7.2 - ସାଧ୍ଯା ଵୈ ଦେଵାଃ ସୁଵର୍ଗକାମାଃ - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ସପ୍ତମକାଣ୍ଡେ ଦ୍ଵିତୀଯଃ ପ୍ରଶ୍ନଃ - ଷଡ୍ ରାତ୍ରାଦ୍ଯାନା-ନ୍ନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,
ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥
ସା॒ଦ୍ଧ୍ଯା ଵୈ ଦେ॒ଵା-ସ୍ସୁ॑ଵ॒ର୍ଗକା॑ମା ଏ॒ତଗ୍ଂ ଷ॑ଡ୍-ରା॒ତ୍ରମ॑ପଶ୍ଯ॒-ନ୍ତମା-ଽହ॑ର॒-ନ୍ତେନା॑ଯଜନ୍ତ॒ ତତୋ॒ ଵୈ ତେ ସୁ॑ଵ॒ର୍ଗଂ-ଲୋଁ॒କମା॑ଯ॒ନ୍॒. ଯ ଏ॒ଵଂ-ଵିଁ॒ଦ୍ଵାଗ୍ଂସଃ॑ ଷଡ୍-ରା॒ତ୍ରମାସ॑ତେ ସୁଵ॒ର୍ଗମେ॒ଵ ଲୋ॒କଂ-ଯଁ॑ନ୍ତି ଦେଵସ॒ତ୍ରଂ-ଵୈଁ ଷ॑ଡ୍-ରା॒ତ୍ରଃ ପ୍ର॒ତ୍ଯକ୍ଷ॒ଗ୍ଗ୍॒ ହ୍ଯେ॑ତାନି॑ ପୃ॒ଷ୍ଠାନି॒ ଯ ଏ॒ଵଂ-ଵିଁ॒ଦ୍ଵାଗ୍ଂସଃ॑ ଷଡ୍-ରା॒ତ୍ରମାସ॑ତେ ସା॒କ୍ଷାଦେ॒ଵ ଦେ॒ଵତା॑ ଅ॒ଭ୍ଯାରୋ॑ହନ୍ତି॒ ଷଡ୍-ରା॒ତ୍ରୋ ଭ॑ଵତି॒ ଷ-ଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ [ ] 1
ପୃ॒ଷ୍ଠୈରେ॒ଵର୍ତୂନ॒-ନ୍ଵାରୋ॑ହନ୍ତ୍ଯୃ॒ତୁଭିଃ॑ ସଂ​ଵଁଥ୍ସ॒ର-ନ୍ତେ ସଂ॑​ଵଁଥ୍ସ॒ର ଏ॒ଵ ପ୍ରତି॑ ତିଷ୍ଠନ୍ତି ବୃହ-ଦ୍ରଥନ୍ତ॒ରାଭ୍ଯାଂ᳚-ଯଁନ୍ତୀ॒ଯଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ଯାମେ॒ଵ ଯ॒ନ୍ତ୍ଯଥୋ॑ ଅ॒ନଯୋ॑ରେ॒ଵ ପ୍ରତି॑ ତିଷ୍ଠନ୍ତ୍ଯେ॒ତେ ଵୈ ଯ॒ଜ୍ଞସ୍ଯା᳚ଞ୍ଜ॒ସାଯ॑ନୀ ସ୍ରୁ॒ତୀ ତାଭ୍ଯା॑ମେ॒ଵ ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତି ତ୍ରି॒ଵୃଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ ଏ॒ଵାଵ॑ ରୁନ୍ଧତେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ଯମେ॒ଵାଵ॑ ରୁନ୍ଧତେ ସପ୍ତଦ॒ଶୋ [ସପ୍ତଦ॒ଶଃ, ଭ॒ଵ॒ତ୍ଯ॒ନ୍ନାଦ୍ଯ॒ସ୍ଯା-ଽଵ॑ରୁଦ୍ଧ୍ଯା॒] 2
ଭ॑ଵତ୍ଯ॒ନ୍ନାଦ୍ଯ॒ସ୍ଯା-ଽଵ॑ରୁଦ୍ଧ୍ଯା॒ ଅଥୋ॒ ପ୍ରୈଵ ତେନ॑ ଜାଯନ୍ତ ଏକଵି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ତ୍ରିଣ॒ଵୋ ଭ॑ଵତି॒ ଵିଜି॑ତ୍ଯୈ ତ୍ରଯସ୍ତ୍ରି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯୈ ସଦୋହଵିର୍ଧା॒ନିନ॑ ଏ॒ତେନ॑ ଷଡ୍-ରା॒ତ୍ରେଣ॑ ଯଜେର॒ନ୍ନାଶ୍ଵ॑ତ୍ଥୀ ହଵି॒ର୍ଧାନ॒-ଞ୍ଚା-ଽଽଗ୍ନୀ᳚ଦ୍ଧ୍ର-ଞ୍ଚ ଭଵତ॒ସ୍ତଦ୍ଧି ସୁ॑ଵ॒ର୍ଗ୍ଯ॑-ଞ୍ଚ॒କ୍ରୀଵ॑ତୀ ଭଵତ-ସ୍ସୁଵ॒ର୍ଗସ୍ଯ॑ ଲୋ॒କସ୍ଯ॒ ସମ॑ଷ୍ଟ୍ଯା ଉ॒ଲୂଖ॑ଲବୁଦ୍ଧ୍ନୋ॒ ଯୂପୋ॑ ଭଵତି॒ ପ୍ରତି॑ଷ୍ଠିତ୍ଯୈ॒ ପ୍ରାଞ୍ଚୋ॑ ଯାନ୍ତି॒ ପ୍ରାଙି॑ଵ॒ ହି ସୁ॑ଵ॒ର୍ଗୋ [ହି ସୁ॑ଵ॒ର୍ଗଃ, ଲୋ॒କ-ସ୍ସର॑ସ୍ଵତ୍ଯା] 3
ଲୋ॒କ-ସ୍ସର॑ସ୍ଵତ୍ଯା ଯାନ୍ତ୍ଯେ॒ଷ ଵୈ ଦେ॑ଵ॒ଯାନଃ॒ ପନ୍ଥା॒ସ୍ତ-ମେ॒ଵା-ନ୍ଵାରୋ॑ହନ୍ତ୍ଯା॒କ୍ରୋଶ॑ନ୍ତୋ ଯା॒ନ୍ତ୍ଯଵ॑ର୍ତି-ମେ॒ଵାନ୍ଯସ୍ମି॑-ନ୍ପ୍ରତି॒ଷଜ୍ଯ॑ ପ୍ରତି॒ଷ୍ଠା-ଙ୍ଗ॑ଚ୍ଛନ୍ତି ଯ॒ଦା ଦଶ॑ ଶ॒ତ-ଙ୍କୁ॒ର୍ଵନ୍ତ୍ଯଥୈକ॑-ମୁ॒ତ୍ଥାନଗ୍ଂ॑ ଶ॒ତାଯୁଃ॒ ପୁରୁ॑ଷ-ଶ୍ଶ॒ତେନ୍ଦ୍ରି॑ଯ॒ ଆଯୁ॑ଷ୍ଯେ॒ଵେନ୍ଦ୍ରି॒ଯେ ପ୍ରତି॑ ତିଷ୍ଠନ୍ତି ଯ॒ଦା ଶ॒ତଗ୍ଂ ସ॒ହସ୍ର॑-ଙ୍କୁ॒ର୍ଵନ୍ତ୍ଯଥୈକ॑-ମୁ॒ତ୍ଥାନଗ୍ଂ॑ ସ॒ହସ୍ର॑ସମ୍ମିତୋ॒ ଵା ଅ॒ସୌ ଲୋ॒କୋ॑-ଽମୁମେ॒ଵ ଲୋ॒କମ॒ଭି ଜ॑ଯନ୍ତି ଯ॒ଦୈ -ଷା᳚-ମ୍ପ୍ର॒ମୀଯେ॑ତ ଯ॒ଦା ଵା॒ ଜୀଯେ॑ର॒ନ୍ନଥୈକ॑-ମୁ॒ତ୍ଥାନ॒-ନ୍ତଦ୍ଧି ତୀ॒ର୍ଥମ୍ ॥ 4 ॥

(ପୃ॒ଷ୍ଠାନି॑-ସପ୍ତଦ॒ଶଃ-ସୁ॑ଵ॒ର୍ଗୋ-ଜ॑ଯନ୍ତି ଯ॒ଦୈ - କା॑ଦଶ ଚ) (ଅ. 1)
କୁ॒ସୁ॒ରୁ॒ବିନ୍ଦ॒ ଔଦ୍ଦା॑ଲକି-ରକାମଯତ ପଶୁ॒ମାନ୍-ଥ୍ସ୍ଯା॒ମିତି॒ ସ ଏ॒ତଗ୍ଂ ସ॑ପ୍ତରା॒ତ୍ର-ମା-ଽହ॑ର॒-ତ୍ତେନା॑ଯଜତ॒ ତେନ॒ ଵୈ ସ ଯାଵ॑ନ୍ତୋ ଗ୍ରା॒ମ୍ଯାଃ ପ॒ଶଵ॒ସ୍ତାନଵା॑-ରୁନ୍ଧ॒ ଯ ଏ॒ଵଂ-ଵିଁ॒ଦ୍ଵାନ୍-ଥ୍ସ॑ପ୍ତରା॒ତ୍ରେଣ॒ ଯଜ॑ତେ॒ ଯାଵ॑ନ୍ତ ଏ॒ଵ ଗ୍ରା॒ମ୍ଯାଃ ପ॒ଶଵ॒ସ୍ତା-ନେ॒ଵାଵ॑ ରୁନ୍ଧେ ସପ୍ତରା॒ତ୍ରୋ ଭ॑ଵତି ସ॒ପ୍ତ ଗ୍ରା॒ମ୍ଯାଃ ପ॒ଶଵଃ॑ ସ॒ପ୍ତା-ଽଽର॒ଣ୍ଯା-ସ୍ସ॒ପ୍ତ ଛନ୍ଦାଗ୍॑-ସ୍ଯୁ॒ଭଯ॒ସ୍ଯା-ଵ॑ରୁଦ୍ଧ୍ଯୈ ତ୍ରି॒ଵୃ-ଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ [ତେଜଃ॑, ଏ॒ଵା-ଽଵ॑ ରୁନ୍ଧେ] 5
