ଅତ୍ରେଃ ପୁତ୍ରତଯା ପୁରା ତ୍ଵମନସୂଯାଯାଂ ହି ଦତ୍ତାଭିଧୋ
ଜାତଃ ଶିଷ୍ଯନିବନ୍ଧତନ୍ଦ୍ରିତମନାଃ ସ୍ଵସ୍ଥଶ୍ଚରନ୍ କାନ୍ତଯା ।
ଦୃଷ୍ଟୋ ଭକ୍ତତମେନ ହେହଯମହୀପାଲେନ ତସ୍ମୈ ଵରା-
ନଷ୍ଟୈଶ୍ଵର୍ଯମୁଖାନ୍ ପ୍ରଦାଯ ଦଦିଥ ସ୍ଵେନୈଵ ଚାନ୍ତେ ଵଧମ୍ ॥1॥
ଜାତଃ ଶିଷ୍ଯନିବନ୍ଧତନ୍ଦ୍ରିତମନାଃ ସ୍ଵସ୍ଥଶ୍ଚରନ୍ କାନ୍ତଯା ।
ଦୃଷ୍ଟୋ ଭକ୍ତତମେନ ହେହଯମହୀପାଲେନ ତସ୍ମୈ ଵରା-
ନଷ୍ଟୈଶ୍ଵର୍ଯମୁଖାନ୍ ପ୍ରଦାଯ ଦଦିଥ ସ୍ଵେନୈଵ ଚାନ୍ତେ ଵଧମ୍ ॥1॥
ସତ୍ଯଂ କର୍ତୁମଥାର୍ଜୁନସ୍ଯ ଚ ଵରଂ ତଚ୍ଛକ୍ତିମାତ୍ରାନତଂ
ବ୍ରହ୍ମଦ୍ଵେଷି ତଦାଖିଲଂ ନୃପକୁଲଂ ହନ୍ତୁଂ ଚ ଭୂମେର୍ଭରମ୍ ।
ସଞ୍ଜାତୋ ଜମଦଗ୍ନିତୋ ଭୃଗୁକୁଲେ ତ୍ଵଂ ରେଣୁକାଯାଂ ହରେ
ରାମୋ ନାମ ତଦାତ୍ମଜେଷ୍ଵଵରଜଃ ପିତ୍ରୋରଧାଃ ସମ୍ମଦମ୍ ॥2॥
ବ୍ରହ୍ମଦ୍ଵେଷି ତଦାଖିଲଂ ନୃପକୁଲଂ ହନ୍ତୁଂ ଚ ଭୂମେର୍ଭରମ୍ ।
ସଞ୍ଜାତୋ ଜମଦଗ୍ନିତୋ ଭୃଗୁକୁଲେ ତ୍ଵଂ ରେଣୁକାଯାଂ ହରେ
ରାମୋ ନାମ ତଦାତ୍ମଜେଷ୍ଵଵରଜଃ ପିତ୍ରୋରଧାଃ ସମ୍ମଦମ୍ ॥2॥
ଲବ୍ଧାମ୍ନାଯଗଣଶ୍ଚତୁର୍ଦଶଵଯା ଗନ୍ଧର୍ଵରାଜେ ମନା-
ଗାସକ୍ତାଂ କିଲ ମାତରଂ ପ୍ରତି ପିତୁଃ କ୍ରୋଧାକୁଲସ୍ଯାଜ୍ଞଯା ।
ତାତାଜ୍ଞାତିଗସୋଦରୈଃ ସମମିମାଂ ଛିତ୍ଵାଽଥ ଶାନ୍ତାତ୍ ପିତୁ-
ସ୍ତେଷାଂ ଜୀଵନଯୋଗମାପିଥ ଵରଂ ମାତା ଚ ତେଽଦାଦ୍ଵରାନ୍ ॥3॥
ଗାସକ୍ତାଂ କିଲ ମାତରଂ ପ୍ରତି ପିତୁଃ କ୍ରୋଧାକୁଲସ୍ଯାଜ୍ଞଯା ।
ତାତାଜ୍ଞାତିଗସୋଦରୈଃ ସମମିମାଂ ଛିତ୍ଵାଽଥ ଶାନ୍ତାତ୍ ପିତୁ-
