશ્ચ વો॒ નમો॒ નમો॑ ભ॒વાય॑ ચ રુ॒દ્રાય॑ ચ॒ નમઃ॑ શ॒ર્વાય॑ ચ પશુ॒પત॑યે ચ॒ નમો॒ નીલ॑ગ્રીવાય ચ શિતિ॒કણ્ઠા॑ય ચ ॥ 28॥ નમઃ॑ કપ॒ર્દિને॑ ચ॒ વ્યુ॒પ્તકેશાય ચ॒ નમઃ॑ સહસ્રા॒ક્ષાય॑ ચ શ॒તધ॑ન્વને ચ॒ નમો॑ ગિરિશ॒યાય॑ ચ શિપિવિ॒ષ્ટાય॑ ચ॒ નમો॑ મી॒ઢુષ્ટ॑માય॒ ચેષુ॑મતે ચ ॥ 29॥ નમો॑ હ્ર॒સ્વાય॑ ચ વામ॒નાય॑ ચ॒ નમો॑ બૃહ॒તે ચ॒ વર્​ષી॑યસે ચ॒ નમો॑ વૃ॒દ્ધાય॑ ચ સ॒વૃધે॑ ચ॒ નમો-ઽગ્ર્યા॑ય ચ પ્રથ॒માય॑ ચ ॥ 30॥ નમ॑ આ॒શવે॑ ચાજિ॒રાય॑ ચ॒ નમ॒-શ્શીઘ્ર્યા॑ય ચ॒ શીભ્યા॑ય ચ॒ નમ॒ ઊર્મ્યા॑ય ચાવસ્વ॒ન્યા॒ય ચ॒ નમો॑ નાદે॒યાય॑ ચ॒ દ્વીપ્યા॑ય ચ ॥ 31॥ નમો॑ જ્યે॒ષ્ઠાય॑ ચ કનિ॒ષ્ઠાય॑ ચ॒ નમઃ॑ પૂર્વ॒જાય॑ ચાપર॒જાય॑ ચ॒ નમો॑ મધ્ય॒માય॑ ચાપગ॒લ્ભાય॑ ચ॒ નમો॑ જઘ॒ન્યા॒ય ચ બુ॒ધ્ન્યા॒ય ચ ॥ 32॥ નમ॒-સ્સોભ્યા॑ય ચ પ્રતિસ॒ર્યા॒ય ચ॒ નમો॒ યામ્યા॑ય ચ॒ ક્ષેમ્યા॑ય ચ॒ નમ॒-શ્શ્લોક્યા॑ય ચાવસા॒ન્યા॒ય ચ॒ નમ॑ ઉર્વ॒ર્યા॒ય ચ॒ ખલ્યા॑ય ચ ॥ 33॥ નમો॒ વન્યા॑ય ચ॒ કક્ષ્યા॑ય ચ॒ નમઃ॑ શ્ર॒વાય॑ ચ પ્રતિશ્ર॒વાય॑ ચ॒ નમ॑ આ॒શુષે॑ણાય ચા॒શુર॑થાય ચ॒ નમ॒-શ્શૂરા॑ય ચાવભે॒દિને॑ ચ ॥ 34॥ નમો॑ બિ॒લ્મિને॑ ચ કવ॒ચિને॑ ચ॒ નમો॑ વ॒ર્મિણે॑ ચ વરૂ॒થિને॑ ચ॒ નમઃ॑ શ્રુ॒તાય॑ ચ શ્રુતસે॒નાય॑ ચ॒ નમો॑ દુન્દુ॒ભ્યા॒ય ચાહન॒ન્યા॒ય ચ ॥ 35॥ નમો॑ ધૃ॒ષ્ણવે॑ ચ પ્રમૃ॒શાય॑ ચ॒ નમો॑ નિષ॒ઙ્ગિણે॑ ચેષુધિ॒મતે॑ ચ॒ નમ॑સ્તી॒ક્ષ્ણેષ॑વે ચાયુ॒ધિને॑ ચ॒ નમઃ॑ સ્વાયુ॒ધાય॑ ચ સુ॒ધન્વ॑ને ચ ॥ 36॥ નમ॒-સ્સ્રુત્યા॑ય ચ॒ પથ્યા॑ય ચ॒ નમઃ॒ કાટ્યા॑ય ચ॒ નીપ્યા॑ય ચ॒ નમઃ॒ કુલ્યા॑ય ચ સર॒સ્યા॒ય ચ॒ નમો॑ નાદે॒યાય॑ ચ વૈશ॒ન્તાય॑ ચ ॥ 37॥ નમઃ॒ કૂપ્યા॑ય ચાવ॒ટ્યા॑ય ચ॒ નમો॒ વીધ્ર્યા॑ય ચાત॒પ્યા॒ય ચ॒ નમો॒ મેઘ્યા॑ય ચ વિદ્યુ॒ત્યા॒ય ચ॒ નમો॒ વર્​ષ્યા॑ય ચાવ॒ર્​ષ્યાય॑ ચ ॥ 38॥ નમો॒ વાત્યા॑ય ચ॒ રેષ્મ્યા॑ય ચ॒ નમો॑ વાસ્ત॒વ્યા॒ય ચ વાસ્તુ॒પાય॑ ચ॒ નમ॒-સ્સોમા॑ય ચ રુ॒દ્રાય॑ ચ॒ નમ॑સ્તા॒મ્રાય॑ ચારુ॒ણાય॑ ચ ॥ 39॥ નમઃ॑ શ॒ઙ્ગવે॑ ચ પશુ॒પત॑યે ચ॒ નમ॑ ઉ॒ગ્રાય॑ ચ ભી॒માય॑ ચ॒ નમો॑-ઽગ્રેવ॒ધાય॑ ચ દૂરેવ॒ધાય॑ ચ॒ નમો॑ હ॒ન્ત્રે ચ॒ હની॑યસે ચ॒ નમો॑ વૃ॒ક્ષેભ્યો॒ હરિ॑કેશેભ્યો॒ નમ॑સ્તા॒રાય॑ ॥ 40॥ નમઃ॑ શમ્ભ॒વાય॑ ચ મયોભ॒વાય॑ ચ॒ નમઃ॑ શઙ્ક॒રાય॑ ચ મયસ્ક॒રાય॑ ચ॒ નમઃ॑ શિ॒વાય॑ ચ શિ॒વત॑રાય ચ ॥ 41॥ નમઃ॒ પાર્યા॑ય ચાવા॒ર્યા॒ય ચ॒ નમઃ॑ પ્ર॒તર॑ણાય ચો॒ત્તર॑ણાય ચ॒ નમ॒સ્તીર્થ્યા॑ય ચ॒ કૂલ્યા॑ય ચ॒ નમ॒-શ્શષ્પ્યા॑ય ચ॒ ફેન્યા॑ય ચ ॥ 42॥ નમઃ॑ સિક॒ત્યા॒ય ચ પ્રવા॒હ્યા॒ય ચ॒ નમઃ॑ કિગ્ંશિ॒લાય॑ ચ ક્ષય॒ણાય॑ ચ॒ નમઃ॑ કપ॒ર્દિને॑ ચ પુલ॒સ્તયે॑ ચ॒ નમ॑ ઇરિ॒ણ્યા॒ય ચ પ્રપ॒થ્યા॒ય ચ ॥ 43॥ નમો॒ વ્રજ્યા॑ય ચ॒ ગોષ્ઠ્યા॑ય ચ॒ નમ॒સ્તલ્પ્યા॑ય ચ॒ ગેહ્યા॑ય ચ॒ નમો॑ હૃદ॒ય્યા॒ય ચ નિવે॒ષ્પ્યા॒ય ચ॒ નમઃ॒ કાટ્યા॑ય ચ ગહ્વરે॒ષ્ઠાય॑ ચ ॥ 44॥ નમ॒-શ્શુષ્ક્યા॑ય ચ હરિ॒ત્યા॒ય ચ॒ નમઃ॑ પાગ્ંસ॒વ્યા॒ય ચ રજ॒સ્યા॒ય ચ॒ નમો॒ લોપ્યા॑ય ચોલ॒પ્યા॒ય ચ॒ નમ॒ ઊર્વ્યા॑ય ચ॒ સૂર્વ્યા॑ય ચ ॥ 45॥ નમઃ॑ પ॒ર્ણાય॑ ચ પર્ણશ॒દાય॑ ચ॒ નમ॑ ઉદ્ગુ॒રમા॑ણાય ચાભિઘ્ન॒તે ચ॒ નમ॑ આખિદ॒તે ચ॑ પ્રખિદ॒તે ચ॒ નમઃ॑ ઇષુ॒કૃદ્ભ્યો॑ ધનુ॒ષ્કૃદ્ભ્ય॑શ્ચ વો॒ નમો॒ નમો॑ વઃ કિરિ॒કેભ્યો॑ દે॒વાના॒ગ્ં હૃદ॑યેભ્યો॒ નમો॑ વિચિન્વ॒ત્કેભ્યો॒ નમો॑ વિક્ષિણ॒ત્કેભ્યો॒ નમ॑ આનિર્​હ॒તેભ્યઃ॑ ॥ 46॥ દ્રાપે॒ અન્ધ॑સસ્પતે॒ દરિ॑દ્રં॒ નીલ॑લોહિત । આ॒સા-મ્પ્ર॒જાના॑મે॒ષા-મ્પ॑શૂ॒ના-મ્મા ભે॒ર્મા રોઙ્ભો ચ॑ નઃ॒ કિઞ્ચ॒નામ॑મત્ ॥ 47॥ ઇ॒મા રુ॒દ્રાય॑ ત॒વસે॑ કપ॒ર્દિને॑ ક્ષ॒યદ્વી॑રાય॒ પ્રભ॑રામહે મ॒તીઃ । યથા॒ શમસ॑દ્દ્વિ॒પદે॒ ચતુ॑ષ્પદે॒ વિશ્વં॑ પુ॒ષ્ટ-ઙ્ગ્રામે॑ અ॒સ્મિન્ન॑નાતુ॒રમ્ ॥ 48॥ યા તે॑ રુદ્ર શિ॒વા ત॒નૂ-શ્શિ॒વા વિ॒શ્વાહા॑ ભેષ॒જી । શિ॒વા રુ॒તસ્ય॑ ભેષ॒જી તયા॑ નો મૃડ જી॒વસે॑ ॥ 49॥ પરિ॑ નો રુ॒દ્રસ્ય॑ હે॒તિર્વૃ॑ણક્તુ॒ પરિ॑ ત્વે॒ષસ્ય॑ દુર્મ॒તિર॑ઘા॒યોઃ । અવ॑ સ્થિ॒રા મ॒ઘવ॑દ્ભ્યસ્તનુષ્વ॒ મીઢ્વ॑સ્તો॒કાય॒ તન॑યાય મૃડ ॥ 50॥ મીઢુ॑ષ્ટમ॒ શિવ॑તમ શિ॒વો નઃ॑ સુ॒મના॑ ભવ । પ॒ર॒મે વૃ॒ક્ષ આયુ॑ધ-ન્નિ॒ધાય॒ કૃત્તિં॒ વસા॑ન॒ આચ॑ર॒ પિના॑કં॒ બિભ્ર॒દાગ॑હિ ॥ 51॥ વિકિ॑રિદ્ર॒ વિલો॑હિત॒ નમ॑સ્તે અસ્તુ ભગવઃ । યાસ્તે॑ સ॒હસ્ર॑ગ્ં હે॒તયો॒-ઽન્યમ॒સ્મન્નિવ॑પન્તુ॒ તાઃ ॥ 52॥ સ॒હસ્રા॑ણિ સહસ્ર॒શો બા॒હ્વોસ્તવ॑ હે॒તયઃ॑ । તાસા॒મીશા॑નો ભગવઃ પરા॒ચીના॒ મુખા॑ કૃધિ ॥ 53॥ અસં॑ખ્યાતા સ॒હસ્રા॑ણિ॒ યે રુ॒દ્રા અધિ॒ ભૂમ્યા॑મ્ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 54॥ અ॒સ્મિન્મ॑હ॒ત્ય॒ર્ણ॒વે-ઽન્તરિ॑ક્ષે ભ॒વા અધિ॑ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 55॥ નીલ॑ગ્રીવા-શ્શિતિ॒કણ્ઠા॒ દિવ॑ગ્ં રુ॒દ્રા ઉપ॑શ્રિતાઃ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 56॥ નીલ॑ગ્રીવા-શ્શિતિ॒કણ્ઠાઃ॑ શ॒ર્વા અ॒ધઃ, ક્ષ॑માચ॒રાઃ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 57॥ યે વૃ॒ક્ષેષુ॑ શ॒ષ્પિઞ્જ॑રા॒ નીલ॑ગ્રીવા॒ વિલો॑હિતાઃ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 58॥ યે ભૂ॒તાના॒મધિ॑પતયો વિશિ॒ખાસઃ॑ કપ॒ર્દિનઃ॑ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 59॥ યે પ॒થા-મ્પ॑થિ॒રક્ષ॑ય ઐલબૃ॒દા આ॑યુ॒ર્યુધઃ॑ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 60॥ યે તી॒ર્થાનિ॑ પ્ર॒ચર॑ન્તિ સૃ॒કાહ॑સ્તા નિષ॒ઙ્ગિણઃ॑ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 61॥ યે-ઽન્ને॑ષુ વિ॒વિધ્ય॑ન્તિ॒ પાત્રે॑ષુ॒ પિબ॑તો॒ જના॑ન્ । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 62॥ ય એ॒તાવ॑ન્તશ્ચ॒ ભૂયા॑ગ્ંસશ્ચ॒ દિશો॑ રુ॒દ્રા વિ॑તસ્થિ॒રે । તેષા॑ગ્ં સહસ્રયોજ॒ને-ઽવ॒ ધન્વા॑નિ તન્મસિ ॥ 63॥ નમો॑-ઽસ્તુ રુ॒દ્રેભ્યો॒ યે દિ॒વિ યેષાં॑ વ॒ર્​ષમિષ॑વસ્તેભ્યો॒ દશ॒ પ્રાચી॒ર્દશ॑ દક્ષિ॒ણા દશ॑ પ્ર॒તીચી॒ર્દશોદી॑ચી॒ર્દશો॒ર્ધ્વાસ્તેભ્યો॒ નમો॑ અસ્તુ॒ તે નો॑-ઽવન્તુ॒ તે નો॑ મૃડયન્તુ॒ તે યં દ્વિ॒ષ્મો યશ્ચ॑ નો॒ દ્વેષ્ટિ॒ તમે॑ષાં॒ જમ્ભે॑ દધ્મઃ ॥ 64॥ નમો॑-ઽસ્તુ રુ॒દ્રેભ્યો॒ યે-ઽન્તરિ॑ક્ષે॒ યેષાં॒ વાત॒ ઇષ॑વસ્તેભ્યો॒ દશ॒ પ્રાચી॒ર્દશ॑ દક્ષિ॒ણા દશ॑ પ્ર॒તીચી॒ર્દશોદી॑ચી॒ર્દશો॒ર્ધ્વાસ્તેભ્યો॒ નમો॑ અસ્તુ॒ તે નો॑-ઽવન્તુ॒ તે નો॑ મૃડયન્તુ॒ તે યં દ્વિ॒ષ્મો યશ્ચ॑ નો॒ દ્વેષ્ટિ॒ તમે॑ષાં॒ જમ્ભે॑ દધ્મઃ ॥ 65॥ નમો॑-ઽસ્તુ રુ॒દ્રેભ્યો॒ યે પૃ॑થિ॒વ્યાં-યેઁષા॒મન્ન॒મિષ॑વસ્તેભ્યો॒ દશ॒ પ્રાચી॒ર્દશ॑ દક્ષિ॒ણા દશ॑ પ્ર॒તીચી॒ર્દશોદી॑ચી॒ર્દશો॒ર્ધ્વાસ્તેભ્યો॒ નમો॑ અસ્તુ॒ તે નો॑-ઽવન્તુ॒ તે નો॑ મૃડયન્તુ॒ તે યં દ્વિ॒ષ્મો યશ્ચ॑ નો॒ દ્વેષ્ટિ॒ તમે॑ષાં॒ જમ્ભે॑ દધ્મઃ ॥ 66॥ ઇતિ રુદ્રે પઞ્ચમો-ઽધ્યાયઃ ॥ 5॥ 7. ષષ્ઠોઽધ્યાયઃ - મહચ્છિર, સોમ સ્તવન, ત્ર્યમ્બક યજનમ્ હરિઃ॑ ૐ વ॒યગ્ંસો॑મ વ્ર॒તે તવ॒ મન॑સ્ત॒નૂષુ॒ બિભ્ર॑તઃ । પ્ર॒જાવ॑ન્ત-સ્સચેમહિ ॥ 1॥ એ॒ષ તે॑ રુદ્ર ભા॒ગ-સ્સ॒હ સ્વસ્રા-ઽમ્બિ॑કયા॒ ત-ઞ્જુ॑ષસ્વ॒ સ્વાહૈ॒ષ તે॑ રુદ્ર ભા॒ગ આ॒ખુસ્તે॑ પ॒શુઃ ॥ 2॥ અવ॑ રુ॒દ્રમ॑દીમ॒હ્યવ॑ દે॒વ-ન્ત્ર્ય॑મ્બકમ્ । યથા॑ નો॒ વસ્ય॑સ॒સ્કર॒દ્યથા॑ ન॒-શ્શ્રેય॑સ॒સ્કર॒દ્યથા॑ નો વ્યવસા॒યયા॑ત્ ॥ 3॥ ભે॒ષ॒જમ॑સિ ભેષ॒જ-ઙ્ગવે-ઽશ્વા॑ય॒ પુરુ॑ષાય ભેષ॒જમ્ । સુ॒ખ-મ્મે॒ષાય॑ મેષ્યૈ ॥ 4॥ ત્ર્ય॑મ્બકં-યઁજામહે સુગ॒ન્ધિ-મ્પુ॑ષ્ટિ॒વર્ધ॑નમ્ । ઉ॒ર્વા॒રુ॒કમિ॑વ॒ બન્ધ॑નાન્મૃ॒ત્યોર્મુ॑ક્ષીય॒ મા-ઽમૃતા॑ત્ । ત્ર્ય॑મ્બકં-યઁજામહે સુગ॒ન્ધિ-મ્પ॑તિ॒વેદ॑નમ્ । ઉ॒ર્વા॒રુ॒કમિ॑વ॒ બન્ધ॑નાદિ॒તો મુ॑ક્ષીય॒ મામુતઃ॑ ॥ 5॥ એ॒તત્તે॑ રુદ્રાવ॒સ-ન્તેન॑ પ॒રો મૂજ॑વ॒તો-ઽતી॑હિ । અવ॑તતધન્વા॒ પિના॑કાવસઃ॒ કૃત્તિ॑વાસા॒ અહિ॑ગ્ંસન્ન-શ્શિ॒વો-ઽતી॑હિ ॥ 6॥ ત્ર્યા॑યુ॒ષ-ઞ્જ॒મદ॑ગ્નેઃ ક॒શ્યપ॑સ્ય ત્ર્યાયુ॒ષમ્ । યદ્દે॒વેષુ॑ ત્ર્યાયુ॒ષ-ન્તન્નો॑ અસ્તુ ત્ર્યાયુ॒ષમ્ ॥ 7॥ શિ॒વો નામા॑સિ॒ સ્વધિ॑તિસ્તે પિ॒તા નમ॑સ્તે અસ્તુ॒ મા મા॑ હિગ્ંસીઃ । નિવ॑ર્તયામ્યાયુ॑ષે॒-ઽન્નાદ્યા॑ય॒ પ્રજન॑નાય રા॒યસ્પોષા॑ય સુપ્રજા॒સ્ત્વાય॑ સુ॒વીર્યા॑ય ॥ 8॥ ઇતિ રુદ્રે ષષ્ઠો-ઽધ્યાયઃ ॥ 6॥ 8. સપ્તમોઽધ્યાયઃ - જટાઽધ્યાયઃ હરિઃ॑ ૐ ઉ॒ગ્રશ્ચ॑ ભી॒મશ્ચ॒ ધ્વા॒ન્તશ્ચ॒ ધુનિ॑શ્ચ । સા॒સ॒હ્વાંશ્ચા॑ભિયુ॒ગ્વા ચ॑ વિ॒ક્ષિપ॒-સ્સ્વાહા॑ ॥ 1॥ અ॒ગ્નિગ્ં હૃદ॑યેના॒શનિ॑ગ્ં હૃદયા॒ગ્રેણ॑ પશુ॒પતિં॑ કૃત્સ્ન॒હૃદ॑યેન ભ॒વં-યઁ॒ક્ના । શ॒ર્વ-મ્મત॑સ્નાભ્યા॒મીશા॑ન-મ્મ॒ન્યુના॑ મહાદે॒વમ॑ન્તઃ પર્​શ॒વ્યેનો॒ગ્રં દે॒વં-વઁ॑નિ॒ષ્ઠુના॑ વસિષ્ઠ॒હનુઃ॒ શિઙ્ગી॑નિ કો॒શ્યાભ્યા॑મ્ ॥ 2॥ ઉ॒ગ્રં-લ્લોઁહિ॑તેન મિ॒ત્રગ્ં સૌ॑વ્રત્યેન રુ॒દ્ર-ન્દૌર્વ્ર॑ત્યે॒નેન્દ્રં॑ પ્રક્રી॒ડેન॑ મ॒રુતો॒ બલે॑ન સા॒ધ્યાન્પ્ર॒મુદા॑ । ભ॒વસ્ય॒ કણ્ઠ્ય॑ગ્ં રુ॒દ્રસ્યા॑ન્તઃ પા॒ર્​શ્વ્ય-મ્મ॑હાદે॒વસ્ય॒ યકૃ॑ચ્છ॒ર્વસ્ય॑ વનિ॒ષ્ઠુઃ પ॑શુ॒પતેઃ॑ પુરી॒તત્ ॥ 3॥ લોમ॑ભ્ય॒-સ્સ્વાહા॒ લોમ॑ભ્ય॒-સ્સ્વાહા॑ ત્વ॒ચે સ્વાહા॑ ત્વ॒ચે સ્વાહા॒ લોહિ॑તાય॒ સ્વાહા॒ લોહિ॑તાય॒ સ્વાહા॒ મેદો॑ભ્ય॒-સ્સ્વાહા॒ મેદો॑ભ્ય॒-સ્સ્વાહા॑ । મા॒ગ્ંસેભ્ય॒-સ્સ્વાહા॑ મા॒ગ્ંસેભ્ય॒-સ્સ્વાહા॒ સ્નાવ॑ભ્ય॒-સ્સ્વાહા॒ સ્નાવ॑ભ્ય॒-સ્સ્વાહા॒ અસ્થભ્ય॒-સ્સ્વાહા॒ અસ્થભ્ય॒-સ્સ્વાહા॑ મ॒જ્જભ્ય॒-સ્સ્વાહા॑ મ॒જ્જભ્ય॒-સ્સ્વાહા॑ । રેત॑સે॒ સ્વાહા॑ પા॒યવે॒ સ્વાહા॑ ॥ 