ସ୍ଥିତସ୍ସ କମଲୋଦ୍ଭଵସ୍ତଵ ହି ନାଭିପଙ୍କେରୁହେ
କୁତଃ ସ୍ଵିଦିଦମମ୍ବୁଧାଵୁଦିତମିତ୍ଯନାଲୋକଯନ୍ ।
ତଦୀକ୍ଷଣକୁତୂହଲାତ୍ ପ୍ରତିଦିଶଂ ଵିଵୃତ୍ତାନନ-
ଶ୍ଚତୁର୍ଵଦନତାମଗାଦ୍ଵିକସଦଷ୍ଟଦୃଷ୍ଟ୍ଯମ୍ବୁଜାମ୍ ॥1॥
କୁତଃ ସ୍ଵିଦିଦମମ୍ବୁଧାଵୁଦିତମିତ୍ଯନାଲୋକଯନ୍ ।
ତଦୀକ୍ଷଣକୁତୂହଲାତ୍ ପ୍ରତିଦିଶଂ ଵିଵୃତ୍ତାନନ-
ଶ୍ଚତୁର୍ଵଦନତାମଗାଦ୍ଵିକସଦଷ୍ଟଦୃଷ୍ଟ୍ଯମ୍ବୁଜାମ୍ ॥1॥
ମହାର୍ଣଵଵିଘୂର୍ଣିତଂ କମଲମେଵ ତତ୍କେଵଲଂ
ଵିଲୋକ୍ଯ ତଦୁପାଶ୍ରଯଂ ତଵ ତନୁଂ ତୁ ନାଲୋକଯନ୍ ।
କ ଏଷ କମଲୋଦରେ ମହତି ନିସ୍ସହାଯୋ ହ୍ଯହଂ
କୁତଃ ସ୍ଵିଦିଦମ୍ବୁଜଂ ସମଜନୀତି ଚିନ୍ତାମଗାତ୍ ॥2॥
ଵିଲୋକ୍ଯ ତଦୁପାଶ୍ରଯଂ ତଵ ତନୁଂ ତୁ ନାଲୋକଯନ୍ ।
କ ଏଷ କମଲୋଦରେ ମହତି ନିସ୍ସହାଯୋ ହ୍ଯହଂ
କୁତଃ ସ୍ଵିଦିଦମ୍ବୁଜଂ ସମଜନୀତି ଚିନ୍ତାମଗାତ୍ ॥2॥
ଅମୁଷ୍ଯ ହି ସରୋରୁହଃ କିମପି କାରଣଂ ସମ୍ଭ୍ଵେ-
ଦିତି ସ୍ମ କୃତନିଶ୍ଚଯସ୍ସ ଖଲୁ ନାଲରନ୍ଧ୍ରାଧ୍ଵନା ।
ସ୍ଵଯୋଗବଲଵିଦ୍ଯଯା ସମଵରୂଢଵାନ୍ ପ୍ରୌଢଧୀ -
ସ୍ତ୍ଵଦୀଯମତିମୋହନଂ ନ ତୁ କଲେଵରଂ ଦୃଷ୍ଟଵାନ୍ ॥3॥
ଦିତି ସ୍ମ କୃତନିଶ୍ଚଯସ୍ସ ଖଲୁ ନାଲରନ୍ଧ୍ରାଧ୍ଵନା ।
ସ୍ଵଯୋଗବଲଵିଦ୍ଯଯା ସମଵରୂଢଵାନ୍ ପ୍ରୌଢଧୀ -
ସ୍ତ୍ଵଦୀଯମତିମୋହନଂ ନ ତୁ କଲେଵରଂ ଦୃଷ୍ଟଵାନ୍ ॥3॥
ତତଃ ସକଲନାଲିକାଵିଵରମାର୍ଗଗୋ ମାର୍ଗଯନ୍
ପ୍ରଯସ୍ଯ ଶତଵତ୍ସରଂ କିମପି ନୈଵ ସନ୍ଦୃଷ୍ଟଵାନ୍ ।