ସ୍ତେଷାଂ ଜୀଵନଯୋଗମାପିଥ ଵରଂ ମାତା ଚ ତେଽଦାଦ୍ଵରାନ୍ ॥3॥
ପିତ୍ରା ମାତୃମୁଦେ ସ୍ତଵାହୃତଵିଯଦ୍ଧେନୋର୍ନିଜାଦାଶ୍ରମାତ୍
ପ୍ରସ୍ଥାଯାଥ ଭୃଗୋର୍ଗିରା ହିମଗିରାଵାରାଧ୍ଯ ଗୌରୀପତିମ୍ ।
ଲବ୍ଧ୍ଵା ତତ୍ପରଶୁଂ ତଦୁକ୍ତଦନୁଜଚ୍ଛେଦୀ ମହାସ୍ତ୍ରାଦିକଂ
ପ୍ରାପ୍ତୋ ମିତ୍ରମଥାକୃତଵ୍ରଣମୁନିଂ ପ୍ରାପ୍ଯାଗମଃ ସ୍ଵାଶ୍ରମମ୍ ॥4॥
ପ୍ରସ୍ଥାଯାଥ ଭୃଗୋର୍ଗିରା ହିମଗିରାଵାରାଧ୍ଯ ଗୌରୀପତିମ୍ ।
ଲବ୍ଧ୍ଵା ତତ୍ପରଶୁଂ ତଦୁକ୍ତଦନୁଜଚ୍ଛେଦୀ ମହାସ୍ତ୍ରାଦିକଂ
ପ୍ରାପ୍ତୋ ମିତ୍ରମଥାକୃତଵ୍ରଣମୁନିଂ ପ୍ରାପ୍ଯାଗମଃ ସ୍ଵାଶ୍ରମମ୍ ॥4॥
ଆଖେଟୋପଗତୋଽର୍ଜୁନଃ ସୁରଗଵୀସମ୍ପ୍ରାପ୍ତସମ୍ପଦ୍ଗଣୈ-
ସ୍ତ୍ଵତ୍ପିତ୍ରା ପରିପୂଜିତଃ ପୁରଗତୋ ଦୁର୍ମନ୍ତ୍ରିଵାଚା ପୁନଃ ।
ଗାଂ କ୍ରେତୁଂ ସଚିଵଂ ନ୍ଯଯୁଙ୍କ୍ତ କୁଧିଯା ତେନାପି ରୁନ୍ଧନ୍ମୁନି-
ପ୍ରାଣକ୍ଷେପସରୋଷଗୋହତଚମୂଚକ୍ରେଣ ଵତ୍ସୋ ହୃତଃ ॥5॥
ସ୍ତ୍ଵତ୍ପିତ୍ରା ପରିପୂଜିତଃ ପୁରଗତୋ ଦୁର୍ମନ୍ତ୍ରିଵାଚା ପୁନଃ ।
ଗାଂ କ୍ରେତୁଂ ସଚିଵଂ ନ୍ଯଯୁଙ୍କ୍ତ କୁଧିଯା ତେନାପି ରୁନ୍ଧନ୍ମୁନି-
ପ୍ରାଣକ୍ଷେପସରୋଷଗୋହତଚମୂଚକ୍ରେଣ ଵତ୍ସୋ ହୃତଃ ॥5॥
ଶୁକ୍ରୋଜ୍ଜୀଵିତତାତଵାକ୍ଯଚଲିତକ୍ରୋଧୋଽଥ ସଖ୍ଯା ସମଂ
ବିଭ୍ରଦ୍ଧ୍ଯାତମହୋଦରୋପନିହିତଂ ଚାପଂ କୁଠାରଂ ଶରାନ୍ ।
ଆରୂଢଃ ସହଵାହଯନ୍ତୃକରଥଂ ମାହିଷ୍ମତୀମାଵିଶନ୍
ଵାଗ୍ଭିର୍ଵତ୍ସମଦାଶୁଷି କ୍ଷିତିପତୌ ସମ୍ପ୍ରାସ୍ତୁଥାଃ ସଙ୍ଗରମ୍ ॥6॥
