॥ ଦଶମଃ ସର୍ଗଃ ॥
॥ ଚତୁରଚତୁର୍ଭୁଜଃ ॥
ଅତ୍ରାନ୍ତରେ ମସୃଣରୋଷଵଶାମସୀମ୍-ନିଃଶ୍ଵାସନିଃସହମୁଖୀଂ ସୁମୁଖୀମୁପେତ୍ଯ ।
ସଵ୍ରୀଡମୀକ୍ଷିତସଖୀଵଦନାଂ ଦିନାନ୍ତେ ସାନନ୍ଦଗଦ୍ଗଦପଦଂ ହରିରିତ୍ଯୁଵାଚ॥ 53 ॥
॥ ଗୀତଂ 19 ॥
ଵଦସି ଯଦି କିଞ୍ଚିଦପି ଦନ୍ତରୁଚିକୌମୁଦୀ ହରତି ଦରତିମିରମତିଘୋରମ୍ ।
ସ୍ଫୁରଦଧରସୀଧଵେ ତଵ ଵଦନଚନ୍ଦ୍ରମା ରୋଚଯତୁ ଲୋଚନଚକୋରମ୍ ॥
ପ୍ରିଯେ ଚାରୁଶୀଲେ ମୁଞ୍ଚ ମଯି ମାନମନିଦାନଂ ସପଦି ମଦନାନଲୋ ଦହତି ମମ ମାନସଂ ଦେହି ମୁଖକମଲମଧୁପାନମ୍ ॥ 1 ॥
ସତ୍ଯମେଵାସି ଯଦି ସୁଦତି ମଯି କୋପିନୀ ଦେହି ଖରନଖଶରଘାତମ୍ ।
ଘଟଯ ଭୁଜବନ୍ଧନଂ ଜନଯ ରଦଖଣ୍ଡନଂ ଯେନ ଵା ଭଵତି ସୁଖଜାତମ୍ ॥ 2 ॥
ତ୍ଵମସି ମମ ଭୂଷଣଂ ତ୍ଵମସି ମମ ଜୀଵନଂ ତ୍ଵମସି ଭଵଜଲଧିରତ୍ନମ୍ ।
ଭଵତୁ ଭଵତୀହ ମଯି ସତତମନୋରୋଧିନି ତତ୍ର ମମ ହୃଦଯମତିରତ୍ନମ୍ ॥ 3 ॥
ନୀଲନଲିନାଭମପି ତନ୍ଵି ତଵ ଲୋଚନଂ ଧାରଯତି କୋକନଦରୂପମ୍ ।
କୁସୁମଶରବାଣଭାଵେନ ଯଦି ରଞ୍ଜଯସି କୃଷ୍ଣମିଦମେତଦନୁରୂପମ୍ ॥ 4 ॥
ସ୍ଫୁରତୁ କୁଚକୁମ୍ଭଯୋରୁପରି ମଣିମଞ୍ଜରୀ ରଞ୍ଜଯତୁ ତଵ ହୃଦଯଦେଶମ୍ ।
ରସତୁ ରଶନାପି ତଵ ଘନଜଘନମଣ୍ଡଲେ ଘୋଷଯତୁ ମନ୍ମଥନିଦେଶମ୍ ॥ 5 ॥
ସ୍ଥଲକମଲଗଞ୍ଜନଂ ମମ ହୃଦଯରଞ୍ଜନଂ ଜନିତରତିରଙ୍ଗପରଭାଗମ୍ ।
ଭଣ ମସୃଣଵାଣି କରଵାଣି ପଦପଙ୍କଜଂ ସରସଲସଦଲକ୍ତକରାଗମ୍ ॥ 6 ॥
ସ୍ମରଗରଲଖଣ୍ଡନଂ ମମ ଶିରସି ମଣ୍ଡନଂ ଦେହି ପଦପଲ୍ଲଵମୁଦାରମ୍ ।
ଜ୍ଵଲତି ମଯି ଦାରୁଣୋ ମଦନକଦନାରୁଣୋ ହରତୁ ତଦୁପାହିତଵିକାରମ୍ ॥ 7 ॥