ଏ॒ଵା-ଽଵ॑ ରୁନ୍ଧେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ଯମେ॒ଵାଵ॑ ରୁନ୍ଧେ ସପ୍ତଦ॒ଶୋ ଭ॑ଵତ୍ଯ॒ନ୍ନାଦ୍ଯ॒ସ୍ଯା ଵ॑ରୁଦ୍ଧ୍ଯା॒ ଅଥୋ॒ ପ୍ରୈଵ ତେନ॑ ଜାଯତ ଏକଵି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଧ॑ତ୍ତେ ତ୍ରିଣ॒ଵୋ ଭ॑ଵତି॒ ଵିଜି॑ତ୍ଯୈ ପଞ୍ଚଵି॒ଗ୍ଂ॒ଶୋ᳚-ଽଗ୍ନିଷ୍ଟୋ॒ମୋ ଭ॑ଵତି ପ୍ର॒ଜାପ॑ତେ॒-ରାପ୍ତ୍ଯୈ॑ ମହାଵ୍ର॒ତଵା॑-ନ॒ନ୍ନାଦ୍ଯ॒ସ୍ଯା ଵ॑ରୁଦ୍ଧ୍ଯୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ଯା॒ଭିଜି॑ତ୍ଯୈ॒ ଯ-ତ୍ପ୍ର॒ତ୍ଯକ୍ଷ॒-ମ୍ପୂର୍ଵେ॒ଷ୍ଵହ॑ସ୍ସୁ ପୃ॒ଷ୍ଠାନ୍ଯୁ॑ପେ॒ଯୁଃ ପ୍ର॒ତ୍ଯକ୍ଷଂ॑- [ପ୍ର॒ତ୍ଯକ୍ଷ᳚ମ୍, ଵି॒ଶ୍ଵ॒ଜିତି॒ ଯଥା॑] 6
-ଁଵିଶ୍ଵ॒ଜିତି॒ ଯଥା॑ ଦୁ॒ଗ୍ଧା-ମୁ॑ପ॒ସୀଦ॑ତ୍ଯେ॒ଵମୁ॑ତ୍ତ॒ମ-ମହଃ॑ ସ୍ଯା॒ନ୍ନୈକ॑ରା॒ତ୍ରଶ୍ଚ॒ନ ସ୍ଯା᳚-ଦ୍ବୃହ-ଦ୍ରଥନ୍ତ॒ରେ ପୂର୍ଵେ॒ଷ୍ଵହ॒ସ୍ସୂପ॑ ଯନ୍ତୀ॒ଯଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ଯାମେ॒ଵ ନ ଯ॒ନ୍ତ୍ଯଥୋ॑ ଅ॒ନଯୋ॑ରେ॒ଵ ପ୍ରତି॑ ତିଷ୍ଠନ୍ତି॒ ଯ-ତ୍ପ୍ର॒ତ୍ଯକ୍ଷଂ॑-ଵିଁଶ୍ଵ॒ଜିତି॑ ପୃ॒ଷ୍ଠାନ୍ଯୁ॑ପ॒ଯନ୍ତି॒ ଯଥା॒ ପ୍ରତ୍ତା᳚-ନ୍ଦୁ॒ହେ ତା॒ଦୃଗେ॒ଵ ତତ୍ ॥ 7 ॥

(ତେଜ॑ - ଉପେ॒ଯୁଃ ପ୍ର॒ତ୍ଯକ୍ଷଂ॒ - ଦ୍ଵିଚ॑ତ୍ଵାରିଗ୍ଂଶଚ୍ଚ) (ଅ. 2)
ବୃହ॒ସ୍ପତି॑-ରକାମଯତ ବ୍ରହ୍ମଵର୍ଚ॒ସୀ ସ୍ଯା॒ମିତି॒ ସ ଏ॒ତ-ମ॑ଷ୍ଟରା॒ତ୍ର-ମ॑ପଶ୍ଯ॒-ତ୍ତମା-ଽହ॑ର॒-ତ୍ତେନା॑ଯଜତ॒ ତତୋ॒ ଵୈ ସ ବ୍ର॑ହ୍ମଵର୍ଚ॒ସ୍ଯ॑ଭଵ॒ଦ୍ଯ ଏ॒ଵଂ-ଵିଁ॒ଦ୍ଵା-ନ॑ଷ୍ଟରା॒ତ୍ରେଣ॒ ଯଜ॑ତେ ବ୍ରହ୍ମଵର୍ଚ॒ସ୍ଯେ॑ଵ ଭ॑ଵତ୍ଯଷ୍ଟରା॒ତ୍ରୋ ଭ॑ଵତ୍ଯ॒ଷ୍ଟାକ୍ଷ॑ରା ଗାଯ॒ତ୍ରୀ ଗା॑ଯ॒ତ୍ରୀ ବ୍ର॑ହ୍ମଵର୍ଚ॒ସ-ଙ୍ଗା॑ଯତ୍ରି॒ଯୈଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧେ-ଽଷ୍ଟରା॒ତ୍ରୋ ଭ॑ଵତି॒ ଚତ॑ସ୍ରୋ॒ ଵୈ ଦିଶ॒ଶ୍ଚତ॑ସ୍ରୋ ଽଵାନ୍ତରଦି॒ଶା ଦି॒ଗ୍ଭ୍ଯ ଏ॒ଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧେ [ ] 8
ତ୍ରି॒ଵୃ-ଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ ଏ॒ଵାଵ॑ ରୁନ୍ଧେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ଯମେ॒ଵାଵ॑ ରୁନ୍ଧେ ସପ୍ତଦ॒ଶୋ ଭ॑ଵତ୍ଯ॒ନ୍ନାଦ୍ଯ॒ସ୍ଯା-ଵ॑ରୁଦ୍ଧ୍ଯା॒ ଅଥୋ॒ ପ୍ରୈଵ ତେନ॑ ଜାଯତ ଏକଵି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଧ॑ତ୍ତେ ତ୍ରିଣ॒ଵୋ ଭ॑ଵତି॒ ଵିଜି॑ତ୍ଯୈ ତ୍ରଯସ୍ତ୍ରି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯୈ ପଞ୍ଚଵି॒ଗ୍ଂ॒ଶୋ᳚-ଽଗ୍ନିଷ୍ଟୋ॒ମୋ ଭ॑ଵତି ପ୍ର॒ଜାପ॑ତେ॒ରାପ୍ତ୍ଯୈ॑ ମହାଵ୍ର॒ତଵା॑-ନ॒ନ୍ନାଦ୍ଯ॒ସ୍ଯା ଵ॑ରୁଦ୍ଧ୍ଯୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ-ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ଯା॒ଭିଜି॑ତ୍ଯୈ ॥ 9 ॥

(ଦି॒ଗ୍ଭ୍ଯ ଏ॒ଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧେ॒ - ଽଭିଜି॑ତ୍ଯୈ) (ଅ. 3)
ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ତା-ସ୍ସୃ॒ଷ୍ଟାଃ, କ୍ଷୁଧ॒-ନ୍ନ୍ଯା॑ଯ॒ନ୍​ଥ୍ସ ଏ॒ତ-ନ୍ନ॑ଵରା॒ତ୍ର-ମ॑ପଶ୍ଯ॒-ତ୍ତମା-ଽହ॑ର॒-ତ୍ତେନା॑ଯଜତ॒ ତତୋ॒ ଵୈ ପ୍ର॒ଜାଭ୍ଯୋ॑-ଽକଲ୍ପତ॒ ଯର୍​ହି॑ ପ୍ର॒ଜାଃ, କ୍ଷୁଧ॑-ନ୍ନି॒ଗଚ୍ଛେ॑ଯୁ॒-ସ୍ତର୍​ହି॑ ନଵରା॒ତ୍ରେଣ॑ ଯଜେତେ॒ମେ ହି ଵା ଏ॒ତାସାଂ᳚-ଲୋଁ॒କା ଅକୢ॑ପ୍ତା॒ ଅଥୈ॒ତାଃ, କ୍ଷୁଧ॒-ନ୍ନି ଗ॑ଚ୍ଛନ୍ତୀ॒ମା-ନେ॒ଵା-ଽଽଭ୍ଯୋ॑ ଲୋ॒କାନ୍ କ॑ଲ୍ପଯତି॒ ତାନ୍ କଲ୍ପ॑ମାନା-ନ୍ପ୍ର॒ଜାଭ୍ଯୋ-ଽନୁ॑ କଲ୍ପତେ॒ କଲ୍ପ॑ନ୍ତେ- [କଲ୍ପ॑ନ୍ତେ, ଅ॒ସ୍ମା॒ ଇ॒ମେ ଲୋ॒କା] 10
-ଽସ୍ମା ଇ॒ମେ ଲୋ॒କା ଊର୍ଜ॑-ମ୍ପ୍ର॒ଜାସୁ॑ ଦଧାତି ତ୍ରିରା॒ତ୍ରେଣୈ॒ଵେମଂ-ଲୋଁ॒କ-ଙ୍କ॑ଲ୍ପଯତି ତ୍ରିରା॒ତ୍ରେଣା॒ନ୍ତରି॑କ୍ଷ-ନ୍ତ୍ରିରା॒ତ୍ରେଣା॒ମୁଂ-ଲୋଁ॒କଂ-ଯଁଥା॑ ଗୁ॒ଣେ ଗ॒ଣ-ମ॒ନ୍ଵସ୍ଯ॑ତ୍ଯେ॒ଵମେ॒ଵ ତଲ୍ଲୋ॒କେ ଲୋ॒କମନ୍ଵ॑ସ୍ଯତି॒ ଧୃତ୍ଯା॒ ଅଶି॑ଥିଲମ୍ଭାଵାଯ॒ ଜ୍ଯୋତି॒ର୍ଗୌରାଯୁ॒ରିତି॑ ଜ୍ଞା॒ତା-ସ୍ସ୍ତୋମା॑ ଭଵନ୍ତୀ॒ଯଂ-ଵାଁଵ ଜ୍ଯୋତି॑ର॒ନ୍ତରି॑କ୍ଷ॒-ଙ୍ଗୌର॒ସା-ଵାଯୁ॑ରେ॒ଷ୍ଵେ॑ଵ ଲୋ॒କେଷୁ॒ ପ୍ରତି॑ ତିଷ୍ଠନ୍ତି॒ ଜ୍ଞାତ୍ର॑-ମ୍ପ୍ର॒ଜାନା᳚- [ଜ୍ଞାତ୍ର॑-ମ୍ପ୍ର॒ଜାନା᳚ମ୍, ଗ॒ଚ୍ଛ॒ତି॒ ନ॒ଵ॒ରା॒ତ୍ରୋ] 11
