What is Pitru Stotram 1 (Garuda Puranam) in Bengali?

Read Pitru Stotram 1 (Garuda Puranam) in Bengali script — full lyrics with English meaning and transliteration. This sacred hymn originates from the Garuda Purana, a primary text detailing the journey of the soul and the significance of ancestral worship. The Pitru Stotram is a reverent invocation addressed to the Pitrus, the ancestors who reside in the celestial realms. By chanting this stotra with devotion, the practitioner seeks the blessings and grace of their forefathers, facilitating their spiritual progression. It is believed that reciting these verses ensures ancestral peace, removes karmic obstacles, and bestows both material prosperity and ultimate liberation upon the devotee, fostering a deep, auspicious connection between the living and the departed.

Which deity is Pitru Stotram 1 (Garuda Puranam) in Bengali dedicated to?

Pitru Stotram 1 (Garuda Puranam) in Bengali is a Sanskrit hymn dedicated to Pitrus (Ancestors).

Who composed Pitru Stotram 1 (Garuda Puranam) in Bengali?

Pitru Stotram 1 (Garuda Puranam) in Bengali is traditionally attributed to From Garuda Purana.

Pitru Stotram 1 (Garuda Puranam) in Bengali - Sanskrit Text & Transliteration

রুচিরুবাচ ।

নমস্যেঽহং পিতৄন্ ভক্ত্যা যে বসন্ত্যধিদেবতাঃ ।
দেবৈরপি হি তর্প্যন্তে যে শ্রাদ্ধেষু স্বধোত্তরৈঃ ॥ 1 ॥

নমস্যেঽহং পিতৄন্ স্বর্গে যে তর্প্যন্তে মহর্ষিভিঃ ।
শ্রাদ্ধৈর্মনোমযৈর্ভক্ত্যা ভুক্তিমুক্তিমভীপ্সুভিঃ ॥ 2 ॥

নমস্যেঽহং পিতৄন্ স্বর্গে সিদ্ধাঃ সন্তর্পযন্তি যান্ ।
শ্রাদ্ধেষু দিব্যৈঃ সকলৈরুপহারৈরনুত্তমৈঃ ॥ 3 ॥

নমস্যেঽহং পিতৄন্ ভক্ত্যা যেঽর্চ্যন্তে গুহ্যকৈর্দিবি ।
তন্মযত্বেন বাঞ্ছদ্ভিরৃদ্ধির্যাত্যন্তিকীং পরাম্ ॥ 4 ॥

নমস্যেঽহং পিতৄন্ মর্ত্যৈরর্চ্যন্তে ভুবি যে সদা ।
শ্রাদ্ধেষু শ্রদ্ধযাভীষ্টলোকপুষ্টিপ্রদাযিনঃ ॥ 5 ॥

নমস্যেঽহং পিতৄন্ বিপ্রৈরর্চ্যন্তে ভুবি যে সদা ।
বাঞ্ছিতাভীষ্টলাভায প্রাজাপত্যপ্রদাযিনঃ ॥ 6 ॥

নমস্যেঽহং পিতৄন্ যে বৈ তর্প্যন্তেঽরণ্যবাসিভিঃ ।
বন্যৈঃ শ্রাদ্ধৈর্যতাহারৈস্তপোনির্ধূতকল্মষৈঃ ॥ 7 ॥

নমস্যেঽহং পিতৄন্ বিপ্রৈর্নৈষ্ঠিকৈর্ধর্মচারিভিঃ ।
যে সংযতাত্মভির্নিত্যং সন্তর্প্যন্তে সমাধিভিঃ ॥ 8 ॥

নমস্যেঽহং পিতৄন্ শ্রাদ্ধৈ রাজন্যাস্তর্পযন্তি যান্ ।
কব্যৈরশেষৈর্বিধিবল্লোকদ্বযফলপ্রদান্ ॥ 9 ॥

নমস্যেঽহং পিতৄন্ বৈশ্যৈরর্চ্যন্তে ভুবি যে সদা ।
স্বকর্মাভিরতৈর্নিত্যং পুষ্পধূপান্নবারিভিঃ ॥ 10 ॥

