তব বিলোকনাদ্গোপিকাজনাঃ প্রমদসঙ্কুলাঃ পঙ্কজেক্ষণ ।
অমৃতধারযা সম্প্লুতা ইব স্তিমিততাং দধুস্ত্বত্পুরোগতাঃ ॥1॥
অমৃতধারযা সম্প্লুতা ইব স্তিমিততাং দধুস্ত্বত্পুরোগতাঃ ॥1॥
তদনু কাচন ত্বত্করাম্বুজং সপদি গৃহ্ণতী নির্বিশঙ্কিতম্ ।
ঘনপযোধরে সন্নিধায সা পুলকসংবৃতা তস্থুষী চিরম্ ॥2॥
ঘনপযোধরে সন্নিধায সা পুলকসংবৃতা তস্থুষী চিরম্ ॥2॥
তব বিভোঽপরা কোমলং ভুজং নিজগলান্তরে পর্যবেষ্টযত্ ।
গলসমুদ্গতং প্রাণমারুতং প্রতিনিরুন্ধতীবাতিহর্ষুলা ॥3॥
গলসমুদ্গতং প্রাণমারুতং প্রতিনিরুন্ধতীবাতিহর্ষুলা ॥3॥
অপগতত্রপা কাপি কামিনী তব মুখাম্বুজাত্ পূগচর্বিতম্ ।
প্রতিগৃহয্য তদ্বক্ত্রপঙ্কজে নিদধতী গতা পূর্ণকামতাম্ ॥4॥
প্রতিগৃহয্য তদ্বক্ত্রপঙ্কজে নিদধতী গতা পূর্ণকামতাম্ ॥4॥
বিকরুণো বনে সংবিহায মামপগতোঽসি কা ত্বামিহ স্পৃশেত্ ।
ইতি সরোষযা তাবদেকযা সজললোচনং বীক্ষিতো ভবান্ ॥5॥
ইতি সরোষযা তাবদেকযা সজললোচনং বীক্ষিতো ভবান্ ॥5॥
ইতি মুদাঽঽকুলৈর্বল্লবীজনৈঃ সমমুপাগতো যামুনে তটে ।
মৃদুকুচাম্বরৈঃ কল্পিতাসনে ঘুসৃণভাসুরে পর্যশোভথাঃ ॥6॥
মৃদুকুচাম্বরৈঃ কল্পিতাসনে ঘুসৃণভাসুরে পর্যশোভথাঃ ॥6॥
কতিবিধা কৃপা কেঽপি সর্বতো ধৃতদযোদযাঃ কেচিদাশ্রিতে ।
কতিচিদীদৃশা মাদৃশেষ্বপীত্যভিহিতো ভবান্ বল্লবীজনৈঃ ॥7॥
কতিচিদীদৃশা মাদৃশেষ্বপীত্যভিহিতো ভবান্ বল্লবীজনৈঃ ॥7॥
অযি কুমারিকা নৈব শঙ্ক্যতাং কঠিনতা মযি প্রেমকাতরে ।
মযি তু চেতসো বোঽনুবৃত্তযে কৃতমিদং মযেত্যূচিবান্ ভবান্ ॥8॥
মযি তু চেতসো বোঽনুবৃত্তযে কৃতমিদং মযেত্যূচিবান্ ভবান্ ॥8॥
অযি নিশম্যতাং জীববল্লভাঃ প্রিযতমো জনো নেদৃশো মম ।
তদিহ রম্যতাং রম্যযামিনীষ্বনুপরোধমিত্যালপো বিভো ॥9॥
তদিহ রম্যতাং রম্যযামিনীষ্বনুপরোধমিত্যালপো বিভো ॥9॥
ইতি গিরাধিকং মোদমেদুরৈর্ব্রজবধূজনৈঃ সাকমারমন্ ।
কলিতকৌতুকো রাসখেলনে গুরুপুরীপতে পাহি মাং গদাত্ ॥10॥
কলিতকৌতুকো রাসখেলনে গুরুপুরীপতে পাহি মাং গদাত্ ॥10॥