অষ্টাবক্র গীতা চতুর্দশোঽধ্যাযঃ

প্রকৃত্যা শূন্যচিত্তো যঃ প্রমাদাদ্ ভাবভাবনঃ ।

নিদ্রিতো বোধিত ইব ক্ষীণসংস্মরণো হি সঃ ॥ 14-1॥
ক্ব ধনানি ক্ব মিত্রাণি ক্ব মে বিষযদস্যবঃ ।

ক্ব শাস্ত্রং ক্ব চ বিজ্ঞানং যদা মে গলিতা স্পৃহা ॥ 14-2॥
বিজ্ঞাতে সাক্ষিপুরুষে পরমাত্মনি চেশ্বরে ।

নৈরাশ্যে বন্ধমোক্ষে চ ন চিন্তা মুক্তযে মম ॥ 14-3॥
অন্তর্বিকল্পশূন্যস্য বহিঃ স্বচ্ছন্দচারিণঃ ।

ভ্রান্তস্যেব দশাস্তাস্তাস্তাদৃশা এব জানতে ॥ 14-4॥