അര്ജുന ഉവാച ।
നമസ്തേ സിദ്ധസേനാനി ആര്യേ മന്ദരവാസിനി ।
കുമാരി കാലി കാപാലി കപിലേ കൃഷ്ണപിങ്ഗലേ ॥ 1 ॥
കുമാരി കാലി കാപാലി കപിലേ കൃഷ്ണപിങ്ഗലേ ॥ 1 ॥
ഭദ്രകാലി നമസ്തുഭ്യം മഹാകാലി നമോഽസ്തു തേ ।
ചണ്ഡി ചണ്ഡേ നമസ്തുഭ്യം താരിണി വരവര്ണിനി ॥ 2 ॥
ചണ്ഡി ചണ്ഡേ നമസ്തുഭ്യം താരിണി വരവര്ണിനി ॥ 2 ॥
കാത്യായനി മഹാഭാഗേ കരാലി വിജയേ ജയേ ।
ശിഖിപിഞ്ഛധ്വജധരേ നാനാഭരണഭൂഷിതേ ॥ 3 ॥
ശിഖിപിഞ്ഛധ്വജധരേ നാനാഭരണഭൂഷിതേ ॥ 3 ॥
അട്ടശൂലപ്രഹരണേ ഖഡ്ഗഖേടകധാരിണി ।
ഗോപേന്ദ്രസ്യാനുജേ ജ്യേഷ്ഠേ നന്ദഗോപകുലോദ്ഭവേ ॥ 4 ॥
ഗോപേന്ദ്രസ്യാനുജേ ജ്യേഷ്ഠേ നന്ദഗോപകുലോദ്ഭവേ ॥ 4 ॥
മഹിഷാസൃക്പ്രിയേ നിത്യം കൌശികി പീതവാസിനി ।
അട്ടഹാസേ കോകമുഖേ നമസ്തേഽസ്തു രണപ്രിയേ ॥ 5 ॥
അട്ടഹാസേ കോകമുഖേ നമസ്തേഽസ്തു രണപ്രിയേ ॥ 5 ॥
ഉമേ ശാകമ്ഭരി ശ്വേതേ കൃഷ്ണേ കൈടഭനാശിനി ।
ഹിരണ്യാക്ഷി വിരൂപാക്ഷി സുധൂമ്രാക്ഷി നമോഽസ്തു തേ ॥ 6 ॥
ഹിരണ്യാക്ഷി വിരൂപാക്ഷി സുധൂമ്രാക്ഷി നമോഽസ്തു തേ ॥ 6 ॥
വേദശ്രുതിമഹാപുണ്യേ ബ്രഹ്മണ്യേ ജാതവേദസി ।
ജമ്ബൂകടകചൈത്യേഷു നിത്യം സന്നിഹിതാലയേ ॥ 7 ॥
ജമ്ബൂകടകചൈത്യേഷു നിത്യം സന്നിഹിതാലയേ ॥ 7 ॥
ത്വം ബ്രഹ്മവിദ്യാ വിദ്യാനാം മഹാനിദ്രാ ച ദേഹിനാമ് ।
സ്കന്ദമാതര്ഭഗവതി ദുര്ഗേ കാന്താരവാസിനി ॥ 8 ॥
സ്കന്ദമാതര്ഭഗവതി ദുര്ഗേ കാന്താരവാസിനി ॥ 8 ॥
സ്വാഹാകാരഃ സ്വധാ ചൈവ കലാ കാഷ്ഠാ സരസ്വതീ ।
സാവിത്രീ വേദമാതാ ച തഥാ വേദാന്ത ഉച്യതേ ॥ 9 ॥
സാവിത്രീ വേദമാതാ ച തഥാ വേദാന്ത ഉച്യതേ ॥ 9 ॥
കാന്താരഭയദുര്ഗേഷു ഭക്താനാം ചാലയേഷു ച ।
നിത്യം വസസി പാതാലേ യുദ്ധേ ജയസി ദാനവാന് ॥ 10 ॥
നിത്യം വസസി പാതാലേ യുദ്ധേ ജയസി ദാനവാന് ॥ 10 ॥
ത്വം ജമ്ഭനീ മോഹിനീ ച മായാ ഹ്രീഃ ശ്രീസ്തഥൈവ ച ।
സന്ധ്യാ പ്രഭാവതീ ചൈവ സാവിത്രീ ജനനീ തഥാ ॥ 11 ॥
സന്ധ്യാ പ്രഭാവതീ ചൈവ സാവിത്രീ ജനനീ തഥാ ॥ 11 ॥
തുഷ്ടിഃ പുഷ്ടിര്ധൃതിര്ദീപ്തിശ്ചന്ദ്രാദിത്യവിവര്ധിനീ ।
ഭൂതിര്ഭൂതിമതാം സങ്ഖ്യേ വീക്ഷ്യസേ സിദ്ധചാരണൈഃ ॥ 12 ॥
ഭൂതിര്ഭൂതിമതാം സങ്ഖ്യേ വീക്ഷ്യസേ സിദ്ധചാരണൈഃ ॥ 12 ॥
സ്തുതാസി ത്വം മഹാദേവി വിശുദ്ധേനാന്തരാത്മനാ ।
ജയോ ഭവതു മേ നിത്യം ത്വത്പ്രസാദാദ്രണാജിരേ ॥ 13 ॥
ജയോ ഭവതു മേ നിത്യം ത്വത്പ്രസാദാദ്രണാജിരേ ॥ 13 ॥
ഇതി ശ്രീമന്മഹാഭാരതേ ഭീഷ്മപര്വണി ത്രയോവിംശോഽധ്യായേ അര്ജുന കൃത ശ്രീ ദുര്ഗാ സ്തോത്രമ് ।