ପ୍ରାତଃ ସନ୍ତ୍ରସ୍ତଭୋଜକ୍ଷିତିପତିଵଚସା ପ୍ରସ୍ତୁତେ ମଲ୍ଲତୂର୍ଯେ
ସଙ୍ଘେ ରାଜ୍ଞାଂ ଚ ମଞ୍ଚାନଭିଯଯୁଷି ଗତେ ନନ୍ଦଗୋପେଽପି ହର୍ମ୍ଯମ୍ ।
କଂସେ ସୌଧାଧିରୂଢେ ତ୍ଵମପି ସହବଲଃ ସାନୁଗଶ୍ଚାରୁଵେଷୋ
ରଙ୍ଗଦ୍ଵାରଂ ଗତୋଽଭୂଃ କୁପିତକୁଵଲଯାପୀଡନାଗାଵଲୀଢମ୍ ॥1॥
ସଙ୍ଘେ ରାଜ୍ଞାଂ ଚ ମଞ୍ଚାନଭିଯଯୁଷି ଗତେ ନନ୍ଦଗୋପେଽପି ହର୍ମ୍ଯମ୍ ।
କଂସେ ସୌଧାଧିରୂଢେ ତ୍ଵମପି ସହବଲଃ ସାନୁଗଶ୍ଚାରୁଵେଷୋ
ରଙ୍ଗଦ୍ଵାରଂ ଗତୋଽଭୂଃ କୁପିତକୁଵଲଯାପୀଡନାଗାଵଲୀଢମ୍ ॥1॥
ପାପିଷ୍ଠାପେହି ମାର୍ଗାଦ୍ଦ୍ରୁତମିତି ଵଚସା ନିଷ୍ଠୁରକ୍ରୁଦ୍ଧବୁଦ୍ଧେ-
ରମ୍ବଷ୍ଠସ୍ଯ ପ୍ରଣୋଦାଦଧିକଜଵଜୁଷା ହସ୍ତିନା ଗୃହ୍ଯମାଣଃ ।
କେଲୀମୁକ୍ତୋଽଥ ଗୋପୀକୁଚକଲଶଚିରସ୍ପର୍ଧିନଂ କୁମ୍ଭମସ୍ଯ
ଵ୍ଯାହତ୍ଯାଲୀଯଥାସ୍ତ୍ଵଂ ଚରଣଭୁଵି ପୁନର୍ନିର୍ଗତୋ ଵଲ୍ଗୁହାସୀ ॥2॥
ରମ୍ବଷ୍ଠସ୍ଯ ପ୍ରଣୋଦାଦଧିକଜଵଜୁଷା ହସ୍ତିନା ଗୃହ୍ଯମାଣଃ ।
କେଲୀମୁକ୍ତୋଽଥ ଗୋପୀକୁଚକଲଶଚିରସ୍ପର୍ଧିନଂ କୁମ୍ଭମସ୍ଯ
ଵ୍ଯାହତ୍ଯାଲୀଯଥାସ୍ତ୍ଵଂ ଚରଣଭୁଵି ପୁନର୍ନିର୍ଗତୋ ଵଲ୍ଗୁହାସୀ ॥2॥
ହସ୍ତପ୍ରାପ୍ଯୋଽପ୍ଯଗମ୍ଯୋ ଝଟିତି ମୁନିଜନସ୍ଯେଵ ଧାଵନ୍ ଗଜେନ୍ଦ୍ରଂ
କ୍ରୀଡନ୍ନାପାତ୍ଯ ଭୂମୌ ପୁନରଭିପତତସ୍ତସ୍ଯ ଦନ୍ତଂ ସଜୀଵମ୍ ।
ମୂଲାଦୁନ୍ମୂଲ୍ଯ ତନ୍ମୂଲଗମହିତମହାମୌକ୍ତିକାନ୍ଯାତ୍ମମିତ୍ରେ
ପ୍ରାଦାସ୍ତ୍ଵଂ ହାରମେଭିର୍ଲଲିତଵିରଚିତଂ ରାଧିକାଯୈ ଦିଶେତି ॥3॥
