ওঁ শ্রী পরমাত্মনে নমঃ
অথ ষষ্ঠোঽধ্যাযঃ
আত্মসংযমযোগঃ শ্রী ভগবানুবাচ
অনাশ্রিতঃ কর্মফলং কার্যং কর্ম করোতি যঃ ।
স সন্ন্যাসী চ যোগী চ ন নিরগ্নির্ন চাক্রিযঃ ॥1॥
স সন্ন্যাসী চ যোগী চ ন নিরগ্নির্ন চাক্রিযঃ ॥1॥
যং সন্ন্যাসমিতি প্রাহুঃ যোগং তং বিদ্ধি পাণ্ডব ।
ন হ্যসন্ন্যস্তসঙ্কল্পঃ যোগী ভবতি কশ্চন ॥2॥
ন হ্যসন্ন্যস্তসঙ্কল্পঃ যোগী ভবতি কশ্চন ॥2॥
আরুরুক্ষোর্মুনের্যোগং কর্ম কারণমুচ্যতে ।
যোগারূঢস্য তস্যৈব শমঃ কারণমুচ্যতে ॥3॥
যোগারূঢস্য তস্যৈব শমঃ কারণমুচ্যতে ॥3॥
যদা হি নেন্দ্রিযার্থেষু ন কর্মস্বনুষজ্জতে ।
সর্বসঙ্কল্পসন্ন্যাসী যোগারূঢস্তদোচ্যতে ॥4॥
সর্বসঙ্কল্পসন্ন্যাসী যোগারূঢস্তদোচ্যতে ॥4॥
উদ্ধরেদাত্মনাঽঽত্মানং নাত্মানমবসাদযেত্ ।
আত্মৈব হ্যাত্মনো বন্ধুঃ আত্মৈব রিপুরাত্মনঃ ॥5॥
আত্মৈব হ্যাত্মনো বন্ধুঃ আত্মৈব রিপুরাত্মনঃ ॥5॥
বন্ধুরাত্মাত্মনস্তস্য যেনাত্মৈবাত্মনা জিতঃ ।
অনাত্মনস্তু শত্রুত্বে বর্তেতাত্মৈব শত্রুবত্ ॥6॥
অনাত্মনস্তু শত্রুত্বে বর্তেতাত্মৈব শত্রুবত্ ॥6॥
জিতাত্মনঃ প্রশান্তস্য পরমাত্মা সমাহিতঃ ।
শীতোষ্ণসুখদুঃখেষু তথা মানাপমানযোঃ ॥7॥
শীতোষ্ণসুখদুঃখেষু তথা মানাপমানযোঃ ॥7॥
জ্ঞানবিজ্ঞানতৃপ্তাত্মা কূটস্থো বিজিতেন্দ্রিযঃ ।
যুক্ত ইত্যুচ্যতে যোগী সমলোষ্টাশ্মকাঞ্চনঃ ॥8॥
যুক্ত ইত্যুচ্যতে যোগী সমলোষ্টাশ্মকাঞ্চনঃ ॥8॥
সুহৃন্মিত্রার্যুদাসীন মধ্যস্থদ্বেষ্যবন্ধুষু ।
সাধুষ্বপি চ পাপেষু সমবুদ্ধির্বিশিষ্যতে ॥9॥
সাধুষ্বপি চ পাপেষু সমবুদ্ধির্বিশিষ্যতে ॥9॥
যোগী যুঞ্জীত সততম্ আত্মানং রহসি স্থিতঃ ।
একাকী যতচিত্তাত্মা নিরাশীরপরিগ্রহঃ ॥10॥
একাকী যতচিত্তাত্মা নিরাশীরপরিগ্রহঃ ॥10॥
শুচৌ দেশে প্রতিষ্ঠাপ্য স্থিরমাসনমাত্মনঃ ।
নাত্যুচ্ছ্রিতং নাতিনীচং চৈলাজিনকুশোত্তরম্ ॥11॥
নাত্যুচ্ছ্রিতং নাতিনীচং চৈলাজিনকুশোত্তরম্ ॥11॥
তত্রৈকাগ্রং মনঃ কৃত্বা যতচিত্তেন্দ্রিযক্রিযঃ ।
উপবিশ্যাসনে যুঞ্জ্যাত্ যোগমাত্মবিশুদ্ধযে ॥12॥
উপবিশ্যাসনে যুঞ্জ্যাত্ যোগমাত্মবিশুদ্ধযে ॥12॥
