ତ୍ରିଦିଵଵର୍ଧକିଵର୍ଧିତକୌଶଲଂ ତ୍ରିଦଶଦତ୍ତସମସ୍ତଵିଭୂତିମତ୍ ।
ଜଲଧିମଧ୍ଯଗତଂ ତ୍ଵମଭୂଷଯୋ ନଵପୁରଂ ଵପୁରଞ୍ଚିତରୋଚିଷା ॥1॥
ଜଲଧିମଧ୍ଯଗତଂ ତ୍ଵମଭୂଷଯୋ ନଵପୁରଂ ଵପୁରଞ୍ଚିତରୋଚିଷା ॥1॥
ଦଦୁଷି ରେଵତଭୂଭୃତି ରେଵତୀଂ ହଲଭୃତେ ତନଯାଂ ଵିଧିଶାସନାତ୍ ।
ମହିତମୁତ୍ସଵଘୋଷମପୂପୁଷଃ ସମୁଦିତୈର୍ମୁଦିତୈଃ ସହ ଯାଦଵୈଃ ॥2॥
ମହିତମୁତ୍ସଵଘୋଷମପୂପୁଷଃ ସମୁଦିତୈର୍ମୁଦିତୈଃ ସହ ଯାଦଵୈଃ ॥2॥
ଅଥ ଵିଦର୍ଭସୁତାଂ ଖଲୁ ରୁକ୍ମିଣୀଂ ପ୍ରଣଯିନୀଂ ତ୍ଵଯି ଦେଵ ସହୋଦରଃ ।
ସ୍ଵଯମଦିତ୍ସତ ଚେଦିମହୀଭୁଜେ ସ୍ଵତମସା ତମସାଧୁମୁପାଶ୍ରଯନ୍ ॥3॥
ସ୍ଵଯମଦିତ୍ସତ ଚେଦିମହୀଭୁଜେ ସ୍ଵତମସା ତମସାଧୁମୁପାଶ୍ରଯନ୍ ॥3॥
ଚିରଧୃତପ୍ରଣଯା ତ୍ଵଯି ବାଲିକା ସପଦି କାଙ୍କ୍ଷିତଭଙ୍ଗସମାକୁଲା ।
ତଵ ନିଵେଦଯିତୁଂ ଦ୍ଵିଜମାଦିଶତ୍ ସ୍ଵକଦନଂ କଦନଙ୍ଗଵିନିର୍ମିତମ୍ ॥4॥
ତଵ ନିଵେଦଯିତୁଂ ଦ୍ଵିଜମାଦିଶତ୍ ସ୍ଵକଦନଂ କଦନଙ୍ଗଵିନିର୍ମିତମ୍ ॥4॥
ଦ୍ଵିଜସୁତୋଽପି ଚ ତୂର୍ଣମୁପାଯଯୌ ତଵ ପୁରଂ ହି ଦୁରାଶଦୁରାସଦମ୍ ।
ମୁଦମଵାପ ଚ ସାଦରପୂଜିତଃ ସ ଭଵତା ଭଵତାପହୃତା ସ୍ଵଯମ୍ ॥5॥
ମୁଦମଵାପ ଚ ସାଦରପୂଜିତଃ ସ ଭଵତା ଭଵତାପହୃତା ସ୍ଵଯମ୍ ॥5॥
ସ ଚ ଭଵନ୍ତମଵୋଚତ କୁଣ୍ଡିନେ ନୃପସୁତା ଖଲୁ ରାଜତି ରୁକ୍ମିଣୀ ।
ତ୍ଵଯି ସମୁତ୍ସୁକଯା ନିଜଧୀରତାରହିତଯା ହି ତଯା ପ୍ରହିତୋଽସ୍ମ୍ଯହମ୍ ॥6॥
ତ୍ଵଯି ସମୁତ୍ସୁକଯା ନିଜଧୀରତାରହିତଯା ହି ତଯା ପ୍ରହିତୋଽସ୍ମ୍ଯହମ୍ ॥6॥
ତଵ ହୃତାଽସ୍ମି ପୁରୈଵ ଗୁଣୈରହଂ ହରତି ମାଂ କିଲ ଚେଦିନୃପୋଽଧୁନା ।
ଅଯି କୃପାଲଯ ପାଲଯ ମାମିତି ପ୍ରଜଗଦେ ଜଗଦେକପତେ ତଯା ॥7॥
ଅଯି କୃପାଲଯ ପାଲଯ ମାମିତି ପ୍ରଜଗଦେ ଜଗଦେକପତେ ତଯା ॥7॥
ଅଶରଣାଂ ଯଦି ମାଂ ତ୍ଵମୁପେକ୍ଷସେ ସପଦି ଜୀଵିତମେଵ ଜହାମ୍ଯହମ୍ ।
ଇତି ଗିରା ସୁତନୋରତନୋତ୍ ଭୃଶଂ ସୁହୃଦଯଂ ହୃଦଯଂ ତଵ କାତରମ୍ ॥8॥
ଇତି ଗିରା ସୁତନୋରତନୋତ୍ ଭୃଶଂ ସୁହୃଦଯଂ ହୃଦଯଂ ତଵ କାତରମ୍ ॥8॥
ଅକଥଯସ୍ତ୍ଵମଥୈନମଯେ ସଖେ ତଦଧିକା ମମ ମନ୍ମଥଵେଦନା ।
ନୃପସମକ୍ଷମୁପେତ୍ଯ ହରାମ୍ଯହଂ ତଦଯି ତାଂ ଦଯିତାମସିତେକ୍ଷଣାମ୍ ॥9॥
ନୃପସମକ୍ଷମୁପେତ୍ଯ ହରାମ୍ଯହଂ ତଦଯି ତାଂ ଦଯିତାମସିତେକ୍ଷଣାମ୍ ॥9॥
ପ୍ରମୁଦିତେନ ଚ ତେନ ସମଂ ତଦା ରଥଗତୋ ଲଘୁ କୁଣ୍ଡିନମେଯିଵାନ୍ ।
ଗୁରୁମରୁତ୍ପୁରନାଯକ ମେ ଭଵାନ୍ ଵିତନୁତାଂ ତନୁତାଂ ନିଖିଲାପଦାମ୍ ॥10॥
ଗୁରୁମରୁତ୍ପୁରନାଯକ ମେ ଭଵାନ୍ ଵିତନୁତାଂ ତନୁତାଂ ନିଖିଲାପଦାମ୍ ॥10॥