ওঁ শ্রী পরমাত্মনে নমঃ
অথ চতুর্দশোঽধ্যাযঃ
গুণত্রযবিভাগযোগঃ শ্রী ভগবানুবাচ
পরং ভূযঃ প্রবক্ষ্যামি জ্ঞানানাং জ্ঞানমুত্তমম্ ।
যজ্জ্ঞাত্বা মুনযঃ সর্বে পরাং সিদ্ধিমিতো গতাঃ ॥1॥
যজ্জ্ঞাত্বা মুনযঃ সর্বে পরাং সিদ্ধিমিতো গতাঃ ॥1॥
ইদং জ্ঞানমুপাশ্রিত্য মম সাধর্ম্যমাগতাঃ ।
সর্গেঽপি নোপজাযন্তে প্রলযে ন ব্যথন্তি চ ॥2॥
সর্গেঽপি নোপজাযন্তে প্রলযে ন ব্যথন্তি চ ॥2॥
মম যোনির্মহদ্ব্রহ্ম তস্মিন্গর্ভং দধাম্যহম্ ।
সম্ভবঃ সর্বভূতানাং ততো ভবতি ভারত ॥3॥
সম্ভবঃ সর্বভূতানাং ততো ভবতি ভারত ॥3॥
সর্বযোনিষু কৌন্তেয মূর্তযঃ সম্ভবন্তি যাঃ ।
তাসাং ব্রহ্ম মহদ্যোনিঃ অহং বীজপ্রদঃ পিতা ॥4॥
তাসাং ব্রহ্ম মহদ্যোনিঃ অহং বীজপ্রদঃ পিতা ॥4॥
সত্ত্বং রজস্তম ইতি গুণাঃ প্রকৃতিসম্ভবাঃ ।
নিবধ্নন্তি মহাবাহো দেহে দেহিনমব্যযম্ ॥5॥
নিবধ্নন্তি মহাবাহো দেহে দেহিনমব্যযম্ ॥5॥
তত্র সত্ত্বং নির্মলত্বাত্ প্রকাশকমনামযম্ ।
সুখসঙ্গেন বধ্নাতি জ্ঞানসঙ্গেন চানঘ ॥6॥
সুখসঙ্গেন বধ্নাতি জ্ঞানসঙ্গেন চানঘ ॥6॥
রজো রাগাত্মকং বিদ্ধি তৃষ্ণাসঙ্গসমুদ্ভবম্ ।
তন্নিবধ্নাতি কৌন্তেয কর্মসঙ্গেন দেহিনম্ ॥7॥
তন্নিবধ্নাতি কৌন্তেয কর্মসঙ্গেন দেহিনম্ ॥7॥
তমস্ত্বজ্ঞানজং বিদ্ধি মোহনং সর্বদেহিনাম্ ।
প্রমাদালস্যনিদ্রাভিঃ তন্নিবধ্নাতি ভারত ॥8॥
প্রমাদালস্যনিদ্রাভিঃ তন্নিবধ্নাতি ভারত ॥8॥
সত্ত্বং সুখে সঞ্জযতি রজঃ কর্মণি ভারত ।
জ্ঞানমাবৃত্য তু তমঃ প্রমাদে সঞ্জযত্যুত ॥9॥
জ্ঞানমাবৃত্য তু তমঃ প্রমাদে সঞ্জযত্যুত ॥9॥
রজস্তমশ্চাভিভূয সত্ত্বং ভবতি ভারত ।
রজঃ সত্ত্বং তমশ্চৈব তমঃ সত্ত্বং রজস্তথা ॥10॥
রজঃ সত্ত্বং তমশ্চৈব তমঃ সত্ত্বং রজস্তথা ॥10॥
সর্বদ্বারেষু দেহেঽস্মিন্ প্রকাশ উপজাযতে ।
জ্ঞানং যদা তদা বিদ্যাত্ বিবৃদ্ধং সত্ত্বমিত্যুত ॥11॥
জ্ঞানং যদা তদা বিদ্যাত্ বিবৃদ্ধং সত্ত্বমিত্যুত ॥11॥
লোভঃ প্রবৃত্তিরারম্ভঃ কর্মণামশমঃ স্পৃহা ।
রজস্যেতানি জাযন্তে বিবৃদ্ধে ভরতর্ষভ ॥12॥
রজস্যেতানি জাযন্তে বিবৃদ্ধে ভরতর্ষভ ॥12॥
অপ্রকাশোঽপ্রবৃত্তিশ্চ প্রমাদো মোহ এব চ ।
তমস্যেতানি জাযন্তে বিবৃদ্ধে কুরুনন্দন ॥13॥
তমস্যেতানি জাযন্তে বিবৃদ্ধে কুরুনন্দন ॥13॥
যদা সত্ত্বে প্রবৃদ্ধে তু প্রলযং যাতি দেহভৃত্ ।
তদোত্তমবিদাং লোকান্ অমলান্প্রতিপদ্যতে ॥14॥
তদোত্তমবিদাং লোকান্ অমলান্প্রতিপদ্যতে ॥14॥
রজসি প্রলযং গত্বা কর্মসঙ্গিষু জাযতে ।