4॥ આ॒યા॒સાય॒ સ્વાહા॑ પ્રાયા॒સાય॒ સ્વાહા॑ સં​યાઁ॒સાય॒ સ્વાહા॑ વિયા॒સાય॒ સ્વાહો॑દ્યા॒સાય॒ સ્વાહા॑ । શુ॒ચે સ્વાહા॒ શોચ॑તે॒ સ્વાહા॒ શોચ॑માનાય॒ સ્વાહા॒ શોકા॑ય॒ સ્વાહા॑ ॥ 5॥ તપ॑સે॒ સ્વાહા॒ તપ્ય॑તે॒ સ્વાહા॒ તપ્ય॑માનાય॒ સ્વાહા॑ ત॒પ્તાય॒ સ્વાહા॑ ઘ॒ર્માય॒ સ્વાહા॑ । નિષ્કૃ॑ત્યૈ॒ સ્વાહા॒ પ્રાય॑શ્ચિત્ત્યૈ॒ સ્વાહા॑ ભેષ॒જાય॒ સ્વાહા॑ ॥ 6॥ ય॒માય॒ સ્વાહાન્ત॑કાય॒ સ્વાહા॑ મૃ॒ત્યવે॒ સ્વાહા॒ બ્રહ્મ॑ણે॒ સ્વાહા॑ બ્રહ્મહ॒ત્યાયૈ॒ સ્વાહા॒ । વિશ્વે॑ભ્યો દે॒વેભ્ય॒-સ્સ્વાહા॒ દ્યાવા॑પૃથિ॒વીભ્યા॒ગ્ં સ્વાહા॑ ॥ 7॥ ઇતિ રુદ્રે સપ્તમો-ઽધ્યાયઃ ॥ 7॥ 9. અષ્ટમોઽધ્યાયઃ - ચમક પ્રશ્નઃ (ચમકપ્રશ્નઃ ।) હરિઃ॑ ૐ વાજ॑શ્ચ મે પ્રસ॒વશ્ચ॑ મે॒ પ્રય॑તિશ્ચ મે॒ પ્રસિ॑તિશ્ચ મે ધી॒તિશ્ચ॑ મે॒ ક્રતુ॑શ્ચ મે॒ સ્વર॑શ્ચ મે॒ શ્લોક॑શ્ચ મે શ્ર॒વશ્ચ॑ મે॒ શ્રુતિ॑શ્ચ મે॒ જ્યોતિ॑શ્ચ મે॒ સ્વ॒શ્ચ મે ય॒જ્ઞેન॑ કલ્પન્તામ્ ॥ 1॥ પ્રા॒ણશ્ચ॑ મે-ઽપા॒નશ્ચ॑ મે વ્યા॒નશ્ચ॒ મે-ઽસુ॑શ્ચ મે ચિ॒ત્ત-ઞ્ચ॑ મ॒ આધી॑ત-ઞ્ચ મે॒ વાક્ચ॑ મે॒ મન॑શ્ચ મે॒ ચક્ષુ॑શ્ચ મે॒ શ્રોત્રં॑ ચ મે॒ દક્ષ॑શ્ચ મે॒ બલં॑ ચ મે ય॒જ્ઞેન॑ કલ્પન્તામ્ ॥ 2॥ ઓજ॑શ્ચ મે॒ સહ॑શ્ચ મ આ॒ત્મા ચ॑ મે ત॒નૂશ્ચ॑ મે॒ શર્મ॑ ચ મે॒ વર્મ॑ ચ॒ મે-ઽઙ્ગા॑નિ ચ॒ મે-ઽસ્થી॑નિ ચ મે॒ પરૂ॑ગ્ંષિ ચ મે॒ શરી॑રાણિ ચ મ॒ આયુ॑શ્ચ મે જ॒રા ચ॑ મે ય॒જ્ઞેન॑ કલ્પન્તામ્ ॥ 3॥ જ્યૈ॑ષ્ઠ્ય-ઞ્ચ મ આધિ॑પત્ય-ઞ્ચ મે મ॒ન્યુશ્ચ॑ મે॒ ભામ॑શ્ચ॒ મે-ઽમ॑શ્ચ॒ મે-ઽમ્ભ॑શ્ચ મે જે॒મા ચ॑ મે મહિ॒મા ચ॑ મે વરિ॒મા ચ॑ મે પ્રથિ॒મા ચ॑ મે વર્​ષિ॒મા ચ॑ મે દ્રાઘિ॒મા ચ॑ મે વૃ॒દ્ધ-ઞ્ચ॑ મે॒ વૃદ્ધિ॑શ્ચ મે ય॒જ્ઞેન॑ કલ્પન્તામ્ ॥ 4॥ સ॒ત્ય-ઞ્ચ॑ મે શ્ર॒દ્ધા ચ॑ મે॒ જગ॑ચ્ચ મે॒ ધનં॑ ચ મે॒ વિશ્વં॑ ચ મે॒ મહ॑શ્ચ મે ક્રી॒ડા ચ॑ મે॒ મોદ॑શ્ચ મે જા॒ત-ઞ્ચ॑ મે જનિ॒ષ્યમા॑ણ-ઞ્ચ મે સૂ॒ક્ત-ઞ્ચ॑ મે સુકૃ॒ત-ઞ્ચ॑ મે ય॒જ્ઞેન॑ કલ્પન્તામ્ ॥ 5॥ ઋ॒ત-ઞ્ચ॑ મે-ઽમૃતં॑ ચ મે-ઽય॒ક્ષ્મ-ઞ્ચ॒ મે-ઽના॑મયચ્ચ મે જી॒વાતુ॑શ્ચ મે દીર્ઘાયુ॒ત્વ-ઞ્ચ॑ મે-ઽનમિ॒ત્ર-ઞ્ચ॒ મે-ઽભ॑ય-ઞ્ચ મે સુ॒ખ-ઞ્ચ॑ મે॒ શય॑ન-ઞ્ચ મે સૂ॒ષાશ્ચ॑ મે સુ॒દિનં॑ ચ મે ય॒જ્ઞેન॑ કલ્પન્તામ્ ॥ 6॥ ય॒ન્તા ચ॑ મે ધ॒ર્તા ચ॑ મે॒ ક્ષેમ॑શ્ચ મે॒ ધૃતિ॑શ્ચ મે॒ વિશ્વં॑ ચ મે॒ મહ॑શ્ચ મે સં॒વિચ્ચ॑ મે॒ જ્ઞાત્રં॑ ચ મે॒ સૂશ્ચ॑ મે પ્ર॒સૂશચ॒॑ મે॒ સીરં॑ ચ મે॒ લય॑શ્ચ મે ય॒જ્ઞેન॑ કલ્પન્તામ્ ॥ 7॥ શ-ઞ્ચ॑ મે॒ મય॑શ્ચ મે પ્રિ॒ય-ઞ્ચ॑ મે-ઽનુકા॒મશ્ચ॑ મે॒ કામ॑શ્ચ મે સૌમન॒સશ્ચ॑ મે॒ ભગ॑શ્ચ મે॒ દ્રવિ॑ણ-ઞ્ચ મે ભ॒દ્ર-ઞ્ચ॑ મે॒ શ્રેય॑શ્ચ મે॒ વસી॑યશ્ચ મે॒ યશ॑શ્ચ મે ય॒જ્ઞેન॑ કલ્પન્તામ્ ॥ 8॥ ઊર્ક્ચ॑ મે સૂ॒નૃતા॑ ચ મે॒ પય॑શ્ચ મે॒ રસ॑શ્ચ મે ઘૃ॒ત-ઞ્ચ॑ મે॒ મધુ॑ ચ મે॒ સગ્ધિ॑શ્ચ મે॒ સપી॑તિશ્ચ મે કૃ॒ષિશ્ચ॑ મે॒ વૃષ્ટિ॑શ્ચ મે॒ જૈત્રં॑ ચ મ॒ ઔદ્ભિ॑દ્ય-ઞ્ચ મે ય॒જ્ઞેન॑ કલ્પન્તામ્ ॥ 9॥ ર॒યિશ્ચ॑ મે॒ રાય॑શ્ચ મે પુ॒ષ્ટ-ઞ્ચ॑ મે॒ પુષ્ટિ॑શ્ચ મે વિ॒ભુ ચ॑ મે પ્ર॒ભુ ચ॑ મે પૂ॒ર્ણ-ઞ્ચ॑ મે પૂ॒ર્ણત॑ર-ઞ્ચ મે॒ કુય॑વ-ઞ્ચ॒ મે-ઽક્ષિ॑ત-ઞ્ચ॒ મે-ઽન્નં॑ ચ॒ મે-ઽક્ષુ॑ચ્ચ મે ય॒જ્ઞેન॑ કલ્પન્તામ્ ॥ 10॥ વિ॒ત્ત-ઞ્ચ॑ મે॒ વેદ્યં॑ ચ મે ભૂ॒ત-ઞ્ચ॑ મે ભવિ॒ષ્યચ્ચ॑ મે સુ॒ગ-ઞ્ચ॑ મે સુપ॒થ્યં॒ ચ મ ઋ॒દ્ધ-ઞ્ચ॑ મ॒ ઋદ્ધિ॑શ્ચ મે ક્લૃ॒પ્ત-ઞ્ચ॑ મે॒ ક્લૃપ્તિ॑શ્ચ મે મ॒તિશ્ચ॑ મે સુમ॒તિશ્ચ॑ મે ય॒જ્ઞેન॑ કલ્પન્તામ્ ॥ 11॥ વ્રી॒હય॑શ્ચ મે॒ યવા॑શ્ચ મે॒ માષા॑શ્ચ મે॒ તિલા॑શ્ચ મે મુ॒દ્રાશ્ચ॑ મે॒ ખલ્વા॑શ્ચ મે પ્રિ॒યઙ્ગ॑વશ્ચ॒ મે-ઽણ॑વશ્ચ મે શ્યા॒માકા॑શ્ચ મે ની॒વારા॑શ્ચ મે ગો॒ધૂમા॑શ્ચ મે મ॒સૂરા॑શ્ચ મે ય॒જ્ઞેન॑ કલ્પન્તામ્ ॥ 12॥ અશ્મા॑ ચ મે॒ મૃત્તિ॑કા ચ મે ગિ॒રય॑શ્ચ મે॒ પર્વ॑તાશ્ચ મે॒ સિક॑તાશ્ચ મે॒ વન॒સ્પત॑યશ્ચ મે॒ હિર॑ણ્ય-ઞ્ચ॒ મે-ઽય॑શ્ચ મે શ્યા॒મ-ઞ્ચ॑ મે લો॒હ-ઞ્ચ॑ મે॒ સીસં॑ ચ મે॒ ત્રપુ॑ ચ મે ય॒જ્ઞેન॑ કલ્પન્તામ્ ॥ 13॥ અ॒ગ્નિશ્ચ॑ મ॒ આપ॑શ્ચ મે વી॒રુધ॑શ્ચ મ॒ ઓષ॑ધયશ્ચ મે કૃષ્ટપ॒ચ્યાશ્ચ॑ મે-ઽકૃષ્ટપ॒ચ્યાશ્ચ॑ મે ગ્રા॒મ્યાશ્ચ॑ મે પ॒શવ॑ આર॒ણ્યાશ્ચ॑ મે વિ॒ત્ત-ઞ્ચ॑ મે॒ વિત્તિ॑શ્ચ મે ભૂ॒ત-ઞ્ચ॑ મે॒ ભૂતિ॑શ્ચ મે ય॒જ્ઞેન॑ કલ્પન્તામ્ ॥ 14॥ વસુ॑ ચ મે વસ॒તિશ્ચ॑ મે॒ કર્મ॑ ચ મે॒ શક્તિ॑શ્ચ॒ મે-ઽર્થ॑શ્ચ મ॒ એમ॑શ્ચ મ ઇ॒ત્યા ચ॑ મે॒ ગતિ॑શ્ચ મે ય॒જ્ઞેન॑ કલ્પન્તામ્ ॥ 15॥ અ॒ગ્નિશ્ચ॑ મ॒ ઇન્દ્ર॑શ્ચ મે॒ સોમ॑શ્ચ મ॒ ઇન્દ્ર॑શ્ચ મે સવિ॒તા ચ॑ મ॒ ઇન્દ્ર॑શ્ચ મે॒ સર॑સ્વતી ચ મ॒ ઇન્દ્ર॑શ્ચ મે પૂ॒ષા ચ॑ મ॒ ઇન્દ્ર॑શ્ચ મે॒ બૃહ॒સ્પતિ॑શ્ચ મ॒ ઇન્દ્ર॑શ્ચ મે ય॒જ્ઞેન॑ કલ્પન્તામ્ ॥ 16॥ મિ॒ત્રશ્ચ॑ મ॒ ઇન્દ્ર॑શ્ચ મે॒ વરુ॑ણશ્ચ મ॒ ઇન્દ્ર॑શ્ચ મે ધા॒તા ચ॑ મ॒ ઇન્દ્ર॑શ્ચ મે॒ ત્વષ્ટા॑ ચ મ॒ ઇન્દ્ર॑શ્ચ મે મ॒રુત॑શ્ચ મ॒ ઇન્દ્ર॑શ્ચ મે॒ વિશ્વે॑ ચ મે દે॒વા ઇન્દ્ર॑શ્ચ મે ય॒જ્ઞેન॑ કલ્પન્તામ્ ॥ 17॥ પૃ॒થિ॒વી ચ॑ મ॒ ઇન્દ્ર॑શ્ચ॒ મે-ઽન્તરિ॑ક્ષ-ઞ્ચ મ॒ ઇન્દ્ર॑શ્ચ મે॒ દ્યૌશ્ચ॑ મ॒ ઇન્દ્ર॑શ્ચ મે॒ સમા॑શ્ચ મ॒ ઇન્દ્ર॑શ્ચ મે॒ નક્ષ॑ત્રાણિ ચ મ॒ ઇન્દ્ર॑શ્ચ મે॒ દિશ॑શ્ચ મ॒ ઇન્દ્ર॑શ્ચ મે ય॒જ્ઞેન॑ કલ્પન્તામ્ ॥ 18॥ અ॒ગ્ંશુશ્ચ॑ મે ર॒શ્મિશ્ચ॒ મે-ઽદા॑ભ્યશ્ચ॒ મે-ઽધિ॑પતિશ્ચ મ ઉપા॒ગ્ંશુશ્ચ॑ મે-ઽન્તર્યા॒મશ્ચ॑ મ ઐન્દ્રવાય॒વશ્ચ॑ મે મૈત્રાવરુ॒ણશ્ચ॑ મ આશ્વિ॒નશ્ચ॑ મે પ્રતિપ્ર॒સ્થાન॑શ્ચ મે શુ॒ક્રશ્ચ॑ મે મ॒ન્થી ચ॑ મે ય॒જ્ઞેન॑ કલ્પન્તામ્ ॥ 19॥ આ॒ગ્ર॒યા॒ણશ્ચ॑ મે વૈશ્વદે॒વશ્ચ॑ મે ધ્રુ॒વશ્ચ॑ મે વૈશ્વાન॒રશ્ચ॑ મ ઐન્દ્રા॒ગ્નશ્ચ॑ મે મ॒હાવૈ॑શ્વદેશ્ચ મે મરુત્વ॒તીયા॑શ્ચ મે॒ નિષ્કે॑વલ્યશ્ચ મે સાવિ॒ત્રશ્ચ॑ મે સારસ્વ॒તશ્ચ॑ મે પાત્નીવ॒તશ્ચ॑ મે હારિયોજ॒નશ્ચ॑ મે ય॒જ્ઞેન॑ કલ્પન્તામ્ ॥ 20॥ સ્રુચ॑શ્ચ મે ચમ॒સાશ્ચ॑ મે વાય॒વ્યા॒નિ ચ મે દ્રોણકલ॒શશ્ચ॑ મે॒ ગ્રાવા॑ણશ્ચ મે-ઽધિ॒ષવ॑ણે ચ મે પૂત॒ભૃચ્ચ॑ મ આધવ॒નીય॑શ્ચ મે॒ વેદિ॑શ્ચ મે બ॒ર્​હિશ્ચ॑ મે-ઽવભૃ॒તશ્ચ॑ મે સ્વગાકા॒રશ્ચ॑ મે ય॒જ્ઞેન॑ કલ્પન્તામ્ ॥ 21॥ અ॒ગ્નિશ્ચ॑ મે ઘ॒ર્મશ્ચ॑ મે॒-ઽર્કશ્ચ॑ મે॒ સૂર્ય॑શ્ચ મે પ્રા॒ણશ્ચ॑ મે-ઽશ્વમે॒ધશ્ચ॑ મે પૃથિ॒વી ચ॒ મે-ઽદિ॑તિશ્ચ મે॒ દિતિ॑શ્ચ મે॒ દ્યૌશ્ચ॑ મે॒-ઽઙ્ગુલ॑ય॒: શક્વ॑રયો॒ દિશ॑શ્ચ મે ય॒જ્ઞેન॑ કલ્પન્તામ્ ॥ 22॥ વ્ર॒ત-ઞ્ચ॑ મ ઋ॒તવ॑શ્ચ મે॒ તપ॑શ્ચ મે સં​વઁત્સ॒રશ્ચ॑ મે અહોરા॒ત્રે ઊ॑ર્વષ્ઠી॒વે બૃ॑હદ્રથન્ત॒રે ચ॑ મે ય॒જ્ઞેન॑ કલ્પન્તામ્ ॥ 23॥ એકા॑ ચ મે તિ॒સ્રશ્ચ॑ મે તિ॒સ્રશ્ચ॑ મે॒ પઞ્ચ॑ ચ મે॒ પઞ્ચ॑ ચ મે સ॒પ્ત ચ॑ મે સ॒પ્ત ચ॑ મે॒ નવ॑ ચ મે॒ નવ॑ ચ મ॒ એકા॑દશ ચ મ॒ એકા॑દશ ચ મે॒ ત્રયો॑દશ ચ મે॒ ત્રયો॑દશ ચ મે॒ પઞ્ચ॑દશ ચ મે॒ પઞ્ચ॑દશ ચ મે સ॒પ્તદ॑શ ચ મે સ॒પ્તદ॑શ ચ મે॒ નવ॑દશ ચ મે॒ નવ॑દશ ચ મ॒ એક॑વિગ્ંશતિશ્ચ મ॒ એક॑વિગ્ંશતિશ્ચ મે॒ ત્રયો॑વિગ્ંશતિશ્ચ મે॒ ત્રયો॑વિગ્ંશતિશ્ચ મે॒ પઞ્ચ॑વિગ્ંશતિશ્ચ મે॒ પઞ્ચ॑વિગ્ંશતિશ્ચ મે સ॒પ્તવિ॑ગ્ંશતિશ્ચ મે પ્તવિ॑ગ્ંશતિશ્ચ મે॒ નવ॑વિગ્ંશતિશ્ચ મે॒ નવ॑વિગ્ંશતિશ્ચ મ॒ એક॑ત્રિગ્ંશચ્ચ મ॒ એક॑ત્રિગ્ંશચ્ચ મે॒ ત્રય॑સ્ત્રિગ્ંશચ્ચ મે ય॒જ્ઞેન॑ કલ્પન્તામ્ ॥ 24॥ ચત॑સ્રશ્ચ મે॒-ઽષ્ટૌ ચ॑ મે॒-ઽષ્ટૌ ચ॑ મે॒ દ્વાદ॑શ ચ મે॒ દ્વાદ॑શ ચ મે॒ ષોડ॑શ ચ મે॒ ષોડ॑શ ચ મે વિગ્ંશ॒તિશ્ચ॑ મે વિગ્ંશતિશ્ચ॑ મે॒ ચતુ॑ર્વિગ્ંશતિશ્ચ મે॒ ચતુ॑ર્વિગ્ંશ॒તિશ્ચ॑ મે॒-ઽષ્ટાવિ॑ગ્ંશતિશ્ચ મે॒-ઽષ્ટાવિ॑ગ્ંશતિશ્ચ મે॒ દ્વાત્રિ॑ગ્ંશચ્ચ મે॒ દ્વાત્રિ॑ગ્ંશચ્ચ મે॒ ષટ્ત્રિ॑ગ્ંશચ્ચ મે॒ ષટ્ત્રિ॑ગ્ંશચ્ચ મે ચત્વારિ॒ગ્ંશચ્ચ॑ મે ચત્વારિ॒ગ્ંશચ્ચ॑ મે॒ ચતુ॑શ્ચત્વારિગ્ંશચ્ચ મે॒ ચતુ॑શ્ચત્વારિગ્ંશચ્ચ મે॒-ઽષ્ટાચ॑ત્વારિગ્ંશચ્ચ મે ય॒જ્ઞેન॑ કલ્પન્તામ્ ॥ 25॥ ત્ર્યવિ॑શ્ચ મે ત્ર્ય॒વી ચ॑ મે દિત્ય॒વાટ્ ચ॑ મે દિત્યૌ॒હી ચ॑ મે પઞ્ચા॒વિશ્ચ॑ મે પઞ્ચા॒વી ચ॑ મે ત્રિવ॒ત્સશ્ચ॑ મે ત્રિવ॒ત્સા ચ॑ મે તુર્ય॒વાટ્ ચ॑ મે તુર્યૌ॒હી ચ॑ મે ય॒જ્ઞેન॑ કલ્પન્તામ્ ॥ 26॥ પ॒ષ્ઠ॒વાટ્ ચ॑ મે પષ્ઠૌ॒હી ચ॑ મ ઉ॒ક્ષા ચ॑ મે વ॒શા ચ॑ મ ઋષ॒ભશ્ચ॑ મે વે॒હચ્ચ॑ મે-ઽન॒ડ્વાંશ્ચ॑ મે ધે॒નુશ્ચ॑ મે ય॒જ્ઞેન॑ કલ્પન્તામ્ ॥ 27॥ વાજા॑ય॒ સ્વાહા॑ પ્રસ॒વાય॒ સ્વાહા॑-ઽપિ॒જાય॒ સ્વાહા॒ ક્રત॑વે॒ સ્વાહા॒ વસ॑વે॒ સ્વાહા॑-ઽહ॒ર્પત॑યે॒ સ્વાહાહ્ને॑ મુ॒ગ્ધાય॒ સ્વાહા॑ મુ॒ગ્ધાય॑ વૈનગ્ંશિ॒નાય॒ સ્વાહા॑ વિન॒શિન॑ આન્ત્યાય॒નાય॒ સ્વાહાન્ત્યા॑ય ભૌવ॒નાય॒ સ્વાહા॒ ભુવ॑નસ્ય॒ પત॑યે॒ સ્વાહાધિ॑પતયે॒ સ્વાહા॑ પ્ર॒જાપ॑તયે॒ સ્વાહા॑ । ઇ॒ય-ન્તે॒ રાણ્મિ॒ત્રાય॑ ય॒ન્તા-ઽસિ॒ યમ॑ન ઊ॒ર્જે ત્વા॒ વૃષ્ટ્યૈ॑ ત્વા પ્ર॒જાનાં॒ ત્વાધિ॑પત્યાય ॥ 28॥ આયુ॑ર્ય॒જ્ઞેન॑ કલ્પતા-મ્પ્રા॒ણો ય॒જ્ઞેન॑ કલ્પતાં॒ ચક્ષુ॑ર્ય॒જ્ઞેન॑ કલ્પતા॒ગ્ંશ્રોત્રં॑ ય॒જ્ઞેન॑ કલ્પતાં॒ વાગ્ય॒જ્ઞેન॑ કલ્પતાં॒ મનો॑ ય॒જ્ઞેન॑ કલ્પતામા॒ત્મા ય॒જ્ઞેન॑ કલ્પતા-મ્બ્ર॒હ્મા ય॒જ્ઞેન॑ કલ્પતાં॒ જ્યોતિ॑ર્ય॒જ્ઞેન॑ કલ્પતાં॒ સ્વ॒ર્ય॒જ્ઞેન॑ કલ્પતા-મ્પૃ॒ષ્ઠં-યઁ॒જ્ઞેન॑ કલ્પતાં-યઁ॒જ્ઞો ય॒જ્ઞેન॑ કલ્પતામ્ । સ્તોમ॑શ્ચ યજુ॑શ્ચ॒ ઋક્ચ॒ સામ॑ ચ બૃ॒હચ્ચ॑ રથન્ત॒ર-ઞ્ચ॑ । સ્વ॑ર્દેવા અગન્મા॒મૃતા॑ અભૂમ પ્ર॒જાપ॑તેઃ પ્ર॒જા અ॑ભૂમ॒ વેટ્ સ્વાહા॑ ॥ 