সমং কাযশিরোগ্রীবং ধারযন্নচলং স্থিরঃ ।
সম্প্রেক্ষ্য নাসিকাগ্রং স্বং দিশশ্চানবলোকযন্ ॥13॥
সম্প্রেক্ষ্য নাসিকাগ্রং স্বং দিশশ্চানবলোকযন্ ॥13॥
প্রশান্তাত্মা বিগত ভীঃ ব্রহ্মচারিব্রতে স্থিতঃ ।
মনঃ সংযম্য মচ্চিত্তঃ যুক্ত আসীত মত্পরঃ ॥14॥
মনঃ সংযম্য মচ্চিত্তঃ যুক্ত আসীত মত্পরঃ ॥14॥
যুঞ্জন্নেবং সদাঽঽত্মানং যোগী নিযতমানসঃ ।
শান্তিং নির্বাণপরমাং মত্সংস্থামধিগচ্ছতি ॥15॥
শান্তিং নির্বাণপরমাং মত্সংস্থামধিগচ্ছতি ॥15॥
নাত্যশ্নতস্তু যোগোঽস্তি ন চৈকান্তমনশ্নতঃ ।
ন চাতি স্বপ্নশীলস্য জাগ্রতো নৈব চার্জুন ॥16॥
ন চাতি স্বপ্নশীলস্য জাগ্রতো নৈব চার্জুন ॥16॥
যুক্তাহারবিহারস্য যুক্তচেষ্টস্য কর্মসু ।
যুক্তস্বপ্নাববোধস্য যোগো ভবতি দুঃখহা ॥17॥
যুক্তস্বপ্নাববোধস্য যোগো ভবতি দুঃখহা ॥17॥
যদা বিনিযতং চিত্তম্ আত্মন্যেবাবতিষ্ঠতে ।
নিস্স্পৃহঃ সর্বকামেভ্যঃ যুক্ত ইত্যুচ্যতে তদা ॥18॥
নিস্স্পৃহঃ সর্বকামেভ্যঃ যুক্ত ইত্যুচ্যতে তদা ॥18॥
যথা দীপো নিবাতস্থঃ নেঙ্গতে সোপমা স্মৃতা ।
যোগিনো যতচিত্তস্য যুঞ্জতো যোগমাত্মনঃ ॥19॥
যোগিনো যতচিত্তস্য যুঞ্জতো যোগমাত্মনঃ ॥19॥
যত্রোপরমতে চিত্তং নিরুদ্ধং যোগসেবযা ।
যত্র চৈবাত্মনাত্মানং পশ্যন্নাত্মনি তুষ্যতি ॥20॥
যত্র চৈবাত্মনাত্মানং পশ্যন্নাত্মনি তুষ্যতি ॥20॥
সুখমাত্যন্তিকং যত্তত্ বুদ্ধিগ্রাহ্যমতীন্দ্রিযম্ ।
বেত্তি যত্র ন চৈবাযং স্থিতশ্চলতি তত্ত্বতঃ ॥21॥
বেত্তি যত্র ন চৈবাযং স্থিতশ্চলতি তত্ত্বতঃ ॥21॥
যং লব্ধ্বা চাপরং লাভং মন্যতে নাধিকং ততঃ ।
যস্মিন্ স্থিতো ন দুঃখেন গুরুণাপি বিচাল্যতে ॥22॥
যস্মিন্ স্থিতো ন দুঃখেন গুরুণাপি বিচাল্যতে ॥22॥
তং বিদ্যাত্ দুঃখসংযোগ বিযোগং যোগসঞ্জ্ঞিতম্ ।
স নিশ্চযেন যোক্তব্যঃ যোগোঽনির্বিণ্ণচেতসা ॥23॥
স নিশ্চযেন যোক্তব্যঃ যোগোঽনির্বিণ্ণচেতসা ॥23॥
সঙ্কল্পপ্রভবান্কামান্ ত্যক্ত্বা সর্বানশেষতঃ ।
মনসৈবেন্দ্রিযগ্রামং বিনিযম্য সমন্ততঃ ॥24॥
মনসৈবেন্দ্রিযগ্রামং বিনিযম্য সমন্ততঃ ॥24॥
