దేవీ వైభవాశ్చర్య అష్టోత్తర శత నామ స్తోత్రమ్

అస్య శ్రీ దేవీవైభవాశ్చర్యాష్టోత్తరశతదివ్యనామ స్తోత్రమహామన్త్రస్య ఆనన్దభైరవ ఋషిః, అనుష్టుప్ ఛన్దః, శ్రీ ఆనన్దభైరవీ శ్రీమహాత్రిపురసున్దరీ దేవతా, ఐం బీజం, హ్రీం శక్తిః, శ్రీం కీలకం, మమ శ్రీఆనన్దభైరవీ శ్రీమహాత్రిపురసున్దరీ ప్రసాదసిద్ధ్యర్థే జపే వినియోగః ।
ధ్యానమ్
కుఙ్కుమపఙ్కసమాభా-
-మఙ్కుశపాశేక్షుకోదణ్డశరామ్ ।
పఙ్కజమధ్యనిషణ్ణాం
పఙ్కేరుహలోచనాం పరాం వన్దే ॥
పఞ్చపూజా
లం పృథివ్యాత్మికాయై గన్ధం సమర్పయామి ।
హం ఆకాశాత్మికాయై పుష్పైః పూజయామి ।
యం వాయ్వాత్మికాయై ధూపమాఘ్రాపయామి ।
రం అగ్న్యాత్మికాయై దీపం దర్శయామి ।
వం అమృతాత్మికాయై అమృతం మహానైవేద్యం నివేదయామి ।
సం సర్వాత్మికాయై సర్వోపచారాన్ సమర్పయామి ॥
ఓం ఐం హ్రీం శ్రీమ్ ।
పరమానన్దలహరీ పరచైతన్యదీపికా ।
స్వయమ్ప్రకాశకిరణా నిత్యవైభవశాలినీ ॥ 1 ॥

విశుద్ధకేవలాఖణ్డసత్యకాలాత్మరూపిణీ ।
ఆదిమధ్యాన్తరహితా మహామాయావిలాసినీ ॥ 2 ॥

గుణత్రయపరిచ్ఛేత్రీ సర్వతత్త్వప్రకాశినీ ।
స్త్రీపుంసభావరసికా జగత్సర్గాదిలమ్పటా ॥ 3 ॥

అశేషనామరూపాదిభేదచ్ఛేదరవిప్రభా ।
అనాదివాసనారూపా వాసనోద్యత్ప్రపఞ్చికా ॥ 4 ॥

ప్రపఞ్చోపశమప్రౌఢా చరాచరజగన్మయీ ।
సమస్తజగదాధారా సర్వసఞ్జీవనోత్సుకా ॥ 5 ॥

భక్తచేతోమయానన్తస్వార్థవైభవవిభ్రమా ।
సర్వాకర్షణవశ్యాదిసర్వకర్మధురన్ధరా ॥ 6 ॥

విజ్ఞానపరమానన్దవిద్యా సన్తానసిద్ధిదా ।
ఆయురారోగ్యసౌభాగ్యబలశ్రీకీర్తిభాగ్యదా ॥ 7 ॥

ధనధాన్యమణీవస్త్రభూషాలేపనమాల్యదా ।
గృహగ్రామమహారాజ్యసామ్రాజ్యసుఖదాయినీ ॥ 8 ॥

సప్తాఙ్గశక్తిసమ్పూర్ణసార్వభౌమఫలప్రదా ।
బ్రహ్మవిష్ణుశివేన్ద్రాదిపదవిశ్రాణనక్షమా ॥ 9 ॥

భుక్తిముక్తిమహాభక్తివిరక్త్యద్వైతదాయినీ ।
నిగ్రహానుగ్రహాధ్యక్షా జ్ఞాననిర్ద్వైతదాయినీ ॥ 10 ॥

పరకాయప్రవేశాదియోగసిద్ధిప్రదాయినీ ।
శిష్టసఞ్జీవనప్రౌఢా దుష్టసంహారసిద్ధిదా ॥ 11 ॥

లీలావినిర్మితానేకకోటిబ్రహ్మాణ్డమణ్డలా ।
ఏకానేకాత్మికా నానారూపిణ్యర్ధాఙ్గనేశ్వరీ ॥ 12 ॥

శివశక్తిమయీ నిత్యశృఙ్గారైకరసప్రియా ।
తుష్టా పుష్టాఽపరిచ్ఛిన్నా నిత్యయౌవనమోహినీ ॥ 13 ॥