-ଙ୍ଗଚ୍ଛତି ନଵରା॒ତ୍ରୋ ଭ॑ଵତ୍ଯଭିପୂ॒-ର୍ଵମେ॒ଵା-ଽସ୍ମି॒-ନ୍ତେଜୋ॑ ଦଧାତି॒ ଯୋ ଜ୍ଯୋଗା॑ମଯାଵୀ॒ ସ୍ଯା-ଥ୍ସ ନ॑ଵରା॒ତ୍ରେଣ॑ ଯଜେତ ପ୍ରା॒ଣା ହି ଵା ଏ॒ତସ୍ଯା ଧୃ॑ତା॒ ଅଥୈ॒ତସ୍ଯ॒ ଜ୍ଯୋଗା॑ମଯତି ପ୍ରା॒ଣାନେ॒ଵାସ୍ମି॑-ନ୍ଦାଧାରୋ॒ତ ଯଦୀ॒ତାସୁ॒ର୍ଭଵ॑ତି॒ ଜୀଵ॑ତ୍ଯେ॒ଵ ॥ 12 ॥
(କଲ୍ପ॑ନ୍ତେ-ପ୍ର॒ଜନାଂ॒ - ତ୍ରଯ॑ସ୍ତ୍ରିଗ୍ଂଶଚ୍ଚ) (ଅ. 4)
ପ୍ର॒ଜାପ॑ତି-ରକାମଯତ॒ ପ୍ର ଜା॑ଯେ॒ଯେତି॒ ସ ଏ॒ତ-ନ୍ଦଶ॑ହୋତାରମପଶ୍ଯ॒-ତ୍ତମ॑ଜୁହୋ॒-ତ୍ତେନ॑ ଦଶରା॒ତ୍ରମ॑ସୃଜତ॒ ତେନ॑ ଦଶରା॒ତ୍ରେଣ॒ ପ୍ରା ଜା॑ଯତ ଦଶରା॒ତ୍ରାଯ॑ ଦୀକ୍ଷି॒ଷ୍ଯମା॑ଣୋ॒ ଦଶ॑ହୋତାର-ଞ୍ଜୁହୁଯା॒-ଦ୍ଦଶ॑ହୋତ୍ରୈ॒ଵ ଦ॑ଶରା॒ତ୍ରଗ୍ଂ ସୃ॑ଜତେ॒ ତେନ॑ ଦଶରା॒ତ୍ରେଣ॒ ପ୍ର ଜା॑ଯତେ ଵୈରା॒ଜୋ ଵା ଏ॒ଷ ଯ॒ଜ୍ଞୋ ଯଦ୍ଦ॑ଶରା॒ତ୍ରୋ ଯ ଏ॒ଵଂ-ଵିଁ॒ଦ୍ଵାନ୍-ଦ॑ଶରା॒ତ୍ରେଣ॒ ଯଜ॑ତେ ଵି॒ରାଜ॑ମେ॒ଵ ଗ॑ଚ୍ଛତି ପ୍ରାଜାପ॒ତ୍ଯୋ ଵା ଏ॒ଷ ଯ॒ଜ୍ଞୋ ଯ-ଦ୍ଦ॑ଶରା॒ତ୍ରୋ [ଯ-ଦ୍ଦ॑ଶରା॒ତ୍ରଃ, ଯ ଏ॒ଵଂ-ଵିଁ॒ଦ୍ଵାନ୍-ଦ॑ଶରା॒ତ୍ରେଣ॒] 13
ଯ ଏ॒ଵଂ-ଵିଁ॒ଦ୍ଵାନ୍-ଦ॑ଶରା॒ତ୍ରେଣ॒ ଯଜ॑ତେ॒ ପ୍ରୈଵ ଜା॑ଯତ॒ ଇନ୍ଦ୍ରୋ॒ ଵୈ ସ॒ଦୃ-ନ୍ଦେ॒ଵତା॑ଭିରାସୀ॒-ଥ୍ସ ନ ଵ୍ଯା॒ଵୃତ॑ମଗଚ୍ଛ॒-ଥ୍ସ ପ୍ର॒ଜାପ॑ତି॒-ମୁପା॑ଧାଵ॒-ତ୍ତସ୍ମା॑ ଏ॒ତ-ନ୍ଦ॑ଶରା॒ତ୍ର-ମ୍ପ୍ରାଯ॑ଚ୍ଛ॒-ତ୍ତମା-ଽହ॑ର॒-ତ୍ତେନା॑ଯଜତ॒ ତତୋ॒ ଵୈ ସୋ᳚-ଽନ୍ଯାଭି॑-ର୍ଦେ॒ଵତା॑ଭି-ର୍ଵ୍ଯା॒ଵୃତ॑ମଗଚ୍ଛ॒ଦ୍ଯ ଏ॒ଵଂ-ଵିଁ॒ଦ୍ଵା-ନ୍ଦ॑ଶରା॒ତ୍ରେଣ॒ ଯଜ॑ତେ ଵ୍ଯା॒ଵୃତ॑ମେ॒ଵ ପା॒ପ୍ମନା॒ ଭ୍ରାତୃ॑ଵ୍ଯେଣ ଗଚ୍ଛତି ତ୍ରିକ॒କୁଦ୍ଵା [ତ୍ରିକ॒କୁଦ୍ଵୈ, ଏ॒ଷ ଯ॒ଜ୍ଞୋ ଯ-ଦ୍ଦ॑ଶରା॒ତ୍ରଃ] 14
ଏ॒ଷ ଯ॒ଜ୍ଞୋ ଯ-ଦ୍ଦ॑ଶରା॒ତ୍ରଃ କ॒କୁ-ତ୍ପ॑ଞ୍ଚଦ॒ଶଃ କ॒କୁଦେ॑କଵି॒ଗ୍ଂ॒ଶଃ କ॒କୁ-ତ୍ତ୍ର॑ଯସ୍ତ୍ରି॒ଗ୍ଂ॒ଶୋ ଯ ଏ॒ଵଂ-ଵିଁ॒ଦ୍ଵା-ନ୍ଦ॑ଶରା॒ତ୍ରେଣ॒ ଯଜ॑ତେ ତ୍ରିକ॒କୁଦେ॒ଵ ସ॑ମା॒ନାନା᳚-ମ୍ଭଵତି॒ ଯଜ॑ମାନଃ ପଞ୍ଚଦ॒ଶୋ ଯଜ॑ମାନ ଏକଵି॒ଗ୍ଂ॒ଶୋ ଯଜ॑ମାନ-ସ୍ତ୍ରଯସ୍ତ୍ରି॒ଗ୍ଂ॒ଶଃ ପୁର॒ ଇତ॑ରା ଅଭିଚ॒ର୍ଯମା॑ଣୋ ଦଶରା॒ତ୍ରେଣ॑ ଯଜେତ ଦେଵପୁ॒ରା ଏ॒ଵ ପର୍ଯୂ॑ହତେ॒ ତସ୍ଯ॒ ନ କୁତ॑ଶ୍ଚ॒ନୋପା᳚ଵ୍ଯା॒ଧୋ ଭ॑ଵତି॒ ନୈନ॑ମଭି॒ଚରନ୍᳚-ଥ୍ସ୍ତୃଣୁତେ ଦେଵାସୁ॒ରା-ସ୍ସଂ​ଯଁ॑ତ୍ତା ଆସ॒-ନ୍ତେ ଦେ॒ଵା ଏ॒ତା [ଏ॒ତାଃ, ଦେ॒ଵ॒ପୁ॒ରା ଅ॑ପଶ୍ଯ॒ନ୍॒] 15
ଦେ॑ଵପୁ॒ରା ଅ॑ପଶ୍ଯ॒ନ୍॒ ଯ-ଦ୍ଦ॑ଶରା॒ତ୍ରସ୍ତାଃ ପର୍ଯୌ॑ହନ୍ତ॒ ତେଷା॒-ନ୍ନ କୁତ॑ଶ୍ଚ॒ନୋପା᳚ଵ୍ଯା॒ଧୋ॑ ଽଭଵ॒-ତ୍ତତୋ॑ ଦେ॒ଵା ଅଭ॑ଵ॒-ନ୍ପରା-ଽସୁ॑ରା॒ ଯୋ ଭ୍ରାତୃ॑ଵ୍ଯଵା॒ନ୍-ଥ୍ସ୍ଯା-ଥ୍ସ ଦ॑ଶରା॒ତ୍ରେଣ॑ ଯଜେତ ଦେଵପୁ॒ରା ଏ॒ଵ ପର୍ଯୂ॑ହତେ॒ ତସ୍ଯ॒ ନ କୁତ॑ଶ୍ଚ॒ନୋପା᳚ଵ୍ଯା॒ଧୋ ଭ॑ଵତି॒ ଭଵ॑ତ୍ଯା॒ତ୍ମନା॒ ପରା᳚-ଽସ୍ଯ॒ ଭ୍ରାତୃ॑ଵ୍ଯୋ ଭଵତି॒ ସ୍ତୋମ॒-ସ୍ସ୍ତୋମ॒ସ୍ଯୋପ॑ସ୍ତିର୍ଭଵତି॒ ଭ୍ରାତୃ॑ଵ୍ଯମେ॒ଵୋପ॑ସ୍ତି-ଙ୍କୁରୁତେ ଜା॒ମି ଵା [ଜା॒ମି ଵୈ, ଏ॒ତ-ତ୍କୁ॑ର୍ଵନ୍ତି॒] 16
ଏ॒ତ-ତ୍କୁ॑ର୍ଵନ୍ତି॒ ଯଜ୍ଜ୍ଯାଯାଗ୍ଂ॑ସ॒ଗ୍ଗ୍॒ ସ୍ତୋମ॑ମୁ॒ପେତ୍ଯ॒ କନୀ॑ଯାଗ୍ଂସମୁପ॒ଯନ୍ତି॒ ଯଦ॑ଗ୍ନିଷ୍ଟୋ-ମସା॒ମାନ୍ଯ॒ଵସ୍ତା᳚ଚ୍ଚ ପ॒ରସ୍ତା᳚ଚ୍ଚ॒ ଭଵ॒ନ୍ତ୍ଯଜା॑ମିତ୍ଵାଯ ତ୍ରି॒ଵୃଦ॑ଗ୍ନିଷ୍ଟୋ॒ମୋ᳚ ଽଗ୍ନି॒ଷ୍ଟୁଦା᳚ଗ୍ନେ॒ଯୀଷୁ॑ ଭଵତି॒ ତେଜ॑ ଏ॒ଵାଵ॑ ରୁନ୍ଧେ ପଞ୍ଚଦ॒ଶ ଉ॒କ୍ଥ୍ଯ॑ ଐ॒ନ୍ଦ୍ରୀଷ୍ଵି॑ନ୍ଦ୍ରି॒ଯମେ॒ଵାଵ॑ ରୁନ୍ଧେ ତ୍ରି॒ଵୃଦ॑ଗ୍ନିଷ୍ଟୋ॒ମୋ ଵୈ᳚ଶ୍ଵଦେ॒ଵୀଷୁ॒ ପୁଷ୍ଟି॑ମେ॒ଵାଵ॑ ରୁନ୍ଧେ ସପ୍ତଦ॒ଶୋ᳚-ଽଗ୍ନିଷ୍ଟୋ॒ମଃ ପ୍ରା॑ଜାପ॒ତ୍ଯାସୁ॑ ତୀଵ୍ରସୋ॒ମୋ᳚ ଽନ୍ନାଦ୍ଯ॒ସ୍ଯା-ଵ॑ରୁଦ୍ଧ୍ଯା॒ ଅଥୋ॒ ପ୍ରୈଵ ତେନ॑ ଜାଯତ [ତେନ॑ ଜାଯତେ, ଏ॒କ॒ଵି॒ଗ୍ଂ॒ଶ ଉ॒କ୍ଥ୍ଯଃ॑ ସୌ॒ରୀଷୁ॒] 17
ଏକଵି॒ଗ୍ଂ॒ଶ ଉ॒କ୍ଥ୍ଯଃ॑ ସୌ॒ରୀଷୁ॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଧ॑ତ୍ତେ ସପ୍ତଦ॒ଶୋ᳚-ଽଗ୍ନିଷ୍ଟୋ॒ମଃ ପ୍ରା॑ଜାପ॒ତ୍ଯାସୂ॑ପହ॒ଵ୍ଯ॑ ଉପହ॒ଵମେ॒ଵ ଗ॑ଚ୍ଛତି ତ୍ରିଣ॒ଵାଵ॑ଗ୍ନିଷ୍ଟୋ॒ମାଵ॒ଭିତ॑ ଐ॒ନ୍ଦ୍ରୀଷୁ॒ ଵିଜି॑ତ୍ଯୈ ତ୍ରଯସ୍ତ୍ରି॒ଗ୍ଂ॒ଶ ଉ॒କ୍ଥ୍ଯୋ॑ ଵୈଶ୍ଵଦେ॒ଵୀଷୁ॒ ପ୍ରତି॑ଷ୍ଠିତ୍ଯୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ-ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ଯା॒ଭିଜି॑ତ୍ଯୈ ॥ 18 ॥
(ପ୍ର॒ଜା॒ପ॒ତ୍ଯୋ ଵା ଏ॒ଷ ଯ॒ଜ୍ଞୋ ଯ-ଦ୍ଦ॑ଶରା॒ତ୍ର - ସ୍ତ୍ରି॑କ॒କୁଦ୍ଧା - ଏ॒ତା - ଵୈ - ଜା॑ଯତ॒ - ଏକ॑ତ୍ରିଗ୍ଂଶଚ୍ଚ) (ଅ. 5)