শনৈঃ শনৈরুপরমেত্ বুদ্ধ্যা ধৃতিগৃহীতযা ।
আত্মসংস্থং মনঃ কৃত্বা ন কিঞ্চিদপি চিন্তযেত্ ॥25॥
আত্মসংস্থং মনঃ কৃত্বা ন কিঞ্চিদপি চিন্তযেত্ ॥25॥
যতো যতো নিশ্চরতি মনশ্চঞ্চলমস্থিরম্ ।
ততস্ততো নিযম্যৈতত্ আত্মন্যেব বশং নযেত্ ॥26॥
ততস্ততো নিযম্যৈতত্ আত্মন্যেব বশং নযেত্ ॥26॥
প্রশান্তমনসং হ্যেনং যোগিনং সুখমুত্তমম্ ।
উপৈতি শান্তরজসং ব্রহ্মভূতমকল্মষম্ ॥27॥
উপৈতি শান্তরজসং ব্রহ্মভূতমকল্মষম্ ॥27॥
যুঞ্জন্নেবং সদাঽঽত্মানং যোগী বিগতকল্মষঃ ।
সুখেন ব্রহ্মসংস্পর্শম্ অত্যন্তং সুখমশ্নুতে ॥28॥
সুখেন ব্রহ্মসংস্পর্শম্ অত্যন্তং সুখমশ্নুতে ॥28॥
সর্বভূতস্থমাত্মানং সর্বভূতানি চাত্মনি ।
ঈক্ষতে যোগযুক্তাত্মা সর্বত্র সমদর্শনঃ ॥29॥
ঈক্ষতে যোগযুক্তাত্মা সর্বত্র সমদর্শনঃ ॥29॥
যো মাং পশ্যতি সর্বত্র সর্বং চ মযি পশ্যতি ।
তস্যাহং ন প্রণশ্যামি স চ মে ন প্রণশ্যতি ॥30॥
তস্যাহং ন প্রণশ্যামি স চ মে ন প্রণশ্যতি ॥30॥
সর্বভূতস্থিতং যো মাং ভজত্যেকত্বমাস্থিতঃ ।
সর্বথা বর্তমানোঽপি স যোগী মযি বর্ততে ॥31॥
সর্বথা বর্তমানোঽপি স যোগী মযি বর্ততে ॥31॥
আত্মৌপম্যেন সর্বত্র সমং পশ্যতি যোঽর্জুন ।
সুখং বা যদি বা দুঃখং স যোগী পরমো মতঃ ॥32॥
সুখং বা যদি বা দুঃখং স যোগী পরমো মতঃ ॥32॥
অর্জুন উবাচ
যোঽযং যোগস্ত্বযা প্রোক্তঃ সাম্যেন মধুসূদন ।
এতস্যাহং ন পশ্যামি চঞ্চলত্বাত্স্থিতিং স্থিরাম্ ॥33॥
এতস্যাহং ন পশ্যামি চঞ্চলত্বাত্স্থিতিং স্থিরাম্ ॥33॥
চঞ্চলং হি মনঃ কৃষ্ণ প্রমাথি বলবদ্দৃঢম্ ।
তস্যাহং নিগ্রহং মন্যে বাযোরিব সুদুষ্করম্ ॥34॥
তস্যাহং নিগ্রহং মন্যে বাযোরিব সুদুষ্করম্ ॥34॥
শ্রী ভগবানুবাচ
অসংশযং মহাবাহো মনো দুর্নিগ্রহং চলম্ ।
অভ্যাসেন তু কৌন্তেয বৈরাগ্যেণ চ গৃহ্যতে ॥35॥
অভ্যাসেন তু কৌন্তেয বৈরাগ্যেণ চ গৃহ্যতে ॥35॥
অসংযতাত্মনা যোগঃ দুষ্প্রাপ ইতি মে মতিঃ ।
বশ্যাত্মনা তু যততা শক্যোঽবাপ্তুমুপাযতঃ ॥36॥
বশ্যাত্মনা তু যততা শক্যোঽবাপ্তুমুপাযতঃ ॥36॥
অর্জুন উবাচ