సమస్తదేవతారూపా సర్వదేవాధిదేవతా ।
దేవర్షిపితృసిద్ధాదియోగినీభైరవాత్మికా ॥ 14 ॥

నిధిసిద్ధిమణీముద్రా శస్త్రాస్త్రాయుధభాసురా ।
ఛత్రచామరవాదిత్రపతాకావ్యజనాఞ్చితా ॥ 15 ॥

హస్త్యశ్వరథపాదాతామాత్యసేనాసుసేవితా ।
పురోహితకులాచార్యగురుశిష్యాదిసేవితా ॥ 16 ॥

సుధాసముద్రమధ్యోద్యత్సురద్రుమనివాసినీ ।
మణిద్వీపాన్తరప్రోద్యత్కదమ్బవనవాసినీ ॥ 17 ॥

చిన్తామణిగృహాన్తఃస్థా మణిమణ్టపమధ్యగా ।
రత్నసింహాసనప్రోద్యచ్ఛివమఞ్చాధిశాయినీ ॥ 18 ॥

సదాశివమహాలిఙ్గమూలసఙ్ఘట్టయోనికా ।
అన్యోన్యాలిఙ్గసఙ్ఘర్షకణ్డూసఙ్క్షుబ్ధమానసా ॥ 19 ॥

కలోద్యద్బిన్దుకాలిన్యాతుర్యనాదపరమ్పరా ।
నాదాన్తానన్దసన్దోహస్వయంవ్యక్తవచోఽమృతా ॥ 20 ॥

కామరాజమహాతన్త్రరహస్యాచారదక్షిణా ।
మకారపఞ్చకోద్భూతప్రౌఢాన్తోల్లాససున్దరీ ॥ 21 ॥

శ్రీచక్రరాజనిలయా శ్రీవిద్యామన్త్రవిగ్రహా ।
అఖణ్డసచ్చిదానన్దశివశక్త్యైక్యరూపిణీ ॥ 22 ॥

త్రిపురా త్రిపురేశానీ మహాత్రిపురసున్దరీ ।
త్రిపురావాసరసికా త్రిపురాశ్రీస్వరూపిణీ ॥ 23 ॥

మహాపద్మవనాన్తస్థా శ్రీమత్త్రిపురమాలినీ ।
మహాత్రిపురసిద్ధామ్బా శ్రీమహాత్రిపురామ్బికా ॥ 24 ॥

నవచక్రక్రమాదేవీ మహాత్రిపురభైరవీ ।
శ్రీమాతా లలితా బాలా రాజరాజేశ్వరీ శివా ॥ 25 ॥

ఉత్పత్తిస్థితిసంహారక్రమచక్రనివాసినీ ।
అర్ధమేర్వాత్మచక్రస్థా సర్వలోకమహేశ్వరీ ॥ 26 ॥

వల్మీకపురమధ్యస్థా జమ్బూవననివాసినీ ।
అరుణాచలశృఙ్గస్థా వ్యాఘ్రాలయనివాసినీ ॥ 27 ॥

శ్రీకాలహస్తినిలయా కాశీపురనివాసినీ ।
శ్రీమత్కైలాసనిలయా ద్వాదశాన్తమహేశ్వరీ ॥ 28 ॥

శ్రీషోడశాన్తమధ్యస్థా సర్వవేదాన్తలక్షితా ।
శ్రుతిస్మృతిపురాణేతిహాసాగమకలేశ్వరీ ॥ 29 ॥

భూతభౌతికతన్మాత్రదేవతాప్రాణహృన్మయీ ।
జీవేశ్వరబ్రహ్మరూపా శ్రీగుణాఢ్యా గుణాత్మికా ॥ 30 ॥

అవస్థాత్రయనిర్ముక్తా వాగ్రమోమామహీమయీ ।
గాయత్రీభువనేశానీదుర్గాకాల్యాదిరూపిణీ ॥ 31 ॥

మత్స్యకూర్మవరాహాదినానారూపవిలాసినీ ।
మహాయోగీశ్వరారాధ్యా మహావీరవరప్రదా ॥ 32 ॥

సిద్ధేశ్వరకులారాధ్యా శ్రీమచ్చరణవైభవా ॥ 33 ॥
పునర్ధ్యానమ్
కుఙ్కుమపఙ్కసమాభా-
-మఙ్కుశపాశేక్షుకోదణ్డశరామ్ ।
పఙ్కజమధ్యనిషణ్ణాం
పఙ్కేరుహలోచనాం పరాం వన్దే ॥