ଋ॒ତଵୋ॒ ଵୈ ପ୍ର॒ଜାକା॑ମାଃ ପ୍ର॒ଜା-ନ୍ନା-ଽଵି॑ନ୍ଦନ୍ତ॒ ତେ॑-ଽକାମଯନ୍ତ ପ୍ର॒ଜାଗ୍ଂ ସୃ॑ଜେମହି ପ୍ର॒ଜାମଵ॑ ରୁନ୍ଧୀମହି ପ୍ର॒ଜାଂ-ଵିଁ॑ନ୍ଦେମହି ପ୍ର॒ଜାଵ॑ନ୍ତ-ସ୍ସ୍ଯା॒ମେତି॒ ତ ଏ॒ତମେ॑କାଦଶରା॒ତ୍ରମ॑ପଶ୍ଯ॒-ନ୍ତମା-ଽହ॑ର॒-ନ୍ତେନା॑ଯଜନ୍ତ॒ ତତୋ॒ ଵୈ ତେ ପ୍ର॒ଜାମ॑ସୃଜନ୍ତ ପ୍ର॒ଜାମଵା॑ରୁନ୍ଧତ ପ୍ର॒ଜାମ॑ଵିନ୍ଦନ୍ତ ପ୍ର॒ଜାଵ॑ନ୍ତୋ-ଽଭଵ॒ନ୍ତ ଋ॒ତଵୋ॑-ଽଭଵ॒-ନ୍ତଦା᳚ର୍ତ॒ଵାନା॑-ମାର୍ତଵ॒ତ୍ଵ-ମୃ॑ତୂ॒ନାଂ-ଵାଁ ଏ॒ତେ ପୁ॒ତ୍ରା-ସ୍ତସ୍ମା॑- [ପୁ॒ତ୍ରା-ସ୍ତସ୍ମା᳚ତ୍, ଆ॒ର୍ତ॒ଵା ଉ॑ଚ୍ଯନ୍ତେ॒] 19
-ଦାର୍ତ॒ଵା ଉ॑ଚ୍ଯନ୍ତେ॒ ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏକାଦଶରା॒ତ୍ରମାସ॑ତେ ପ୍ର॒ଜାମେ॒ଵ ସୃ॑ଜନ୍ତେ ପ୍ର॒ଜାମଵ॑ ରୁନ୍ଧତେ ପ୍ର॒ଜାଂ-ଵିଁ॑ନ୍ଦନ୍ତେ ପ୍ର॒ଜାଵ॑ନ୍ତୋ ଭଵନ୍ତି॒ ଜ୍ଯୋତି॑ରତିରା॒ତ୍ରୋ ଭ॑ଵତି॒ ଜ୍ଯୋତି॑ରେ॒ଵ ପୁ॒ରସ୍ତା᳚-ଦ୍ଦଧତେ ସୁଵ॒ର୍ଗସ୍ଯ॑ ଲୋ॒କସ୍ଯା-ନୁ॑ଖ୍ଯାତ୍ଯୈ॒ ପୃଷ୍ଠ୍ଯଃ॑ ଷଡ॒ହୋ ଭ॑ଵତି॒ ଷ-ଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ ପୃ॒ଷ୍ଠୈରେ॒ଵର୍ତୂନ॒-ନ୍ଵାରୋ॑ହନ୍ତ୍ଯୃ॒ତୁଭିଃ॑ ସଂ​ଵଁଥ୍ସ॒ର-ନ୍ତେ ସଂ॑​ଵଁଥ୍ସ॒ର ଏ॒ଵ ପ୍ରତି॑ ତିଷ୍ଠନ୍ତି ଚତୁର୍ଵି॒ଗ୍ଂ॒ଶୋ ଭ॑ଵତି॒ ଚତୁ॑ର୍ଵିଗ୍ଂଶତ୍ଯକ୍ଷରା ଗାଯ॒ତ୍ରୀ [ଗାଯ॒ତ୍ରୀ, ଗା॒ଯ॒ତ୍ର-ମ୍ବ୍ର॑ହ୍ମଵର୍ଚ॒ସ-] 20
ଗା॑ଯ॒ତ୍ର-ମ୍ବ୍ର॑ହ୍ମଵର୍ଚ॒ସ-ଙ୍ଗା॑ଯତ୍ରି॒ଯାମେ॒ଵ ବ୍ର॑ହ୍ମଵର୍ଚ॒ସେ ପ୍ରତି॑ ତିଷ୍ଠନ୍ତି ଚତୁଶ୍ଚତ୍ଵାରି॒ଗ୍ଂ॒ଶୋ ଭ॑ଵତି॒ ଚତୁ॑ଶ୍ଚତ୍ଵାରିଗ୍ଂଶଦକ୍ଷରା ତ୍ରି॒ଷ୍ଟୁଗି॑ନ୍ଦ୍ରି॒ଯ-ନ୍ତ୍ରି॒ଷ୍ଟୁ-ପ୍ତ୍ରି॒ଷ୍ଟୁଭ୍ଯେ॒ଵେନ୍ଦ୍ରି॒ଯେ ପ୍ରତି॑ ତିଷ୍ଠନ୍ତ୍ଯଷ୍ଟାଚତ୍ଵାରି॒ଗ୍ଂ॒ଶୋ ଭ॑ଵତ୍ଯ॒ଷ୍ଟାଚ॑ତ୍ଵାରିଗ୍ଂଶଦକ୍ଷରା॒ ଜଗ॑ତୀ॒ ଜାଗ॑ତାଃ ପ॒ଶଵୋ॒ ଜଗ॑ତ୍ଯାମେ॒ଵ ପ॒ଶୁଷୁ॒ ପ୍ରତି॑ ତିଷ୍ଠନ୍ତ୍ଯେ-କାଦଶରା॒ତ୍ରୋ ଭ॑ଵତି॒ ପଞ୍ଚ॒ ଵା ଋ॒ତଵ॑ ଆର୍ତ॒ଵାଃ ପଞ୍ଚ॒ର୍ତୁଷ୍ଵେ॒ଵା-ଽଽର୍ତ॒ଵେଷୁ॑ ସଂ​ଵଁଥ୍ସ॒ରେ ପ୍ର॑ତି॒ଷ୍ଠାଯ॑ ପ୍ର॒ଜାମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତଃ ପ୍ର॒ଜାଯୈ॒ ପରି॑ଗୃହୀତ୍ଯୈ ॥ 21 ॥
(ତସ୍ମା᳚-ଦ୍- ଗାଯ॒ତ୍ର୍ଯେ - କା॒ନ୍ନପ॑ଞ୍ଚା॒ଶଚ୍ଚ॑) (ଅ. 6)
ଐ॒ନ୍ଦ୍ର॒ଵା॒ଯ॒ଵାଗ୍ରା᳚-ନ୍ଗୃହ୍ଣୀଯା॒ଦ୍ଯଃ କା॒ମଯେ॑ତ ଯଥା ପୂ॒ର୍ଵ-ମ୍ପ୍ର॒ଜାଃ କ॑ଲ୍ପେର॒ନ୍ନିତି॑ ଯ॒ଜ୍ଞସ୍ଯ॒ ଵୈ କୢପ୍ତି॒ମନୁ॑ ପ୍ର॒ଜାଃ କ॑ଲ୍ପନ୍ତେ ଯ॒ଜ୍ଞସ୍ଯା-ଽକୢ॑ପ୍ତି॒ମନୁ॒ ନ କ॑ଲ୍ପନ୍ତେ ଯଥା ପୂ॒ର୍ଵମେ॒ଵ ପ୍ର॒ଜାଃ କ॑ଲ୍ପଯତି॒ ନ ଜ୍ଯାଯାଗ୍ଂ॑ସ॒-ଙ୍କନୀ॑ଯା॒ନତି॑ କ୍ରାମତ୍ଯୈନ୍ଦ୍ରଵାଯ॒ଵାଗ୍ରା᳚-ନ୍ଗୃହ୍ଣୀଯାଦାମଯା॒ଵିନଃ॑ ପ୍ରା॒ଣେନ॒ ଵା ଏ॒ଷ ଵ୍ଯୃ॑ଦ୍ଧ୍ଯତେ॒ ଯସ୍ଯା॒-ଽଽମଯ॑ତି ପ୍ରା॒ଣ ଐ᳚ନ୍ଦ୍ରଵାଯ॒ଵଃ ପ୍ରା॒ଣେନୈ॒ଵୈନ॒ଗ୍ଂ॒ ସମ॑ର୍ଧଯତି ମୈତ୍ରାଵରୁ॒ଣାଗ୍ରା᳚-ନ୍ଗୃହ୍ଣୀର॒ନ୍॒ ଯେଷା᳚-ନ୍ଦୀକ୍ଷି॒ତାନା᳚-ମ୍ପ୍ର॒ମୀଯେ॑ତ [ପ୍ର॒ମୀଯେ॑ତ, ପ୍ରା॒ଣା॒ପା॒ନାଭ୍ଯାଂ॒-ଵାଁ ଏ॒ତେ] 22
ପ୍ରାଣାପା॒ନାଭ୍ଯାଂ॒-ଵାଁ ଏ॒ତେ ଵ୍ଯୃ॑ଦ୍ଧ୍ଯନ୍ତେ॒ ଯେଷା᳚-ନ୍ଦୀକ୍ଷି॒ତାନା᳚-ମ୍ପ୍ର॒ମୀଯ॑ତେ ପ୍ରାଣାପା॒ନୌ ମି॒ତ୍ରାଵରୁ॑ଣୌ ପ୍ରାଣାପା॒ନାଵେ॒ଵ ମୁ॑ଖ॒ତଃ ପରି॑ ହରନ୍ତ ଆଶ୍ଵି॒ନାଗ୍ରା᳚-ନ୍ଗୃହ୍ଣୀତା ଽଽନୁଜାଵ॒ରୋ᳚-ଽଶ୍ଵିନୌ॒ ଵୈ ଦେ॒ଵାନା॑ମାନୁଜାଵ॒ରୌ ପ॒ଶ୍ଚେଵାଗ୍ର॒-ମ୍ପର୍ଯୈ॑ତା-ମ॒ଶ୍ଵିନା॑ଵେ॒ତସ୍ଯ॑ ଦେ॒ଵତା॒ ଯ ଆ॑ନୁଜାଵ॒ର-ସ୍ତାଵେ॒ଵୈନ॒ମଗ୍ର॒-ମ୍ପରି॑ ଣଯତ-ଶ୍ଶୁ॒କ୍ରାଗ୍ରା᳚-ନ୍ଗୃହ୍ଣୀତ ଗ॒ତଶ୍ରୀଃ᳚ ପ୍ରତି॒ଷ୍ଠାକା॑ମୋ॒-ଽସୌ ଵା ଆ॑ଦି॒ତ୍ଯ-ଶ୍ଶୁ॒କ୍ର ଏ॒ଷୋ-ଽନ୍ତୋ-ଽନ୍ତଂ॑ ମନୁ॒ଷ୍ଯ॑- [ଏ॒ଷୋ-ଽନ୍ତୋ-ଽନ୍ତଂ॑ ମନୁ॒ଷ୍ଯଃ॑, ଶ୍ରି॒ଯୈ ଗ॒ତ୍ଵା ନି] 23
-ଶ୍ଶ୍ରି॒ଯୈ ଗ॒ତ୍ଵା ନି ଵ॑ର୍ତ॒ତେ ଽନ୍ତା॑ଦେ॒ଵା-ଽନ୍ତ॒ମା ର॑ଭତେ॒ ନ ତତଃ॒ ପାପୀ॑ଯା-ନ୍ଭଵତି ମନ୍ଥ୍ଯ॑ଗ୍ରା-ନ୍ଗୃହ୍ଣୀତା-ଭି॒ଚର॑-ନ୍ନାର୍ତପା॒ତ୍ରଂ-ଵାଁ ଏ॒ତ-ଦ୍ଯ-ନ୍ମ॑ନ୍ଥିପା॒ତ୍ର-ମ୍ମୃ॒ତ୍ଯୁନୈ॒ଵୈନ॑-ଙ୍ଗ୍ରାହଯତି ତା॒ଜଗାର୍ତି॒ମାର୍ଚ୍ଛ॑ତ୍ଯା-ଗ୍ରଯ॒ଣାଗ୍ରା᳚-ନ୍ଗୃହ୍ଣୀତ॒ ଯସ୍ଯ॑ ପି॒ତା ପି॑ତାମ॒ହଃ ପୁଣ୍ଯ॒-ସ୍ସ୍ଯାଦଥ॒ ତନ୍ନ ପ୍ରା᳚ପ୍ନୁ॒ଯା-ଦ୍ଵା॒ଚା ଵା ଏ॒ଷ ଇ॑ନ୍ଦ୍ରି॒ଯେଣ॒ ଵ୍ଯୃ॑ଦ୍ଧ୍ଯତେ॒ ଯସ୍ଯ॑ ପି॒ତା ପି॑ତାମ॒ହଃ ପୁଣ୍ଯୋ॒ [ପୁଣ୍ଯଃ॑, ଭଵ॒ତ୍ଯଥ॒ ତନ୍ନ] 24