তথা প্রলীনস্তমসি মূঢযোনিষু জাযতে ॥15॥
তথা প্রলীনস্তমসি মূঢযোনিষু জাযতে ॥15॥
কর্মণঃ সুকৃতস্যাহুঃ সাত্ত্বিকং নির্মলং ফলম্ ।
রজসস্তু ফলং দুঃখম্ অজ্ঞানং তমসঃ ফলম্ ॥16॥
রজসস্তু ফলং দুঃখম্ অজ্ঞানং তমসঃ ফলম্ ॥16॥
সত্ত্বাত্সঞ্জাযতে জ্ঞানং রজসো লোভ এব চ ।
প্রমাদমোহৌ তমসঃ ভবতোঽজ্ঞানমেব চ ॥17॥
প্রমাদমোহৌ তমসঃ ভবতোঽজ্ঞানমেব চ ॥17॥
ঊর্ধ্বং গচ্ছন্তি সত্ত্বস্থাঃ মধ্যে তিষ্ঠন্তি রাজসাঃ ।
জঘন্যগুণবৃত্তিস্থাঃ অধো গচ্ছন্তি তামসাঃ ॥18॥
জঘন্যগুণবৃত্তিস্থাঃ অধো গচ্ছন্তি তামসাঃ ॥18॥
নান্যং গুণেভ্যঃ কর্তারং যদা দ্রষ্টাঽনুপশ্যতি ।
গুণেভ্যশ্চ পরং বেত্তি মদ্ভাবং সোঽধিগচ্ছতি ॥19॥
গুণেভ্যশ্চ পরং বেত্তি মদ্ভাবং সোঽধিগচ্ছতি ॥19॥
গুণানেতানতীত্য ত্রীন্ দেহী দেহসমুদ্ভবান্ ।
জন্মমৃত্যুজরাদুঃখৈঃ বিমুক্তোঽমৃতমশ্নুতে ॥20॥
জন্মমৃত্যুজরাদুঃখৈঃ বিমুক্তোঽমৃতমশ্নুতে ॥20॥
অর্জুন উবাচ
কৈর্লিঙ্গৈস্ত্রীন্গুণানেতান্ অতীতো ভবতি প্রভো ।
কিমাচারঃ কথং চৈতান্ ত্রীন্গুণানতিবর্ততে ॥21॥
কিমাচারঃ কথং চৈতান্ ত্রীন্গুণানতিবর্ততে ॥21॥
শ্রী ভগবানুবাচ
প্রকাশং চ প্রবৃত্তিং চ মোহমেব চ পাণ্ডব ।
ন দ্বেষ্টি সম্প্রবৃত্তানি ন নিবৃত্তানি কাঙ্ক্ষতি ॥22॥
ন দ্বেষ্টি সম্প্রবৃত্তানি ন নিবৃত্তানি কাঙ্ক্ষতি ॥22॥
উদাসীনবদাসীনঃ গুণৈর্যো ন বিচাল্যতে ।
গুণা বর্তন্ত ইত্যেব যোঽবতিষ্ঠতি নেঙ্গতে ॥23॥
গুণা বর্তন্ত ইত্যেব যোঽবতিষ্ঠতি নেঙ্গতে ॥23॥
সমদুঃখসুখঃ স্বস্থঃ সমলোষ্টাশ্মকাঞ্চনঃ ।
তুল্যপ্রিযাপ্রিযো ধীরঃ তুল্যনিন্দাত্মসংস্তুতিঃ ॥24॥
তুল্যপ্রিযাপ্রিযো ধীরঃ তুল্যনিন্দাত্মসংস্তুতিঃ ॥24॥
মানাপমানযোস্তুল্যঃ তুল্যো মিত্রারিপক্ষযোঃ ।
সর্বারম্ভপরিত্যাগী গুণাতীতঃ স উচ্যতে ॥25॥
সর্বারম্ভপরিত্যাগী গুণাতীতঃ স উচ্যতে ॥25॥
মাং চ যোঽব্যভিচারেণ ভক্তিযোগেন সেবতে ।
স গুণান্সমতীত্যৈতান্ ব্রহ্মভূযায কল্পতে ॥26॥
স গুণান্সমতীত্যৈতান্ ব্রহ্মভূযায কল্পতে ॥26॥
ব্রহ্মণো হি প্রতিষ্ঠাঽহম্ অমৃতস্যাব্যযস্য চ ।
শাশ্বতস্য চ ধর্মস্য সুখস্যৈকান্তিকস্য চ ॥27॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে গুণত্রযবিভাগযোগো চতুর্দশোঽধ্যাযঃ ॥
শাশ্বতস্য চ ধর্মস্য সুখস্যৈকান্তিকস্য চ ॥27॥
॥ ওঁ তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে গুণত্রযবিভাগযোগো চতুর্দশোঽধ্যাযঃ ॥