ഓം അസ്യ ശ്രീകീലകമന്ത്രസ്യ ശിവഋഷിഃ, അനുഷ്ടുപ് ഛന്ദഃ,
ശ്രീമഹാസസ്വതീ ദേവതാ, ശ്രീജഗദമ്ബാപ്രീത്യര്ഥം
സപ്തശതീപാഠാങ്ഗത്വേന ജപേ വിനിയോഗഃ ।
ശ്രീമഹാസസ്വതീ ദേവതാ, ശ്രീജഗദമ്ബാപ്രീത്യര്ഥം
സപ്തശതീപാഠാങ്ഗത്വേന ജപേ വിനിയോഗഃ ।
ഓം നമശ്ചണ്ഡികായൈ ।
മാര്കണ്ഡേയ ഉവാച।
ഓം വിശുദ്ധജ്ഞാനദേഹായ ത്രിവേദീദിവ്യചക്ഷുഷേ ।
ശ്രേയഃപ്രാപ്തിനിമിത്തായ നമഃ സോമാര്ധധാരിണേ ॥ ൧॥
ശ്രേയഃപ്രാപ്തിനിമിത്തായ നമഃ സോമാര്ധധാരിണേ ॥ ൧॥
സര്വമേതദ്വിജാനീയാന്മന്ത്രാണാമപി കീലകമ് ।
സോഽപി ക്ഷേമമവാപ്നോതി സതതം ജപ്യതത്പരഃ ॥ ൨॥
സോഽപി ക്ഷേമമവാപ്നോതി സതതം ജപ്യതത്പരഃ ॥ ൨॥
സിദ്ധ്യന്ത്യുച്ചാടനാദീനി കര്മാണി സകലാന്യപി ।
ഏതേന സ്തുവതാം ദേവീം സ്തോത്രവൃന്ദേന ഭക്തിതഃ ॥ ൩॥
ഏതേന സ്തുവതാം ദേവീം സ്തോത്രവൃന്ദേന ഭക്തിതഃ ॥ ൩॥
ന മന്ത്രോ നൌഷധം തസ്യ ന കിഞ്ചിദപി വിദ്യതേ ।
വിനാ ജപ്യേന സിദ്ധ്യേത്തു സര്വമുച്ചാടനാദികമ് ॥ ൪॥
വിനാ ജപ്യേന സിദ്ധ്യേത്തു സര്വമുച്ചാടനാദികമ് ॥ ൪॥
സമഗ്രാണ്യപി സേത്സ്യന്തി ലോകശങ്കാമിമാം ഹരഃ ।
കൃത്വാ നിമന്ത്രയാമാസ സര്വമേവമിദം ശുഭമ് ॥ ൫॥
കൃത്വാ നിമന്ത്രയാമാസ സര്വമേവമിദം ശുഭമ് ॥ ൫॥
സ്തോത്രം വൈ ചണ്ഡികായാസ്തു തച്ച ഗുഹ്യം ചകാര സഃ ।
സമാപ്നോതി സ പുണ്യേന താം യഥാവന്നിമന്ത്രണാമ് ॥ ൬॥
സമാപ്നോതി സ പുണ്യേന താം യഥാവന്നിമന്ത്രണാമ് ॥ ൬॥
സോഽപി ക്ഷേമമവാപ്നോതി സര്വമേവ ന സംശയഃ ।
കൃഷ്ണായാം വാ ചതുര്ദശ്യാമഷ്ടമ്യാം വാ സമാഹിതഃ ॥ ൭॥
കൃഷ്ണായാം വാ ചതുര്ദശ്യാമഷ്ടമ്യാം വാ സമാഹിതഃ ॥ ൭॥
ദദാതി പ്രതിഗൃഹ്ണാതി നാന്യഥൈഷാ പ്രസീദതി ।
ഇത്ഥം രൂപേണ കീലേന മഹാദേവേന കീലിതമ് ॥ ൮॥
ഇത്ഥം രൂപേണ കീലേന മഹാദേവേന കീലിതമ് ॥ ൮॥
യോ നിഷ്കീലാം വിധായൈനാം ചണ്ഡീം ജപതി നിത്യശഃ ।
സ സിദ്ധഃ സ ഗണഃ സോഽഥ ഗന്ധര്വോ ജായതേ ധ്രുവമ് ॥ ൯॥
സ സിദ്ധഃ സ ഗണഃ സോഽഥ ഗന്ധര്വോ ജായതേ ധ്രുവമ് ॥ ൯॥
ന ചൈവാപാടവം തസ്യ ഭയം ക്വാപി ന ജായതേ ।
നാപമൃത്യുവശം യാതി മൃതേ ച മോക്ഷമാപ്നുയാത് ॥ ൧൦॥
നാപമൃത്യുവശം യാതി മൃതേ ച മോക്ഷമാപ്നുയാത് ॥ ൧൦॥
ജ്ഞാത്വാ പ്രാരഭ്യ കുര്വീത ഹ്യകുര്വാണോ വിനശ്യതി ।
തതോ ജ്ഞാത്വൈവ സമ്പൂര്ണമിദം പ്രാരഭ്യതേ ബുധൈഃ ॥ ൧൧॥
തതോ ജ്ഞാത്വൈവ സമ്പൂര്ണമിദം പ്രാരഭ്യതേ ബുധൈഃ ॥ ൧൧॥
സൌഭാഗ്യാദി ച യത്കിഞ്ചിദ് ദൃശ്യതേ ലലനാജനേ ।
തത്സര്വം തത്പ്രസാദേന തേന ജപ്യമിദം ശുഭമ് ॥ ൧൨॥
തത്സര്വം തത്പ്രസാദേന തേന ജപ്യമിദം ശുഭമ് ॥ ൧൨॥
ശനൈസ്തു ജപ്യമാനേഽസ്മിന് സ്തോത്രേ സമ്പത്തിരുച്ചകൈഃ ।
ഭവത്യേവ സമഗ്രാപി തതഃ പ്രാരഭ്യമേവ തത് ॥ ൧൩॥
ഭവത്യേവ സമഗ്രാപി തതഃ പ്രാരഭ്യമേവ തത് ॥ ൧൩॥
ഐശ്വര്യം തത്പ്രസാദേന സൌഭാഗ്യാരോഗ്യമേവ ച ।
ശത്രുഹാനിഃ പരോ മോക്ഷഃ സ്തൂയതേ സാ ന കിം ജനൈഃ ॥ ൧൪॥
ശത്രുഹാനിഃ പരോ മോക്ഷഃ സ്തൂയതേ സാ ന കിം ജനൈഃ ॥ ൧൪॥
ചണ്ഡികാം ഹൃദയേനാപി യഃ സ്മരേത് സതതം നരഃ ।
ഹൃദ്യം കാമമവാപ്നോതി ഹൃദി ദേവീ സദാ വസേത് ॥ ൧൫॥
ഹൃദ്യം കാമമവാപ്നോതി ഹൃദി ദേവീ സദാ വസേത് ॥ ൧൫॥
അഗ്രതോഽമും മഹാദേവകൃതം കീലകവാരണമ് ।
നിഷ്കീലഞ്ച തഥാ കൃത്വാ പഠിതവ്യം സമാഹിതൈഃ ॥ ൧൬॥
നിഷ്കീലഞ്ച തഥാ കൃത്വാ പഠിതവ്യം സമാഹിതൈഃ ॥ ൧൬॥
॥ ഇതി ശ്രീഭഗവത്യാഃ കീലകസ്തോത്രം സമാപ്തമ് ॥