ଭଵ॒ତ୍ଯଥ॒ ତନ୍ନ ପ୍ରା॒ପ୍ନୋତ୍ଯୁର॑ ଇଵୈ॒ତ-ଦ୍ଯ॒ଜ୍ଞସ୍ଯ॒ ଵାଗି॑ଵ॒ ଯଦା᳚ଗ୍ରଯ॒ଣୋ ଵା॒ଚୈଵୈନ॑ମିନ୍ଦ୍ରି॒ଯେଣ॒ ସମ॑ର୍ଧଯତି॒ ନ ତତଃ॒ ପାପୀ॑ଯା-ନ୍ଭଵତ୍ଯୁ॒କ୍ଥ୍ଯା᳚ଗ୍ରା-ନ୍ଗୃହ୍ଣୀତାଭିଚ॒ର୍ଯମା॑ଣ॒-ସ୍ସର୍ଵେ॑ଷାଂ॒-ଵାଁ ଏ॒ତ-ତ୍ପାତ୍ରା॑ଣାମିନ୍ଦ୍ରି॒ଯଂ-ଯଁଦୁ॑କ୍ଥ୍ଯପା॒ତ୍ରଗ୍ଂ ସର୍ଵେ॑ଣୈ॒ଵୈନ॑ମିନ୍ଦ୍ରି॒ଯେଣାତି॒ ପ୍ରଯୁ॑ଙ୍କ୍ତେ॒ ସର॑ସ୍ଵତ୍ଯ॒ଭି ନୋ॑ ନେଷି॒ ଵସ୍ଯ॒ ଇତି॑ ପୁରୋ॒ରୁଚ॑-ଙ୍କୁର୍ଯା॒-ଦ୍ଵାଗ୍ଵୈ [ ] 25
ସର॑ସ୍ଵତୀ ଵା॒ଚୈଵୈନ॒ମତି॒ ପ୍ରଯୁ॑ଙ୍କ୍ତେ॒ ମା ତ୍ଵ-ତ୍କ୍ଷେତ୍ରା॒ଣ୍ଯର॑ଣାନି ଗ॒ନ୍ମେତ୍ଯା॑ହ ମୃ॒ତ୍ଯୋର୍ଵୈ କ୍ଷେତ୍ରା॒ଣ୍ଯର॑ଣାନି॒ ତେନୈ॒ଵ ମୃ॒ତ୍ଯୋଃ, କ୍ଷେତ୍ରା॑ଣି॒ ନ ଗ॑ଚ୍ଛତି ପୂ॒ର୍ଣା-ନ୍ଗ୍ରହା᳚-ନ୍ଗୃହ୍ଣୀଯାଦାମଯା॒ଵିନଃ॑ ପ୍ରା॒ଣାନ୍ ଵା ଏ॒ତସ୍ଯ॒ ଶୁଗୃ॑ଚ୍ଛତି॒ ଯସ୍ଯା॒ ଽଽମଯ॑ତି ପ୍ରା॒ଣା ଗ୍ରହାଃ᳚ ପ୍ରା॒ଣାନେ॒ଵାସ୍ଯ॑ ଶୁ॒ଚୋ ମୁ॑ଞ୍ଚତ୍ଯୁ॒ତ ଯଦୀ॒ତାସୁ॒ର୍ଭଵ॑ତି॒ ଜୀଵ॑ତ୍ଯେ॒ଵ ପୂ॒ର୍ଣା-ନ୍ଗ୍ରହା᳚-ନ୍ଗୃହ୍ଣୀଯା॒-ଦ୍ଯର୍​ହି॑ ପ॒ର୍ଜନ୍ଯୋ॒ ନ ଵର୍​ଷେ᳚-ତ୍ପ୍ରା॒ଣାନ୍ ଵା ଏ॒ତର୍​ହି॑ ପ୍ର॒ଜାନା॒ଗ୍ଂ॒ ଶୁଗୃ॑ଚ୍ଛତି॒ ଯର୍​ହି॑ ପ॒ର୍ଜନ୍ଯୋ॒ ନ ଵର୍​ଷ॑ତି ପ୍ରା॒ଣା ଗ୍ରହାଃ᳚ ପ୍ରା॒ଣାନେ॒ଵ ପ୍ର॒ଜାନାଗ୍ଂ॑ ଶୁ॒ଚୋ ମୁ॑ଞ୍ଚତି ତା॒ଜ-କ୍ପ୍ର ଵ॑ର୍​ଷତି ॥ 26 ॥
(ପ୍ର॒ମୀଯେ॑ତ - ମନୁ॒ଷ୍ଯ॑ - ଋଦ୍ଧ୍ଯତେ॒ ଯସ୍ଯ॑ ପି॒ତା ପି॑ତାମ॒ହଃ ପୁଣ୍ଯୋ॒-ଵାଗ୍ଵା-ଏ॒ଵ ପୂ॒ର୍ଣା-ନ୍ଗ୍ରହା॒ନ୍-ପଞ୍ଚ॑ଵିଗ୍ଂଶତିଶ୍ଚ) (ଅ. 7)
ଗା॒ଯ॒ତ୍ରୋ ଵା ଐ᳚ନ୍ଦ୍ରଵାଯ॒ଵୋ ଗା॑ଯ॒ତ୍ର-ମ୍ପ୍ରା॑ଯ॒ଣୀଯ॒-ମହ॒ସ୍ତସ୍ମା᳚-ତ୍ପ୍ରାଯ॒ଣୀଯେ-ଽହ॑ନ୍ନୈନ୍ଦ୍ରଵାଯ॒ଵୋ ଗୃ॑ହ୍ଯତେ॒ ସ୍ଵ ଏ॒ଵୈନ॑ମା॒ଯତ॑ନେ ଗୃହ୍ଣାତି॒ ତ୍ରୈଷ୍ଟୁ॑ଭୋ॒ ଵୈ ଶୁ॒କ୍ରସ୍ତ୍ରୈଷ୍ଟୁ॑ଭ-ନ୍ଦ୍ଵି॒ତୀଯ॒-ମହ॒ସ୍ତସ୍ମା᳚-ଦ୍ଦ୍ଵି॒ତୀଯେ-ଽହ॑ଞ୍ଛୁ॒କ୍ରୋ ଗୃ॑ହ୍ଯତେ॒ ସ୍ଵ ଏ॒ଵୈନ॑ମା॒ଯତ॑ନେ ଗୃହ୍ଣାତି॒ ଜାଗ॑ତୋ॒ ଵା ଆ᳚ଗ୍ରଯ॒ଣୋ ଜାଗ॑ତ-ନ୍ତୃ॒ତୀଯ॒-ମହ॒ସ୍ତସ୍ମା᳚-ତ୍ତୃ॒ତୀଯେ-ଽହ॑ନ୍ନାଗ୍ରଯ॒ଣୋ ଗୃ॑ହ୍ଯତେ॒ ସ୍ଵ ଏ॒ଵୈନ॑ମା॒ଯତ॑ନେ ଗୃହ୍ଣାତ୍ଯେ॒ତଦ୍ଵୈ [ ] 27
ଯ॒ଜ୍ଞମା॑ପ॒-ଦ୍ଯଚ୍ଛନ୍ଦାଗ୍॑ସ୍ଯା॒ପ୍ନୋତି॒ ଯଦା᳚ଗ୍ରଯ॒ଣ-ଶ୍ଶ୍ଵୋ ଗୃ॒ହ୍ଯତେ॒ ଯତ୍ରୈ॒ଵ ଯ॒ଜ୍ଞମଦୃ॑ଶ॒-ନ୍ତତ॑ ଏ॒ଵୈନ॒-ମ୍ପୁନଃ॒ ପ୍ରଯୁ॑ଙ୍କ୍ତେ॒ ଜଗ॑ନ୍ମୁଖୋ॒ ଵୈ ଦ୍ଵି॒ତୀଯ॑ସ୍ତ୍ରିରା॒ତ୍ରୋ ଜାଗ॑ତ ଆଗ୍ରଯ॒ଣୋ ଯଚ୍ଚ॑ତୁ॒ର୍ଥେ-ଽହ॑ନ୍ନାଗ୍ରଯ॒ଣୋ ଗୃ॒ହ୍ଯତେ॒ ସ୍ଵ ଏ॒ଵୈନ॑-ମା॒ଯତ॑ନେ ଗୃହ୍ଣା॒ତ୍ଯଥୋ॒ ସ୍ଵମେ॒ଵ ଛନ୍ଦୋ-ଽନୁ॑ ପ॒ର୍ଯାଵ॑ର୍ତନ୍ତେ॒ ରାଥ॑ନ୍ତରୋ॒ ଵା ଐ᳚ନ୍ଦ୍ରଵାଯ॒ଵୋ ରାଥ॑ନ୍ତର-ମ୍ପଞ୍ଚ॒ମ-ମହ॒-ସ୍ତସ୍ମା᳚-ତ୍ପଞ୍ଚ॒ମେ-ଽହ॑- [-ସ୍ତସ୍ମା᳚-ତ୍ପଞ୍ଚ॒ମେ-ଽହନ୍ନ୍॑, ଐ॒ନ୍ଦ୍ର॒ଵା॒ଯ॒ଵୋ ଗୃ॑ହ୍ଯତେ॒] 28
-ନ୍ନୈନ୍ଦ୍ରଵାଯ॒ଵୋ ଗୃ॑ହ୍ଯତେ॒ ସ୍ଵ ଏ॒ଵୈନ॑-ମା॒ଯତ॑ନେ ଗୃହ୍ଣାତି॒ ବାର୍​ହ॑ତୋ॒ ଵୈ ଶୁ॒କ୍ରୋ ବାର୍​ହ॑ତଗ୍ଂ ଷ॒ଷ୍ଠ-ମହ॒-ସ୍ତସ୍ମା᳚-ଥ୍ଷ॒ଷ୍ଠେ-ଽହ॑ଞ୍ଛୁ॒କ୍ରୋ ଗୃ॑ହ୍ଯତେ॒ ସ୍ଵ ଏ॒ଵୈନ॑-ମା॒ଯତ॑ନେ ଗୃହ୍ଣାତ୍ଯେ॒ତଦ୍ଵୈ ଦ୍ଵି॒ତୀଯଂ॑-ଯଁ॒ଜ୍ଞମା॑ପ॒-ଦ୍ଯଚ୍ଛନ୍ଦାଗ୍॑ସ୍ଯା॒ପ୍ନୋତି॒ ଯଚ୍ଛୁ॒କ୍ର-ଶ୍ଶ୍ଵୋ ଗୃ॒ହ୍ଯତେ॒ ଯତ୍ରୈ॒ଵ ଯ॒ଜ୍ଞ-ମଦୃ॑ଶ॒-ନ୍ତତ॑ ଏ॒ଵୈନ॒-ମ୍ପୁନଃ॒ ପ୍ରଯୁ॑ଙ୍କ୍ତେ ତ୍ରି॒ଷ୍ଟୁଙ୍ମୁ॑ଖୋ॒ ଵୈ ତୃ॒ତୀଯ॑-ସ୍ତ୍ରିରା॒ତ୍ର-ସ୍ତ୍ରୈଷ୍ଟୁ॑ଭ- [-ସ୍ତ୍ରୈଷ୍ଟୁ॑ଭଃ, ଶୁ॒କ୍ରୋ] 29
-ଶ୍ଶୁ॒କ୍ରୋ ଯ-ଥ୍ସ॑ପ୍ତ॒ମେ-ଽହ॑ଞ୍ଛୁ॒କ୍ରୋ ଗୃ॒ହ୍ଯତେ॒ ସ୍ଵ ଏ॒ଵୈନ॑ମା॒ଯତ॑ନେ ଗୃହ୍ଣା॒ତ୍ଯଥୋ॒ ସ୍ଵମେ॒ଵ ଛନ୍ଦୋ-ଽନୁ॑ ପ॒ର୍ଯାଵ॑ର୍ତନ୍ତେ॒ ଵାଗ୍ଵା ଆ᳚ଗ୍ରଯ॒ଣୋ ଵାଗ॑ଷ୍ଟ॒ମମହ॒-ସ୍ତସ୍ମା॑ଦଷ୍ଟ॒ମେ-ଽହ॑ନ୍ନାଗ୍ରଯ॒ଣୋ ଗୃ॑ହ୍ଯତେ॒ ସ୍ଵ ଏ॒ଵୈନ॑ମା॒ଯତ॑ନେ ଗୃହ୍ଣାତି ପ୍ରା॒ଣୋ ଵା ଐ᳚ନ୍ଦ୍ରଵାଯ॒ଵଃ ପ୍ରା॒ଣୋ ନ॑ଵ॒ମ-ମହ॒ସ୍ତସ୍ମା᳚ନ୍ନଵ॒ମେ ଽହ॑ନ୍ନୈନ୍ଦ୍ରଵାଯ॒ଵୋ ଗୃ॑ହ୍ଯତେ॒ ସ୍ଵ ଏ॒ଵୈନ॑ମା॒ଯତ॑ନେ ଗୃହ୍ଣାତ୍ଯେ॒ତ- [ଗୃହ୍ଣାତ୍ଯେ॒ତତ୍, ଵୈ ତୃ॒ତୀଯଂ॑-] 30