କ୍ରୀଡନ୍ନାପାତ୍ଯ ଭୂମୌ ପୁନରଭିପତତସ୍ତସ୍ଯ ଦନ୍ତଂ ସଜୀଵମ୍ ।
ମୂଲାଦୁନ୍ମୂଲ୍ଯ ତନ୍ମୂଲଗମହିତମହାମୌକ୍ତିକାନ୍ଯାତ୍ମମିତ୍ରେ
ପ୍ରାଦାସ୍ତ୍ଵଂ ହାରମେଭିର୍ଲଲିତଵିରଚିତଂ ରାଧିକାଯୈ ଦିଶେତି ॥3॥
ଗୃହ୍ଣାନଂ ଦନ୍ତମଂସେ ଯୁତମଥ ହଲିନା ରଙ୍ଗମଙ୍ଗାଵିଶନ୍ତଂ
ତ୍ଵାଂ ମଙ୍ଗଲ୍ଯାଙ୍ଗଭଙ୍ଗୀରଭସହୃତମନୋଲୋଚନା ଵୀକ୍ଷ୍ଯ ଲୋକାଃ ।
ହଂହୋ ଧନ୍ଯୋ ହି ନନ୍ଦୋ ନହି ନହି ପଶୁପାଲାଙ୍ଗନା ନୋ ଯଶୋଦା
ନୋ ନୋ ଧନ୍ଯେକ୍ଷଣାଃ ସ୍ମସ୍ତ୍ରିଜଗତି ଵଯମେଵେତି ସର୍ଵେ ଶଶଂସୁଃ ॥4॥
ତ୍ଵାଂ ମଙ୍ଗଲ୍ଯାଙ୍ଗଭଙ୍ଗୀରଭସହୃତମନୋଲୋଚନା ଵୀକ୍ଷ୍ଯ ଲୋକାଃ ।
ହଂହୋ ଧନ୍ଯୋ ହି ନନ୍ଦୋ ନହି ନହି ପଶୁପାଲାଙ୍ଗନା ନୋ ଯଶୋଦା
ନୋ ନୋ ଧନ୍ଯେକ୍ଷଣାଃ ସ୍ମସ୍ତ୍ରିଜଗତି ଵଯମେଵେତି ସର୍ଵେ ଶଶଂସୁଃ ॥4॥
ପୂର୍ଣଂ ବ୍ରହ୍ମୈଵ ସାକ୍ଷାନ୍ନିରଵଧି ପରମାନନ୍ଦସାନ୍ଦ୍ରପ୍ରକାଶଂ
ଗୋପେଶୁ ତ୍ଵଂ ଵ୍ଯଲାସୀର୍ନ ଖଲୁ ବହୁଜନୈସ୍ତାଵଦାଵେଦିତୋଽଭୂଃ ।
ଦୃଷ୍ଟ୍ଵାଽଥ ତ୍ଵାଂ ତଦେଦମ୍ପ୍ରଥମମୁପଗତେ ପୁଣ୍ଯକାଲେ ଜନୌଘାଃ
ପୂର୍ଣାନନ୍ଦା ଵିପାପାଃ ସରସମଭିଜଗୁସ୍ତ୍ଵତ୍କୃତାନି ସ୍ମୃତାନି ॥5॥
ଗୋପେଶୁ ତ୍ଵଂ ଵ୍ଯଲାସୀର୍ନ ଖଲୁ ବହୁଜନୈସ୍ତାଵଦାଵେଦିତୋଽଭୂଃ ।
ଦୃଷ୍ଟ୍ଵାଽଥ ତ୍ଵାଂ ତଦେଦମ୍ପ୍ରଥମମୁପଗତେ ପୁଣ୍ଯକାଲେ ଜନୌଘାଃ
ପୂର୍ଣାନନ୍ଦା ଵିପାପାଃ ସରସମଭିଜଗୁସ୍ତ୍ଵତ୍କୃତାନି ସ୍ମୃତାନି ॥5॥
ଚାଣୂରୋ ମଲ୍ଲଵୀରସ୍ତଦନୁ ନୃପଗିରା ମୁଷ୍ଟିକୋ ମୁଷ୍ଟିଶାଲୀ