ନିଵୃତ୍ଯ କମଲୋଦରେ ସୁଖନିଷଣ୍ଣ ଏକାଗ୍ରଧୀଃ
ସମାଧିବଲମାଦଧେ ଭଵଦନୁଗ୍ରହୈକାଗ୍ରହୀ ॥4॥
ପ୍ରଯସ୍ଯ ଶତଵତ୍ସରଂ କିମପି ନୈଵ ସନ୍ଦୃଷ୍ଟଵାନ୍ ।
ନିଵୃତ୍ଯ କମଲୋଦରେ ସୁଖନିଷଣ୍ଣ ଏକାଗ୍ରଧୀଃ
ସମାଧିବଲମାଦଧେ ଭଵଦନୁଗ୍ରହୈକାଗ୍ରହୀ ॥4॥
ଶତେନ ପରିଵତ୍ସରୈର୍ଦୃଢସମାଧିବନ୍ଧୋଲ୍ଲସତ୍-
ପ୍ରବୋଧଵିଶଦୀକୃତଃ ସ ଖଲୁ ପଦ୍ମିନୀସମ୍ଭଵଃ ।
ଅଦୃଷ୍ଟଚରମଦ୍ଭୁତଂ ତଵ ହି ରୂପମନ୍ତର୍ଦୃଶା
ଵ୍ଯଚଷ୍ଟ ପରିତୁଷ୍ଟଧୀର୍ଭୁଜଗଭୋଗଭାଗାଶ୍ରଯମ୍ ॥5॥
ପ୍ରବୋଧଵିଶଦୀକୃତଃ ସ ଖଲୁ ପଦ୍ମିନୀସମ୍ଭଵଃ ।
ଅଦୃଷ୍ଟଚରମଦ୍ଭୁତଂ ତଵ ହି ରୂପମନ୍ତର୍ଦୃଶା
ଵ୍ଯଚଷ୍ଟ ପରିତୁଷ୍ଟଧୀର୍ଭୁଜଗଭୋଗଭାଗାଶ୍ରଯମ୍ ॥5॥
କିରୀଟମୁକୁଟୋଲ୍ଲସତ୍କଟକହାରକେଯୂରଯୁଙ୍-
ମଣିସ୍ଫୁରିତମେଖଲଂ ସୁପରିଵୀତପୀତାମ୍ବରମ୍ ।
କଲାଯକୁସୁମପ୍ରଭଂ ଗଲତଲୋଲ୍ଲସତ୍କୌସ୍ତୁଭଂ
ଵପୁସ୍ତଦଯି ଭାଵଯେ କମଲଜନ୍ମେ ଦର୍ଶିତମ୍ ॥6॥
ମଣିସ୍ଫୁରିତମେଖଲଂ ସୁପରିଵୀତପୀତାମ୍ବରମ୍ ।
କଲାଯକୁସୁମପ୍ରଭଂ ଗଲତଲୋଲ୍ଲସତ୍କୌସ୍ତୁଭଂ
ଵପୁସ୍ତଦଯି ଭାଵଯେ କମଲଜନ୍ମେ ଦର୍ଶିତମ୍ ॥6॥
ଶ୍ରୁତିପ୍ରକରଦର୍ଶିତପ୍ରଚୁରଵୈଭଵ ଶ୍ରୀପତେ
ହରେ ଜଯ ଜଯ ପ୍ରଭୋ ପଦମୁପୈଷି ଦିଷ୍ଟ୍ଯା ଦୃଶୋଃ ।
କୁରୁଷ୍ଵ ଧିଯମାଶୁ ମେ ଭୁଵନନିର୍ମିତୌ କର୍ମଠା-
ମିତି ଦ୍ରୁହିଣଵର୍ଣିତସ୍ଵଗୁଣବଂହିମା ପାହି ମାମ୍ ॥7॥
ହରେ ଜଯ ଜଯ ପ୍ରଭୋ ପଦମୁପୈଷି ଦିଷ୍ଟ୍ଯା ଦୃଶୋଃ ।