-ଦ୍ଵୈ ତୃ॒ତୀଯଂ॑-ଯଁ॒ଜ୍ଞମା॑ପ॒-ଦ୍ଯଚ୍ଛନ୍ଦାଗ୍॑ସ୍ଯା॒ପ୍ନୋତି॒ ଯଦୈ᳚ନ୍ଦ୍ରଵାଯ॒ଵ-ଶ୍ଶ୍ଵୋ ଗୃ॒ହ୍ଯତେ॒ ଯତ୍ରୈ॒ଵ ଯ॒ଜ୍ଞମଦୃ॑ଶ॒-ନ୍ତତ॑ ଏ॒ଵୈନ॒-ମ୍ପୁନଃ॒ ପ୍ରଯୁ॒ଙ୍କ୍ତେ ଽଥୋ॒ ସ୍ଵମେ॒ଵ ଛନ୍ଦୋ-ଽନୁ॑ ପ॒ର୍ଯାଵ॑ର୍ତନ୍ତେ ପ॒ଥୋ ଵା ଏ॒ତେ-ଽଦ୍ଧ୍ଯପ॑ଥେନ ଯନ୍ତି॒ ଯେ᳚-ଽନ୍ଯେନୈ᳚ନ୍ଦ୍ରଵାଯ॒ଵା-ତ୍ପ୍ର॑ତି॒ପଦ୍ଯ॒ନ୍ତେ-ଽନ୍ତଃ॒ ଖଲୁ॒ ଵା ଏ॒ଷ ଯ॒ଜ୍ଞସ୍ଯ॒ ଯ-ଦ୍ଦ॑ଶ॒ମ-ମହ॑ର୍ଦଶ॒ମେ ଽହ॑ନ୍ନୈନ୍ଦ୍ରଵାଯ॒ଵୋ ଗୃ॑ହ୍ଯତେ ଯ॒ଜ୍ଞସ୍ଯୈ॒- [ଯ॒ଜ୍ଞସ୍ଯ॑, ଏ॒ଵାନ୍ତ॑-ଙ୍ଗ॒ତ୍ଵା] 31
-ଵାନ୍ତ॑-ଙ୍ଗ॒ତ୍ଵା ଽପ॑ଥା॒-ତ୍ପନ୍ଥା॒ମପି॑ ଯ॒ନ୍ତ୍ଯଥୋ॒ ଯଥା॒ ଵହୀ॑ଯସା ପ୍ରତି॒ସାରଂ॒-ଵଁହ॑ନ୍ତି ତା॒ଦୃଗେ॒ଵ ତଚ୍ଛନ୍ଦାଗ୍॑ସ୍ଯ॒ନ୍ଯୋ᳚-ଽନ୍ଯସ୍ଯ॑ ଲୋ॒କମ॒ଭ୍ଯ॑ଦ୍ଧ୍ଯାଯ॒-ନ୍ତାନ୍ଯେ॒ତେନୈ॒ଵ ଦେ॒ଵା ଵ୍ଯ॑ଵାହଯନ୍ନୈନ୍ଦ୍ରଵାଯ॒ଵସ୍ଯ॒ ଵା ଏ॒ତଦା॒ଯତ॑ନଂ॒-ଯଁଚ୍ଚ॑ତୁ॒ର୍ଥ-ମହ॒ସ୍ତସ୍ମି॑-ନ୍ନାଗ୍ରଯ॒ଣୋ ଗୃ॑ହ୍ଯତେ॒ ତସ୍ମା॑-ଦାଗ୍ରଯ॒ଣସ୍ଯା॒ ଽଽଯତ॑ନେ ନଵ॒ମେ-ଽହ॑ନ୍ନୈନ୍ଦ୍ରଵାଯ॒ଵୋ ଗୃ॑ହ୍ଯତେ ଶୁ॒କ୍ରସ୍ଯ॒ ଵା ଏ॒ତଦା॒ଯତ॑ନଂ॒-ଯଁ-ତ୍ପ॑ଞ୍ଚ॒ମ- [ଯ-ତ୍ପ॑ଞ୍ଚ॒ମମ୍, ଅହ॒ସ୍ତସ୍ମି॑-ନ୍ନୈନ୍ଦ୍ରଵାଯ॒ଵୋ] 32
-ମହ॒ସ୍ତସ୍ମି॑-ନ୍ନୈନ୍ଦ୍ରଵାଯ॒ଵୋ ଗୃ॑ହ୍ଯତେ॒ ତସ୍ମା॑-ଦୈନ୍ଦ୍ରଵାଯ॒ଵସ୍ଯା॒-ଽଽଯତ॑ନେ ସପ୍ତ॒ମେ-ଽହ॑ଞ୍ଛୁ॒କ୍ରୋ ଗୃ॑ହ୍ଯତ ଆଗ୍ରଯ॒ଣସ୍ଯ॒ ଵା ଏ॒ତଦା॒ଯତ॑ନଂ॒-ଯଁ-ଥ୍ଷ॒ଷ୍ଠମହ॒-ସ୍ତସ୍ମି॑ଞ୍ଛୁ॒କ୍ରୋ ଗୃ॑ହ୍ଯତେ॒ ତସ୍ମା᳚-ଚ୍ଛୁ॒କ୍ରସ୍ଯା॒ ଽଽଯତ॑ନେ-ଽଷ୍ଟ॒ମେ-ଽହ॑ନ୍ନାଗ୍ରଯ॒ଣୋ ଗୃ॑ହ୍ଯତେ॒ ଛନ୍ଦାଗ୍॑ସ୍ଯେ॒ଵ ତଦ୍ଵି ଵା॑ହଯତି॒ ପ୍ର ଵସ୍ଯ॑ସୋ ଵିଵା॒ହମା᳚ପ୍ନୋତି॒ ଯ ଏ॒ଵଂ-ଵେଁଦାଥୋ॑ ଦେ॒ଵତା᳚ଭ୍ଯ ଏ॒ଵ ଯ॒ଜ୍ଞେ ସଂ॒​ଵିଁଦ॑-ନ୍ଦଧାତି॒ ତସ୍ମା॑ଦି॒ଦ-ମ॒ନ୍ଯୋ᳚-ଽନ୍ଯସ୍ମୈ॑ ଦଦାତି ॥ 33 ॥
(ଏ॒ତଦ୍ଵୈ - ପ॑ଞ୍ଚ॒ମେ-ଽହ॒ନ୍ - ତ୍ରୈଷ୍ଟୁ॑ଭ - ଏ॒ତ-ଦ୍- ଗୃ॑ହ୍ଯତେ ଯ॒ଜ୍ଞସ୍ଯ॑ - ପଞ୍ଚ॒ମ - ମ॒ନ୍ଯସ୍ମା॒ - ଏକ॑ଞ୍ଚ) (ଅ. 8)
ପ୍ର॒ଜାପ॑ତିରକାମଯତ॒ ପ୍ର ଜା॑ଯେ॒ଯେତି॒ ସ ଏ॒ତ-ନ୍ଦ୍ଵା॑ଦଶରା॒ତ୍ର-ମ॑ପଶ୍ଯ॒-ତ୍ତମା-ଽହ॑ର॒-ତ୍ତେନା॑ଯଜତ॒ ତତୋ॒ ଵୈ ସ ପ୍ରାଜା॑ଯତ॒ ଯଃ କା॒ମଯେ॑ତ॒ ପ୍ର ଜା॑ଯେ॒ଯେତି॒ ସ ଦ୍ଵା॑ଦଶରା॒ତ୍ରେଣ॑ ଯଜେତ॒ ପ୍ରୈଵ ଜା॑ଯତେ ବ୍ରହ୍ମଵା॒ଦିନୋ॑ ଵଦନ୍ତ୍ଯଗ୍ନିଷ୍ଟୋ॒ମପ୍ରା॑ଯଣା ଯ॒ଜ୍ଞା ଅଥ॒ କସ୍ମା॑ଦତିରା॒ତ୍ରଃ ପୂର୍ଵଃ॒ ପ୍ର ଯୁ॑ଜ୍ଯତ॒ ଇତି॒ ଚକ୍ଷୁ॑ଷୀ॒ ଵା ଏ॒ତେ ଯ॒ଜ୍ଞସ୍ଯ॒ ଯଦ॑ତିରା॒ତ୍ରୌ କ॒ନୀନି॑କେ ଅଗ୍ନିଷ୍ଟୋ॒ମୌ ଯ- [ଅଗ୍ନିଷ୍ଟୋ॒ମୌ ଯତ୍, ଅ॒ଗ୍ନି॒ଷ୍ଟୋ॒ମ-ମ୍ପୂର୍ଵ॑-] 34
-ଦ॑ଗ୍ନିଷ୍ଟୋ॒ମ-ମ୍ପୂର୍ଵ॑-ମ୍ପ୍ରଯୁଞ୍ଜୀ॒ର-ନ୍ବ॑ହି॒ର୍ଧା କ॒ନୀନି॑କେ ଦଦ୍ଧ୍ଯୁ॒ସ୍ତସ୍ମା॑-ଦତିରା॒ତ୍ରଃ ପୂର୍ଵଃ॒ ପ୍ର ଯୁ॑ଜ୍ଯତେ॒ ଚକ୍ଷୁ॑ଷୀ ଏ॒ଵ ଯ॒ଜ୍ଞେ ଧି॒ତ୍ଵା ମ॑ଦ୍ଧ୍ଯ॒ତଃ କ॒ନୀନି॑କେ॒ ପ୍ରତି॑ ଦଧତି॒ ଯୋ ଵୈ ଗା॑ଯ॒ତ୍ରୀ-ଞ୍ଜ୍ଯୋତିଃ॑ପକ୍ଷାଂ॒-ଵେଁଦ॒ ଜ୍ଯୋତି॑ଷା ଭା॒ସା ସୁ॑ଵ॒ର୍ଗଂ-ଲୋଁ॒କମେ॑ତି॒ ଯାଵ॑ଗ୍ନିଷ୍ଟୋ॒ମୌ ତୌ ପ॒କ୍ଷୌ ଯେ-ଽନ୍ତ॑ରେ॒-ଽଷ୍ଟା-ଵୁ॒କ୍ଥ୍ଯା᳚-ସ୍ସ ଆ॒ତ୍ମୈଷା ଵୈ ଗା॑ଯ॒ତ୍ରୀ ଜ୍ଯୋତିଃ॑ପକ୍ଷା॒ ଯ ଏ॒ଵଂ-ଵେଁଦ॒ ଜ୍ଯୋତି॑ଷା ଭା॒ସା ସୁ॑ଵ॒ର୍ଗଂ-ଲୋଁ॒କ- [ସୁ॑ଵ॒ର୍ଗଂ-ଲୋଁ॒କମ୍, ଏ॒ତି॒ ପ୍ର॒ଜାପ॑ତି॒ର୍ଵା] 35
-ମେ॑ତି ପ୍ର॒ଜାପ॑ତି॒ର୍ଵା ଏ॒ଷ ଦ୍ଵା॑ଦଶ॒ଧା ଵିହି॑ତୋ॒ ଯ-ଦ୍ଦ୍ଵା॑ଦଶରା॒ତ୍ରୋ ଯାଵ॑ତିରା॒ତ୍ରୋ ତୌ ପ॒କ୍ଷୌ ଯେ-ଽନ୍ତ॑ରେ॒-ଽଷ୍ଟା-ଵୁ॒କ୍ଥ୍ଯା᳚-ସ୍ସ ଆ॒ତ୍ମା ପ୍ର॒ଜାପ॑ତି॒ର୍ଵାଵୈଷ ସନ୍​ଥ୍ସଦ୍ଧ॒ ଵୈ ସ॒ତ୍ରେଣ॑ ସ୍ପୃଣୋତି ପ୍ରା॒ଣା ଵୈ ସ-ତ୍ପ୍ରା॒ଣାନେ॒ଵ ସ୍ପୃ॑ଣୋତି॒ ସର୍ଵା॑ସାଂ॒-ଵାଁ ଏ॒ତେ ପ୍ର॒ଜାନା᳚-ମ୍ପ୍ରା॒ଣୈରା॑ସତେ॒ ଯେ ସ॒ତ୍ରମାସ॑ତେ॒ ତସ୍ମା᳚-ତ୍ପୃଚ୍ଛନ୍ତି॒ କିମେ॒ତେ ସ॒ତ୍ରିଣ॒ ଇତି॑ ପ୍ରି॒ଯଃ ପ୍ର॒ଜାନା॒ ମୁତ୍ଥି॑ତୋ ଭଵତି॒ ଯ ଏ॒ଵଂ ଁଵେଦ॑ ॥ 36 ॥
(ଅ॒ଗ୍ନି॒ଷ୍ଟୋ॒ମୌ ଯଥ୍ - ସୁ॑ଵ॒ର୍ଗଂ-ଲୋଁ॒କଂ - ପ୍ରି॒ଯଃ ପ୍ର॒ଜାନାଂ॒ - ପଞ୍ଚ॑ ଚ) (ଅ. 9)
ନ ଵା ଏ॒ଷୋ᳚-ଽନ୍ଯତୋ॑ଵୈଶ୍ଵାନର-ସ୍ସୁଵ॒ର୍ଗାଯ॑ ଲୋ॒କାଯ॒ ପ୍ରାଭ॑ଵଦୂ॒ର୍ଧ୍ଵୋ ହ॒ ଵା ଏ॒ଷ ଆତ॑ତ ଆସୀ॒-ତ୍ତେ ଦେ॒ଵା ଏ॒ତଂ-ଵୈଁ᳚ଶ୍ଵାନ॒ର-ମ୍ପର୍ଯୌ॑ହନ୍-ଥ୍ସୁଵ॒ର୍ଗସ୍ଯ॑ ଲୋ॒କସ୍ଯ॒ ପ୍ରଭୂ᳚ତ୍ଯା ଋ॒ତଵୋ॒ ଵା ଏ॒ତେନ॑ ପ୍ର॒ଜାପ॑ତିମଯାଜଯ॒-ନ୍ତେଷ୍ଵା᳚ର୍ଧ୍ନୋ॒ଦଧି॒ ତଦୃ॒ଦ୍ଧ୍ନୋତି॑ ହ॒ ଵା ଋ॒ତ୍ଵିକ୍ଷୁ॒ ଯ ଏ॒ଵଂ-ଵିଁ॒ଦ୍ଵା-ନ୍ଦ୍ଵା॑ଦଶା॒ହେନ॒ ଯଜ॑ତେ॒ ତେ᳚-ଽସ୍ମିନ୍ନୈଚ୍ଛନ୍ତ॒ ସ ରସ॒ମହ॑ ଵସ॒ନ୍ତାଯ॒ ପ୍ରାଯ॑ଚ୍ଛ॒- [ପ୍ରାଯ॑ଚ୍ଛତ୍, ଯଵ॑-ଙ୍ଗ୍ରୀ॒ଷ୍ମାଯୌଷ॑ଧୀ-] 37