ଅତ୍ରାନ୍ତରେ ମସୃଣରୋଷଵଶାମସୀମ୍-ନିଃଶ୍ଵାସନିଃସହମୁଖୀଂ ସୁମୁଖୀମୁପେତ୍ଯ ।
ସଵ୍ରୀଡମୀକ୍ଷିତସଖୀଵଦନାଂ ଦିନାନ୍ତେ ସାନନ୍ଦଗଦ୍ଗଦପଦଂ ହରିରିତ୍ଯୁଵାଚ॥ 53 ॥
॥ ଗୀତଂ 19 ॥
ଵଦସି ଯଦି କିଞ୍ଚିଦପି ଦନ୍ତରୁଚିକୌମୁଦୀ ହରତି ଦରତିମିରମତିଘୋରମ୍ ।
ସ୍ଫୁରଦଧରସୀଧଵେ ତଵ ଵଦନଚନ୍ଦ୍ରମା ରୋଚଯତୁ ଲୋଚନଚକୋରମ୍ ॥
ପ୍ରିଯେ ଚାରୁଶୀଲେ ମୁଞ୍ଚ ମଯି ମାନମନିଦାନଂ ସପଦି ମଦନାନଲୋ ଦହତି ମମ ମାନସଂ ଦେହି ମୁଖକମଲମଧୁପାନମ୍ ॥ 1 ॥
ସତ୍ଯମେଵାସି ଯଦି ସୁଦତି ମଯି କୋପିନୀ ଦେହି ଖରନଖଶରଘାତମ୍ ।
ଘଟଯ ଭୁଜବନ୍ଧନଂ ଜନଯ ରଦଖଣ୍ଡନଂ ଯେନ ଵା ଭଵତି ସୁଖଜାତମ୍ ॥ 2 ॥
ତ୍ଵମସି ମମ ଭୂଷଣଂ ତ୍ଵମସି ମମ ଜୀଵନଂ ତ୍ଵମସି ଭଵଜଲଧିରତ୍ନମ୍ ।
ଭଵତୁ ଭଵତୀହ ମଯି ସତତମନୋରୋଧିନି ତତ୍ର ମମ ହୃଦଯମତିରତ୍ନମ୍ ॥ 3 ॥
ନୀଲନଲିନାଭମପି ତନ୍ଵି ତଵ ଲୋଚନଂ ଧାରଯତି କୋକନଦରୂପମ୍ ।
କୁସୁମଶରବାଣଭାଵେନ ଯଦି ରଞ୍ଜଯସି କୃଷ୍ଣମିଦମେତଦନୁରୂପମ୍ ॥ 4 ॥
ସ୍ଫୁରତୁ କୁଚକୁମ୍ଭଯୋରୁପରି ମଣିମଞ୍ଜରୀ ରଞ୍ଜଯତୁ ତଵ ହୃଦଯଦେଶମ୍ ।
ରସତୁ ରଶନାପି ତଵ ଘନଜଘନମଣ୍ଡଲେ ଘୋଷଯତୁ ମନ୍ମଥନିଦେଶମ୍ ॥ 5 ॥
ସ୍ଥଲକମଲଗଞ୍ଜନଂ ମମ ହୃଦଯରଞ୍ଜନଂ ଜନିତରତିରଙ୍ଗପରଭାଗମ୍ ।
ଭଣ ମସୃଣଵାଣି କରଵାଣି ପଦପଙ୍କଜଂ ସରସଲସଦଲକ୍ତକରାଗମ୍ ॥ 6 ॥
ସ୍ମରଗରଲଖଣ୍ଡନଂ ମମ ଶିରସି ମଣ୍ଡନଂ ଦେହି ପଦପଲ୍ଲଵମୁଦାରମ୍ ।
ଜ୍ଵଲତି ମଯି ଦାରୁଣୋ ମଦନକଦନାରୁଣୋ ହରତୁ ତଦୁପାହିତଵିକାରମ୍ ॥ 7 ॥
