மநீஷா பஞ்சகம்

ஸத்யாசார்யஸ்ய கமநே கதாசிந்முக்தி தாயகம் ।
காஶீக்ஶேத்ரம் ப்ரதி ஸஹ கௌர்யா மார்கே து ஶ்ங்கரம் ॥ (அநுஷ்டுப்)
அந்த்யவேஷதரம் த்ரு'ஷ்ட்வா கச்ச கச்சேதி சாப்ரவீத் ।
ஶங்கரஃஸோऽபி சாண்டலஸ்தம் புநஃ ப்ராஹ ஶ்ங்கரம் ॥ (அநுஷ்டுப்)
அந்நமயாதந்நமயமதவா சைதந்யமேவ சைதந்யாத் ।
யதிவர தூரீகர்தும் வாஞ்சஸி கிம் ப்ரூஹி கச்ச கச்சேதி ॥ (ஆர்யா வ்ரு'த்த)
ப்ரத்யக்வஸ்துநி நிஸ்தரங்கஸஹஜாநந்தாவபோதாம்புதௌ
விப்ரோऽயம் ஶ்வபசோऽயமித்யபி மஹாந்கோऽயம் விபேதப்ரமஃ ।
கிம் கங்காம்புநி பிம்பிதேऽம்பரமணௌ சாண்டாலவீதீபயஃ
பூரே வாऽந்தரமஸ்தி காஞ்சநகடீம்ரு'த்கும்பயோர்வாऽம்பரே ॥ (ஶார்தூல விக்ரீடித)
ஜாக்ரத்ஸ்வப்நஸுஷுப்திஷு ஸ்புடதரா யா ஸம்விதுஜ்ஜ்ரு'ம்பதே
யா ப்ரஹ்மாதிபிபீலிகாந்ததநுஷு ப்ரோதா ஜகத்ஸாக்ஷிணீ ।
ஸைவாஹம் ந ச த்ரு'ஶ்யவஸ்த்விதி த்ரு'டப்ரஜ்ஞாபி யஸ்யாஸ்தி சே-
ச்சாண்டாலோऽஸ்து ஸ து த்விஜோऽஸ்து குருரித்யேஷா மநீஷா மம ॥ 1॥

ப்ரஹ்மைவாஹமிதம் ஜகச்ச ஸகலம் சிந்மாத்ரவிஸ்தாரிதம்
ஸர்வம் சைததவித்யயா த்ரிகுணயாऽஶேஷம் மயா கல்பிதம் ।
இத்தம் யஸ்ய த்ரு'டா மதிஃ ஸுகதரே நித்யே பரே நிர்மலே
சாண்டாலோऽஸ்து ஸ து த்விஜோऽஸ்து குருரித்யேஷா மநீஷா மம ॥ 2॥

ஶஶ்வந்நஶ்வரமேவ விஶ்வமகிலம் நிஶ்சித்ய வாசா குரோ-
ர்நித்யம் ப்ரஹ்ம நிரந்தரம் விம்ரு'ஶதா நிர்வ்யாஜஶாந்தாத்மநா ।
பூதம் பாவி ச துஷ்க்ரு'தம் ப்ரதஹதா ஸம்விந்மயே பாவகே
ப்ராரப்தாய ஸமர்பிதம் ஸ்வவபுரித்யேஷா மநீஷா மம ॥ 3॥

யா திர்யங்நரதேவதாபிரஹமித்யந்தஃ ஸ்புடா க்ரு'ஹ்யதே
யத்பாஸா ஹ்ரு'தயாக்ஷதேஹவிஷயா பாந்தி ஸ்வதோऽசேதநாஃ ।
தாம் பாஸ்யைஃ பிஹிதார்கமண்டலநிபாம் ஸ்பூர்திம் ஸதா பாவய-
ந்யோகீ நிர்வ்ரு'தமாநஸோ ஹி குருரித்யேஷா மநீஷா மம ॥ 4॥

யத்ஸௌக்யாம்புதிலேஶலேஶத இமே ஶக்ராதயோ நிர்வ்ரு'தா
யச்சித்தே நிதராம் ப்ரஶாந்தகலநே லப்த்வா முநிர்நிர்வ்ரு'தஃ ।
யஸ்மிந்நித்யஸுகாம்புதௌ கலிததீர்ப்ரஹ்மைவ ந ப்ரஹ்மவித்
யஃ கஶ்சித்ஸ ஸுரேந்த்ரவந்திதபதோ நூநம் மநீஷா மம ॥ 5॥
தாஸஸ்தேऽஹம் தேஹத்ரு'ஷ்ட்யாऽஸ்மி ஶம்போ
ஜாதஸ்தேம்ऽஶோ ஜீவத்ரு'ஷ்ட்யா த்ரித்ரு'ஷ்டே ।
ஸர்வஸ்யாऽऽத்மந்நாத்மத்ரு'ஷ்ட்யா த்வமேவே-
த்யேவம் மே தீர்நிஶ்சிதா ஸர்வஶாஸ்த்ரைஃ ॥