-ଦ୍ଯଵ॑-ଙ୍ଗ୍ରୀ॒ଷ୍ମାଯୌଷ॑ଧୀ-ର୍ଵ॒ର୍॒ଷାଭ୍ଯୋ᳚ ଵ୍ରୀ॒ହୀଞ୍ଛ॒ରଦେ॑ ମାଷତି॒ଲୌ ହେ॑ମନ୍ତଶିଶି॒ରାଭ୍ଯା॒-ନ୍ତେନେନ୍ଦ୍ର॑-ମ୍ପ୍ର॒ଜାପ॑ତିରଯାଜଯ॒-ତ୍ତତୋ॒ ଵା ଇନ୍ଦ୍ର॒ ଇନ୍ଦ୍ରୋ॑-ଽଭଵ॒-ତ୍ତସ୍ମା॑ଦାହୁ-ରାନୁଜାଵ॒ରସ୍ଯ॑ ଯ॒ଜ୍ଞ ଇତି॒ ସ ହ୍ଯେ॑ତେନା-ଽଗ୍ରେ-ଽଯ॑ଜତୈ॒ଷ ହ॒ ଵୈ କୁ॒ଣପ॑ମତ୍ତି॒ ଯ-ସ୍ସ॒ତ୍ରେ ପ୍ର॑ତିଗୃ॒ହ୍ଣାତି॑ ପୁରୁଷକୁଣ॒ପ-ମ॑ଶ୍ଵକୁଣ॒ପ-ଙ୍ଗୌର୍ଵା ଅନ୍ନଂ॒-ଯେଁନ॒ ପାତ୍ରେ॒ଣାନ୍ନ॒-ମ୍ବିଭ୍ର॑ତି॒ ଯ-ତ୍ତନ୍ନ ନି॒ର୍ଣେନି॑ଜତି॒ ତତୋ-ଽଧି॒ [ତତୋ-ଽଧି॑, ମଲ॑-ଞ୍ଜାଯତ॒ ଏକ॑ ଏ॒ଵ] 38
ମଲ॑-ଞ୍ଜାଯତ॒ ଏକ॑ ଏ॒ଵ ଯ॑ଜେ॒ତୈକୋ॒ ହି ପ୍ର॒ଜାପ॑ତି॒-ରାର୍ଧ୍ନୋ॒-ଦ୍ଦ୍ଵାଦ॑ଶ॒ ରାତ୍ରୀ᳚ର୍ଦୀକ୍ଷି॒ତ-ସ୍ସ୍ଯା॒-ଦ୍ଦ୍ଵାଦ॑ଶ॒ ମାସା᳚-ସ୍ସଂ​ଵଁଥ୍ସ॒ର-ସ୍ସଂ॑​ଵଁଥ୍ସ॒ରଃ ପ୍ର॒ଜାପ॑ତିଃ ପ୍ର॒ଜାପ॑ତି॒ର୍ଵାଵୈଷ ଏ॒ଷ ହ॒ ତ୍ଵୈ ଜା॑ଯତେ॒ ଯସ୍ତପ॒ସୋ-ଽଧି॒ ଜାଯ॑ତେ ଚତୁ॒ର୍ଧା ଵା ଏ॒ତାସ୍ତି॒ସ୍ରସ୍ତି॑ସ୍ରୋ॒ ରାତ୍ର॑ଯୋ॒ ଯ-ଦ୍ଦ୍ଵାଦ॑ଶୋପ॒ସଦୋ॒ ଯାଃ ପ୍ର॑ଥ॒ମା ଯ॒ଜ୍ଞ-ନ୍ତାଭି॒-ସ୍ସ-ମ୍ଭ॑ରତି॒ ଯା ଦ୍ଵି॒ତୀଯା॑ ଯ॒ଜ୍ଞ-ନ୍ତାଭି॒ରା ର॑ଭତେ॒ [ଯ॒ଜ୍ଞ-ନ୍ତାଭି॒ରା ର॑ଭତେ, ଯାସ୍ତୃ॒ତୀଯାଃ॒] 39
ଯାସ୍ତୃ॒ତୀଯାଃ॒ ପାତ୍ରା॑ଣି॒ ତାଭି॒ର୍ନିର୍ଣେ॑ନିକ୍ତେ॒ ଯାଶ୍ଚ॑ତୁ॒ର୍ଥୀରପି॒ ତାଭି॑ରା॒ତ୍ମାନ॑-ମନ୍ତର॒ତ-ଶ୍ଶୁ॑ନ୍ଧତେ॒ ଯୋ ଵା ଅ॑ସ୍ଯ ପ॒ଶୁମତ୍ତି॑ ମା॒ଗ୍ଂ॒ସଗ୍ଂ ସୋ᳚-ଽତ୍ତି॒ ଯଃ ପୁ॑ରୋ॒ଡାଶ॑-ମ୍ମ॒ସ୍ତିଷ୍କ॒ଗ୍ଂ॒ ସ ଯଃ ପ॑ରିଵା॒ପ-ମ୍ପୁରୀ॑ଷ॒ଗ୍ଂ॒ ସ ଯ ଆଜ୍ଯ॑-ମ୍ମ॒ଜ୍ଜାନ॒ଗ୍ଂ॒ ସ ଯ-ସ୍ସୋମ॒ଗ୍ଗ୍॒ ସ୍ଵେଦ॒ଗ୍ଂ॒ ସୋ-ଽପି॑ ହ॒ ଵା ଅ॑ସ୍ଯ ଶୀର୍​ଷ॒ଣ୍ଯା॑ ନି॒ଷ୍ପଦଃ॒ ପ୍ରତି॑ ଗୃହ୍ଣାତି॒ ଯୋ ଦ୍ଵା॑ଦଶା॒ହେ ପ୍ର॑ତିଗୃ॒ହ୍ଣାତି॒ ତସ୍ମା᳚-ଦ୍ଦ୍ଵାଦଶା॒ହେନ॒ ନ ଯାଜ୍ଯ॑-ମ୍ପା॒ପ୍ମନୋ॒ ଵ୍ଯାଵୃ॑ତ୍ତ୍ଯୈ ॥ 40 ॥
(ଅଯ॑ଚ୍ଛ॒ - ଦଧି॑ - ରଭତେ - ଦ୍ଵାଦଶା॒ହେନ॑ - ଚ॒ତ୍ଵାରି॑ ଚ) (ଅ. 10)
ଏକ॑ସ୍ମୈ॒ ସ୍ଵାହା॒ ଦ୍ଵାଭ୍ଯା॒ଗ୍॒ ସ୍ଵାହା᳚ ତ୍ରି॒ଭ୍ଯ-ସ୍ସ୍ଵାହା॑ ଚ॒ତୁର୍ଭ୍ଯ॒-ସ୍ସ୍ଵାହା॑ ପ॒ଞ୍ଚଭ୍ଯ॒-ସ୍ସ୍ଵାହା॑ ଷ॒ଡ୍ଭ୍ଯ-ସ୍ସ୍ଵାହା॑ ସ॒ପ୍ତଭ୍ଯ॒-ସ୍ସ୍ଵାହା᳚ ଽଷ୍ଟା॒ଭ୍ଯ-ସ୍ସ୍ଵାହା॑ ନ॒ଵଭ୍ଯ॒-ସ୍ସ୍ଵାହା॑ ଦ॒ଶଭ୍ଯ॒-ସ୍ସ୍ଵାହୈ॑ -କାଦ॒ଶଭ୍ଯ॒-ସ୍ସ୍ଵାହା᳚ ଦ୍ଵାଦ॒ଶଭ୍ଯ॒-ସ୍ସ୍ଵାହା᳚ ତ୍ରଯୋଦ॒ଶଭ୍ଯ॒-ସ୍ସ୍ଵାହା॑ ଚତୁର୍ଦ॒ଶଭ୍ଯ॒-ସ୍ସ୍ଵାହା॑ ପଞ୍ଚଦ॒ଶଭ୍ଯ॒-ସ୍ସ୍ଵାହା॑ ଷୋଡ॒ଶଭ୍ଯ॒-ସ୍ସ୍ଵାହା॑ ସପ୍ତଦ॒ଶଭ୍ଯ॒-ସ୍ସ୍ଵାହା᳚ ଽଷ୍ଟାଦ॒ଶଭ୍ଯ॒-ସ୍ସ୍ଵାହୈ-କା॒ନ୍ନ ଵିଗ୍ଂ॑ଶ॒ତ୍ଯୈ ସ୍ଵାହା॒ ନଵ॑ଵିଗ୍ଂଶତ୍ଯୈ॒ ସ୍ଵାହୈ-କା॒ନ୍ନ ଚ॑ତ୍ଵାରି॒ଗ୍ଂ॒ଶତେ॒ ସ୍ଵାହା॒ ନଵ॑ଚତ୍ଵାରିଗ୍ଂଶତେ॒ ସ୍ଵାହୈ-କା॒ନ୍ନ ଷ॒ଷ୍ଟ୍ଯୈ ସ୍ଵାହା॒ ନଵ॑ଷଷ୍ଟ୍ଯୈ॒ ସ୍ଵାହୈ -କା॒ନ୍ନାଶୀ॒ତ୍ଯୈ ସ୍ଵାହା॒ ନଵା॑ଶୀତ୍ଯୈ॒ ସ୍ଵାହୈକା॒ନ୍ନ ଶ॒ତାଯ॒ ସ୍ଵାହା॑ ଶ॒ତାଯ॒ ସ୍ଵାହା॒ ଦ୍ଵାଭ୍ଯାଗ୍ଂ॑ ଶ॒ତାଭ୍ଯା॒ଗ୍॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 41 ॥
(ନଵ॑ଚତ୍ଵାରିଗ୍ଂଶତେ॒ ସ୍ଵାହୈ-କା॒ନ୍ନୈକ॑ଵିଗ୍ଂଶତିଶ୍ଚ) (ଅ. 11)
ଏକ॑ସ୍ମୈ॒ ସ୍ଵାହା᳚ ତ୍ରି॒ଭ୍ଯ-ସ୍ସ୍ଵାହା॑ ପ॒ଞ୍ଚଭ୍ଯ॒-ସ୍ସ୍ଵାହା॑ ସ॒ପ୍ତଭ୍ଯ॒-ସ୍ସ୍ଵାହା॑ ନ॒ଵଭ୍ଯ॒-ସ୍ସ୍ଵାହୈ॑- କାଦ॒ଶଭ୍ଯ॒-ସ୍ସ୍ଵାହା᳚ ତ୍ରଯୋଦ॒ଶଭ୍ଯ॒-ସ୍ସ୍ଵାହା॑ ପଞ୍ଚଦ॒ଶଭ୍ଯ॒-ସ୍ସ୍ଵାହା॑ ସପ୍ତଦ॒ଶଭ୍ଯ॒-ସ୍ସ୍ଵାହୈକା॒ନ୍ନ ଵିଗ୍ଂ॑ଶ॒ତ୍ଯୈ ସ୍ଵାହା॒ ନଵ॑ଵିଗ୍ଂଶତ୍ଯୈ॒ ସ୍ଵାହୈକା॒ନ୍ନ ଚ॑ତ୍ଵାରି॒ଗ୍ଂ॒ଶତେ॒ ସ୍ଵାହା॒ ନଵ॑ଚତ୍ଵାରିଗ୍ଂଶତେ॒ ସ୍ଵାହୈକା॒ନ୍ନ ଷ॒ଷ୍ଟ୍ଯୈ ସ୍ଵାହା॒ ନଵ॑ଷଷ୍ଟ୍ଯୈ॒ ସ୍ଵାହୈକା॒ନ୍ନା ଶୀ॒ତ୍ଯୈ ସ୍ଵାହା॒ ନଵା॑ଶୀତ୍ଯୈ॒ ସ୍ଵାହୈକା॒ନ୍ନ ଶ॒ତାଯ॒ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 42 ॥
(ଏକ॑ସ୍ମୈ ତ୍ରି॒ଭ୍ଯଃ - ପ॑ଞ୍ଚା॒ଶତ୍) (ଅ. 12)
ଦ୍ଵାଭ୍ଯା॒ଗ୍॒ ସ୍ଵାହା॑ ଚ॒ତୁର୍ଭ୍ଯ॒-ସ୍ସ୍ଵାହା॑ ଷ॒ଡ୍ଭ୍ଯ-ସ୍ସ୍ଵାହା᳚ ଽଷ୍ଟା॒ଭ୍ଯ-ସ୍ସ୍ଵାହା॑ ଦ॒ଶଭ୍ଯ॒-ସ୍ସ୍ଵାହା᳚ ଦ୍ଵାଦ॒ଶଭ୍ଯ॒-ସ୍ସ୍ଵାହା॑ ଚତୁର୍ଦ॒ଶଭ୍ଯ॒-ସ୍ସ୍ଵାହା॑ ଷୋଡ॒ଶଭ୍ଯ॒-ସ୍ସ୍ଵାହା᳚ ଽଷ୍ଟାଦ॒ଶଭ୍ଯ॒-ସ୍ସ୍ଵାହା॑ ଵିଗ୍ଂଶ॒ତ୍ଯୈ ସ୍ଵାହା॒ ଽଷ୍ଟାନ॑ଵତ୍ଯୈ॒ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 43 ॥