29॥ ઇતિ રુદ્રે-ઽષ્ટમો-ઽધ્યાયઃ ॥ 8॥ 10. શાન્ત્યધ્યાયઃ હરિઃ॑ ૐ ઋચં॒ વાચં॒ પ્રપ॑દ્યે॒ મનો॒ યજુઃ॒ પ્રપ॑દ્યે॒ સામ॑ પ્રા॒ણ-મ્પ્રપ॑દ્યે॒ ચક્ષુ॒-શ્શ્રોત્રં॒ પ્રપ॑દ્યે । વાગોજઃ॑ સ॒હૌજો॒ મયિ॑ પ્રાણાપા॒નૌ ॥ 1॥ યન્મે॑ છિ॒દ્ર-ઞ્ચક્ષુ॑ષો॒ હૃદ॑યસ્ય॒ મન॑સો॒ વાતિ॑તૃણ્ણં॒ બૃહ॒સ્પતિ॑ર્મે॒ તદ્દ॑ધાતુ । શ-ન્નો॑ ભવતુ॒ ભુવ॑નસ્ય॒ યસ્પતિઃ॑ ॥ 2॥ ભૂર્ભુવ॒-સ્સ્વઃ॒ તત્સ॑વિ॒તુર્વરે॑ણ્યં॒ ભર્ગો॑ દે॒વસ્ય॑ ધીમહિ । ધિયો॒ યો નઃ॑ પ્રચો॒દયા॑ત્ ॥ 3॥ કયા॑ નશ્ચિ॒ત્ર આભુ॑વદૂ॒તી સ॒દાવૃ॑ધ॒-સ્સખા॑ । કયા॒ શચિ॑ષ્ઠયા વૃ॒તા ॥ 4॥ કસ્ત્વા॑ સ॒ત્યો મદા॑નાં॒ મગ્ંહિ॑ષ્ઠો મત્સ॒દન્ધ॑સઃ । દૃ॒ઢા ચિ॑દા॒રુજે॒ વસુ॑ ॥ 5॥ અ॒ભી ષુ ણ॒-સ્સખી॑નામવિ॒તા જ॑રિતૄ॒ણામ્ । શ॒ત-મ્ભ॑વાસ્યૂ॒તિભિઃ॑ ॥ 6॥ કયા॒ ત્વ-ન્ન ઊ॒ત્યાભિ પ્રમ॑ન્દસે વૃષન્ન્ । કયા॑ સ્તો॒તૃભ્ય॒ આભ॑ર ॥ 7॥ ઇન્દ્રો॒ વિશ્વ॑સ્ય રાજતિ । શ-ન્નો॑ અસ્તુ દ્વિ॒પદે॒ શ-ઞ્ચતુ॑ષ્પદે ॥ 8॥ શ-ન્નો॑ મિ॒ત્ર: શં-વઁરુ॑ણ॒-શ્શ-ન્નો॑ ભવત્વર્ય॒મા । શ-ન્ન॒ ઇન્દ્રો॒ બૃહ॒સ્પતિ॒-શ્શ-ન્નો॒ વિષ્ણુ॑રુરુક્ર॒મઃ ॥ 9॥ શ-ન્નો॒ વાતઃ॑ પવતા॒ગ્ં શ-ન્ન॑સ્તપતુ॒ સૂર્યઃ॑ । શ-ન્નઃ॒ કનિ॑ક્રદદ્દે॒વઃ પ॒ર્જન્યો॑ અ॒ભિવ॑ર્​ષતુ ॥ 10॥ અહા॑નિ॒ શ-મ્ભવ॑ન્તુ ન॒-શ્શગ્ં રાત્રીઃ॒ પ્રતિ॑ધીયતામ્ । શ-ન્ન॑ ઇન્દ્રા॒ગ્ની ભ॑વતા॒મવો॑ભિ॒-શ્શ-ન્ન॒ ઇન્દ્રા॒વરુ॑ણા રા॒તહ॑વ્યા । શ-ન્ન॑ ઇન્દ્રાપૂ॒ષણા॒ વાજ॑સાતૌ॒ શમિન્દ્રા॒સોમા॑ સુવિ॒તાય॒ શં-યોઃ ઁ॥ 11॥ શ-ન્નો॑ દે॒વીર॒ભિષ્ટ॑ય॒ આપો॑ ભવન્તુ પી॒તયે॑ । શં-યોઁર॒ભિસ્ર॑વન્તુ નઃ ॥ 12॥ સ્યો॒ના પૃ॑થિવિ નો ભવાનૃક્ષ॒રા નિ॒વેશ॑ની । યચ્છા॑ ન॒-શ્શર્મ॑ સ॒પ્રથાઃ॑ ॥ 13॥ આપો॒ હિ ષ્ઠા મ॑યો॒ભુવ॒સ્તા ન॑ ઊ॒ર્જે દ॑ધાતન । મ॒હે રણા॑ય॒ ચક્ષ॑સે ॥ 14॥ યો વઃ॑ શિ॒વત॑મો॒ રસ॒સ્તસ્ય॑ ભાજયતે॒હ નઃ॑ । ઉ॒શ॒તીરિ॑વ મા॒તરઃ॑ ॥ 15॥ તસ્મા॒ અરં॑ ગમામ વો॒ યસ્ય॒ ક્ષયા॑ય॒ જિન્વ॑થ । આપો॑ જ॒નય॑થા ચ નઃ ॥ 16॥ દ્યૌ: શાન્તિ॑ર॒ન્તરિ॑ક્ષ॒ગ્ં શાન્તિઃ॑ પૃથિ॒વી શાન્તિ॒રાપ॒-શ્શાન્તિ॒રોષ॑ધય॒-શ્શાન્તિઃ॑ । વન॒સ્પત॑ય॒-શ્શાન્તિ॒ર્વિશ્વે॑ દે॒વા-શ્શાન્તિ॒ર્બ્રહ્મ॒ શાન્તિ॒-સ્સર્વ॒ગ્ં શાન્તિઃ॒ શાન્તિ॑રે॒વ શાન્તિ॒-સ્સા મા॒ શાન્તિ॑રેધિ ॥ 17॥ દૃતે॒ દૃગ્ંહ॑ મા મિ॒ત્રસ્ય॑ મા॒ ચક્ષુ॑ષા॒ સર્વા॑ણિ ભૂ॒તાનિ॒ સમી॑ક્ષન્તામ્ । મિ॒ત્રસ્યા॒હ-ઞ્ચક્ષુ॑ષા॒ સર્વા॑ણિ ભૂ॒તાનિ॒ સમી॑ક્ષે । મિ॒ત્રસ્ય॒ ચક્ષુ॑ષા॒ સમી॑ક્ષામહે ॥ 18॥ દૃતે॒ દૃગ્ંહ॑ મા મિ॒ત્રસ્ય॑ મા॒ ચક્ષુ॑ષા॒ સર્વા॑ણિ ભૂ॒તાનિ॒ સમી॑ક્ષન્તામ્ । જ્યોક્તે॑ સ॒ન્દૃશિ॑ જીવ્યાસં॒ જ્યોક્તે॑ સ॒ન્દૃશિ॑ જીવ્યાસમ્ ॥ 19॥ નમ॑સ્તે॒ હર॑સે શો॒ચિષે॒ નમ॑સ્તે અસ્ત્વ॒ર્ચિષે॑ । અ॒ન્યા.ણ્સ્તે॑ અ॒સ્મત્ત॑પન્તુ હે॒તયઃ॑ પાવ॒કો અ॒સ્મભ્ય॑ગ્ં શિ॒વો ભ॑વ ॥ 20॥ નમ॑સ્તે અસ્તુ વિ॒દ્યુતે॒ નમ॑સ્તે સ્તનયિ॒ત્નવે॑ । નમ॑સ્તે ભગવન્નસ્તુ॒ યત॒-સ્સ્વઃ॒ સ॒મીહ॑સે ॥ 21॥ યતો॑ યત-સ્સ॒મીહ॑સે॒ તતો॑ નો॒ અભ॑ય-ઙ્કુરુ । શ-ન્નઃ॑ કુરુ પ્ર॒જાભ્યો-ઽભ॑ય-ન્નઃ પ॒શુભ્યઃ॑ ॥ 22॥ સુ॒મિ॒ત્રિ॒યા ન॒ આપ॒ ઓષ॑ધય-સ્સન્તુ દુર્મિત્રિ॒યાસ્તસ્મૈ॑ સન્તુ॒યો॒-ઽસ્મા-ન્દ્વેષ્ટિ॒ ય-ઞ્ચ॑ વ॒ય-ન્દ્વિ॒ષ્મઃ ॥ 23॥ તચ્ચક્ષુ॑ર્દે॒વહિ॑ત-મ્પુ॒રસ્તા॑ચ્છુ॒ક્રમુચ્ચ॑રત્ । પશ્યે॑મ શ॒રદઃ॑ શ॒ત-ઞ્જીવે॑મ શ॒રદઃ॑ શ॒તગ્ં શૃણુ॑યામ શ॒રદઃ॑ શ॒તં પ્રબ્ર॑વામ શ॒રદઃ॑ શ॒તમદી॑ના-સ્સ્યામ શ॒રદઃ॑ શ॒ત-મ્ભૂય॑શ્ચ શ॒રદઃ॑ શ॒તાત્ ॥ 24॥ ઇતિ રુદ્રે શાન્ત્યધ્યાયઃ ॥ 9॥ 11. સ્વસ્તિ પ્રાર્થના મન્ત્રાઃ હરિઃ॑ ૐ ૐ સ્વ॒સ્તિ ન॒ ઇન્દ્રો॑ વૃ॒દ્ધશ્ર॑વાઃ । સ્વ॒સ્તિ નઃ॑ પૂ॒ષા વિ॒શ્વવે॑દાઃ । સ્વ॒સ્તિ ન॒સ્તાર્ક્ષ્યો॒ અરિ॑ષ્ટનેમિઃ । સ્વ॒સ્તિ નો॒ બૃહ॒સ્પતિ॑ર્દધાતુ ॥ 1॥ ૐ પયઃ॑ પૃથિ॒વ્યા-મ્પય॒ ઓષ॑ધીષુ॒ પયો॑ દિ॒વ્યન્તરિ॑ક્ષે॒ પયો॑ ધાઃ । પય॑સ્વતીઃ પ્ર॒દિશઃ॑ સન્તુ॒ મહ્ય॑મ્ ॥ 2॥ ૐ વિષ્ણો॑ ર॒રાટ॑મસિ॒ વિષ્ણો॒-શ્શ્નપ્ત્રે॑ સ્થો વિષ્ણો॒-સ્સ્યૂર॑સિ॒ વિષ્ણો॑ર્ધ્રુ॒વો॒-ઽસિ । વૈ॒ષ્ણ॒વમ॑સિ॒ વિષ્ણ॑વે ત્વા ॥ 3॥ ૐ અ॒ગ્નિર્દે॒વતા॒ વાતો॑ દે॒વતા॒ સૂર્યો॑ દે॒વતા॑ ચ॒ન્દ્રમા॑ દે॒વતા॒ વસ॑વો દે॒વતા॑ રુ॒દ્રા દે॒વતા॑દિ॒ત્યા દે॒વતા॑ મ॒રુતો॑ દે॒વતા॒ વિશ્વે॑દે॒વા દેવતા॒ બૃહ॒સ્પતિ॑ર્દે॒વતેન્દ્રો॑ દે॒વતા॒ વરુ॑ણો દે॒વતા॑ ॥ 4॥ ૐ સ॒દ્યોજા॒ત-મ્પ્ર॑પદ્યા॒મિ॒ સ॒દ્યોજા॒તાય॒ વૈ નમો॒ નમઃ॑ । ભ॒વે ભ॑વે॒ નાતિ॑ભવે ભવસ્વ॒ મામ્ । ભ॒વોદ્ભ॑વાય॒ નમઃ॑ ॥ 5॥ વા॒મ॒દે॒વાય॒ નમો॑ જ્યે॒ષ્ઠાય॒ નમઃ॑ શ્રે॒ષ્ઠાય॒ નમો॑ રુ॒દ્રાય॒ નમઃ॒ કાલા॑ય નમઃ॒ કલ॑વિકરણાય॒ નમો॒ બલ॑વિકરણાય॒ નમો॒ બલા॑ય॒ નમો॒ બલ॑પ્રમથનાય॒ નમઃ॒ સર્વ॑ભૂતદમનાય॒ નમો॑ મ॒નોન્મ॑નાય॒ નમઃ॒ ॥ 6॥ અ॒ઘોરે॑ભ્યો-ઽથ॒ ઘોરે॑ભ્યો॒ ઘોર॒ઘોર॑તરેભ્યઃ । સ॒ર્વેભ્ય-સ્સર્વ॒ શ॑ર્વેભ્યો॒ નમ॑સ્તે-ઽસ્તુ રુ॒દ્રરૂ॑પેભ્યઃ ॥ 7॥ (સ॒ર્વતઃ॑ શર્વ॒ સર્વે॑ભ્યો॒) તત્પુરુ॑ષાય વિ॒દ્મહે॑ મહાદે॒વાય॑ ધીમહિ । તન્નો॑ રુદ્રઃ પ્રચો॒દયા॑ત્ ॥ 8॥ ઈશાનસ્સર્વ॑વિદ્યા॒ના॒મીશ્વર-સ્સર્વ॑ભૂતા॒નાં॒ । બ્રહ્માધિ॑પતિ॒ર્બ્રહ્મ॒ણો-ઽધિ॑પતિ॒ર્બ્રહ્મા॑ શિ॒વો મે॑-ઽસ્તુ સદાશિ॒વોમ્ ॥ 9॥ ૐ શિ॒વો નામા॑સિ॒ સ્વધિ॑તિસ્તે પિ॒તા નમ॑સ્તે અસ્તુ॒ મા મા॑ હિગ્ંસીઃ । નિવ॑ર્તયામ્યાયુ॑ષે॒-ઽન્નાદ્યા॑ય॒ પ્રજન॑નાય રા॒યસ્પોષા॑ય સુપ્રજા॒સ્ત્વાય॑ સુ॒વીર્યા॑ય ॥ 10॥ ૐ વિશ્વા॑નિ દેવ સવિતર્દુરિ॒તાનિ॒ પરાસુવ । યદ્ભ॒દ્ર-ન્તન્ન॒ આસુવ ॥ 11॥ ૐ દ્યૌ-શ્શાન્તિ॑ર॒ન્તરિ॑ક્ષ॒ગ્ં શાન્તિઃ॑ પૃથિ॒વી શાન્તિ॒રાપ॒-શ્શાન્તિ॒રોષ॑ધય॒-શ્શાન્તિઃ॑ । વન॒સ્પત॑ય॒-શ્શાન્તિ॒ર્વિશ્વે॑દે॒વા-શ્શાન્તિ॒ર્બ્રહ્મ॒ શાન્તિ॒-સ્સર્વ॒ગ્ં શાન્તિ॒-શ્શાન્તિ॑રે॒વ શાન્તિ॒-સ્સા મા॒ શાન્તિ॑રેધિ ॥ 12॥ ૐ સર્વેષાં-વાઁ એષ વેદાનાગ્ંરસો યત્સામઃ । સર્વેષામેવૈનમેતદ્ વેદાનાગ્ં રસેનાભિષિઞ્ચતિ ॥ 13॥ ૐ શાન્તિ॒-શ્શાન્તિ॒-શ્શાન્તિઃ॑ ॥ અનેન શ્રી રુદ્રાભિષેકકર્મણા શ્રી ભવાનીશઙ્કર મહારુદ્રાઃ પ્રીયતા-ન્ન મમ । ઇતિ શ્રીશુક્લયજુર્વેદીય રુદ્રાષ્ટાધ્યાયી સમાપ્તા । ॥ ૐ સામ્બ સદાશિવાર્પણમસ્તુ ॥