অযতিঃ শ্রদ্ধযোপেতঃ যোগাচ্চলিতমানসঃ ।
অপ্রাপ্য যোগসংসিদ্ধিং কাং গতিং কৃষ্ণ গচ্ছতি ॥37॥
অপ্রাপ্য যোগসংসিদ্ধিং কাং গতিং কৃষ্ণ গচ্ছতি ॥37॥
কচ্চিন্নোভযবিভ্রষ্টঃ ছিন্নাভ্রমিব নশ্যতি ।
অপ্রতিষ্ঠো মহাবাহো বিমূঢো ব্রহ্মণঃ পথি ॥38॥
অপ্রতিষ্ঠো মহাবাহো বিমূঢো ব্রহ্মণঃ পথি ॥38॥
এতন্মে সংশযং কৃষ্ণ ছেত্তুমর্হস্যশেষতঃ ।
ত্বদন্যঃ সংশযস্যাস্য ছেত্তা ন হ্যুপপদ্যতে ॥39॥
ত্বদন্যঃ সংশযস্যাস্য ছেত্তা ন হ্যুপপদ্যতে ॥39॥
শ্রী ভগবানুবাচ
পার্থ নৈবেহ নামুত্র বিনাশস্তস্য বিদ্যতে ।
ন হি কল্যাণকৃত্কশ্চিত্ দুর্গতিং তাত গচ্ছতি ॥40॥
ন হি কল্যাণকৃত্কশ্চিত্ দুর্গতিং তাত গচ্ছতি ॥40॥
প্রাপ্য পুণ্যকৃতাং লোকান্ উষিত্বা শাশ্বতীঃ সমাঃ ।
শুচীনাং শ্রীমতাং গেহে যোগভ্রষ্টোঽভিজাযতে ॥41॥
শুচীনাং শ্রীমতাং গেহে যোগভ্রষ্টোঽভিজাযতে ॥41॥
অথবা যোগিনামেব কুলে ভবতি ধীমতাম্ ।
এতদ্ধি দুর্লভতরং লোকে জন্ম যদীদৃশম্ ॥42॥
এতদ্ধি দুর্লভতরং লোকে জন্ম যদীদৃশম্ ॥42॥
তত্র তং বুদ্ধিসংযোগং লভতে পৌর্বদেহিকম্ ।
যততে চ ততো ভূযঃ সংসিদ্ধৌ কুরুনন্দন ॥43॥
যততে চ ততো ভূযঃ সংসিদ্ধৌ কুরুনন্দন ॥43॥
পূর্বাভ্যাসেন তেনৈব হ্রিযতে হ্যবশোঽপি সঃ ।
জিজ্ঞাসুরপি যোগস্য শব্দব্রহ্মাতিবর্ততে ॥44॥
জিজ্ঞাসুরপি যোগস্য শব্দব্রহ্মাতিবর্ততে ॥44॥
প্রযত্নাদ্যতমানস্তু যোগী সংশুদ্ধকিল্বিষঃ ।
অনেকজন্মসংসিদ্ধঃ ততো যাতি পরাং গতিম্ ॥45॥
অনেকজন্মসংসিদ্ধঃ ততো যাতি পরাং গতিম্ ॥45॥
তপস্বিভ্যোঽধিকো যোগী জ্ঞানিভ্যোঽপি মতোঽধিকঃ ।
কর্মিভ্যশ্চাধিকো যোগী তস্মাদ্যোগী ভবার্জুন ॥46॥
কর্মিভ্যশ্চাধিকো যোগী তস্মাদ্যোগী ভবার্জুন ॥46॥
যোগিনামপি সর্বেষাং মদ্গতেনান্তরাত্মনা ।
শ্রদ্ধাবান্ভজতে যো মাং স মে যুক্ততমো মতঃ ॥47॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে আত্মসংযমযোগো নাম ষষ্ঠোঽধ্যাযঃ 09
শ্রদ্ধাবান্ভজতে যো মাং স মে যুক্ততমো মতঃ ॥47॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে আত্মসংযমযোগো নাম ষষ্ঠোঽধ্যাযঃ 09