ତ୍ଵାଂ ରାମଂ ଚାଭିପେଦେ ଝଟଝଟିତି ମିଥୋ ମୁଷ୍ଟିପାତାତିରୂକ୍ଷମ୍ ।
ଉତ୍ପାତାପାତନାକର୍ଷଣଵିଵିଧରଣାନ୍ଯାସତାଂ ତତ୍ର ଚିତ୍ରଂ
ମୃତ୍ଯୋଃ ପ୍ରାଗେଵ ମଲ୍ଲପ୍ରଭୁରଗମଦଯଂ ଭୂରିଶୋ ବନ୍ଧମୋକ୍ଷାନ୍ ॥6॥
ତ୍ଵାଂ ରାମଂ ଚାଭିପେଦେ ଝଟଝଟିତି ମିଥୋ ମୁଷ୍ଟିପାତାତିରୂକ୍ଷମ୍ ।
ଉତ୍ପାତାପାତନାକର୍ଷଣଵିଵିଧରଣାନ୍ଯାସତାଂ ତତ୍ର ଚିତ୍ରଂ
ମୃତ୍ଯୋଃ ପ୍ରାଗେଵ ମଲ୍ଲପ୍ରଭୁରଗମଦଯଂ ଭୂରିଶୋ ବନ୍ଧମୋକ୍ଷାନ୍ ॥6॥
ହା ଧିକ୍ କଷ୍ଟଂ କୁମାରୌ ସୁଲଲିତଵପୁଷୌ ମଲ୍ଲଵୀରୌ କଠୋରୌ
ନ ଦ୍ରକ୍ଷ୍ଯାମୋ ଵ୍ରଜାମସ୍ତ୍ଵରିତମିତି ଜନେ ଭାଷମାଣେ ତଦାନୀମ୍ ।
ଚାଣୂରଂ ତଂ କରୋଦ୍ଭ୍ରାମଣଵିଗଲଦସୁଂ ପୋଥଯାମାସିଥୋର୍ଵ୍ଯାଂ
ପିଷ୍ଟୋଽଭୂନ୍ମୁଷ୍ଟିକୋଽପି ଦ୍ରୁତମଥ ହଲିନା ନଷ୍ଟଶିଷ୍ଟୈର୍ଦଧାଵେ ॥7॥
ନ ଦ୍ରକ୍ଷ୍ଯାମୋ ଵ୍ରଜାମସ୍ତ୍ଵରିତମିତି ଜନେ ଭାଷମାଣେ ତଦାନୀମ୍ ।
ଚାଣୂରଂ ତଂ କରୋଦ୍ଭ୍ରାମଣଵିଗଲଦସୁଂ ପୋଥଯାମାସିଥୋର୍ଵ୍ଯାଂ
ପିଷ୍ଟୋଽଭୂନ୍ମୁଷ୍ଟିକୋଽପି ଦ୍ରୁତମଥ ହଲିନା ନଷ୍ଟଶିଷ୍ଟୈର୍ଦଧାଵେ ॥7॥
କଂସ ସଂଵାର୍ଯ ତୂର୍ଯଂ ଖଲମତିରଵିଦନ୍ କାର୍ଯମାର୍ଯାନ୍ ପିତୃଂସ୍ତା-
ନାହନ୍ତୁଂ ଵ୍ଯାପ୍ତମୂର୍ତେସ୍ତଵ ଚ ସମଶିଷଦ୍ଦୂରମୁତ୍ସାରଣାଯ ।
ରୁଷ୍ଟୋ ଦୁଷ୍ଟୋକ୍ତିଭିସ୍ତ୍ଵଂ ଗରୁଡ ଇଵ ଗିରିଂ ମଞ୍ଚମଞ୍ଚନ୍ନୁଦଞ୍ଚତ୍-
ଖଡ୍ଗଵ୍ଯାଵଲ୍ଗଦୁସ୍ସଙ୍ଗ୍ରହମପି ଚ ହଠାତ୍ ପ୍ରାଗ୍ରହୀରୌଗ୍ରସେନିମ୍ ॥8॥