নমস্যেঽহং পিতৄন্ শ্রাদ্ধে শূদ্রৈরপি চ ভক্তিতঃ ।
সন্তর্প্যন্তে জগত্কৃত্স্নং নাম্না খ্যাতাঃ সুকালিনঃ ॥ 11 ॥

নমস্যেঽহং পিতৄন্ শ্রাদ্ধে পাতালে যে মহাসুরৈঃ ।
সন্তর্প্যন্তে সুধাহারাস্ত্যক্তদম্ভমদৈঃ সদা ॥ 12 ॥

নমস্যেঽহং পিতৄন্ শ্রাদ্ধৈরর্চ্যন্তে যে রসাতলে ।
ভোগৈরশেষৈর্বিধিবন্নাগৈঃ কামানভীপ্সুভিঃ ॥ 13 ॥

নমস্যেঽহং পিতৄন্ শ্রাদ্ধৈঃ সর্পৈঃ সন্তর্পিতান্সদা ।
তত্রৈব বিধিবন্মন্ত্রভোগসম্পত্সমন্বিতৈঃ ॥ 14 ॥

পিতৄন্নমস্যে নিবসন্তি সাক্ষা-
-দ্যে দেবলোকেঽথ মহীতলে বা ।
তথাঽন্তরিক্ষে চ সুরারিপূজ্যা-
-স্তে মে প্রতীচ্ছন্তু মনোপনীতম্ ॥ 15 ॥

পিতৄন্নমস্যে পরমার্থভূতা
যে বৈ বিমানে নিবসন্ত্যমূর্তাঃ ।
যজন্তি যানস্তমলৈর্মনোভি-
-র্যোগীশ্বরাঃ ক্লেশবিমুক্তিহেতূন্ ॥ 16 ॥

পিতৄন্নমস্যে দিবি যে চ মূর্তাঃ
স্বধাভুজঃ কাম্যফলাভিসন্ধৌ ।
প্রদানশক্তাঃ সকলেপ্সিতানাং
বিমুক্তিদা যেঽনভিসংহিতেষু ॥ 17 ॥

তৃপ্যন্তু তেঽস্মিন্পিতরঃ সমস্তা
ইচ্ছাবতাং যে প্রদিশন্তি কামান্ ।
সুরত্বমিন্দ্রত্বমিতোঽধিকং বা
গজাশ্বরত্নানি মহাগৃহাণি ॥ 18 ॥

সোমস্য যে রশ্মিষু যেঽর্কবিম্বে
শুক্লে বিমানে চ সদা বসন্তি ।
তৃপ্যন্তু তেঽস্মিন্পিতরোঽন্নতোযৈ-
-র্গন্ধাদিনা পুষ্টিমিতো ব্রজন্তু ॥ 19 ॥

যেষাং হুতেঽগ্নৌ হবিষা চ তৃপ্তি-
-র্যে ভুঞ্জতে বিপ্রশরীরসংস্থাঃ ।
যে পিণ্ডদানেন মুদং প্রযান্তি
তৃপ্যন্তু তেঽস্মিন্পিতরোঽন্নতোযৈঃ ॥ 20 ॥

যে খড্গমাংসেন সুরৈরভীষ্টৈঃ
কৃষ্ণৈস্তিলৈর্দিব্য মনোহরৈশ্চ ।
কালেন শাকেন মহর্ষিবর্যৈঃ
সম্প্রীণিতাস্তে মুদমত্র যান্তু ॥ 21 ॥

কব্যান্যশেষাণি চ যান্যভীষ্টা-
-ন্যতীব তেষাং মম পূজিতানাম্ ।
তেষাঞ্চ সান্নিধ্যমিহাস্তু পুষ্প-
-গন্ধাম্বুভোজ্যেষু মযা কৃতেষু ॥ 22 ॥

দিনে দিনে যে প্রতিগৃহ্ণতেঽর্চাং
মাসান্তপূজ্যা ভুবি যেঽষ্টকাসু ।
যে বত্সরান্তেঽভ্যুদযে চ পূজ্যাঃ
প্রযান্তু তে মে পিতরোঽত্র তুষ্টিম্ ॥ 23 ॥