ଇତି ଚଟୁଲଚାଟୁପଟୁଚାରୁ ମୁରଵୈରିଣୋ ରାଧିକାମଧି ଵଚନଜାତମ୍ ।
ଜଯତି ପଦ୍ମାଵତୀରମଣଜଯଦେଵକଵି-ଭାରତୀଭଣିତମତିଶାତମ୍ ॥ 8 ॥
ପରିହର କୃତାତଙ୍କେ ଶଙ୍କାଂ ତ୍ଵଯା ସତତଂ ଘନ-ସ୍ତନଜଘନଯାକ୍ରାନ୍ତେ ସ୍ଵାନ୍ତେ ପରାନଵକାଶିନି ।
ଵିଶତି ଵିତନୋରନ୍ଯୋ ଧନ୍ଯୋ ନ କୋଽପି ମମାନ୍ତରଂ ସ୍ତନଭରପରୀରମ୍ଭାରମ୍ଭେ ଵିଧେହି ଵିଧେଯତାମ୍ ॥ 54 ॥
ମୁଗ୍ଧେ ଵିଧେହି ମଯି ନିର୍ଦଯଦନ୍ତଦଂଶ-ଦୋର୍ଵଲ୍ଲିବନ୍ଧନିବିଡସ୍ତନପୀଡନାନି ।
ଚଣ୍ଡି ତ୍ଵମେଵ ମୁଦମଞ୍ଚ ନ ପଞ୍ଚବାଣ-ଚଣ୍ଡାଲକାଣ୍ଡଦଲନାଦସଵଃ ପ୍ରଯାନ୍ତୁ ॥ 55 ॥
ଵ୍ଯଥଯତି ଵୃଥା ମୌନଂ ତନ୍ଵି ପ୍ରପଞ୍ଚଯ ପଞ୍ଚମଂ ତରୁଣୀ ମଧୁରାଲାପୈସ୍ତାପଂ ଵିନୋଦଯ ଦୃଷ୍ଟିଭିଃ ।
ସୁମୁଖି ଵିମୁଖୀଭାଵଂ ତାଵଦ୍ଵିମୁଞ୍ଚ ନ ମୁଞ୍ଚ ମାଂ ସ୍ଵଯମତିଶଯସ୍ନିଗ୍ଧୋ ମୁଗ୍ଧେ ପ୍ରିଯିଽହମୁପସ୍ଥିତଃ ॥ 56 ॥
ବନ୍ଧୂକଦ୍ଯୁତିବାନ୍ଧଵୋଽଯମଧରଃ ସ୍ନିଗ୍ଧୋ ମଧୂକଚ୍ଚଵି-ର୍ଗଣ୍ଡଶ୍ଚଣ୍ଡି ଚକାସ୍ତି ନୀଲନଲିନଶ୍ରୀମୋଚନଂ ଲୋଚନମ୍ ।
ନାସାଭ୍ଯେତି ତିଲପ୍ରସୂନପଦଵୀଂ କୁନ୍ଦାଭଦାନ୍ତି ପ୍ରିଯେ ପ୍ରାଯସ୍ତ୍ଵନ୍ମୁଖସେଵଯା ଵିଜଯତେ ଵିଶ୍ଵଂ ସ ପୁଷ୍ପାଯୁଧଃ ॥ 57 ॥
ଦୃଶୌ ତଵ ମଦାଲସେ ଵଦନମିନ୍ଦୁସନ୍ଦୀପକଂ ଗତିର୍ଜନମନୋରମା ଵିଧୁତରମ୍ଭମୂରୁଦ୍ଵଯମ୍ ।
ରତିସ୍ତଵ କଲାଵତୀ ରୁଚିରଚିତ୍ରଲେଖେ ଭ୍ରୁଵା-ଵହୋ ଵିବୁଧଯୌଵନଂ ଵହସି ତନ୍ଵୀ ପୃଥ୍ଵୀଗତା ॥ 58 ॥
॥ ଇତି ଶ୍ରୀଗୀତଗୋଵିନ୍ଦେ ମାନିନୀଵର୍ଣନେ ଚତୁରଚତୁର୍ଭୁଜୋ ନାମ ଦଶମଃ ସର୍ଗଃ ॥