ବିଭ୍ରଦ୍ଧ୍ଯାତମହୋଦରୋପନିହିତଂ ଚାପଂ କୁଠାରଂ ଶରାନ୍ ।
ଆରୂଢଃ ସହଵାହଯନ୍ତୃକରଥଂ ମାହିଷ୍ମତୀମାଵିଶନ୍
ଵାଗ୍ଭିର୍ଵତ୍ସମଦାଶୁଷି କ୍ଷିତିପତୌ ସମ୍ପ୍ରାସ୍ତୁଥାଃ ସଙ୍ଗରମ୍ ॥6॥
ପୁତ୍ରାଣାମଯୁତେନ ସପ୍ତଦଶଭିଶ୍ଚାକ୍ଷୌହିଣୀଭିର୍ମହା-
ସେନାନୀଭିରନେକମିତ୍ରନିଵହୈର୍ଵ୍ଯାଜୃମ୍ଭିତାଯୋଧନଃ ।
ସଦ୍ଯସ୍ତ୍ଵତ୍କକୁଠାରବାଣଵିଦଲନ୍ନିଶ୍ଶେଷସୈନ୍ଯୋତ୍କରୋ
ଭୀତିପ୍ରଦ୍ରୁତନଷ୍ଟଶିଷ୍ଟତନଯସ୍ତ୍ଵାମାପତତ୍ ହେହଯଃ ॥7॥
ସେନାନୀଭିରନେକମିତ୍ରନିଵହୈର୍ଵ୍ଯାଜୃମ୍ଭିତାଯୋଧନଃ ।
ସଦ୍ଯସ୍ତ୍ଵତ୍କକୁଠାରବାଣଵିଦଲନ୍ନିଶ୍ଶେଷସୈନ୍ଯୋତ୍କରୋ
ଭୀତିପ୍ରଦ୍ରୁତନଷ୍ଟଶିଷ୍ଟତନଯସ୍ତ୍ଵାମାପତତ୍ ହେହଯଃ ॥7॥
ଲୀଲାଵାରିତନର୍ମଦାଜଲଵଲଲ୍ଲଙ୍କେଶଗର୍ଵାପହ-
ଶ୍ରୀମଦ୍ବାହୁସହସ୍ରମୁକ୍ତବହୁଶସ୍ତ୍ରାସ୍ତ୍ରଂ ନିରୁନ୍ଧନ୍ନମୁମ୍ ।
ଚକ୍ରେ ତ୍ଵଯ୍ଯଥ ଵୈଷ୍ଣଵେଽପି ଵିଫଲେ ବୁଦ୍ଧ୍ଵା ହରିଂ ତ୍ଵାଂ ମୁଦା
ଧ୍ଯାଯନ୍ତଂ ଛିତସର୍ଵଦୋଷମଵଧୀଃ ସୋଽଗାତ୍ ପରଂ ତେ ପଦମ୍ ॥8॥
ଶ୍ରୀମଦ୍ବାହୁସହସ୍ରମୁକ୍ତବହୁଶସ୍ତ୍ରାସ୍ତ୍ରଂ ନିରୁନ୍ଧନ୍ନମୁମ୍ ।
ଚକ୍ରେ ତ୍ଵଯ୍ଯଥ ଵୈଷ୍ଣଵେଽପି ଵିଫଲେ ବୁଦ୍ଧ୍ଵା ହରିଂ ତ୍ଵାଂ ମୁଦା
ଧ୍ଯାଯନ୍ତଂ ଛିତସର୍ଵଦୋଷମଵଧୀଃ ସୋଽଗାତ୍ ପରଂ ତେ ପଦମ୍ ॥8॥
ଭୂଯୋଽମର୍ଷିତହେହଯାତ୍ମଜଗଣୈସ୍ତାତେ ହତେ ରେଣୁକା-
ମାଘ୍ନାନାଂ ହୃଦଯଂ ନିରୀକ୍ଷ୍ଯ ବହୁଶୋ ଘୋରାଂ ପ୍ରତିଜ୍ଞାଂ ଵହନ୍ ।
ଧ୍ଯାନାନୀତରଥାଯୁଧସ୍ତ୍ଵମକୃଥା ଵିପ୍ରଦ୍ରୁହଃ କ୍ଷତ୍ରିଯାନ୍
