അഷ്ടാവക്ര ഗീതാ സപ്തമോഽധ്യായഃ

മയ്യനന്തമഹാമ്ഭോധൌ വിശ്വപോത ഇതസ്തതഃ ।

ഭ്രമതി സ്വാന്തവാതേന ന മമാസ്ത്യസഹിഷ്ണുതാ ॥ 7-1॥
മയ്യനന്തമഹാമ്ഭോധൌ ജഗദ്വീചിഃ സ്വഭാവതഃ ।

ഉദേതു വാസ്തമായാതു ന മേ വൃദ്ധിര്ന ച ക്ഷതിഃ ॥ 7-2॥
മയ്യനന്തമഹാമ്ഭോധൌ വിശ്വം നാമ വികല്പനാ ।

അതിശാന്തോ നിരാകാര ഏതദേവാഹമാസ്ഥിതഃ ॥ 7-3॥
നാത്മാ ഭാവേഷു നോ ഭാവസ്തത്രാനന്തേ നിരഞ്ജനേ ।

ഇത്യസക്തോഽസ്പൃഹഃ ശാന്ത ഏതദേവാഹമാസ്ഥിതഃ ॥ 7-4॥
അഹോ ചിന്മാത്രമേവാഹമിന്ദ്രജാലോപമം ജഗത് ।