(ଦ୍ଵାଭ୍ଯା॑ମ॒ଷ୍ଟାନ॑ଵତ୍ଯୈ॒ - ଷଡ୍ଵିଗ୍ଂ॑ଶତିଃ) (ଅ. 13)
ତ୍ରି॒ଭ୍ଯ-ସ୍ସ୍ଵାହା॑ ପ॒ଞ୍ଚଭ୍ଯ॒-ସ୍ସ୍ଵାହା॑ ସ॒ପ୍ତଭ୍ଯ॒-ସ୍ସ୍ଵାହା॑ ନ॒ଵଭ୍ଯ॒-ସ୍ସ୍ଵାହୈ॑-କାଦ॒ଶଭ୍ଯ॒-ସ୍ସ୍ଵାହା᳚ ତ୍ରଯୋଦ॒ଶଭ୍ଯ॒-ସ୍ସ୍ଵାହା॑ ପଞ୍ଚଦ॒ଶଭ୍ଯ॒-ସ୍ସ୍ଵାହା॑ ସପ୍ତଦ॒ଶଭ୍ଯ॒-ସ୍ସ୍ଵାହୈକା॒ନ୍ନ ଵିଗ୍ଂ॑ଶ॒ତ୍ଯୈ ସ୍ଵାହା॒ ନଵ॑ଵିଗ୍ଂଶତ୍ଯୈ॒ ସ୍ଵାହୈକା॒ନ୍ନ ଚ॑ତ୍ଵାରି॒ଗ୍ଂ॒ଶତେ॒ ସ୍ଵାହା॒ ନଵ॑ଚତ୍ଵାରିଗ୍ଂଶତେ॒ ସ୍ଵାହୈକା॒ନ୍ନ ଷ॒ଷ୍ଟ୍ଯୈ ସ୍ଵାହା॒ ନଵ॑ଷଷ୍ଟ୍ଯୈ॒ ସ୍ଵାହୈକା॒ନ୍ନା ଽଶୀ॒ତ୍ଯୈ ସ୍ଵାହା॒ ନଵା॑ଶୀତ୍ଯୈ॒ ସ୍ଵାହୈକା॒ନ୍ନ ଶ॒ତାଯ॒ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 44 ॥
(ତ୍ରି॒ଭ୍ଯୋ᳚ - ଽଷ୍ଟାଚତ୍ଵାରି॒ଗ୍ଂ॒ଶତ୍) (ଅ. 14)
ଚ॒ତୁର୍ଭ୍ଯ॒-ସ୍ସ୍ଵାହା᳚ ଽଷ୍ଟା॒ଭ୍ଯ-ସ୍ସ୍ଵାହା᳚ ଦ୍ଵାଦ॒ଶଭ୍ଯ॒-ସ୍ସ୍ଵାହା॑ ଷୋଡ॒ଶଭ୍ଯ॒-ସ୍ସ୍ଵାହା॑ ଵିଗ୍ଂଶ॒ତ୍ଯୈ ସ୍ଵାହା॒ ଷଣ୍ଣ॑ଵତ୍ଯୈ॒ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 45 ॥
(ଚ॒ତୁର୍ଭ୍ଯ॒-ଷ୍ଷଣ୍ଣ॑ଵତ୍ଯୈ॒ - ଷୋଡ॑ଶ) (ଅ. 15)
ପ॒ଞ୍ଚଭ୍ଯ॒-ସ୍ସ୍ଵାହା॑ ଦ॒ଶଭ୍ଯ॒-ସ୍ସ୍ଵାହା॑ ପଞ୍ଚଦ॒ଶଭ୍ଯ॒-ସ୍ସ୍ଵାହା॑ ଵିଗ୍ଂଶ॒ତ୍ଯୈ ସ୍ଵାହା॒ ପଞ୍ଚ॑ନଵତ୍ଯୈ॒ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 46 ॥
(ପ॒ଞ୍ଚଭ୍ଯଃ॒ ପଞ୍ଚ॑ନଵତ୍ଯୈ॒ - ଚତୁ॑ର୍ଦଶ) (ଅ. 16)
ଦ॒ଶଭ୍ଯ॒-ସ୍ସ୍ଵାହା॑ ଵିଗ୍ଂଶ॒ତ୍ଯୈ ସ୍ଵାହା᳚ ତ୍ରି॒ଗ୍ଂ॒ଶତେ॒ ସ୍ଵାହା॑ ଚତ୍ଵାରି॒ଗ୍ଂ॒ଶତେ॒ ସ୍ଵାହା॑ ପଞ୍ଚା॒ଶତେ॒ ସ୍ଵାହା॑ ଷ॒ଷ୍ଟ୍ଯୈ ସ୍ଵାହା॑ ସପ୍ତ॒ତ୍ଯୈ ସ୍ଵାହା॑ ଽଶୀ॒ତ୍ଯୈ ସ୍ଵାହା॑ ନଵ॒ତ୍ଯୈ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 47 ॥
(ଦ॒ଶଭ୍ଯୋ॒ - ଦ୍ଵାଵିଗ୍ଂ॑ଶତିଃ) (ଅ. 17)
ଵି॒ଗ୍ଂ॒ଶ॒ତ୍ଯୈ ସ୍ଵାହା॑ ଚତ୍ଵାରି॒ଗ୍ଂ॒ଶତେ॒ ସ୍ଵାହା॑ ଷ॒ଷ୍ଟ୍ଯୈ ସ୍ଵାହା॑ ଽଶୀ॒ତ୍ଯୈ ସ୍ଵାହା॑ ଶ॒ତାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 48 ॥
(ଵି॒ଗ୍ଂ॒ଶ॒ତ୍ଯୈ - ଦ୍ଵାଦ॑ଶ) (ଅ. 18)
ପ॒ଞ୍ଚା॒ଶତେ॒ ସ୍ଵାହା॑ ଶ॒ତାଯ॒ ସ୍ଵାହା॒ ଦ୍ଵାଭ୍ଯାଗ୍ଂ॑ ଶ॒ତାଭ୍ଯା॒ଗ୍॒ ସ୍ଵାହା᳚ ତ୍ରି॒ଭ୍ଯ-ଶ୍ଶ॒ତେଭ୍ଯ॒-ସ୍ସ୍ଵାହା॑ ଚ॒ତୁର୍ଭ୍ଯଃ॑ ଶ॒ତେଭ୍ଯ॒-ସ୍ସ୍ଵାହା॑ ପ॒ଞ୍ଚଭ୍ଯଃ॑ ଶ॒ତେଭ୍ଯ॒-ସ୍ସ୍ଵାହା॑ ଷ॒ଡ୍ଭ୍ଯ-ଶ୍ଶ॒ତେଭ୍ଯ॒-ସ୍ସ୍ଵାହା॑ ସ॒ପ୍ତଭ୍ଯଃ॑ ଶ॒ତେଭ୍ଯ॒-ସ୍ସ୍ଵାହା᳚ ଽଷ୍ଟା॒ଭ୍ଯ-ଶ୍ଶ॒ତେଭ୍ଯ॒-ସ୍ସ୍ଵାହା॑ ନ॒ଵଭ୍ଯଃ॑ ଶ॒ତେଭ୍ଯ॒-ସ୍ସ୍ଵାହା॑ ସ॒ହସ୍ରା॑ଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 49 ॥
(ପ॒ଞ୍ଚା॒ଶତେ॒ - ଦ୍ଵାତ୍ରିଗ୍ଂ॑ଶତ୍) (ଅ. 19)
ଶ॒ତାଯ॒ ସ୍ଵାହା॑ ସ॒ହସ୍ରା॑ଯ॒ ସ୍ଵାହା॒ ଽଯୁତା॑ଯ॒ ସ୍ଵାହା॑ ନି॒ଯୁତା॑ଯ॒ ସ୍ଵାହା᳚ ପ୍ର॒ଯୁତା॑ଯ॒ ସ୍ଵାହା ଽର୍ବୁ॑ଦାଯ॒ ସ୍ଵାହା॒ ନ୍ଯ॑ର୍ବୁଦାଯ॒ ସ୍ଵାହା॑ ସମୁ॒ଦ୍ରାଯ॒ ସ୍ଵାହା॒ ମଦ୍ଧ୍ଯା॑ଯ॒ ସ୍ଵାହା ଽନ୍ତା॑ଯ॒ ସ୍ଵାହା॑ ପରା॒ର୍ଧାଯ॒ ସ୍ଵାହୋ॒ଷସେ॒ ସ୍ଵାହା॒ ଵ୍ଯୁ॑ଷ୍ଟ୍ଯୈ॒ ସ୍ଵାହୋ॑ଦେଷ୍ଯ॒ତେ ସ୍ଵାହୋ᳚ଦ୍ଯ॒ତେ ସ୍ଵାହୋଦି॑ତାଯ॒ ସ୍ଵାହା॑ ସୁଵ॒ର୍ଗାଯ॒ ସ୍ଵାହା॑ ଲୋ॒କାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 50 ॥
(ଶ॒ତାଯା॒-ଽଷ୍ଟାତ୍ରିଗ୍ଂ॑ଶତ୍) (ଅ. 20)
(ସା॒ଧ୍ଯା-ଷ୍ଷ॑ଡ୍ ରା॒ତ୍ରଂ - କୁ॑ସୁରୁ॒ବିନ୍ଦଃ॑ ସପ୍ତରା॒ତ୍ରଂ - ବୃହ॒ସ୍ପତି॑ରଷ୍ଟରା॒ତ୍ରଂ - ପ୍ର॒ଜାପ॑ତି॒ସ୍ତାଃ, କ୍ଷୁଧ॑ନ୍ନଵରା॒ତ୍ରଂ - ପ୍ର॒ଜାପ॑ତିରକାମଯତ॒ ଦଶ॑ହୋତାରାତ୍ର - ମୃ॒ତଵ॑ - ଐନ୍ଦ୍ରଵାଯ॒ଵାଗ୍ରା᳚ନ୍ - ଗାଯ॒ତ୍ରୋ ଵୈ - ପ୍ର॒ଜାପ॑ତି॒-ସ୍ସ ଦ୍ଵା॑ଦଶରା॒ତ୍ରଂ - ନ ଵା -ଏକ॑ସ୍ମା॒ - ଏକ॑ସ୍ମୈ॒ - ଦ୍ଵାଭ୍ଯାଂ᳚ - ତ୍ରି॒ଭ୍ଯଃ - ଚ॒ତୁର୍ଭ୍ଯଃ॑ - ପ॒ଞ୍ଚଭ୍ଯୋ॑ - ଦ॒ଶଭ୍ଯୋ॑ - ଵିଗ୍ଂଶ॒ତ୍ଯୈ - ପ॑ଞ୍ଚା॒ଶତେ॑ - ଶ॒ତାଯ॑ - ଵିଗ୍ଂଶ॒ତିଃ )
(ସା॒ଧ୍ଯା - ଅ॑ସ୍ମା ଇ॒ମେ ଲୋ॒କା - ଗା॑ଯ॒ତ୍ରଂ - ଁଵୈ ତୃ॒ତୀଯ॒ - ମେକ॑ସ୍ମୈ - ପଞ୍ଚା॒ଶତ୍ )
(ସା॒ଧ୍ଯା, ସ୍ସର୍ଵ॑ସ୍ମୈ॒ ସ୍ଵାହା᳚ )
॥ ହରିଃ॑ ଓମ୍ ॥
॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ସପ୍ତମକାଣ୍ଡେ ଦ୍ଵିତୀଯଃ ପ୍ରଶ୍ନ-ସ୍ସମାପ୍ତଃ ॥