গরলং তরলানলং পুরস্তা-
জ্জলধেরুদ্বিজগাল কালকূটম্ ।
অমরস্তুতিবাদমোদনিঘ্নো
গিরিশস্তন্নিপপৌ ভবত্প্রিযার্থম্ ॥1॥
অমরস্তুতিবাদমোদনিঘ্নো
গিরিশস্তন্নিপপৌ ভবত্প্রিযার্থম্ ॥1॥
বিমথত্সু সুরাসুরেষু জাতা
সুরভিস্তামৃষিষু ন্যধাস্ত্রিধামন্ ।
হযরত্নমভূদথেভরত্নং
দ্যুতরুশ্চাপ্সরসঃ সুরেষু তানি ॥2॥
সুরভিস্তামৃষিষু ন্যধাস্ত্রিধামন্ ।
হযরত্নমভূদথেভরত্নং
দ্যুতরুশ্চাপ্সরসঃ সুরেষু তানি ॥2॥
জগদীশ ভবত্পরা তদানীং
কমনীযা কমলা বভূব দেবী ।
অমলামবলোক্য যাং বিলোলঃ
সকলোঽপি স্পৃহযাম্বভূব লোকঃ ॥3॥
কমনীযা কমলা বভূব দেবী ।
অমলামবলোক্য যাং বিলোলঃ
সকলোঽপি স্পৃহযাম্বভূব লোকঃ ॥3॥
ত্বযি দত্তহৃদে তদৈব দেব্যৈ
ত্রিদশেন্দ্রো মণিপীঠিকাং ব্যতারীত্ ।
সকলোপহৃতাভিষেচনীযৈঃ
ঋষযস্তাং শ্রুতিগীর্ভিরভ্যষিঞ্চন্ ॥4॥
ত্রিদশেন্দ্রো মণিপীঠিকাং ব্যতারীত্ ।
সকলোপহৃতাভিষেচনীযৈঃ
ঋষযস্তাং শ্রুতিগীর্ভিরভ্যষিঞ্চন্ ॥4॥
অভিষেকজলানুপাতিমুগ্ধ-
ত্বদপাঙ্গৈরবভূষিতাঙ্গবল্লীম্ ।
মণিকুণ্ডলপীতচেলহার-
প্রমুখৈস্তামমরাদযোঽন্বভূষন্ ॥5॥
ত্বদপাঙ্গৈরবভূষিতাঙ্গবল্লীম্ ।
মণিকুণ্ডলপীতচেলহার-
প্রমুখৈস্তামমরাদযোঽন্বভূষন্ ॥5॥
বরণস্রজমাত্তভৃঙ্গনাদাং
দধতী সা কুচকুম্ভমন্দযানা ।
পদশিঞ্জিতমঞ্জুনূপুরা ত্বাং
কলিতব্রীলবিলাসমাসসাদ ॥6॥
দধতী সা কুচকুম্ভমন্দযানা ।
পদশিঞ্জিতমঞ্জুনূপুরা ত্বাং
কলিতব্রীলবিলাসমাসসাদ ॥6॥
গিরিশদ্রুহিণাদিসর্বদেবান্
গুণভাজোঽপ্যবিমুক্তদোষলেশান্ ।
অবমৃশ্য সদৈব সর্বরম্যে
নিহিতা ত্বয্যনযাঽপি দিব্যমালা ॥7॥
গুণভাজোঽপ্যবিমুক্তদোষলেশান্ ।
অবমৃশ্য সদৈব সর্বরম্যে
নিহিতা ত্বয্যনযাঽপি দিব্যমালা ॥7॥
উরসা তরসা মমানিথৈনাং
ভুবনানাং জননীমনন্যভাবাম্ ।
ত্বদুরোবিলসত্তদীক্ষণশ্রী-
পরিবৃষ্ট্যা পরিপুষ্টমাস বিশ্বম্ ॥8॥
ভুবনানাং জননীমনন্যভাবাম্ ।
ত্বদুরোবিলসত্তদীক্ষণশ্রী-
পরিবৃষ্ট্যা পরিপুষ্টমাস বিশ্বম্ ॥8॥
অতিমোহনবিভ্রমা তদানীং
মদযন্তী খলু বারুণী নিরাগাত্ ।
তমসঃ পদবীমদাস্ত্বমেনা-
মতিসম্মাননযা মহাসুরেভ্যঃ ॥9॥
মদযন্তী খলু বারুণী নিরাগাত্ ।
তমসঃ পদবীমদাস্ত্বমেনা-
মতিসম্মাননযা মহাসুরেভ্যঃ ॥9॥
তরুণাম্বুদসুন্দরস্তদা ত্বং
ননু ধন্বন্তরিরুত্থিতোঽম্বুরাশেঃ ।
অমৃতং কলশে বহন্ করাভ্যা-
মখিলার্তিং হর মারুতালযেশ ॥10॥
ননু ধন্বন্তরিরুত্থিতোঽম্বুরাশেঃ ।
অমৃতং কলশে বহন্ করাভ্যা-
মখিলার্তিং হর মারুতালযেশ ॥10॥