পূজ্যা দ্বিজানাং কুমুদেন্দুভাসো
যে ক্ষত্রিযাণাং জ্বলনার্কবর্ণাঃ ।
তথা বিশাং যে কনকাবদাতা
নীলীপ্রভাঃ শূদ্রজনস্য যে চ ॥ 24 ॥

তেঽস্মিন্সমস্তা মম পুষ্পগন্ধ-
-ধূপাম্বুভোজ্যাদিনিবেদনেন ।
তথাঽগ্নিহোমেন চ যান্তি তৃপ্তিং
সদা পিতৃভ্যঃ প্রণতোঽস্মি তেভ্যঃ ॥ 25 ॥

যে দেবপূর্বাণ্যভিতৃপ্তিহেতো-
-রশ্নন্তি কব্যানি শুভাহৃতানি ।
তৃপ্তাশ্চ যে ভূতিসৃজো ভবন্তি
তৃপ্যন্তু তেঽস্মিন্প্রণতোঽস্মি তেভ্যঃ ॥ 26 ॥

রক্ষাংসি ভূতান্যসুরাংস্তথোগ্রা-
-ন্নির্নাশযন্তু ত্বশিবং প্রজানাম্ ।
আদ্যাঃ সুরাণামমরেশপূজ্যা-
-স্তৃপ্যন্তু তেঽস্মিন্প্রণতোঽস্মিতেভ্যঃ ॥ 27 ॥

অগ্নিস্বাত্তা বর্হিষদ আজ্যপাঃ সোমপাস্তথা ।
ব্রজন্তু তৃপ্তিং শ্রাদ্ধেঽস্মিন্পিতরস্তর্পিতা মযা ॥ 28 ॥

অগ্নিস্বাত্তাঃ পিতৃগণাঃ প্রাচীং রক্ষন্তু মে দিশম্ ।
তথা বর্হিষদঃ পান্তু যাম্যাং মে পিতরঃ সদা ।
প্রতীচীমাজ্যপাস্তদ্বদুদীচীমপি সোমপাঃ ॥ 29 ॥

রক্ষোভূতপিশাচেভ্যস্তথৈবাসুরদোষতঃ ।
সর্বতঃ পিতরো রক্ষাং কুর্বন্তু মম নিত্যশঃ ॥ 30 ॥

বিশ্বো বিশ্বভুগারাধ্যো ধর্মো ধন্যঃ শুভাননঃ ।
ভূতিদো ভূতিকৃদ্ভূতিঃ পিতৄণাং যে গণা নব ॥ 31 ॥

কল্যাণঃ কল্যদঃ কর্তা কল্যঃ কল্যতরাশ্রযঃ ।
কল্যতাহেতুরনঘঃ ষডিমে তে গণাঃ স্মৃতাঃ ॥ 32 ॥

বরো বরেণ্যো বরদস্তুষ্টিদঃ পুষ্টিদস্তথা ।
বিশ্বপাতা তথা ধাতা সপ্তৈতে চ গণাঃ স্মৃতাঃ ॥ 33 ॥

মহান্মহাত্মা মহিতো মহিমাবান্মহাবলঃ ।
গণাঃ পঞ্চ তথৈবৈতে পিতৄণাং পাপনাশনাঃ ॥ 34 ॥

সুখদো ধনদশ্চান্যো ধর্মদোঽন্যশ্চ ভূতিদঃ ।
পিতৄণাং কথ্যতে চৈব তথা গণচতুষ্টযম্ ॥ 35 ॥

একত্রিংশত্পিতৃগণা যৈর্ব্যাপ্তমখিলং জগত্ ।
ত এবাত্র পিতৃগণাস্তুষ্যন্তু চ মদাহিতম্ ॥ 36 ॥

ইতি শ্রী গরুডপুরাণে ঊননবতিতমোঽধ্যাযে রুচিকৃত পিতৃ স্তোত্রম্ ।

পিতৃ স্তোত্রং 1 (গরুড পুরাণম্)

রুচিরুবাচ ।

Explore More

রুচিরুবাচ ।

More Pitrus (Ancestors) Stotras

Explore More