ନାହନ୍ତୁଂ ଵ୍ଯାପ୍ତମୂର୍ତେସ୍ତଵ ଚ ସମଶିଷଦ୍ଦୂରମୁତ୍ସାରଣାଯ ।
ରୁଷ୍ଟୋ ଦୁଷ୍ଟୋକ୍ତିଭିସ୍ତ୍ଵଂ ଗରୁଡ ଇଵ ଗିରିଂ ମଞ୍ଚମଞ୍ଚନ୍ନୁଦଞ୍ଚତ୍-
ଖଡ୍ଗଵ୍ଯାଵଲ୍ଗଦୁସ୍ସଙ୍ଗ୍ରହମପି ଚ ହଠାତ୍ ପ୍ରାଗ୍ରହୀରୌଗ୍ରସେନିମ୍ ॥8॥
ସଦ୍ଯୋ ନିଷ୍ପିଷ୍ଟସନ୍ଧିଂ ଭୁଵି ନରପତିମାପାତ୍ଯ ତସ୍ଯୋପରିଷ୍ଟା-
ତ୍ତ୍ଵଯ୍ଯାପାତ୍ଯେ ତଦୈଵ ତ୍ଵଦୁପରି ପତିତା ନାକିନାଂ ପୁଷ୍ପଵୃଷ୍ଟିଃ ।
କିଂ କିଂ ବ୍ରୂମସ୍ତଦାନୀଂ ସତତମପି ଭିଯା ତ୍ଵଦ୍ଗତାତ୍ମା ସ ଭେଜେ
ସାଯୁଜ୍ଯଂ ତ୍ଵଦ୍ଵଧୋତ୍ଥା ପରମ ପରମିଯଂ ଵାସନା କାଲନେମେଃ ॥9॥
ତ୍ତ୍ଵଯ୍ଯାପାତ୍ଯେ ତଦୈଵ ତ୍ଵଦୁପରି ପତିତା ନାକିନାଂ ପୁଷ୍ପଵୃଷ୍ଟିଃ ।
କିଂ କିଂ ବ୍ରୂମସ୍ତଦାନୀଂ ସତତମପି ଭିଯା ତ୍ଵଦ୍ଗତାତ୍ମା ସ ଭେଜେ
ସାଯୁଜ୍ଯଂ ତ୍ଵଦ୍ଵଧୋତ୍ଥା ପରମ ପରମିଯଂ ଵାସନା କାଲନେମେଃ ॥9॥
ତଦ୍ଭ୍ରାତୃନଷ୍ଟ ପିଷ୍ଟ୍ଵା ଦ୍ରୁତମଥ ପିତରୌ ସନ୍ନମନ୍ନୁଗ୍ରସେନଂ
କୃତ୍ଵା ରାଜାନମୁଚ୍ଚୈର୍ଯଦୁକୁଲମଖିଲଂ ମୋଦଯନ୍ କାମଦାନୈଃ ।
ଭକ୍ତାନାମୁତ୍ତମଂ ଚୋଦ୍ଧଵମମରଗୁରୋରାପ୍ତନୀତିଂ ସଖାଯଂ
ଲବ୍ଧ୍ଵା ତୁଷ୍ଟୋ ନଗର୍ଯାଂ ପଵନପୁରପତେ ରୁନ୍ଧି ମେ ସର୍ଵରୋଗାନ୍ ॥10॥
କୃତ୍ଵା ରାଜାନମୁଚ୍ଚୈର୍ଯଦୁକୁଲମଖିଲଂ ମୋଦଯନ୍ କାମଦାନୈଃ ।
ଭକ୍ତାନାମୁତ୍ତମଂ ଚୋଦ୍ଧଵମମରଗୁରୋରାପ୍ତନୀତିଂ ସଖାଯଂ
ଲବ୍ଧ୍ଵା ତୁଷ୍ଟୋ ନଗର୍ଯାଂ ପଵନପୁରପତେ ରୁନ୍ଧି ମେ ସର୍ଵରୋଗାନ୍ ॥10॥