କୁରୁଷ୍ଵ ଧିଯମାଶୁ ମେ ଭୁଵନନିର୍ମିତୌ କର୍ମଠା-
ମିତି ଦ୍ରୁହିଣଵର୍ଣିତସ୍ଵଗୁଣବଂହିମା ପାହି ମାମ୍ ॥7॥
ଲଭସ୍ଵ ଭୁଵନତ୍ରଯୀରଚନଦକ୍ଷତାମକ୍ଷତାଂ
ଗୃହାଣ ମଦନୁଗ୍ରହଂ କୁରୁ ତପଶ୍ଚ ଭୂଯୋ ଵିଧେ ।
ଭଵତ୍ଵଖିଲସାଧନୀ ମଯି ଚ ଭକ୍ତିରତ୍ଯୁତ୍କଟେ-
ତ୍ଯୁଦୀର୍ଯ ଗିରମାଦଧା ମୁଦିତଚେତସଂ ଵେଧସମ୍ ॥8॥
ଗୃହାଣ ମଦନୁଗ୍ରହଂ କୁରୁ ତପଶ୍ଚ ଭୂଯୋ ଵିଧେ ।
ଭଵତ୍ଵଖିଲସାଧନୀ ମଯି ଚ ଭକ୍ତିରତ୍ଯୁତ୍କଟେ-
ତ୍ଯୁଦୀର୍ଯ ଗିରମାଦଧା ମୁଦିତଚେତସଂ ଵେଧସମ୍ ॥8॥
ଶତଂ କୃତତପାସ୍ତତଃ ସ ଖଲୁ ଦିଵ୍ଯସଂଵତ୍ସରା-
ନଵାପ୍ଯ ଚ ତପୋବଲଂ ମତିବଲଂ ଚ ପୂର୍ଵାଧିକମ୍ ।
ଉଦୀକ୍ଷ୍ଯ କିଲ କମ୍ପିତଂ ପଯସି ପଙ୍କଜଂ ଵାଯୁନା
ଭଵଦ୍ବଲଵିଜୃମ୍ଭିତଃ ପଵନପାଥସୀ ପୀତଵାନ୍ ॥9॥
ନଵାପ୍ଯ ଚ ତପୋବଲଂ ମତିବଲଂ ଚ ପୂର୍ଵାଧିକମ୍ ।
ଉଦୀକ୍ଷ୍ଯ କିଲ କମ୍ପିତଂ ପଯସି ପଙ୍କଜଂ ଵାଯୁନା
ଭଵଦ୍ବଲଵିଜୃମ୍ଭିତଃ ପଵନପାଥସୀ ପୀତଵାନ୍ ॥9॥
ତଵୈଵ କୃପଯା ପୁନସ୍ସରସିଜେନ ତେନୈଵ ସଃ
ପ୍ରକଲ୍ପ୍ଯ ଭୁଵନତ୍ରଯୀଂ ପ୍ରଵଵୃତେ ପ୍ରଜାନିର୍ମିତୌ ।
ତଥାଵିଧକୃପାଭରୋ ଗୁରୁମରୁତ୍ପୁରାଧୀଶ୍ଵର
ତ୍ଵମାଶୁ ପରିପାହି ମାଂ ଗୁରୁଦଯୋକ୍ଷିତୈରୀକ୍ଷିତୈଃ ॥10॥
ପ୍ରକଲ୍ପ୍ଯ ଭୁଵନତ୍ରଯୀଂ ପ୍ରଵଵୃତେ ପ୍ରଜାନିର୍ମିତୌ ।
ତଥାଵିଧକୃପାଭରୋ ଗୁରୁମରୁତ୍ପୁରାଧୀଶ୍ଵର
ତ୍ଵମାଶୁ ପରିପାହି ମାଂ ଗୁରୁଦଯୋକ୍ଷିତୈରୀକ୍ଷିତୈଃ ॥10॥