ଦିକ୍ଚକ୍ରେଷୁ କୁଠାରଯନ୍ ଵିଶିଖଯନ୍ ନିଃକ୍ଷତ୍ରିଯାଂ ମେଦିନୀମ୍ ॥9॥
ମାଘ୍ନାନାଂ ହୃଦଯଂ ନିରୀକ୍ଷ୍ଯ ବହୁଶୋ ଘୋରାଂ ପ୍ରତିଜ୍ଞାଂ ଵହନ୍ ।
ଧ୍ଯାନାନୀତରଥାଯୁଧସ୍ତ୍ଵମକୃଥା ଵିପ୍ରଦ୍ରୁହଃ କ୍ଷତ୍ରିଯାନ୍
ଦିକ୍ଚକ୍ରେଷୁ କୁଠାରଯନ୍ ଵିଶିଖଯନ୍ ନିଃକ୍ଷତ୍ରିଯାଂ ମେଦିନୀମ୍ ॥9॥
ତାତୋଜ୍ଜୀଵନକୃନ୍ନୃପାଲକକୁଲଂ ତ୍ରିସ୍ସପ୍ତକୃତ୍ଵୋ ଜଯନ୍
ସନ୍ତର୍ପ୍ଯାଥ ସମନ୍ତପଞ୍ଚକମହାରକ୍ତହୃଦୌଘେ ପିତୃନ୍
ଯଜ୍ଞେ କ୍ଷ୍ମାମପି କାଶ୍ଯପାଦିଷୁ ଦିଶନ୍ ସାଲ୍ଵେନ ଯୁଧ୍ଯନ୍ ପୁନଃ
କୃଷ୍ଣୋଽମୁଂ ନିହନିଷ୍ଯତୀତି ଶମିତୋ ଯୁଦ୍ଧାତ୍ କୁମାରୈର୍ଭଵାନ୍ ॥10॥
ସନ୍ତର୍ପ୍ଯାଥ ସମନ୍ତପଞ୍ଚକମହାରକ୍ତହୃଦୌଘେ ପିତୃନ୍
ଯଜ୍ଞେ କ୍ଷ୍ମାମପି କାଶ୍ଯପାଦିଷୁ ଦିଶନ୍ ସାଲ୍ଵେନ ଯୁଧ୍ଯନ୍ ପୁନଃ
କୃଷ୍ଣୋଽମୁଂ ନିହନିଷ୍ଯତୀତି ଶମିତୋ ଯୁଦ୍ଧାତ୍ କୁମାରୈର୍ଭଵାନ୍ ॥10॥
ନ୍ଯସ୍ଯାସ୍ତ୍ରାଣି ମହେନ୍ଦ୍ରଭୂଭୃତି ତପସ୍ତନ୍ଵନ୍ ପୁନର୍ମଜ୍ଜିତାଂ
ଗୋକର୍ଣାଵଧି ସାଗରେଣ ଧରଣୀଂ ଦୃଷ୍ଟ୍ଵାର୍ଥିତସ୍ତାପସୈଃ ।
ଧ୍ଯାତେଷ୍ଵାସଧୃତାନଲାସ୍ତ୍ରଚକିତଂ ସିନ୍ଧୁଂ ସ୍ରୁଵକ୍ଷେପଣା-
ଦୁତ୍ସାର୍ଯୋଦ୍ଧୃତକେରଲୋ ଭୃଗୁପତେ ଵାତେଶ ସଂରକ୍ଷ ମାମ୍ ॥11॥
ଗୋକର୍ଣାଵଧି ସାଗରେଣ ଧରଣୀଂ ଦୃଷ୍ଟ୍ଵାର୍ଥିତସ୍ତାପସୈଃ ।
ଧ୍ଯାତେଷ୍ଵାସଧୃତାନଲାସ୍ତ୍ରଚକିତଂ ସିନ୍ଧୁଂ ସ୍ରୁଵକ୍ଷେପଣା-
ଦୁତ୍ସାର୍ଯୋଦ୍ଧୃତକେରଲୋ ଭୃଗୁପତେ ଵାତେଶ ସଂରକ୍ଷ ମାମ୍ ॥11॥